শ্রীমদ্বাল্মীকীয রামাযণে যুদ্ধকাংডম্ ।
অথ ষট্ষষ্টিতমস্সর্গঃ ।
স লংঘযিত্বাপ্রাকারংগিরিকূটোপমোমহান্ ।
নির্যযৌনগরাত্তূর্ণংকুংভকর্ণোমহাবলঃ ॥ 1 ॥
ননাদ চ মহানাদংসমুদ্রমভিনাদযন্ ।
বিজযন্নিবনির্ঘাতন্বিধমন্নিবপর্বতান্ ॥ 2 ॥
তমবধ্যংমঘবতাযমেনবরুণেনবা ।
প্রেক্ষ্যভীমাক্ষমাযাংতংবানরাবিপ্রদুদ্রুবুঃ ॥ 3 ॥
তাংস্তুবিপ্রদ্রুতান্ দৃষ্টবারাজপুত্রোঽংগদোঽব্রবীত্ ।
নলংনীলংগবাক্ষং চ কুমুদং চ মহাবলম্ ॥ 4 ॥
আত্মানমত্রবিস্মৃত্যবীর্যাণ্যভিজনানি চ ।
ক্বগচ্ছতভযত্রস্তাঃপ্রাকৃতাহরযোযথা ॥ 5 ॥
সাধুসৌম্যা নিবর্তধ্বংকিপ্রাণান্পরিরক্ষথ ।
নালংযুদ্ধাযবৈরক্ষোমহতীযংবিভীষকা ॥ 6 ॥
মহতীমুথতিতামেনাংরাক্ষসানাংবিভীষিকাম্ ।
বিক্রমাদ্বিধমিষ্যামোনিবর্তধ্বংপ্লবংগমাঃ ॥ 7 ॥
কৃচ্ছ্রেণতুসমাশ্বস্যসংগম্য চ ততস্ততঃ ।
বৃক্ষাদ্রিহস্তাহরযস্সংপ্রতস্থূরণাজিরম্ ॥ 8 ॥
তেনিবৃত্যতুসংকৃদ্ধাঃকুংভকর্ণংবনৌকসঃ ।
নির্জঘ্নুঃপরমক্রুদ্ধাস্সমদাইবকুংজরাঃ ॥ 9 ॥
প্রাংশুভির্গিরিশৃংগৈশ্চশিলাভিশ্চমহাবলঃ ।
পাদপৈঃপুষ্পিতাগ্রৈশ্চহন্যমানো ন কংপতে ॥ 10 ॥
তস্যগাত্রেষুপতিতাভিদ্যংতেশতশশ্শিলাঃ ।
পাদপাঃপুষ্পিতাগ্রাশ্চভগ্নাঃপেতুর্মহীতলে ॥ 11 ॥
সোঽপিসৈন্যানিসংক্রুদ্ধোবানরাণাংমহৌজসাম্ ।
মমংথপরমাযত্তোবনান্যগ্নিরিবোত্থিতঃ ॥ 12 ॥
লোহিতার্দ্রাস্তুবহবশ্শেরতেবানরর্ষভাঃ ।
নিরস্তাংপতিতাভূমৌতাম্রপুষ্পাইবদ্রুমাঃ ॥ 13 ॥
লংঘযংতঃপ্রধাবংতোবানরানাবলোকযন্ ।
কেচিত্সমুদ্রেপতিতাঃকেচিদ্গগনমাস্থিতাঃ ॥ 14 ॥
বধ্যমানাস্তুতেবীরারাক্ষসেন চ লীলযা ।
সাগরংযেনতেতীর্ণাঃপথাতেনদুদ্রুবুঃ ॥ 15 ॥
তেস্থলানিতদানিম্নংবিবর্ণমানাভযাত্ ।
ঋক্ষাবৃক্ষান্ সমারূঢাঃকেচিত্পর্বতমাশ্রিতাঃ ॥ 16 ॥
মমজ্জুরর্ণবেকেচিদ্গুহাঃকেচিত্সমাশ্রিতাঃ ।
নিপেতুঃকেচিদপরেকেচিন্নৈবাবতস্থিরে ॥ 17 ॥
কেচিদ্ভূমৌনিপতিতাঃকেচিত্সুপ্তামৃতাইব ।
