శ్రీమద్వాల్మీకీయ రామాయణే యుద్ధకాండమ్ ।
అథ పంచత్రింశస్సర్గః ।
తేనశంఖవిమిశ్రేణభేరీశబ్దేనరాఘవః ।
ఉపయాతిమహాబాహూరామఃపరపురంజయః ॥ 1 ॥
తంనినాదంనిశమ్యాథరావణోరాక్షసేశ్వరః ।
ముహూర్తంధ్యానమాస్థాయసచివానభ్యుదైక్షత ॥ 2 ॥
అథతాన్సచివాంస్తత్రసర్వానాభాష్యరావణః ।
సభాంసన్నాదయన్ సర్వామిత్యువాచమహాబలః ॥ 3 ॥
జగత్సంతాపన్క్రూరోగర్హయన్రాక్షసేశ్వరః ।
తరణంసాగరస్యాపివిక్రమంబలసంజియమ్ ॥ 4 ॥
యదుక్తవంతోరామస్యభవంతస్తన్మయాశ్రుతమ్ ।
భవతశ్చాప్యహంవేమదియుద్ధేసత్యపరాక్రమాన్ ॥ 5 ॥
తూషికానీక్షతోఽన్యోన్యంవిదిత్వారామవిక్రమమ్ ।
తతస్తుసుమహాప్రాజ్ఞోమాల్యవాన్నామరాక్షసః ॥ 6 ॥
రావణస్యవచశ్శ్రుత్వామాతుఃపైతామహోఽబ్రవీత్ ।
విద్యాస్వభివినీతోయోరాజారాజన్నయానుగః ॥ 7 ॥
సశాస్తిచిరమైశ్వర్యమరీంశ్చకురుతేవశే ।
సందధానోహికాలేనవిగృహ్ణంశ్చారిభిస్సహ ॥ 8 ॥
స్వపక్షవర్థనంకుర్వన్మహదైశ్వర్యమశ్నుతే ।
హీయమానేనకర్తవ్యోరాజ్ఞాసంధిస్సమేవచ ॥ 9 ॥
నశత్రుమవమన్యేతజ్యాయాన్కుర్వీతవిగ్రహమ్ ।
తన్మహ్యంరోచతేసంధిస్సహరామేణరావణ ॥ 10 ॥
యదర్థమభియుక్తాః స్మసీతాతస్మైప్రదీయతామ్ ।
యస్యదేవర్షయస్సర్వేగంధర్వాశ్చజయైషిణః ॥ 11 ॥
విరోథంమాగమస్తేనసంధిస్తేతేనరోచతామ్ ।
అసృజద్భగవాన్పక్షౌద్వావేనహిపితామహః ॥ 12 ॥
సురాణామసురాణాంచధర్మాధర్మౌతదాశ్రయౌ ।
ధర్మోహిశ్రూయతేపక్షీహ్యమరాణాంమహాత్మనామ్ ॥ 13 ॥
అధర్మోరక్షసాంపక్షోహ్యసురాణాంచరాక్షస ।
ధర్మోవైగ్రసతేఽధర్మంతతఃకృతమభూద్యుగమ్ ॥ 14 ॥
అధర్మోగ్రసతేధర్మంతతస్తిష్యఃప్రవర్తతే ।
తత్త్వయాచరయాలోకాంధర్మోపివినిహతోమహాన్ ॥ 15 ॥
అధర్మఃప్రగృహీతశ్చతేనాస్మద్బలినఃపరే ।
సప్రమాదావదివృద్ధస్తేఽధర్మోహిగ్రసతేహినః ॥ 16 ॥
వివర్థయతిపక్షంచసురాణాంసురభావనః ।
విషయేషుప్రసక్తేనయత్కించిత్కారణాత్వయా ॥ 17 ॥
ఱ్షీణాం అగ్ని కల్పానాం ఉద్వేగో జనితో మహాన్ ।
తేషాం ప్రభావో దుర్ధర్షః ప్రదీప్త;ఇవ పావకః ॥ 18 ॥
తపసాభావితాత్మానోధర్మస్యానుగ్రహేరతాః ।
ముఖ్యర్యజ్ఞైర్యజంత్యేతేనిత్యంతైస్సైర్ద్విజాతయః ॥ 19 ॥
జుహ్వత్యనగీంశ్చవిధివద్వేదాంశ్చోచ్చైరధీయతే ।
అభిభూయచరక్షాంసిబ్రహ్మఘోషానుదైరయన్ ॥ 20 ॥
