श्रीमद्वाल्मीकीय रामायणे युद्धकांडम् ।
अथ सप्ताधिकशततमस्सर्गः ।
ततोयुद्धपरिश्रांतंसमरेचिंतयास्थितम् ।
रावणंचाग्रतोदृष्टवायुद्धायसमुपस्थितम् ॥ 1 ॥
दैवतैश्चसमागम्यद्रष्टुमभ्यागतोरणम् ।
उपागम्याब्रवीद्राममगस्त्योभगवान् ऋषिः ॥ 2 ॥
राम राम महाबाहो शृणुगुह्यंसनातनम् ।
येनसर्वानरीस्वत्ससमरेविजयिष्यसे ॥ 3 ॥
आदित्यहृदयंपुण्यंसर्वशत्रुविनाशनम् ।
जयावहंजपेन्नित्यमक्षय्यंपरमंशिवम् ॥ 4 ॥
सर्वमंगलमंगल्यंसर्वपापप्रणाशनम् ।
चिंताशोकप्रशमनमायुर्वर्धनमुत्तमम् ॥ 5 ॥
रस्मीमंतंसमुद्यंतंदेवासुरनमस्कृतम् ।
पूजयस्वविवस्त्वंतंभास्करंभुवनेश्वरम् ॥ 6 ॥
सर्वदेवात्मकोह्येषतेजस्वीरस्मीभावनः ।
एषदेवासुरगणान्लोकान्पातिगभस्तिभिः ॥ 7 ॥
एषब्रह्मा च विष्णुश्चशिवःस्कंधःप्रजापतिः ।
महेंद्रोधनदःकालोयमःसोमोह्यपांपतिः ॥ 8 ॥
पितरोवसवस्साध्याअश्विनौमरुतोमनुः ।
वायुर्वह्निःप्रजाःप्राणऋतुकर्ताप्रभाकरः ॥ 9 ॥
आदित्यःसवितासूर्यःखगःपूषागभस्तिमान् ।
सुवर्णसदृशोभानुर्हिरण्यरेतादिवाकरः ॥ 10 ॥
हरिदश्वस्सहस्रार्चिस्सप्तसप्तिर्मरीचिमान् ।
तिमिरोन्मथनश्शंभुस्त्वष्टामार्तंडकोऽंशुमान् ॥ 11 ॥
हिरण्यगर्भश्शिशिरस्तपनोभास्करोरविः ।
अग्निगर्भोऽदितेःपुत्रःशंघश्शिशिरनाशनः ॥ 12 ॥
व्योमनाथस्तमोभेदीऋग्यजुस्सामपारगः ।
घनवृष्टिरपांमित्रोविंध्यवीथीप्लवंगमः ॥ 13 ॥
आतपीमंडलेमृत्युःपिंगलस्सर्वतापनः ।
कविर्विश्वोमहातेजारक्तस्सर्वभवोद्भवः ॥ 14 ॥
नक्षत्रग्रहताराणामधिपोविश्वभावनः ।
तेजसामपितेजस्वीद्वादशात्मन्नमोऽस्तुते ॥ 15 ॥
नमःपूर्वायगिरयेपश्चिमायाद्रयेनमः ।
ज्योतिर्गणानांपतयेदिनाधिपतयेनमः ॥ 16 ॥
जयायजयभद्रायहर्यश्वायनमोनमः ।
नमोनमस्सहस्रांशोआदित्यायनमोनमः ॥ 17 ॥
गिरिशृंगाणि वृक्षांश्च तथा शूलपरश्वधान् ।
माया विहितमेतत्तु शस्त्रवर्षमपातयत् ॥ 18 ॥
ब्रह्मेशानाच्युतेशायसूर्यायादित्यवर्चसे ।
भास्वतेसर्वभक्षायरौद्रायवपुषेनमः ॥ 19 ॥
तमोघ्नायहिमघ्नायशत्रुघ्नायामितात्मने ।
कृतघ्नघ्नायदेवायज्योतिषांपतयेनमः ॥ 20 ॥
एषसुप्तेषुजागर्तिभूतेषुपरिनिष्ठितः ।
एषचैवाग्निहोत्रं च फलंचैवाग्निहोत्रिणाम् ॥ 21 ॥
वेदश्चक्रतवश्चैवक्रतूनांफलमेव च ।
यानिकृत्यानिलोकेषुसर्वेषुपरमप्रभुः ॥ 22 ॥
एनमापत्सुकृच्छ्रेषुकांतारेषुभयेषु च ।
कीर्तयन्पुरुषःकश्चिनावसीदतिराघव ॥ 23 ॥
पूजयस्वैनमेकाग्रोदेवदेवंजगत्पतिम् ।
एतत्त्रिगुणितंजप्त्वायुद्धेषुविजयिष्यसि ॥ 24 ॥
अस्मिन् क्षणेमहाबाहोरावणंत्वंवधिष्यसि ।
एवमुक्त्वाततोऽगस्त्योजगाम स यथागतम् ॥ 25 ॥
एतच्छ्रुत्वामहातेजानष्टशोकोऽभवत्तदा ।
धारयामाससुप्रीतोराघवःप्रयतात्मवान् ॥ 26 ॥
आदित्यंप्रेक्ष्यजप्त्वातुपरंहर्षमवाप्तवान् ।
त्रिराचम्यशुचिर्भूत्वाधनुरादायवीर्यवान् ॥ 27 ॥
रावणंप्रेक्ष्यहृष्टात्मायुद्धार्थंसमुपागमत् ।
सर्वयत्नेनमहतावधेतस्यधृतोऽभवत् ॥ 28 ॥
अथरविरवदन्निरीक्ष्यरामंमुदितमनाःपरमंप्रहृष्यमाणः ।
निशिचरपतिसंक्ष्यंविदित्वासुरगणमध्यगतोवचस्त्वरेति ॥ 29 ॥
इत्यार्षे श्रीमद्रामायणे वाल्मीकीय आदिकाव्ये युद्धकांडे सप्ताधिकशततमस्सर्गः ॥
