ශ්රීමද්වාල්මීකීය රාමායණේ යුද්ධකාංඩම් ।
අථ සප්තාධිකශතතමස්සර්ගඃ ।
තතෝයුද්ධපරිශ්රාංතංසමරේචිංතයාස්ථිතම් ।
රාවණංචාග්රතෝදෘෂ්ටවායුද්ධායසමුපස්ථිතම් ॥ 1 ॥
දෛවතෛශ්චසමාගම්යද්රෂ්ටුමභ්යාගතෝරණම් ।
උපාගම්යාබ්රවීද්රාමමගස්ත්යෝභගවාන් ඍෂිඃ ॥ 2 ॥
රාම රාම මහාබාහෝ ශෘණුගුහ්යංසනාතනම් ।
යේනසර්වානරීස්වත්සසමරේවිජයිෂ්යසේ ॥ 3 ॥
ආදිත්යහෘදයංපුණ්යංසර්වශත්රුවිනාශනම් ।
ජයාවහංජපේන්නිත්යමක්ෂය්යංපරමංශිවම් ॥ 4 ॥
සර්වමංගලමංගල්යංසර්වපාපප්රණාශනම් ।
චිංතාශෝකප්රශමනමායුර්වර්ධනමුත්තමම් ॥ 5 ॥
රස්මීමංතංසමුද්යංතංදේවාසුරනමස්කෘතම් ।
පූජයස්වවිවස්ත්වංතංභාස්කරංභුවනේශ්වරම් ॥ 6 ॥
සර්වදේවාත්මකෝහ්යේෂතේජස්වීරස්මීභාවනඃ ।
ඒෂදේවාසුරගණාන්ලෝකාන්පාතිගභස්තිභිඃ ॥ 7 ॥
ඒෂබ්රහ්මා ච විෂ්ණුශ්චශිවඃස්කංධඃප්රජාපතිඃ ।
මහේංද්රෝධනදඃකාලෝයමඃසෝමෝහ්යපාංපතිඃ ॥ 8 ॥
පිතරෝවසවස්සාධ්යාඅශ්විනෞමරුතෝමනුඃ ।
වායුර්වහ්නිඃප්රජාඃප්රාණඍතුකර්තාප්රභාකරඃ ॥ 9 ॥
ආදිත්යඃසවිතාසූර්යඃඛගඃපූෂාගභස්තිමාන් ।
සුවර්ණසදෘශෝභානුර්හිරණ්යරේතාදිවාකරඃ ॥ 10 ॥
හරිදශ්වස්සහස්රාර්චිස්සප්තසප්තිර්මරීචිමාන් ।
තිමිරෝන්මථනශ්ශංභුස්ත්වෂ්ටාමාර්තංඩකෝऽංශුමාන් ॥ 11 ॥
හිරණ්යගර්භශ්ශිශිරස්තපනෝභාස්කරෝරවිඃ ।
අග්නිගර්භෝऽදිතේඃපුත්රඃශංඝශ්ශිශිරනාශනඃ ॥ 12 ॥
ව්යෝමනාථස්තමෝභේදීඍග්යජුස්සාමපාරගඃ ।
ඝනවෘෂ්ටිරපාංමිත්රෝවිංධ්යවීථීප්ලවංගමඃ ॥ 13 ॥
ආතපීමංඩලේමෘත්යුඃපිංගලස්සර්වතාපනඃ ।
කවිර්විශ්වෝමහාතේජාරක්තස්සර්වභවෝද්භවඃ ॥ 14 ॥
නක්ෂත්රග්රහතාරාණාමධිපෝවිශ්වභාවනඃ ।
තේජසාමපිතේජස්වීද්වාදශාත්මන්නමෝऽස්තුතේ ॥ 15 ॥
නමඃපූර්වායගිරයේපශ්චිමායාද්රයේනමඃ ।
ජ්යෝතිර්ගණානාංපතයේදිනාධිපතයේනමඃ ॥ 16 ॥
ජයායජයභද්රායහර්යශ්වායනමෝනමඃ ।
නමෝනමස්සහස්රාංශෝආදිත්යායනමෝනමඃ ॥ 17 ॥
ගිරිශෘංගාණි වෘක්ෂාංශ්ච තථා ශූලපරශ්වධාන් ।
මායා විහිතමේතත්තු ශස්ත්රවර්ෂමපාතයත් ॥ 18 ॥
බ්රහ්මේශානාච්යුතේශායසූර්යායාදිත්යවර්චසේ ।
භාස්වතේසර්වභක්ෂායරෞද්රායවපුෂේනමඃ ॥ 19 ॥
තමෝඝ්නායහිමඝ්නායශත්රුඝ්නායාමිතාත්මනේ ।
කෘතඝ්නඝ්නායදේවායජ්යෝතිෂාංපතයේනමඃ ॥ 20 ॥
ඒෂසුප්තේෂුජාගර්තිභූතේෂුපරිනිෂ්ඨිතඃ ।
ඒෂචෛවාග්නිහෝත්රං ච ඵලංචෛවාග්නිහෝත්රිණාම් ॥ 21 ॥
වේදශ්චක්රතවශ්චෛවක්රතූනාංඵලමේව ච ।
යානිකෘත්යානිලෝකේෂුසර්වේෂුපරමප්රභුඃ ॥ 22 ॥
ඒනමාපත්සුකෘච්ඡ්රේෂුකාංතාරේෂුභයේෂු ච ।
කීර්තයන්පුරුෂඃකශ්චිනාවසීදතිරාඝව ॥ 23 ॥
පූජයස්වෛනමේකාග්රෝදේවදේවංජගත්පතිම් ।
ඒතත්ත්රිගුණිතංජප්ත්වායුද්ධේෂුවිජයිෂ්යසි ॥ 24 ॥
අස්මින් ක්ෂණේමහාබාහෝරාවණංත්වංවධිෂ්යසි ।
ඒවමුක්ත්වාතතෝऽගස්ත්යෝජගාම ස යථාගතම් ॥ 25 ॥
ඒතච්ඡ්රුත්වාමහාතේජානෂ්ටශෝකෝऽභවත්තදා ।
ධාරයාමාසසුප්රීතෝරාඝවඃප්රයතාත්මවාන් ॥ 26 ॥
ආදිත්යංප්රේක්ෂ්යජප්ත්වාතුපරංහර්ෂමවාප්තවාන් ।
ත්රිරාචම්යශුචිර්භූත්වාධනුරාදායවීර්යවාන් ॥ 27 ॥
රාවණංප්රේක්ෂ්යහෘෂ්ටාත්මායුද්ධාර්ථංසමුපාගමත් ।
සර්වයත්නේනමහතාවධේතස්යධෘතෝऽභවත් ॥ 28 ॥
අථරවිරවදන්නිරීක්ෂ්යරාමංමුදිතමනාඃපරමංප්රහෘෂ්යමාණඃ ।
නිශිචරපතිසංක්ෂ්යංවිදිත්වාසුරගණමධ්යගතෝවචස්ත්වරේති ॥ 29 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තාධිකශතතමස්සර්ගඃ ॥
