ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତାଧିକଶତତମସ୍ସର୍ଗଃ ।
ତତୋୟୁଦ୍ଧପରିଶ୍ରାଂତଂସମରେଚିଂତୟାସ୍ଥିତମ୍ ।
ରାଵଣଂଚାଗ୍ରତୋଦୃଷ୍ଟଵାୟୁଦ୍ଧାୟସମୁପସ୍ଥିତମ୍ ॥ 1 ॥
ଦୈଵତୈଶ୍ଚସମାଗମ୍ୟଦ୍ରଷ୍ଟୁମଭ୍ୟାଗତୋରଣମ୍ ।
ଉପାଗମ୍ୟାବ୍ରଵୀଦ୍ରାମମଗସ୍ତ୍ୟୋଭଗଵାନ୍ ଋଷିଃ ॥ 2 ॥
ରାମ ରାମ ମହାବାହୋ ଶୃଣୁଗୁହ୍ୟଂସନାତନମ୍ ।
ୟେନସର୍ଵାନରୀସ୍ଵତ୍ସସମରେଵିଜୟିଷ୍ୟସେ ॥ 3 ॥
ଆଦିତ୍ୟହୃଦୟଂପୁଣ୍ୟଂସର୍ଵଶତ୍ରୁଵିନାଶନମ୍ ।
ଜୟାଵହଂଜପେନ୍ନିତ୍ୟମକ୍ଷୟ୍ୟଂପରମଂଶିଵମ୍ ॥ 4 ॥
ସର୍ଵମଂଗଲମଂଗଲ୍ୟଂସର୍ଵପାପପ୍ରଣାଶନମ୍ ।
ଚିଂତାଶୋକପ୍ରଶମନମାୟୁର୍ଵର୍ଧନମୁତ୍ତମମ୍ ॥ 5 ॥
ରସ୍ମୀମଂତଂସମୁଦ୍ୟଂତଂଦେଵାସୁରନମସ୍କୃତମ୍ ।
ପୂଜୟସ୍ଵଵିଵସ୍ତ୍ଵଂତଂଭାସ୍କରଂଭୁଵନେଶ୍ଵରମ୍ ॥ 6 ॥
ସର୍ଵଦେଵାତ୍ମକୋହ୍ୟେଷତେଜସ୍ଵୀରସ୍ମୀଭାଵନଃ ।
ଏଷଦେଵାସୁରଗଣାନ୍ଲୋକାନ୍ପାତିଗଭସ୍ତିଭିଃ ॥ 7 ॥
ଏଷବ୍ରହ୍ମା ଚ ଵିଷ୍ଣୁଶ୍ଚଶିଵଃସ୍କଂଧଃପ୍ରଜାପତିଃ ।
ମହେଂଦ୍ରୋଧନଦଃକାଲୋୟମଃସୋମୋହ୍ୟପାଂପତିଃ ॥ 8 ॥
ପିତରୋଵସଵସ୍ସାଧ୍ୟାଅଶ୍ଵିନୌମରୁତୋମନୁଃ ।
ଵାୟୁର୍ଵହ୍ନିଃପ୍ରଜାଃପ୍ରାଣଋତୁକର୍ତାପ୍ରଭାକରଃ ॥ 9 ॥
ଆଦିତ୍ୟଃସଵିତାସୂର୍ୟଃଖଗଃପୂଷାଗଭସ୍ତିମାନ୍ ।
ସୁଵର୍ଣସଦୃଶୋଭାନୁର୍ହିରଣ୍ୟରେତାଦିଵାକରଃ ॥ 10 ॥
ହରିଦଶ୍ଵସ୍ସହସ୍ରାର୍ଚିସ୍ସପ୍ତସପ୍ତିର୍ମରୀଚିମାନ୍ ।
ତିମିରୋନ୍ମଥନଶ୍ଶଂଭୁସ୍ତ୍ଵଷ୍ଟାମାର୍ତଂଡକୋଽଂଶୁମାନ୍ ॥ 11 ॥
ହିରଣ୍ୟଗର୍ଭଶ୍ଶିଶିରସ୍ତପନୋଭାସ୍କରୋରଵିଃ ।
ଅଗ୍ନିଗର୍ଭୋଽଦିତେଃପୁତ୍ରଃଶଂଘଶ୍ଶିଶିରନାଶନଃ ॥ 12 ॥
ଵ୍ୟୋମନାଥସ୍ତମୋଭେଦୀଋଗ୍ୟଜୁସ୍ସାମପାରଗଃ ।
ଘନଵୃଷ୍ଟିରପାଂମିତ୍ରୋଵିଂଧ୍ୟଵୀଥୀପ୍ଲଵଂଗମଃ ॥ 13 ॥
ଆତପୀମଂଡଲେମୃତ୍ୟୁଃପିଂଗଲସ୍ସର୍ଵତାପନଃ ।
କଵିର୍ଵିଶ୍ଵୋମହାତେଜାରକ୍ତସ୍ସର୍ଵଭଵୋଦ୍ଭଵଃ ॥ 14 ॥
ନକ୍ଷତ୍ରଗ୍ରହତାରାଣାମଧିପୋଵିଶ୍ଵଭାଵନଃ ।
