śrīmadvālmīkīya rāmāyaṇē yuddhakāṇḍam ।
atha pañchatriṃśassargaḥ ।
tēnaśaṅkhavimiśrēṇabhērīśabdēnarāghavaḥ ।
upayātimahābāhūrāmaḥparapurañjayaḥ ॥ 1 ॥
tanninādanniśamyātharāvaṇōrākṣasēśvaraḥ ।
muhūrtandhyānamāsthāyasachivānabhyudaikṣata ॥ 2 ॥
athatānsachivāṃstatrasarvānābhāṣyarāvaṇaḥ ।
sabhāṃsannādayan sarvāmityuvāchamahābalaḥ ॥ 3 ॥
jagatsantāpankrūrōgarhayanrākṣasēśvaraḥ ।
taraṇaṃsāgarasyāpivikramambalasañjiyam ॥ 4 ॥
yaduktavantōrāmasyabhavantastanmayāśrutam ।
bhavataśchāpyahaṃvēmadiyuddhēsatyaparākramān ॥ 5 ॥
tūṣikānīkṣatō'nyōnyaṃviditvārāmavikramam ।
tatastusumahāprājñōmālyavānnāmarākṣasaḥ ॥ 6 ॥
rāvaṇasyavachaśśrutvāmātuḥpaitāmahō'bravīt ।
vidyāsvabhivinītōyōrājārājannayānugaḥ ॥ 7 ॥
saśāstichiramaiśvaryamarīṃśchakurutēvaśē ।
sandadhānōhikālēnavigṛhṇaṃśchāribhissaha ॥ 8 ॥
svapakṣavarthanaṅkurvanmahadaiśvaryamaśnutē ।
hīyamānēnakartavyōrājñāsandhissamēvacha ॥ 9 ॥
naśatrumavamanyētajyāyānkurvītavigraham ।
tanmahyaṃrōchatēsandhissaharāmēṇarāvaṇa ॥ 10 ॥
yadarthamabhiyuktāḥ smasītātasmaipradīyatām ।
yasyadēvarṣayassarvēgandharvāśchajayaiṣiṇaḥ ॥ 11 ॥
virōthammāgamastēnasandhistētēnarōchatām ।
asṛjadbhagavānpakṣaudvāvēnahipitāmahaḥ ॥ 12 ॥
surāṇāmasurāṇāñchadharmādharmautadāśrayau ।
dharmōhiśrūyatēpakṣīhyamarāṇāmmahātmanām ॥ 13 ॥
adharmōrakṣasāmpakṣōhyasurāṇāñcharākṣasa ।
dharmōvaigrasatē'dharmantataḥkṛtamabhūdyugam ॥ 14 ॥
adharmōgrasatēdharmantatastiṣyaḥpravartatē ।
tattvayācharayālōkāndharmōpivinihatōmahān ॥ 15 ॥
adharmaḥpragṛhītaśchatēnāsmadbalinaḥparē ।
sapramādāvadivṛddhastē'dharmōhigrasatēhinaḥ ॥ 16 ॥
vivarthayatipakṣañchasurāṇāṃsurabhāvanaḥ ।
viṣayēṣuprasaktēnayatkiñchitkāraṇātvayā ॥ 17 ॥
Rṣīṇāṃ agni kalpānāṃ udvēgō janitō mahān ।
tēṣāṃ prabhāvō durdharṣaḥ pradīpta;iva pāvakaḥ ॥ 18 ॥
tapasābhāvitātmānōdharmasyānugrahēratāḥ ।
mukhyaryajñairyajantyētēnityantaissairdvijātayaḥ ॥ 19 ॥
juhvatyanagīṃśchavidhivadvēdāṃśchōchchairadhīyatē ।
abhibhūyacharakṣāṃsibrahmaghōṣānudairayan ॥ 20 ॥
diśō'pividrutāssarvēstanayitnurivōṣṇagē ।
ṛṣīṇāmagnikalpānāmagnihōtrāsamutthitaḥ ॥ 21 ॥
adattērakṣasāntējōdhūmōvyāpyadiśōdaśa ।
tēṣutēṣuchadēśēṣupuṇyēṣvēvadṛḍhavrataiḥ ॥ 22 ॥
charyamāṇantapastīvraṃsantāpayatirākṣasān ।
dēvadānavayakṣēbhyōgṛhītaśchavarastvayā ॥ 23 ॥
manuṣyā vānarā ṛkṣā gōlāṅgūlā mahābalāḥ ।
balavanta ihāgamya garjanti dṛḍhavikramāḥ ॥ 24 ॥
utpātānvividhāndṛṣṭavāghōranbahuvidhāṃstathā ।
vināśamanupaśyāmisarvēṣāṃrakṣasāmaham ॥ 25 ॥
kharābhisntitāghōrāmēghāḥpratibhayaṅkarāḥ ।
śōṇitēnābhivarṣantilaṅkāmuṣṇēnasarvataḥ ॥ 26 ॥
rudatāṃvāhanānāñchaprapavantyausrabindavaḥ ।
dhvajādhvastāvivarṇāśchanaprabhāntiyathāpuram ॥ 27 ॥
vyālā gōmāyavō gR idhrā vāśanti cha subhairavam ।
praviśya lankāṃ aniśaṃ samavāyāṃsaḥ cha kurvatē ॥ 28 ॥
kālikāḥ pāṇḍurair dantaiḥ prahasanty agrataḥ sthitāḥ ।
striyaḥ svapnēṣu muṣṇantyō gṛhāṇi pratibhāṣya cha ॥ 29 ॥
gṛhāṇāmbalikarmāṇiśvānaḥparyupabhuñjatē ।
kharāgōṣuprajāyantēmūṣakānakulaissaha ॥ 30 ॥
mārjārādvīpibhissārthaṃsūkarāśśunakaissaha ।
kinnarārākṣasaiśchāpisamīyurmānuṣaissaha ॥ 31 ॥
pāṇḍurāraktapādāśchavihaṅgāḥkālachōditāḥ ।
rākṣasānāṃvināśāyakapōtāvicharanticha ॥ 32 ॥
vīchīkūchītivāśynatyaśśārikāvēśmasusthitāḥ ।
patantigrathitāśchāpinirjitāḥkalahaiṣiṇaḥ ॥ 33 ॥
pakṣiṇaścha mṛgāḥ sarvē pratyādityaṃ rudanti tē ।
karālō vikaṭō muṇḍaḥ puruṣaḥ kṛṣṇa pingalaḥ ॥ 34 ॥
kālōgṛhāṇisarvēṣāṅkālēkālē'nvavēkṣatē ।
ētānyanyāniduṣṭāninimittānyutpatanticha ॥ 35 ॥
viṣṇummanyāmahērāmammānuṣaṃrūpamāsthitam ।
nahimānuṣamātrō'saurāghavōdṛḍhavikramaḥ ॥ 36 ॥
yēnabaddhaḥsamudrēchasētuḥsaparamādbhutaḥ ।
kuruṣvanararājēnasadhaniṃrāmēṇarāvaṇa ॥ 37 ॥
jñātvāvadhāryakarmāṇikriyatāmāyatikṣamam ।
idaṃvachastatraniśamyamālyavānparīkṣyarakṣōdhipatērmanaḥpunaḥ ।
anuttamēṣūttamapauruṣōbalībabhūvatūṣṇīṃsamavēkṣyarāvaṇam ॥ 38 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchatriṃśassargaḥ ॥
