श्रीमद्वाल्मीकीय रामायणे युद्धकांडम् ।
अथ पंचत्रिंशस्सर्गः ।
तेनशंखविमिश्रेणभेरीशब्देनराघवः ।
उपयातिमहाबाहूरामःपरपुरंजयः ॥ 1 ॥
तंनिनादंनिशम्याथरावणोराक्षसेश्वरः ।
मुहूर्तंध्यानमास्थायसचिवानभ्युदैक्षत ॥ 2 ॥
अथतान्सचिवांस्तत्रसर्वानाभाष्यरावणः ।
सभांसन्नादयन् सर्वामित्युवाचमहाबलः ॥ 3 ॥
जगत्संतापन्क्रूरोगर्हयन्राक्षसेश्वरः ।
तरणंसागरस्यापिविक्रमंबलसंजियम् ॥ 4 ॥
यदुक्तवंतोरामस्यभवंतस्तन्मयाश्रुतम् ।
भवतश्चाप्यहंवेमदियुद्धेसत्यपराक्रमान् ॥ 5 ॥
तूषिकानीक्षतोऽन्योन्यंविदित्वारामविक्रमम् ।
ततस्तुसुमहाप्राज्ञोमाल्यवान्नामराक्षसः ॥ 6 ॥
रावणस्यवचश्श्रुत्वामातुःपैतामहोऽब्रवीत् ।
विद्यास्वभिविनीतोयोराजाराजन्नयानुगः ॥ 7 ॥
सशास्तिचिरमैश्वर्यमरींश्चकुरुतेवशे ।
संदधानोहिकालेनविगृह्णंश्चारिभिस्सह ॥ 8 ॥
स्वपक्षवर्थनंकुर्वन्महदैश्वर्यमश्नुते ।
हीयमानेनकर्तव्योराज्ञासंधिस्समेवच ॥ 9 ॥
नशत्रुमवमन्येतज्यायान्कुर्वीतविग्रहम् ।
तन्मह्यंरोचतेसंधिस्सहरामेणरावण ॥ 10 ॥
यदर्थमभियुक्ताः स्मसीतातस्मैप्रदीयताम् ।
यस्यदेवर्षयस्सर्वेगंधर्वाश्चजयैषिणः ॥ 11 ॥
विरोथंमागमस्तेनसंधिस्तेतेनरोचताम् ।
असृजद्भगवान्पक्षौद्वावेनहिपितामहः ॥ 12 ॥
सुराणामसुराणांचधर्माधर्मौतदाश्रयौ ।
धर्मोहिश्रूयतेपक्षीह्यमराणांमहात्मनाम् ॥ 13 ॥
अधर्मोरक्षसांपक्षोह्यसुराणांचराक्षस ।
धर्मोवैग्रसतेऽधर्मंततःकृतमभूद्युगम् ॥ 14 ॥
अधर्मोग्रसतेधर्मंततस्तिष्यःप्रवर्तते ।
तत्त्वयाचरयालोकांधर्मोपिविनिहतोमहान् ॥ 15 ॥
अधर्मःप्रगृहीतश्चतेनास्मद्बलिनःपरे ।
सप्रमादावदिवृद्धस्तेऽधर्मोहिग्रसतेहिनः ॥ 16 ॥
विवर्थयतिपक्षंचसुराणांसुरभावनः ।
विषयेषुप्रसक्तेनयत्किंचित्कारणात्वया ॥ 17 ॥
ऱ्षीणां अग्नि कल्पानां उद्वेगो जनितो महान् ।
तेषां प्रभावो दुर्धर्षः प्रदीप्त;इव पावकः ॥ 18 ॥
तपसाभावितात्मानोधर्मस्यानुग्रहेरताः ।
मुख्यर्यज्ञैर्यजंत्येतेनित्यंतैस्सैर्द्विजातयः ॥ 19 ॥
जुह्वत्यनगींश्चविधिवद्वेदांश्चोच्चैरधीयते ।
अभिभूयचरक्षांसिब्रह्मघोषानुदैरयन् ॥ 20 ॥