তান্সমীক্ষ্যাংগদোভগ্নান্বানরানিদমব্রবীত্ ॥ 18 ॥
অবতিষ্ঠতযুধ্যামোনিবর্তধ্বংপ্লবংগমাঃ ।
ভগ্নানাংবো ন পশ্যামিপরিগম্যমহীমিমাম্ ॥ 19 ॥
স্থানংসর্বেনিবর্তধ্বংকিংপ্রাণান্ পরিরক্ষথ ।
নিরাযুধানাংদ্রবতামসংগগতিপৌরুষাঃ ॥ 20 ॥
দারাহ্যুপহসিষ্যংতি স বৈঘাতস্তুজীবতাম্ ।
কুলেষুজাতাস্সর্বেস্মবিস্তীর্ণেষুমহত্সু চ ॥ 21 ॥
ক্বগচ্ছতভযত্রস্তাঃহরযঃপ্রাকৃতাযথা ।
অনার্যাঃখলুযদ্ভীতাস্ত্যক্ত্বাবীর্যংপ্রধাবত ॥ 22 ॥
বিকত্থনানিবোযানি তদাবৈজনসংসদি ।
তানিবঃক্বনুযাতানিসোদগ্রাণিম হিতানি চ ॥ 23 ॥
ভীরুপ্রবাদাশ্শ্রূযংতেযস্তুজীবতিধিক্কৃতঃ ।
মার্গস্সত্পুরুষৈর্জষ্টঃসেব্যতাংত্যজ্যতাংভযম্ ॥ 24 ॥
শযামহেঽনিহতাঃপৃথিব্যামল্পজীবিতাঃ ।
দুষ্প্রাপংব্রহ্মলোকংবাপ্রাপ্নুযামোযুধিসূদিতা ॥ 25 ॥
সংপ্রাপ্নুযামঃকীর্তিংবানিহত্বাশত্রুমাহবে ।
জীবিতংবীরলোকস্যমোক্ষ্যামোবসুবানরাঃ ॥ 26 ॥
ন কুংভকর্ণঃকাকুত্স্থংদৃষ্টবাজীবন্ গমিষ্যতি ।
দীপ্যমানমিবাসাদ্যপতংগোজ্বলনংযথা ॥ 27 ॥
লাযনেনচোদ্ধিষ্টাঃপ্রাণান্ রক্ষামহেবযম্ ।
একেনবহবোভগ্নাযশোনাশংগমিষ্যতি ॥ 28 ॥
এবংব্রুবাণংতংশূরমংগদংকনকাংগদম্ ।
দ্রবমাণাস্ততোবাক্যমূচুঃশূরুবিগর্হিতম্ ॥ 29 ॥
কৃতংনঃকদনংঘোরংকুংভকর্ণেনরক্ষসা ।
ন স্থানকালোগচ্ছামোদযিতংজীবিতংহিনঃ ॥ 30 ॥
এতাবদুক্ত্বাবচনংসর্বেতেভেজিরেদিশঃ ।
ভীমংভীমাক্ষমাযাংতংদৃষ্টবাবানরযূথপাঃ ॥ 31 ॥
দ্রবমাণস্তুতেবীরাঅংগদেনবলীমুখাঃ ।
সাংত্বৈশ্চৈহনুমানৈশ্চততস্সর্বেনিবর্তিতাঃ ॥ 32 ॥
প্রহর্ষমুপনীতাশ্চবালিপুত্রেণধীমতা ।
আজ্ঞাপ্রতীক্ষাস্তস্থুশ্চসর্বেবানরযূথপাঃ ॥ 33 ॥
ঋষভশরভমৈংদধূম্রনীলাঃকুমুদসুষেণগবাক্ষরংভতারাঃ ।
দ্বিবিদপনসবাযুপুত্রমুখ্যাস্ত্বরিততরাভিমুখংরণম্ ॥ 34 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ষট্ষষ্টিতমস্সর্গঃ ॥
