শ্রীমদ্বাল্মীকীয রামাযণে যুদ্ধকাংডম্ ।
অথ সপ্তাধিকশততমস্সর্গঃ ।
ততোযুদ্ধপরিশ্রাংতংসমরেচিংতযাস্থিতম্ ।
রাবণংচাগ্রতোদৃষ্টবাযুদ্ধাযসমুপস্থিতম্ ॥ 1 ॥
দৈবতৈশ্চসমাগম্যদ্রষ্টুমভ্যাগতোরণম্ ।
উপাগম্যাব্রবীদ্রামমগস্ত্যোভগবান্ ঋষিঃ ॥ 2 ॥
রাম রাম মহাবাহো শৃণুগুহ্যংসনাতনম্ ।
যেনসর্বানরীস্বত্সসমরেবিজযিষ্যসে ॥ 3 ॥
আদিত্যহৃদযংপুণ্যংসর্বশত্রুবিনাশনম্ ।
জযাবহংজপেন্নিত্যমক্ষয্যংপরমংশিবম্ ॥ 4 ॥
সর্বমংগলমংগল্যংসর্বপাপপ্রণাশনম্ ।
চিংতাশোকপ্রশমনমাযুর্বর্ধনমুত্তমম্ ॥ 5 ॥
রস্মীমংতংসমুদ্যংতংদেবাসুরনমস্কৃতম্ ।
পূজযস্ববিবস্ত্বংতংভাস্করংভুবনেশ্বরম্ ॥ 6 ॥
সর্বদেবাত্মকোহ্যেষতেজস্বীরস্মীভাবনঃ ।
এষদেবাসুরগণান্লোকান্পাতিগভস্তিভিঃ ॥ 7 ॥
এষব্রহ্মা চ বিষ্ণুশ্চশিবঃস্কংধঃপ্রজাপতিঃ ।
মহেংদ্রোধনদঃকালোযমঃসোমোহ্যপাংপতিঃ ॥ 8 ॥
পিতরোবসবস্সাধ্যাঅশ্বিনৌমরুতোমনুঃ ।
বাযুর্বহ্নিঃপ্রজাঃপ্রাণঋতুকর্তাপ্রভাকরঃ ॥ 9 ॥
আদিত্যঃসবিতাসূর্যঃখগঃপূষাগভস্তিমান্ ।
সুবর্ণসদৃশোভানুর্হিরণ্যরেতাদিবাকরঃ ॥ 10 ॥
হরিদশ্বস্সহস্রার্চিস্সপ্তসপ্তির্মরীচিমান্ ।
তিমিরোন্মথনশ্শংভুস্ত্বষ্টামার্তংডকোঽংশুমান্ ॥ 11 ॥
হিরণ্যগর্ভশ্শিশিরস্তপনোভাস্করোরবিঃ ।
অগ্নিগর্ভোঽদিতেঃপুত্রঃশংঘশ্শিশিরনাশনঃ ॥ 12 ॥
ব্যোমনাথস্তমোভেদীঋগ্যজুস্সামপারগঃ ।
ঘনবৃষ্টিরপাংমিত্রোবিংধ্যবীথীপ্লবংগমঃ ॥ 13 ॥
আতপীমংডলেমৃত্যুঃপিংগলস্সর্বতাপনঃ ।
কবির্বিশ্বোমহাতেজারক্তস্সর্বভবোদ্ভবঃ ॥ 14 ॥
নক্ষত্রগ্রহতারাণামধিপোবিশ্বভাবনঃ ।
তেজসামপিতেজস্বীদ্বাদশাত্মন্নমোঽস্তুতে ॥ 15 ॥
নমঃপূর্বাযগিরযেপশ্চিমাযাদ্রযেনমঃ ।
জ্যোতির্গণানাংপতযেদিনাধিপতযেনমঃ ॥ 16 ॥
জযাযজযভদ্রাযহর্যশ্বাযনমোনমঃ ।
নমোনমস্সহস্রাংশোআদিত্যাযনমোনমঃ ॥ 17 ॥
গিরিশৃংগাণি বৃক্ষাংশ্চ তথা শূলপরশ্বধান্ ।
মাযা বিহিতমেতত্তু শস্ত্রবর্ষমপাতযত্ ॥ 18 ॥
ব্রহ্মেশানাচ্যুতেশাযসূর্যাযাদিত্যবর্চসে ।
ভাস্বতেসর্বভক্ষাযরৌদ্রাযবপুষেনমঃ ॥ 19 ॥
তমোঘ্নাযহিমঘ্নাযশত্রুঘ্নাযামিতাত্মনে ।
কৃতঘ্নঘ্নাযদেবাযজ্যোতিষাংপতযেনমঃ ॥ 20 ॥
এষসুপ্তেষুজাগর্তিভূতেষুপরিনিষ্ঠিতঃ ।
এষচৈবাগ্নিহোত্রং চ ফলংচৈবাগ্নিহোত্রিণাম্ ॥ 21 ॥
বেদশ্চক্রতবশ্চৈবক্রতূনাংফলমেব চ ।
যানিকৃত্যানিলোকেষুসর্বেষুপরমপ্রভুঃ ॥ 22 ॥
এনমাপত্সুকৃচ্ছ্রেষুকাংতারেষুভযেষু চ ।
কীর্তযন্পুরুষঃকশ্চিনাবসীদতিরাঘব ॥ 23 ॥
পূজযস্বৈনমেকাগ্রোদেবদেবংজগত্পতিম্ ।
এতত্ত্রিগুণিতংজপ্ত্বাযুদ্ধেষুবিজযিষ্যসি ॥ 24 ॥
অস্মিন্ ক্ষণেমহাবাহোরাবণংত্বংবধিষ্যসি ।
এবমুক্ত্বাততোঽগস্ত্যোজগাম স যথাগতম্ ॥ 25 ॥
এতচ্ছ্রুত্বামহাতেজানষ্টশোকোঽভবত্তদা ।
ধারযামাসসুপ্রীতোরাঘবঃপ্রযতাত্মবান্ ॥ 26 ॥
আদিত্যংপ্রেক্ষ্যজপ্ত্বাতুপরংহর্ষমবাপ্তবান্ ।
ত্রিরাচম্যশুচির্ভূত্বাধনুরাদাযবীর্যবান্ ॥ 27 ॥
রাবণংপ্রেক্ষ্যহৃষ্টাত্মাযুদ্ধার্থংসমুপাগমত্ ।
সর্বযত্নেনমহতাবধেতস্যধৃতোঽভবত্ ॥ 28 ॥
অথরবিরবদন্নিরীক্ষ্যরামংমুদিতমনাঃপরমংপ্রহৃষ্যমাণঃ ।
নিশিচরপতিসংক্ষ্যংবিদিত্বাসুরগণমধ্যগতোবচস্ত্বরেতি ॥ 29 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে সপ্তাধিকশততমস্সর্গঃ ॥
