শ্রীমদ্বাল্মীকীয রামাযণে যুদ্ধকাংডম্ ।
অথ নবাধিকশততমস্সর্গঃ ।
ততঃপ্রবৃত্তংসুক্রূরংরামরাবণযোস্তদা ।
সুমহদদ্বৈরথংযুদ্ধংসর্বলোকভযাবহম্ ॥ 1 ॥
ততোরাক্ষসসৈন্যং চ হরীণাং চ মহদ্বলম্ ।
প্রগৃহীতপ্রহরণংনিশ্চেষ্টংসমবর্তত ॥ 2 ॥
সংপ্রযুদ্ধেতুতৌদৃষ্টবাবলবন্নররাক্ষসৌ ।
ব্যাক্ষিপ্তহদৃযাস্সর্বেপরংবিস্মযমাগতাঃ ॥ 3 ॥
নাপ্রহরণৈর্ব্যগ্রৈর্ভুজৈর্বিস্মিতবুদ্ধযঃ ।
তস্থুঃপ্রেক্ষয চ সর্বেতেনাভিজগ্মুঃপরস্পরম্ ॥ 4 ॥
রক্ষসাংরাবণংচাপিবানরাণাং চ রাঘবম্ ।
পশ্যতাংবিস্মিতাক্ষাণাংসৈন্যংচিত্রমিবাবভৌ ॥ 5 ॥
তৌতুতত্রনিমিত্তানিদৃষ্টবারাঘবরাবণৌ ।
কৃতবুদ্ধীস্থিরামর্ষৌযুযুধাতেহ্যভীতবত্ ॥ 6 ॥
জেতব্যমিতিকাকুত্স্থোমর্তব্যমিতিরাবণঃ ।
ধৃতৌস্ববীর্যসর্বস্বংযুদ্ধেঽদর্শযতাংতদা ॥ 7 ॥
ততঃক্রোধাদ্ধশগ্রীবশ্শরান্সংধাযবীর্যবান্ ।
মুমোচধ্বজমুদ্ধিস্যরাঘবস্যরথেস্থিতম্ ॥ 8 ॥
তেশরাস্তমনাসাদ্যপুরংদররথধ্বজম্ ।
রথশক্তিংপরামৃশ্যনিপেতুর্ধরণীতলে ॥ 9 ॥
ততোরামোঽপিসংক্রুদ্ধশ্চপমাকৃষ্যবীর্যবান্ ।
কৃতপ্রতিকৃতংকর্তুংমনসস্সংপ্রচক্রমে ॥ 10 ॥
রাবণধ্বজমুদ্দিস্যমুমোচনিশিতংশরম্ ।
মহাসর্পমিবাসহ্যংজ্বলংতংস্বেনতেজসা ॥ 11 ॥
রামশ্চিক্ষেপতেজস্বীকেতুমুদ্ধিশ্যসাযকম্ ।
জগাম স মহীংছিত্ত্বাদশগ্রীবধ্বজংশরঃ ॥ 12 ॥
স নিকৃত্তোঽপতদ্ভূমৌরাবণস্যংদনধ্বজঃ ।
ধ্বজস্যোন্মথনংদৃষ্টবারাবণস্সমহাবলঃ ॥ 13 ॥
সংপ্রদীপ্তোঽভবত্ক্রোধাদমর্ষাত্প্রহসন্নিব ।
স রোষবশমাপন্নশ্শরবর্ষংববর্ষ হ ॥ 14 ॥
রামস্যতুরগাংদীপ্তৈঃ শরৈর্বিব্যাথরাবণঃ ।
তেদিব্যাহরযস্তত্রনাস্খলন্নাপিবভ্রমুঃ ॥ 15 ॥
বভূবুঃস্বস্থহৃদযাঃপদ্মনালৈরিবাহতাঃ ।
তেষামসংভ্রমংদৃষ্টবাবাজিনাংরাবণস্তদা ॥ 16 ॥
ভূযএবসুসংক্রুদ্ধশ্শরবর্ষংমুমোচ হ ।
গদাশ্চপরিঘাংশ্চৈবচক্রাণিমুসলানি চ ॥ 17 ॥
গিরিশৃংগাণিবৃক্ষাংশ্চতথাশূলপরশ্বধান্ ।
মাযাবিহিতমেতত্তুশস্ত্রবর্ষমপাতযত্ ॥ 18 ॥
সহস্রশস্তদাবাণানশ্রাংতহৃদযোদ্যমঃ ।
তুমুলংত্রাসজননংভীমংভীমপ্রতিস্বনম্ ॥ 19 ॥
তদ্বর্ষমভবদ্যুদ্ধেনৈকশস্ত্রমযংমহত্ ।
রাঘবরথংসমংতাদ্বানরেবলে ॥ 20 ॥
সাযকৈরংতরিক্ষং চ চকারসুনিরংতরম্ ।
মুমোচ হ দশগ্রীবোনিঃসংগেনাংতরাত্মনা ॥ 21 ॥
ব্যাযচ্ছমানংতংদৃষ্টবাসত্বরমরাবণংরণে ।
প্রহসন্নিবকাকুত্স্থসংদধেনিশিতান্শরান্ ॥ 22 ॥
স মুমো চ ততোবাণান্শতশোঽথসহস্রশঃ ।
তান্ দৃষ্টবারাবণশ্চক্রেস্বশরৈঃখংনিরংতরম্ ॥ 23 ॥
ততস্থাভ্যাংপ্রমুক্তেনশরবর্ষেণভাস্বতা ।
শরবদ্ধমিবাভাতিদ্বিতীযংভাস্বদংভরম্ ॥ 24 ॥
নানিমিত্তোঽভবদ্ভাণোনানির্ভেত্তা ন নিষ্ফলঃ ।
অন্যোন্যমভিসম্হত্যনিপেতুর্ধরণীতলে ॥ 25 ॥
তথাবিসৃজতোর্ভাণান্ রামরাবণযোর্মৃথে ।
প্রাযুধ্যেতামবিচ্ছিন্নমস্যংতৌসব্যদক্ষিণম্ ॥ 26 ॥
চক্রতুশ্চশরৈর্ঘোরৈর্নিরুচ্ছবাসমিবাংবরম্ ।
রাবণস্যহযান্রামোহযান্রামস্যরাবণঃ ॥ 27 ॥
জঘ্নতুস্তৌতদান্যোন্যংকৃতানুকৃতকারিণৌ ।
এবংতুতৌসুসংক্রুদ্ধৌচক্রতুর্যুদ্ধমুত্তমম্ ॥ 28 ॥
মুহূর্তমভবদ্যুদ্ধংতুমুলংরোমহর্ষণম্ ।
প্রযুধ্যমানৌসমরেমহাবলৌ শিতৈঃশরৈরাবণলক্ষ্মণাগ্রজৌ ।
ধ্বজাবপাতেন স রাক্ষসাধিপো ভৃশংপ্রচুক্রোধতদারঘূত্তমে ॥ 29 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে নবাধিকশততমস্সর্গঃ ॥
