શ્રીમદ્વાલ્મીકીય રામાયણે યુદ્ધકાંડમ્ ।
અથ સપ્તાધિકશતતમસ્સર્ગઃ ।
તતોયુદ્ધપરિશ્રાંતંસમરેચિંતયાસ્થિતમ્ ।
રાવણંચાગ્રતોદૃષ્ટવાયુદ્ધાયસમુપસ્થિતમ્ ॥ 1 ॥
દૈવતૈશ્ચસમાગમ્યદ્રષ્ટુમભ્યાગતોરણમ્ ।
ઉપાગમ્યાબ્રવીદ્રામમગસ્ત્યોભગવાન્ ઋષિઃ ॥ 2 ॥
રામ રામ મહાબાહો શૃણુગુહ્યંસનાતનમ્ ।
યેનસર્વાનરીસ્વત્સસમરેવિજયિષ્યસે ॥ 3 ॥
આદિત્યહૃદયંપુણ્યંસર્વશત્રુવિનાશનમ્ ।
જયાવહંજપેન્નિત્યમક્ષય્યંપરમંશિવમ્ ॥ 4 ॥
સર્વમંગલમંગલ્યંસર્વપાપપ્રણાશનમ્ ।
ચિંતાશોકપ્રશમનમાયુર્વર્ધનમુત્તમમ્ ॥ 5 ॥
રસ્મીમંતંસમુદ્યંતંદેવાસુરનમસ્કૃતમ્ ।
પૂજયસ્વવિવસ્ત્વંતંભાસ્કરંભુવનેશ્વરમ્ ॥ 6 ॥
સર્વદેવાત્મકોહ્યેષતેજસ્વીરસ્મીભાવનઃ ।
એષદેવાસુરગણાન્લોકાન્પાતિગભસ્તિભિઃ ॥ 7 ॥
એષબ્રહ્મા ચ વિષ્ણુશ્ચશિવઃસ્કંધઃપ્રજાપતિઃ ।
મહેંદ્રોધનદઃકાલોયમઃસોમોહ્યપાંપતિઃ ॥ 8 ॥
પિતરોવસવસ્સાધ્યાઅશ્વિનૌમરુતોમનુઃ ।
વાયુર્વહ્નિઃપ્રજાઃપ્રાણઋતુકર્તાપ્રભાકરઃ ॥ 9 ॥
આદિત્યઃસવિતાસૂર્યઃખગઃપૂષાગભસ્તિમાન્ ।
સુવર્ણસદૃશોભાનુર્હિરણ્યરેતાદિવાકરઃ ॥ 10 ॥
હરિદશ્વસ્સહસ્રાર્ચિસ્સપ્તસપ્તિર્મરીચિમાન્ ।
તિમિરોન્મથનશ્શંભુસ્ત્વષ્ટામાર્તંડકોઽંશુમાન્ ॥ 11 ॥
હિરણ્યગર્ભશ્શિશિરસ્તપનોભાસ્કરોરવિઃ ।
અગ્નિગર્ભોઽદિતેઃપુત્રઃશંઘશ્શિશિરનાશનઃ ॥ 12 ॥
વ્યોમનાથસ્તમોભેદીઋગ્યજુસ્સામપારગઃ ।
ઘનવૃષ્ટિરપાંમિત્રોવિંધ્યવીથીપ્લવંગમઃ ॥ 13 ॥
આતપીમંડલેમૃત્યુઃપિંગલસ્સર્વતાપનઃ ।
કવિર્વિશ્વોમહાતેજારક્તસ્સર્વભવોદ્ભવઃ ॥ 14 ॥
નક્ષત્રગ્રહતારાણામધિપોવિશ્વભાવનઃ ।
તેજસામપિતેજસ્વીદ્વાદશાત્મન્નમોઽસ્તુતે ॥ 15 ॥
નમઃપૂર્વાયગિરયેપશ્ચિમાયાદ્રયેનમઃ ।
જ્યોતિર્ગણાનાંપતયેદિનાધિપતયેનમઃ ॥ 16 ॥
જયાયજયભદ્રાયહર્યશ્વાયનમોનમઃ ।
નમોનમસ્સહસ્રાંશોઆદિત્યાયનમોનમઃ ॥ 17 ॥
ગિરિશૃંગાણિ વૃક્ષાંશ્ચ તથા શૂલપરશ્વધાન્ ।
માયા વિહિતમેતત્તુ શસ્ત્રવર્ષમપાતયત્ ॥ 18 ॥
બ્રહ્મેશાનાચ્યુતેશાયસૂર્યાયાદિત્યવર્ચસે ।
ભાસ્વતેસર્વભક્ષાયરૌદ્રાયવપુષેનમઃ ॥ 19 ॥
તમોઘ્નાયહિમઘ્નાયશત્રુઘ્નાયામિતાત્મને ।
કૃતઘ્નઘ્નાયદેવાયજ્યોતિષાંપતયેનમઃ ॥ 20 ॥
એષસુપ્તેષુજાગર્તિભૂતેષુપરિનિષ્ઠિતઃ ।
એષચૈવાગ્નિહોત્રં ચ ફલંચૈવાગ્નિહોત્રિણામ્ ॥ 21 ॥
વેદશ્ચક્રતવશ્ચૈવક્રતૂનાંફલમેવ ચ ।
યાનિકૃત્યાનિલોકેષુસર્વેષુપરમપ્રભુઃ ॥ 22 ॥
એનમાપત્સુકૃચ્છ્રેષુકાંતારેષુભયેષુ ચ ।
કીર્તયન્પુરુષઃકશ્ચિનાવસીદતિરાઘવ ॥ 23 ॥
પૂજયસ્વૈનમેકાગ્રોદેવદેવંજગત્પતિમ્ ।
એતત્ત્રિગુણિતંજપ્ત્વાયુદ્ધેષુવિજયિષ્યસિ ॥ 24 ॥
અસ્મિન્ ક્ષણેમહાબાહોરાવણંત્વંવધિષ્યસિ ।
એવમુક્ત્વાતતોઽગસ્ત્યોજગામ સ યથાગતમ્ ॥ 25 ॥
એતચ્છ્રુત્વામહાતેજાનષ્ટશોકોઽભવત્તદા ।
ધારયામાસસુપ્રીતોરાઘવઃપ્રયતાત્મવાન્ ॥ 26 ॥
આદિત્યંપ્રેક્ષ્યજપ્ત્વાતુપરંહર્ષમવાપ્તવાન્ ।
ત્રિરાચમ્યશુચિર્ભૂત્વાધનુરાદાયવીર્યવાન્ ॥ 27 ॥
રાવણંપ્રેક્ષ્યહૃષ્ટાત્માયુદ્ધાર્થંસમુપાગમત્ ।
સર્વયત્નેનમહતાવધેતસ્યધૃતોઽભવત્ ॥ 28 ॥
અથરવિરવદન્નિરીક્ષ્યરામંમુદિતમનાઃપરમંપ્રહૃષ્યમાણઃ ।
નિશિચરપતિસંક્ષ્યંવિદિત્વાસુરગણમધ્યગતોવચસ્ત્વરેતિ ॥ 29 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે સપ્તાધિકશતતમસ્સર્ગઃ ॥
