śrīmadvālmīkīya rāmāyaṇē yuddhakāṇḍam ।
atha saptādhikaśatatamassargaḥ ।
tatōyuddhapariśrāntaṃsamarēchintayāsthitam ।
rāvaṇañchāgratōdṛṣṭavāyuddhāyasamupasthitam ॥ 1 ॥
daivataiśchasamāgamyadraṣṭumabhyāgatōraṇam ।
upāgamyābravīdrāmamagastyōbhagavān ṛṣiḥ ॥ 2 ॥
rāma rāma mahābāhō śṛṇuguhyaṃsanātanam ।
yēnasarvānarīsvatsasamarēvijayiṣyasē ॥ 3 ॥
ādityahṛdayampuṇyaṃsarvaśatruvināśanam ।
jayāvahañjapēnnityamakṣayyamparamaṃśivam ॥ 4 ॥
sarvamaṅgalamaṅgalyaṃsarvapāpapraṇāśanam ।
chintāśōkapraśamanamāyurvardhanamuttamam ॥ 5 ॥
rasmīmantaṃsamudyantandēvāsuranamaskṛtam ।
pūjayasvavivastvantambhāskarambhuvanēśvaram ॥ 6 ॥
sarvadēvātmakōhyēṣatējasvīrasmībhāvanaḥ ।
ēṣadēvāsuragaṇānlōkānpātigabhastibhiḥ ॥ 7 ॥
ēṣabrahmā cha viṣṇuśchaśivaḥskandhaḥprajāpatiḥ ।
mahēndrōdhanadaḥkālōyamaḥsōmōhyapāmpatiḥ ॥ 8 ॥
pitarōvasavassādhyāaśvinaumarutōmanuḥ ।
vāyurvahniḥprajāḥprāṇaṛtukartāprabhākaraḥ ॥ 9 ॥
ādityaḥsavitāsūryaḥkhagaḥpūṣāgabhastimān ।
suvarṇasadṛśōbhānurhiraṇyarētādivākaraḥ ॥ 10 ॥
haridaśvassahasrārchissaptasaptirmarīchimān ।
timirōnmathanaśśambhustvaṣṭāmārtaṇḍakō'ṃśumān ॥ 11 ॥
hiraṇyagarbhaśśiśirastapanōbhāskarōraviḥ ।
agnigarbhō'ditēḥputraḥśaṅghaśśiśiranāśanaḥ ॥ 12 ॥
vyōmanāthastamōbhēdīṛgyajussāmapāragaḥ ।
ghanavṛṣṭirapāmmitrōvindhyavīthīplavaṅgamaḥ ॥ 13 ॥
ātapīmaṇḍalēmṛtyuḥpiṅgalassarvatāpanaḥ ।
kavirviśvōmahātējāraktassarvabhavōdbhavaḥ ॥ 14 ॥
nakṣatragrahatārāṇāmadhipōviśvabhāvanaḥ ।
tējasāmapitējasvīdvādaśātmannamō'stutē ॥ 15 ॥
namaḥpūrvāyagirayēpaśchimāyādrayēnamaḥ ।
jyōtirgaṇānāmpatayēdinādhipatayēnamaḥ ॥ 16 ॥
jayāyajayabhadrāyaharyaśvāyanamōnamaḥ ।
namōnamassahasrāṃśōādityāyanamōnamaḥ ॥ 17 ॥
giriśṛṅgāṇi vṛkṣāṃścha tathā śūlaparaśvadhān ।
māyā vihitamētattu śastravarṣamapātayat ॥ 18 ॥
brahmēśānāchyutēśāyasūryāyādityavarchasē ।
bhāsvatēsarvabhakṣāyaraudrāyavapuṣēnamaḥ ॥ 19 ॥
tamōghnāyahimaghnāyaśatrughnāyāmitātmanē ।
kṛtaghnaghnāyadēvāyajyōtiṣāmpatayēnamaḥ ॥ 20 ॥
ēṣasuptēṣujāgartibhūtēṣupariniṣṭhitaḥ ।
ēṣachaivāgnihōtraṃ cha phalañchaivāgnihōtriṇām ॥ 21 ॥
vēdaśchakratavaśchaivakratūnāmphalamēva cha ।
yānikṛtyānilōkēṣusarvēṣuparamaprabhuḥ ॥ 22 ॥
ēnamāpatsukṛchChrēṣukāntārēṣubhayēṣu cha ।
kīrtayanpuruṣaḥkaśchināvasīdatirāghava ॥ 23 ॥
pūjayasvainamēkāgrōdēvadēvañjagatpatim ।
ētattriguṇitañjaptvāyuddhēṣuvijayiṣyasi ॥ 24 ॥
asmin kṣaṇēmahābāhōrāvaṇantvaṃvadhiṣyasi ।
ēvamuktvātatō'gastyōjagāma sa yathāgatam ॥ 25 ॥
ētachChrutvāmahātējānaṣṭaśōkō'bhavattadā ।
dhārayāmāsasuprītōrāghavaḥprayatātmavān ॥ 26 ॥
ādityamprēkṣyajaptvātuparaṃharṣamavāptavān ।
trirāchamyaśuchirbhūtvādhanurādāyavīryavān ॥ 27 ॥
rāvaṇamprēkṣyahṛṣṭātmāyuddhārthaṃsamupāgamat ।
sarvayatnēnamahatāvadhētasyadhṛtō'bhavat ॥ 28 ॥
atharaviravadannirīkṣyarāmammuditamanāḥparamamprahṛṣyamāṇaḥ ।
niśicharapatisaṅkṣyaṃviditvāsuragaṇamadhyagatōvachastvarēti ॥ 29 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptādhikaśatatamassargaḥ ॥
