শ্রীমদ্বাল্মীকীয রামাযণে যুদ্ধকাংডম্ ।
অথ চতুর্বিংশস্সর্গঃ ।
সাবীরসমিতীরাজ্ঞাবিররাজব্যবস্থিতা ।
শশিনাশুভনক্ষত্রাপৌর্ণমাসীবশারদী ॥ 1 ॥
প্রচচালচবেগেনত্রস্তাচৈববসুংধরা ।
পীড্যমানাবলৌঘেনতেনসাগরবর্চসা ॥ 2 ॥
ততশ্শুশ্রুবুরাক্রুষ্টংলংকাযাংকাননৌকসঃ ।
ভেরীমৃদংগসংঘুষ্টংতুমুলংরোমহর্ষণম্ ॥ 3 ॥
বভূবুস্তেনঘোষেণসংহৃষ্টাহরিযূথপাঃ ।
অমৃষ্যমাণাস্তংঘোষংবিনেদুর্ঘোষবত্তরম্ ॥ 4 ॥
রাক্ষসাস্তুপ্লবংগানাংশুশ্রুবুশ্চাঽপিগর্জিতম্ ।
নর্দতামিবদৃপ্তানাংমেঘানামংবরেস্বনম্ ॥ 5 ॥
দৃষ্টবাদাশরথির্লংকাংচিত্রধ্বজপতাকিনীম্ ।
জগামমনসাসীতংদূযমানেনচেতসা ॥ 6 ॥
অত্রসামৃগশাবাক্ষীরাবণেনোপরুধ্যতে ।
অভিভূতাগ্রহেণেবলোহিতাংগেনরোহিণী ॥ 7 ॥
দীর্ঘমুষ্ণংচনিশ্বস্যসমুদ্বীক্ষ্যচলক্ষ্মণম্ ।
উবাচবচনংবীরস্তত্কালহিতমাত্মনঃ ॥ 8 ॥
আলিখংতীমিবাকাশমুত্থিতাংপশ্যলক্ষ্মণ ।
মনসেবকৃতাংলংকাংনগাগ্রেবিশ্বকর্মণা ॥ 9 ॥
বিমানৈর্বহুভির্লংকাসংকীর্ণাভুবিরাজতে ।
বিষ্ণোঃপদমিবাকাশংছাদিতংপাংডুভির্ঘনৈঃ ॥ 10 ॥
পুষ্পিতৈশ্শোভিতালংকাবনৈশ্চত্ররথোপমৈঃ ।
নানাপতগসংঘুষ্টৈঃ ফলপুষ্পোপগৈশ্শুভৈঃ ॥ 11 ॥
পশ্যমত্তবিহাংগানিপ্রলীনভ্রমরাণিচ ।
কোকিলাকুলষংডানিদোধবীতিশিবোঽনিলঃ ॥ 12 ॥
ইতিদাশরথীরামোলক্ষ্মণংসমভাষত ।
বলংচতদ্বৈবিভজন্ শাস্ত্রদৃষ্টেনকর্মণা ॥ 13 ॥
শশাসকপিসেনাযাংবলমাদাযবীর্যবান্ ।
অংগদস্সহনীলেনতিষ্ঠেদুরসিদুর্জযঃ ॥ 14 ॥
তিষ্ঠেদ্বানরবাহিন্যাবানরৌঘসমাবৃতঃ ।
আশ্রিত্যদক্ষিণংপার্শ্বমৃষভোবানরর্ষভঃ ॥ 15 ॥
গংধহস্তীবদুর্ধর্ষস্তরস্বীগংধমাদনঃ ।
তিষ্ঠেদ্বানরবাহিন্যাস্সব্যংপার্শ্বংসমাশ্রিতঃ ॥ 16 ॥
মূর্ধ্নিস্থাস্যাম্যহংযুক্তোলক্ষ্মণেনসমন্বিতঃ ।
জাংববাংশ্চসুষেণশ্চবেগদর্শীচবানরঃ ॥ 17 ॥
ঋক্ষমুখ্যামহাত্মানঃকুক্ষিংরক্ষংতুতেত্রযঃ ।
জঘনংকপিসেনাযাঃকপিরাজোঽভিরক্ষতু ।
পশ্চার্ধমিবলোকস্যপ্রচেতাস্তেজসাবৃতঃ ॥ 18 ॥
সুবিভক্তমহাব্যূহামহাবানররক্ষিতা ।
অনীকিনীসাবিবভৌযথাদ্যৌস্সাভ্রসংপ্লবা ॥ 19 ॥
প্রগৃহ্যগিরিশৃংগাণিমহাতশ্চমহীরুহন্ ।
লংকাংবিমর্দযিষবোরণে ॥ 20 ॥
শিখরৈর্বিকিরামৈনাংলংকাংমুষ্টভিরেববা ।
ইতিস্মদধিরেসর্বেমনাংসিহরিপুংগবাঃ ॥ 21 ॥
ততোরামোমহাতেজাস্সুগ্রীবমিদমব্রবীত্ ।
সুবিভক্তানিসৈন্যানিশুকএষবিমুচ্যতাম্ ॥ 22 ॥
রামস্যতুবচশ্শ্রুত্বাবানরেংদ্রোমহাবলঃ ।
