শ্রীমদ্বাল্মীকীয রামাযণে যুদ্ধকাংডম্ ।
অথ দ্বিতীযস্সর্গঃ ।
তংতুশোকপরিদ্যূনংরামংদশরথাত্মজম্ ।
উবাচবচনংশ্রীমান্ সুগ্রীবশ্শোকনাশনম্ ॥ 1 ॥
কিং ত্বযা তপ্যতে বীর যথান্যঃ প্রাকৃতস্তথা ।
মৈবং ভূস্ত্যজ সতাপং কৃতঘ্ন ইব সৌহৃদম্ ॥ 2 ॥
সংতাপস্যচতেস্থানংনহিপশ্যামিরাঘব ।
প্রবৃত্তাবুপলব্ধাযাংজ্ঞাতেচনিলযেরিপোঃ ॥ 3 ॥
মতিমান্শাস্ত্রবিত্প্রাজ্ঞঃপংডিতশ্চাসিরাঘব ।
ত্যজেমাংপাপিকাংবুদ্ধিংকৃতাত্মেবার্থদূষণীম্ ॥ 4 ॥
সমুদ্রংলংঘযিত্বাতুমহানক্রসমাকুলম্ ।
লংকামারোহযিষ্যামোহনিষ্যামশ্চতেরিপুম্ ॥ 5 ॥
নিরুত্সাহস্যদীনস্যশোকপর্যাকুলাত্মনঃ ।
সর্বার্থাব্যবসীদংতিব্যসনংচাধিগচ্ছতি ॥ 6 ॥
ইমেশূরাস্সমর্থাশ্চসর্বনোহরিযূথপাঃ ।
ত্বত্প্রিযার্থংকৃতোত্সাহাঃপ্রবেষ্টুমপিপাবকম্ ।
এষাংহর্ষেণজানামিতর্কশ্চাস্মিন্ দৃঢোমম ॥ 7 ॥
বিক্রমেণসমানেষ্যেসীতাংহত্বাযথারিপুম্ ।
রাবণংপাপকর্মাণংতথাত্বংকর্তুমর্হসি ॥ 8 ॥
সেতুরত্রযথাবধ্যেদ্যথাপশ্যেমতাংপুরীম্ ।
তস্যরাক্ষসরাজস্যতথাত্বংকুরুরাঘব ॥ 9 ॥
দৃষ্টবাতাংতুপুরীংলংকাংত্রিকূটশিখরেস্থিতাম্ ।
হতংচরাবণংযুদ্ধেদর্শনাবধারয ॥ 10 ॥
অবধ্বাসাগরেসেতুংঘোরেচতুবরুণালযে ।
লংকাংনমর্দিতুংশক্যাসেংদ্রৈরপিসুরাসুরৈঃ ॥ 11 ॥
সেতুর্বদ্ধস্সমুদ্রেচযাবল্লংকাস্সমীপতঃ ॥ 12 ॥
সর্বংতীর্ণংচমেসৈন্যংজিতমিত্যুপধারয ।
ইমেহিসমরেবীরাহরযঃকামরূপিণ ॥ 13 ॥
তদলংবিক্লবাংবুদ্ধিং রাজন সর্বার্থনাশনীম্ ।
পুরুষস্যহিলোকেঽস্মিন্ শোকশ্শৌর্যাপকর্ষণঃ ॥ 14 ॥
যত্তুকার্যংমনুষ্যেণশৌংডীর্যমবলংবতা ।
অস্মিন্ কালেমহাপ্রাজ্ঞসত্ত্বমাতিষ্ঠতেজসা ॥ 15 ॥
শূরাণাংহিমনুষ্যাণাংত্বদ্বিধানাংমহাত্মনাম্ ।
বিনষ্টেবাপ্রণষ্টেবাশোকস্সর্বার্থনাশনঃ ॥ 16 ॥
তত্ত্বংবুদ্ধিমতাংশ্রেষ্ঠস্সর্বশাস্ত্রার্থকোবিদঃ ।
মদ্বিধৈস্সচিবৈস্সার্থমরিংজেতুমিহার্হসি ॥ 17 ॥
নহিপশ্যাম্যহংকংচিত্ ত্রিষুলোকেষুরাঘব ।
গৃহীতধনুষেযস্তেতিষ্ঠেদভিমুখোরণে ॥ 18 ॥
বানরেষুসমাসক্তংনতেকার্যংবিপত্স্যতে ।
অচিরাদ্দ্রক্ষ্যসেসীতাংতীর্ত্বাসাগরমক্ষ্যম্ ॥ 19 ॥
তদলংশোকমালংব্যক্রোধমালংবভূপতে ।
নিশ্চেষ্টাঃক্ষত্রিযামংদাস্সর্বেচংডস্যবিভ্যতি ॥ 20 ॥
লংঘনার্থংচঘোরস্যসমুদ্রস্যনদীংপতেঃ ।
সহাস্মাভিরিহোপেতস্সূক্ষ্মবুদ্ধির্বিচারয ॥ 21 ॥
লংঘিতেতস্যতৈস্সৈন্যংজিতমিত্যুপধারয ।
সর্বংতীর্ণংচমেসৈন্যংজিতমিত্যবধার্যতাম্ ॥ 22 ॥
ইমেহিহরযশ্শূরাস্সমরেকামরূপিণঃ ।
তানরীন্বিধমিষ্যংতিশিলাপাদপবৃষ্টিভিঃ ॥ 23 ॥
কথংচিত্সংতরিষ্যামস্তেবযংবরুণালযম্ ।
হতমিত্যেবতংমন্যেযুদ্ধেশত্রুনিবর্হণ ॥ 24 ॥
কিমুক্ত্বাবহুধাচাপিসর্বথাবিজযীভবান্ ।
নিমিত্তানিচপশ্যামিমনোমেসংপ্রহৃষ্যতি ॥ 25 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে দ্বিতীযস্সর্গঃ ॥
