ශ්රීමද්වාල්මීකීය රාමායණේ යුද්ධකාංඩම් ।
අථ පංචත්රිංශස්සර්ගඃ ।
තේනශංඛවිමිශ්රේණභේරීශබ්දේනරාඝවඃ ।
උපයාතිමහාබාහූරාමඃපරපුරංජයඃ ॥ 1 ॥
තංනිනාදංනිශම්යාථරාවණෝරාක්ෂසේශ්වරඃ ।
මුහූර්තංධ්යානමාස්ථායසචිවානභ්යුදෛක්ෂත ॥ 2 ॥
අථතාන්සචිවාංස්තත්රසර්වානාභාෂ්යරාවණඃ ।
සභාංසන්නාදයන් සර්වාමිත්යුවාචමහාබලඃ ॥ 3 ॥
ජගත්සංතාපන්ක්රූරෝගර්හයන්රාක්ෂසේශ්වරඃ ।
තරණංසාගරස්යාපිවික්රමංබලසංජියම් ॥ 4 ॥
යදුක්තවංතෝරාමස්යභවංතස්තන්මයාශ්රුතම් ।
භවතශ්චාප්යහංවේමදියුද්ධේසත්යපරාක්රමාන් ॥ 5 ॥
තූෂිකානීක්ෂතෝऽන්යෝන්යංවිදිත්වාරාමවික්රමම් ।
තතස්තුසුමහාප්රාජ්ඤෝමාල්යවාන්නාමරාක්ෂසඃ ॥ 6 ॥
රාවණස්යවචශ්ශ්රුත්වාමාතුඃපෛතාමහෝऽබ්රවීත් ।
විද්යාස්වභිවිනීතෝයෝරාජාරාජන්නයානුගඃ ॥ 7 ॥
සශාස්තිචිරමෛශ්වර්යමරීංශ්චකුරුතේවශේ ।
සංදධානෝහිකාලේනවිගෘහ්ණංශ්චාරිභිස්සහ ॥ 8 ॥
ස්වපක්ෂවර්ථනංකුර්වන්මහදෛශ්වර්යමශ්නුතේ ।
හීයමානේනකර්තව්යෝරාජ්ඤාසංධිස්සමේවච ॥ 9 ॥
නශත්රුමවමන්යේතජ්යායාන්කුර්වීතවිග්රහම් ।
තන්මහ්යංරෝචතේසංධිස්සහරාමේණරාවණ ॥ 10 ॥
යදර්ථමභියුක්තාඃ ස්මසීතාතස්මෛප්රදීයතාම් ।
යස්යදේවර්ෂයස්සර්වේගංධර්වාශ්චජයෛෂිණඃ ॥ 11 ॥
විරෝථංමාගමස්තේනසංධිස්තේතේනරෝචතාම් ।
අසෘජද්භගවාන්පක්ෂෞද්වාවේනහිපිතාමහඃ ॥ 12 ॥
සුරාණාමසුරාණාංචධර්මාධර්මෞතදාශ්රයෞ ।
ධර්මෝහිශ්රූයතේපක්ෂීහ්යමරාණාංමහාත්මනාම් ॥ 13 ॥
අධර්මෝරක්ෂසාංපක්ෂෝහ්යසුරාණාංචරාක්ෂස ।
ධර්මෝවෛග්රසතේऽධර්මංතතඃකෘතමභූද්යුගම් ॥ 14 ॥
අධර්මෝග්රසතේධර්මංතතස්තිෂ්යඃප්රවර්තතේ ।
තත්ත්වයාචරයාලෝකාංධර්මෝපිවිනිහතෝමහාන් ॥ 15 ॥
අධර්මඃප්රගෘහීතශ්චතේනාස්මද්බලිනඃපරේ ।
සප්රමාදාවදිවෘද්ධස්තේऽධර්මෝහිග්රසතේහිනඃ ॥ 16 ॥
විවර්ථයතිපක්ෂංචසුරාණාංසුරභාවනඃ ।
විෂයේෂුප්රසක්තේනයත්කිංචිත්කාරණාත්වයා ॥ 17 ॥
ऱ්ෂීණාං අග්නි කල්පානාං උද්වේගෝ ජනිතෝ මහාන් ।
තේෂාං ප්රභාවෝ දුර්ධර්ෂඃ ප්රදීප්ත;ඉව පාවකඃ ॥ 18 ॥
තපසාභාවිතාත්මානෝධර්මස්යානුග්රහේරතාඃ ।
මුඛ්යර්යජ්ඤෛර්යජංත්යේතේනිත්යංතෛස්සෛර්ද්විජාතයඃ ॥ 19 ॥
ජුහ්වත්යනගීංශ්චවිධිවද්වේදාංශ්චෝච්චෛරධීයතේ ।
අභිභූයචරක්ෂාංසිබ්රහ්මඝෝෂානුදෛරයන් ॥ 20 ॥