దిశోఽపివిద్రుతాస్సర్వేస్తనయిత్నురివోష్ణగే ।
ఋషీణామగ్నికల్పానామగ్నిహోత్రాసముత్థితః ॥ 21 ॥
అదత్తేరక్షసాంతేజోధూమోవ్యాప్యదిశోదశ ।
తేషుతేషుచదేశేషుపుణ్యేష్వేవదృఢవ్రతైః ॥ 22 ॥
చర్యమాణంతపస్తీవ్రంసంతాపయతిరాక్షసాన్ ।
దేవదానవయక్షేభ్యోగృహీతశ్చవరస్త్వయా ॥ 23 ॥
మనుష్యా వానరా ఋక్షా గోలాంగూలా మహాబలాః ।
బలవంత ఇహాగమ్య గర్జంతి దృఢవిక్రమాః ॥ 24 ॥
ఉత్పాతాన్వివిధాందృష్టవాఘోరన్బహువిధాంస్తథా ।
వినాశమనుపశ్యామిసర్వేషాంరక్షసామహమ్ ॥ 25 ॥
ఖరాభిసంతితాఘోరామేఘాఃప్రతిభయంకరాః ।
శోణితేనాభివర్షంతిలంకాముష్ణేనసర్వతః ॥ 26 ॥
రుదతాంవాహనానాంచప్రపవంత్యౌస్రబిందవః ।
ధ్వజాధ్వస్తావివర్ణాశ్చనప్రభాంతియథాపురమ్ ॥ 27 ॥
వ్యాలా గోమాయవో గ్R ఇధ్రా వాశంతి చ సుభైరవమ్ ।
ప్రవిశ్య లన్కాం అనిశం సమవాయాంసః చ కుర్వతే ॥ 28 ॥
కాలికాః పాండురైర్ దంతైః ప్రహసంత్య్ అగ్రతః స్థితాః ।
స్త్రియః స్వప్నేషు ముష్ణంత్యో గృహాణి ప్రతిభాష్య చ ॥ 29 ॥
గృహాణాంబలికర్మాణిశ్వానఃపర్యుపభుంజతే ।
ఖరాగోషుప్రజాయంతేమూషకానకులైస్సహ ॥ 30 ॥
మార్జారాద్వీపిభిస్సార్థంసూకరాశ్శునకైస్సహ ।
కిన్నరారాక్షసైశ్చాపిసమీయుర్మానుషైస్సహ ॥ 31 ॥
పాండురారక్తపాదాశ్చవిహంగాఃకాలచోదితాః ।
రాక్షసానాంవినాశాయకపోతావిచరంతిచ ॥ 32 ॥
వీచీకూచీతివాశ్య్నత్యశ్శారికావేశ్మసుస్థితాః ।
పతంతిగ్రథితాశ్చాపినిర్జితాఃకలహైషిణః ॥ 33 ॥
పక్షిణశ్చ మృగాః సర్వే ప్రత్యాదిత్యం రుదంతి తే ।
కరాలో వికటో ముండః పురుషః కృష్ణ పిన్గలః ॥ 34 ॥
కాలోగృహాణిసర్వేషాంకాలేకాలేఽన్వవేక్షతే ।
ఏతాన్యన్యానిదుష్టానినిమిత్తాన్యుత్పతంతిచ ॥ 35 ॥
విష్ణుంమన్యామహేరామంమానుషంరూపమాస్థితమ్ ।
నహిమానుషమాత్రోఽసౌరాఘవోదృఢవిక్రమః ॥ 36 ॥
యేనబద్ధఃసముద్రేచసేతుఃసపరమాద్భుతః ।
కురుష్వనరరాజేనసధనింరామేణరావణ ॥ 37 ॥
జ్ఞాత్వావధార్యకర్మాణిక్రియతామాయతిక్షమమ్ ।
ఇదంవచస్తత్రనిశమ్యమాల్యవాన్పరీక్ష్యరక్షోధిపతేర్మనఃపునః ।
అనుత్తమేషూత్తమపౌరుషోబలీబభూవతూష్ణీంసమవేక్ష్యరావణమ్ ॥ 38 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే పంచత్రింశస్సర్గః ॥