ତେଜସାମପିତେଜସ୍ଵୀଦ୍ଵାଦଶାତ୍ମନ୍ନମୋଽସ୍ତୁତେ ॥ 15 ॥
ନମଃପୂର୍ଵାୟଗିରୟେପଶ୍ଚିମାୟାଦ୍ରୟେନମଃ ।
ଜ୍ୟୋତିର୍ଗଣାନାଂପତୟେଦିନାଧିପତୟେନମଃ ॥ 16 ॥
ଜୟାୟଜୟଭଦ୍ରାୟହର୍ୟଶ୍ଵାୟନମୋନମଃ ।
ନମୋନମସ୍ସହସ୍ରାଂଶୋଆଦିତ୍ୟାୟନମୋନମଃ ॥ 17 ॥
ଗିରିଶୃଂଗାଣି ଵୃକ୍ଷାଂଶ୍ଚ ତଥା ଶୂଲପରଶ୍ଵଧାନ୍ ।
ମାୟା ଵିହିତମେତତ୍ତୁ ଶସ୍ତ୍ରଵର୍ଷମପାତୟତ୍ ॥ 18 ॥
ବ୍ରହ୍ମେଶାନାଚ୍ୟୁତେଶାୟସୂର୍ୟାୟାଦିତ୍ୟଵର୍ଚସେ ।
ଭାସ୍ଵତେସର୍ଵଭକ୍ଷାୟରୌଦ୍ରାୟଵପୁଷେନମଃ ॥ 19 ॥
ତମୋଘ୍ନାୟହିମଘ୍ନାୟଶତ୍ରୁଘ୍ନାୟାମିତାତ୍ମନେ ।
କୃତଘ୍ନଘ୍ନାୟଦେଵାୟଜ୍ୟୋତିଷାଂପତୟେନମଃ ॥ 20 ॥
ଏଷସୁପ୍ତେଷୁଜାଗର୍ତିଭୂତେଷୁପରିନିଷ୍ଠିତଃ ।
ଏଷଚୈଵାଗ୍ନିହୋତ୍ରଂ ଚ ଫଲଂଚୈଵାଗ୍ନିହୋତ୍ରିଣାମ୍ ॥ 21 ॥
ଵେଦଶ୍ଚକ୍ରତଵଶ୍ଚୈଵକ୍ରତୂନାଂଫଲମେଵ ଚ ।
ୟାନିକୃତ୍ୟାନିଲୋକେଷୁସର୍ଵେଷୁପରମପ୍ରଭୁଃ ॥ 22 ॥
ଏନମାପତ୍ସୁକୃଚ୍ଛ୍ରେଷୁକାଂତାରେଷୁଭୟେଷୁ ଚ ।
କୀର୍ତୟନ୍ପୁରୁଷଃକଶ୍ଚିନାଵସୀଦତିରାଘଵ ॥ 23 ॥
ପୂଜୟସ୍ଵୈନମେକାଗ୍ରୋଦେଵଦେଵଂଜଗତ୍ପତିମ୍ ।
ଏତତ୍ତ୍ରିଗୁଣିତଂଜପ୍ତ୍ଵାୟୁଦ୍ଧେଷୁଵିଜୟିଷ୍ୟସି ॥ 24 ॥
ଅସ୍ମିନ୍ କ୍ଷଣେମହାବାହୋରାଵଣଂତ୍ଵଂଵଧିଷ୍ୟସି ।
ଏଵମୁକ୍ତ୍ଵାତତୋଽଗସ୍ତ୍ୟୋଜଗାମ ସ ୟଥାଗତମ୍ ॥ 25 ॥
ଏତଚ୍ଛ୍ରୁତ୍ଵାମହାତେଜାନଷ୍ଟଶୋକୋଽଭଵତ୍ତଦା ।
ଧାରୟାମାସସୁପ୍ରୀତୋରାଘଵଃପ୍ରୟତାତ୍ମଵାନ୍ ॥ 26 ॥
ଆଦିତ୍ୟଂପ୍ରେକ୍ଷ୍ୟଜପ୍ତ୍ଵାତୁପରଂହର୍ଷମଵାପ୍ତଵାନ୍ ।
ତ୍ରିରାଚମ୍ୟଶୁଚିର୍ଭୂତ୍ଵାଧନୁରାଦାୟଵୀର୍ୟଵାନ୍ ॥ 27 ॥
ରାଵଣଂପ୍ରେକ୍ଷ୍ୟହୃଷ୍ଟାତ୍ମାୟୁଦ୍ଧାର୍ଥଂସମୁପାଗମତ୍ ।
ସର୍ଵୟତ୍ନେନମହତାଵଧେତସ୍ୟଧୃତୋଽଭଵତ୍ ॥ 28 ॥
ଅଥରଵିରଵଦନ୍ନିରୀକ୍ଷ୍ୟରାମଂମୁଦିତମନାଃପରମଂପ୍ରହୃଷ୍ୟମାଣଃ ।
ନିଶିଚରପତିସଂକ୍ଷ୍ୟଂଵିଦିତ୍ଵାସୁରଗଣମଧ୍ୟଗତୋଵଚସ୍ତ୍ଵରେତି ॥ 29 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତାଧିକଶତତମସ୍ସର୍ଗଃ ॥