දිශෝऽපිවිද්රුතාස්සර්වේස්තනයිත්නුරිවෝෂ්ණගේ ।
ඍෂීණාමග්නිකල්පානාමග්නිහෝත්රාසමුත්ථිතඃ ॥ 21 ॥
අදත්තේරක්ෂසාංතේජෝධූමෝව්යාප්යදිශෝදශ ।
තේෂුතේෂුචදේශේෂුපුණ්යේෂ්වේවදෘඪව්රතෛඃ ॥ 22 ॥
චර්යමාණංතපස්තීව්රංසංතාපයතිරාක්ෂසාන් ।
දේවදානවයක්ෂේභ්යෝගෘහීතශ්චවරස්ත්වයා ॥ 23 ॥
මනුෂ්යා වානරා ඍක්ෂා ගෝලාංගූලා මහාබලාඃ ।
බලවංත ඉහාගම්ය ගර්ජංති දෘඪවික්රමාඃ ॥ 24 ॥
උත්පාතාන්විවිධාංදෘෂ්ටවාඝෝරන්බහුවිධාංස්තථා ।
විනාශමනුපශ්යාමිසර්වේෂාංරක්ෂසාමහම් ॥ 25 ॥
ඛරාභිසංතිතාඝෝරාමේඝාඃප්රතිභයංකරාඃ ।
ශෝණිතේනාභිවර්ෂංතිලංකාමුෂ්ණේනසර්වතඃ ॥ 26 ॥
රුදතාංවාහනානාංචප්රපවංත්යෞස්රබිංදවඃ ।
ධ්වජාධ්වස්තාවිවර්ණාශ්චනප්රභාංතියථාපුරම් ॥ 27 ॥
ව්යාලා ගෝමායවෝ ග්R ඉධ්රා වාශංති ච සුභෛරවම් ।
ප්රවිශ්ය ලන්කාං අනිශං සමවායාංසඃ ච කුර්වතේ ॥ 28 ॥
කාලිකාඃ පාංඩුරෛර් දංතෛඃ ප්රහසංත්ය් අග්රතඃ ස්ථිතාඃ ।
ස්ත්රියඃ ස්වප්නේෂු මුෂ්ණංත්යෝ ගෘහාණි ප්රතිභාෂ්ය ච ॥ 29 ॥
ගෘහාණාංබලිකර්මාණිශ්වානඃපර්යුපභුංජතේ ।
ඛරාගෝෂුප්රජායංතේමූෂකානකුලෛස්සහ ॥ 30 ॥
මාර්ජාරාද්වීපිභිස්සාර්ථංසූකරාශ්ශුනකෛස්සහ ।
කින්නරාරාක්ෂසෛශ්චාපිසමීයුර්මානුෂෛස්සහ ॥ 31 ॥
පාංඩුරාරක්තපාදාශ්චවිහංගාඃකාලචෝදිතාඃ ।
රාක්ෂසානාංවිනාශායකපෝතාවිචරංතිච ॥ 32 ॥
වීචීකූචීතිවාශ්ය්නත්යශ්ශාරිකාවේශ්මසුස්ථිතාඃ ।
පතංතිග්රථිතාශ්චාපිනිර්ජිතාඃකලහෛෂිණඃ ॥ 33 ॥
පක්ෂිණශ්ච මෘගාඃ සර්වේ ප්රත්යාදිත්යං රුදංති තේ ।
කරාලෝ විකටෝ මුංඩඃ පුරුෂඃ කෘෂ්ණ පින්ගලඃ ॥ 34 ॥
කාලෝගෘහාණිසර්වේෂාංකාලේකාලේऽන්වවේක්ෂතේ ।
ඒතාන්යන්යානිදුෂ්ටානිනිමිත්තාන්යුත්පතංතිච ॥ 35 ॥
විෂ්ණුංමන්යාමහේරාමංමානුෂංරූපමාස්ථිතම් ।
නහිමානුෂමාත්රෝऽසෞරාඝවෝදෘඪවික්රමඃ ॥ 36 ॥
යේනබද්ධඃසමුද්රේචසේතුඃසපරමාද්භුතඃ ।
කුරුෂ්වනරරාජේනසධනිංරාමේණරාවණ ॥ 37 ॥
ජ්ඤාත්වාවධාර්යකර්මාණික්රියතාමායතික්ෂමම් ।
ඉදංවචස්තත්රනිශම්යමාල්යවාන්පරීක්ෂ්යරක්ෂෝධිපතේර්මනඃපුනඃ ।
අනුත්තමේෂූත්තමපෞරුෂෝබලීබභූවතූෂ්ණීංසමවේක්ෂ්යරාවණම් ॥ 38 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචත්රිංශස්සර්ගඃ ॥
