ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്താധികശതതമസ്സര്ഗഃ ।
തതോയുദ്ധപരിശ്രാംതംസമരേചിംതയാസ്ഥിതമ് ।
രാവണംചാഗ്രതോദൃഷ്ടവായുദ്ധായസമുപസ്ഥിതമ് ॥ 1 ॥
ദൈവതൈശ്ചസമാഗമ്യദ്രഷ്ടുമഭ്യാഗതോരണമ് ।
ഉപാഗമ്യാബ്രവീദ്രാമമഗസ്ത്യോഭഗവാന് ഋഷിഃ ॥ 2 ॥
രാമ രാമ മഹാബാഹോ ശൃണുഗുഹ്യംസനാതനമ് ।
യേനസർവാനരീസ്വത്സസമരേവിജയിഷ്യസേ ॥ 3 ॥
ആദിത്യഹൃദയംപുണ്യംസർവശത്രുവിനാശനമ് ।
ജയാവഹംജപേന്നിത്യമക്ഷയ്യംപരമംശിവമ് ॥ 4 ॥
സർവമംഗലമംഗല്യംസർവപാപപ്രണാശനമ് ।
ചിംതാശോകപ്രശമനമായുർവര്ധനമുത്തമമ് ॥ 5 ॥
രസ്മീമംതംസമുദ്യംതംദേവാസുരനമസ്കൃതമ് ।
പൂജയസ്വവിവസ്ത്വംതംഭാസ്കരംഭുവനേശ്വരമ് ॥ 6 ॥
സർവദേവാത്മകോഹ്യേഷതേജസ്വീരസ്മീഭാവനഃ ।
ഏഷദേവാസുരഗണാന്ലോകാന്പാതിഗഭസ്തിഭിഃ ॥ 7 ॥
ഏഷബ്രഹ്മാ ച വിഷ്ണുശ്ചശിവഃസ്കംധഃപ്രജാപതിഃ ।
മഹേംദ്രോധനദഃകാലോയമഃസോമോഹ്യപാംപതിഃ ॥ 8 ॥
പിതരോവസവസ്സാധ്യാഅശ്വിനൌമരുതോമനുഃ ।
വായുർവഹ്നിഃപ്രജാഃപ്രാണഋതുകര്താപ്രഭാകരഃ ॥ 9 ॥
ആദിത്യഃസവിതാസൂര്യഃഖഗഃപൂഷാഗഭസ്തിമാന് ।
സുവര്ണസദൃശോഭാനുര്ഹിരണ്യരേതാദിവാകരഃ ॥ 10 ॥
ഹരിദശ്വസ്സഹസ്രാര്ചിസ്സപ്തസപ്തിര്മരീചിമാന് ।
തിമിരോന്മഥനശ്ശംഭുസ്ത്വഷ്ടാമാര്തംഡകോഽംശുമാന് ॥ 11 ॥
ഹിരണ്യഗര്ഭശ്ശിശിരസ്തപനോഭാസ്കരോരവിഃ ।
അഗ്നിഗര്ഭോഽദിതേഃപുത്രഃശംഘശ്ശിശിരനാശനഃ ॥ 12 ॥
വ്യോമനാഥസ്തമോഭേദീഋഗ്യജുസ്സാമപാരഗഃ ।
ഘനവൃഷ്ടിരപാംമിത്രോവിംധ്യവീഥീപ്ലവംഗമഃ ॥ 13 ॥
ആതപീമംഡലേമൃത്യുഃപിംഗലസ്സർവതാപനഃ ।
കവിർവിശ്വോമഹാതേജാരക്തസ്സർവഭവോദ്ഭവഃ ॥ 14 ॥
നക്ഷത്രഗ്രഹതാരാണാമധിപോവിശ്വഭാവനഃ ।
തേജസാമപിതേജസ്വീദ്വാദശാത്മന്നമോഽസ്തുതേ ॥ 15 ॥
നമഃപൂർവായഗിരയേപശ്ചിമായാദ്രയേനമഃ ।
ജ്യോതിര്ഗണാനാംപതയേദിനാധിപതയേനമഃ ॥ 16 ॥
ജയായജയഭദ്രായഹര്യശ്വായനമോനമഃ ।
നമോനമസ്സഹസ്രാംശോആദിത്യായനമോനമഃ ॥ 17 ॥
ഗിരിശൃംഗാണി വൃക്ഷാംശ്ച തഥാ ശൂലപരശ്വധാന് ।
മായാ വിഹിതമേതത്തു ശസ്ത്രവര്ഷമപാതയത് ॥ 18 ॥
ബ്രഹ്മേശാനാച്യുതേശായസൂര്യായാദിത്യവര്ചസേ ।
ഭാസ്വതേസർവഭക്ഷായരൌദ്രായവപുഷേനമഃ ॥ 19 ॥
തമോഘ്നായഹിമഘ്നായശത്രുഘ്നായാമിതാത്മനേ ।
കൃതഘ്നഘ്നായദേവായജ്യോതിഷാംപതയേനമഃ ॥ 20 ॥
ഏഷസുപ്തേഷുജാഗര്തിഭൂതേഷുപരിനിഷ്ഠിതഃ ।
ഏഷചൈവാഗ്നിഹോത്രം ച ഫലംചൈവാഗ്നിഹോത്രിണാമ് ॥ 21 ॥
വേദശ്ചക്രതവശ്ചൈവക്രതൂനാംഫലമേവ ച ।
യാനികൃത്യാനിലോകേഷുസർവേഷുപരമപ്രഭുഃ ॥ 22 ॥
ഏനമാപത്സുകൃച്ഛ്രേഷുകാംതാരേഷുഭയേഷു ച ।
കീര്തയന്പുരുഷഃകശ്ചിനാവസീദതിരാഘവ ॥ 23 ॥
പൂജയസ്വൈനമേകാഗ്രോദേവദേവംജഗത്പതിമ് ।
ഏതത്ത്രിഗുണിതംജപ്ത്വായുദ്ധേഷുവിജയിഷ്യസി ॥ 24 ॥
അസ്മിന് ക്ഷണേമഹാബാഹോരാവണംത്വംവധിഷ്യസി ।
ഏവമുക്ത്വാതതോഽഗസ്ത്യോജഗാമ സ യഥാഗതമ് ॥ 25 ॥
ഏതച്ഛ്രുത്വാമഹാതേജാനഷ്ടശോകോഽഭവത്തദാ ।
ധാരയാമാസസുപ്രീതോരാഘവഃപ്രയതാത്മവാന് ॥ 26 ॥
ആദിത്യംപ്രേക്ഷ്യജപ്ത്വാതുപരംഹര്ഷമവാപ്തവാന് ।
ത്രിരാചമ്യശുചിര്ഭൂത്വാധനുരാദായവീര്യവാന് ॥ 27 ॥
രാവണംപ്രേക്ഷ്യഹൃഷ്ടാത്മായുദ്ധാര്ഥംസമുപാഗമത് ।
സർവയത്നേനമഹതാവധേതസ്യധൃതോഽഭവത് ॥ 28 ॥
അഥരവിരവദന്നിരീക്ഷ്യരാമംമുദിതമനാഃപരമംപ്രഹൃഷ്യമാണഃ ।
നിശിചരപതിസംക്ഷ്യംവിദിത്വാസുരഗണമധ്യഗതോവചസ്ത്വരേതി ॥ 29 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്താധികശതതമസ്സര്ഗഃ ॥