दिशोऽपिविद्रुतास्सर्वेस्तनयित्नुरिवोष्णगे ।
ऋषीणामग्निकल्पानामग्निहोत्रासमुत्थितः ॥ 21 ॥
अदत्तेरक्षसांतेजोधूमोव्याप्यदिशोदश ।
तेषुतेषुचदेशेषुपुण्येष्वेवदृढव्रतैः ॥ 22 ॥
चर्यमाणंतपस्तीव्रंसंतापयतिराक्षसान् ।
देवदानवयक्षेभ्योगृहीतश्चवरस्त्वया ॥ 23 ॥
मनुष्या वानरा ऋक्षा गोलांगूला महाबलाः ।
बलवंत इहागम्य गर्जंति दृढविक्रमाः ॥ 24 ॥
उत्पातान्विविधांदृष्टवाघोरन्बहुविधांस्तथा ।
विनाशमनुपश्यामिसर्वेषांरक्षसामहम् ॥ 25 ॥
खराभिसंतिताघोरामेघाःप्रतिभयंकराः ।
शोणितेनाभिवर्षंतिलंकामुष्णेनसर्वतः ॥ 26 ॥
रुदतांवाहनानांचप्रपवंत्यौस्रबिंदवः ।
ध्वजाध्वस्ताविवर्णाश्चनप्रभांतियथापुरम् ॥ 27 ॥
व्याला गोमायवो ग्R इध्रा वाशंति च सुभैरवम् ।
प्रविश्य लन्कां अनिशं समवायांसः च कुर्वते ॥ 28 ॥
कालिकाः पांडुरैर् दंतैः प्रहसंत्य् अग्रतः स्थिताः ।
स्त्रियः स्वप्नेषु मुष्णंत्यो गृहाणि प्रतिभाष्य च ॥ 29 ॥
गृहाणांबलिकर्माणिश्वानःपर्युपभुंजते ।
खरागोषुप्रजायंतेमूषकानकुलैस्सह ॥ 30 ॥
मार्जाराद्वीपिभिस्सार्थंसूकराश्शुनकैस्सह ।
किन्नराराक्षसैश्चापिसमीयुर्मानुषैस्सह ॥ 31 ॥
पांडुरारक्तपादाश्चविहंगाःकालचोदिताः ।
राक्षसानांविनाशायकपोताविचरंतिच ॥ 32 ॥
वीचीकूचीतिवाश्य्नत्यश्शारिकावेश्मसुस्थिताः ।
पतंतिग्रथिताश्चापिनिर्जिताःकलहैषिणः ॥ 33 ॥
पक्षिणश्च मृगाः सर्वे प्रत्यादित्यं रुदंति ते ।
करालो विकटो मुंडः पुरुषः कृष्ण पिन्गलः ॥ 34 ॥
कालोगृहाणिसर्वेषांकालेकालेऽन्ववेक्षते ।
एतान्यन्यानिदुष्टानिनिमित्तान्युत्पतंतिच ॥ 35 ॥
विष्णुंमन्यामहेरामंमानुषंरूपमास्थितम् ।
नहिमानुषमात्रोऽसौराघवोदृढविक्रमः ॥ 36 ॥
येनबद्धःसमुद्रेचसेतुःसपरमाद्भुतः ।
कुरुष्वनरराजेनसधनिंरामेणरावण ॥ 37 ॥
ज्ञात्वावधार्यकर्माणिक्रियतामायतिक्षमम् ।
इदंवचस्तत्रनिशम्यमाल्यवान्परीक्ष्यरक्षोधिपतेर्मनःपुनः ।
अनुत्तमेषूत्तमपौरुषोबलीबभूवतूष्णींसमवेक्ष्यरावणम् ॥ 38 ॥
इत्यार्षे श्रीमद्रामायणे वाल्मीकीय आदिकाव्ये युद्धकांडे पंचत्रिंशस्सर्गः ॥