মোচযামাসতংদূতংশুকংরামস্যশাসনাত্ ॥ 23 ॥
মোচিতোরামবাক্যেনবানরৈশ্চনিপীডিতঃ ।
শুকঃপরমসংত্রস্তোরক্ষোধিপমুপাগমত্ ॥ 24 ॥
রাবণঃপ্রহসন্নেবশুকংবাক্যমুবাচহ ॥ 25 ॥
কিমিমৌতেসিতৌপক্ষৌলূনপক্ষশ্চদৃশ্যসে ।
কচ্চিন্নানেকচিত্তানাংতেষাংত্বংবশমাগতঃ ॥ 26 ॥
ততস্সভযসংবিগ্নস্তদারাজ্ঞাভিচোদিতঃ ।
বচনংপ্রত্যুবাচেদংরাক্ষসাধিপমুত্তমম্ ॥ 27 ॥
সাগরস্যোত্তরেতীরেঽব্রবংতেবচনংতথা ।
যথাসংধেশমক্লিষ্টংসাংত্বযন্ শ্লক্ষ্ণযাগিরা ॥ 28 ॥
ক্রুদ্ধৈস্সৈরহমুত্প্লুতদৃষ্টমাত্রঃপ্লবংগমৈঃ ।
গৃহীতোঽস্ম্যপিচারব্দোহংতুংলোপ্তুংচমুষ্টিভি ॥ 29 ॥
নৈবসংভাষিতুংশক্যাস্সংপ্রশ্নোঽত্রনলভ্যতে ।
প্রকৃত্যাকোপনাস্তীক্ষ্ণানানরারাক্ষসাধিপ ॥ 30 ॥
সচহংতাবিরাধস্যকবংধস্যখরস্যচ ।
সুগ্রীবসহিতোরামস্সীতাযাঃ পদমাগতঃ ॥ 31 ॥
সকৃত্বাসাগরেসেতুংতীর্ত্বাচলবণোদধিম্ ।
এষরক্ষাংসিনির্দূযধন্বীতিষ্ঠতিরাঘবঃ ॥ 32 ॥
ঋক্ষবানরসংঘানামনীকানিসহস্রশঃ ।
গিরিমেঘনিকাশানাংছাদযংতিবসুংধরাম্ ॥ 33 ॥
রাক্ষসানাংবলৌঘস্যবানরেংদ্রবলস্যচ ।
নৈতযোর্বিদ্যতেসংধির্দেবদানবযোরিব ॥ 34 ॥
পুরাপ্রাকারমাযাংতিক্ষিপ্রমেকতরংকুরু ।
সীতাংবাস্মৈপ্রযচ্ছাশুসুযুদ্ধংবাপিপ্রদীযতাম্ ॥ 35 ॥
শুকস্যবচনংশ্রুত্বারাবণোবাক্যমব্রবীত্ ।
রোষসংরক্তনযনোনির্দহন্নিনচক্ষুষা ॥ 36 ॥
যদিমাংপ্রতিযুধ্যেরন্ দেবগংধর্বদানবাঃ ।
নৈবসীতাংপ্রদাস্যামিসর্বলোকভযাদপি ॥ 37 ॥
কদাসমভিধাবংতিরাঘবংমামকাশ্শরাঃ ।
বসংতেপুষ্পিতংমত্তাভ্রমরাইবপাদপম্ ॥ 38 ॥
কদাতূণীযশৈর্দীপ্তৈর্গণশঃ কার্মুকচ্যুতৈঃ ।
শরৈরাদীপযাম্যেনমুল্কাভিরিবকুংজরম্ ॥ 39 ॥
তচ্চাস্যবলমাদাস্যেবলেনমহতাবৃতঃ ।
জ্যোতিষামিবসর্বেষাংপ্রভামুদ্যংদিবাকরঃ ॥ 40 ॥
সাগরস্যেবমেবেগোমারুতস্যেবমেগতিঃ ।
নহিদাশরথির্বেদতেনমাংযোদ্ধুমিচ্ছতি ॥ 41 ॥
নমেতূণীশযান্বাণান্ সবিষানিবপন্নগান্ ।
রামঃপশ্যতিসংগ্রামেতেনমাংযোধ্দুমিচ্ছতি ॥ 42 ॥
নজানাতিপুরাবীর্যমমযুদ্ধেসরাঘবঃ ।
মমচাপমযীংবীণাংশরকোণৈঃপ্রবাদিতাম্ ॥ 43 ॥
জ্যাশব্দতুমুলাংঘোরামার্তভীতমহাস্বনাম্ ।
নারাচতলসন্নাদাংতাংমমাহিতবাহিনীম্ ॥ 44 ॥
অবগাহ্যমহারংগংবাদযিষ্যাম্যহংরণে ।
নবাসবেনাপিসহস্রচক্ষুষাযথাস্মিশক্যোবরুণেনবাস্বযম্ ।
যমেনবাধর্ষযিতুংশরাগ্নিনামহাহবেবৈশ্রবণেনবাপুনঃ ॥ 45 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে চতুর্বিংশস্সর্গঃ ॥
