শ্রীমদ্বাল্মীকীয রামাযণে যুদ্ধকাংডম্ ।
অথ অষ্টাশীতিতমস্সর্গঃ ।
বিভীষণবচ্শ্রুত্বারাবণিঃক্রোধমূর্ছিতঃ ।
অব্রবীত্পরুষংবাক্যংবেগেনাভ্যুত্পপাত চ ॥ 1 ॥
উদ্যতাযুধনিস্ত্রিংশোরথেসুসমলংকৃতে ।
কালাশ্বযুক্তেমহতিস্থিতঃকালাংতকোপমঃ ॥ 2 ॥
মহাপ্রমাণমুদ্যম্যবিপুলংবেগবদ্ধৃঢম্ ।
ধনুর্বীমংপরামৃশ্যশরাংশ্চামিত্রনাশনান্ ॥ 3 ॥
তংদদর্শমহেষ্বাসোরথস্থস্সমলংকৃতঃ ।
অলংকৃতমমিত্রঘ্নোরাঘবস্যানুজংবলী ॥ 4 ॥
হনুমত্পৃষ্ঠরূঢমুদস্থরবিপ্রভম্ ।
উবাচৈনংসমারব্ধঃ সৌমিত্রিংসবিভীষণম্ ॥ 5 ॥
তাংশ্চবানরশার্দূলান্ পশ্যধ্বংমেপরাক্রমম্ ।
অদ্যমত্কার্মুকোত্সৃষ্টংশরবর্ষংদুরাসদম্ ॥ 6 ॥
মুক্তংবর্ষমিবাকাশেবারযিষ্যথসংযুগে ।
অদ্যবোমামকাবাণামহাকার্মুনিস্সৃতাঃ ॥ 7 ॥
বিধমিষ্যংতিগাত্রাণিতূলরাশিমিবানলঃ ।
তীক্ষণসাযকনির্ভন্নান্শূলশক্ত্যৃষ্টিতোমরৈঃ ॥ 8 ॥
অদ্যবোগমযিষ্যামিসর্বানেনযমক্ষযম্ ।
ক্ষিপতশ্শরবর্ষাণিক্ষিপ্রহস্তস্যসম্যুগে ॥ 9 ॥
জীমূতস্যেননদতঃকঃস্থাস্যতিমমাগ্রতঃ ।
রাত্রিযুদ্ধেমযাপূর্বংবজ্রাশনিসমৈঃশরৈঃ ॥ 10 ॥
শাযিতৌস্থোমযাভূমৌবিসংজ্ঞৌসপুরস্সরৌ ।
স্মৃতির্নতেঽস্তিবামন্যেব্যক্তংবাযমসাদনম্ ॥ 11 ॥
আশীবিষমিবক্রুদ্ধংযন্মাংযোদ্ধুব্যবত্থিতঃ ।
তচ্ছ্রুত্বারাক্ষসেংদ্রস্যগর্জিতংলক্ষ্মণস্তদা ॥ 12 ॥
অভীতবদনঃক্রুদ্ধোরাবণিংবাক্যমব্রবীত্ ।
উক্তশ্চদুর্গমঃপারঃকার্যাণাংরাক্ষসত্বযা ॥ 13 ॥
কার্যাণাংকর্মণাংপারংযোগচ্ছতি স বুদ্ধিমান্ ।
সত্বমর্থস্যহীনার্থোদুরবাসস্যকেনচিত্ ॥ 14 ॥
বাচাব্যাহৃত্যজানীষেকৃতার্থোঽস্মীতিদুর্মতে ।
অংতর্ধানগতেনাজৌযস্ত্বযাচরিতস্তদা ॥ 15 ॥
তস্করাচরিতোমার্গঃনৈষবীরনিষেবিতঃ ।
যথাবাণপথংপ্রাপ্যস্থিতোঽহংতবরাক্ষস ॥ 16 ॥
দর্শযস্বাদ্যতত্তেজোবাচাত্বংকিংবিকত্থসে ।
এবমুক্তোধনুর্ভীমংপরামৃশ্যমহাবলঃ ॥ 17 ॥
সসর্জনিশিতান্বাণানিংদ্রজিত্সমিতিংজযঃ ।
তেনিসৃষ্টামহাবেগাঃশরাঃসর্পবিষোপমাঃ ॥ 18 ॥
সংপ্রাপ্যলক্ষ্মণংপেতুঃশ্বসংতৈবপন্নগাঃ ।
রৈরতিমহাবেগৈর্বেগবান্রাবণাত্মজঃ ॥ 19 ॥
সৌমিত্রিমিংদ্রজিদ্যুদ্ধেবিব্যাধশুভলক্ষণম্ ।
সশরৈরতিবিদ্ধাংগোরুধিরেণসমুক্ষিতঃ ॥ 20 ॥
শুশুভেলক্ষ্মণঃশ্রীমান্বিধূমৈবপাবকঃ ।
ইংদ্রজিত্ত্বাত্মনঃকর্মপ্রসমীক্ষ্যাধিগম্য চ ॥ 21 ॥
বিনদ্যসুমহানাদমিদংবচনমব্রবীত্ ।
পত্রিণঃশিতধারাস্তেকরামত্কার্মুকচ্যুতাঃ ॥ 22 ॥
আদাস্যংতেঽদ্যসৌমিত্রেজীবিতংজীবিতাংতকাঃ ।
অদ্যগোমাযুসংঘাশ্চশ্যেনসংঘাশ্চলক্ষ্মণ ॥ 23 ॥
গৃধ্রাশ্চনিপতংতুত্বাংগতাসুংনিহতংমযা ।
ক্ষত্রবংধুংসদানার্যংরামঃপরমদুর্মতিঃ ॥ 24 ॥
ভক্তংভ্রাতরমদ্যৈবত্বাংদ্রক্ষ্যতিহতংমযা ।
বিশস্তকবচংভূমৌব্যপবিদ্ধশরাসসনম্ ॥ 25 ॥
হৃতোত্তমাংগংসৌমিত্রত্বামদ্যনিহতংমযা ।
ইতিব্রুবাণংসংকৃদ্ধঃ পরুষংরাবণাত্মজম্ ॥ 26 ॥
হেতুমদ্বাক্যমত্যর্থংলক্ষ্মণঃপ্রত্যুবাচ হ ।
বাগ্বলংত্যজদুর্বুদ্ধেক্রূরকর্মাসিরাক্ষস ॥ 27 ॥
অথকস্মাদ্বদস্যেতত্সংপাদযসুকর্মণা ।
কৃত্বাকত্থসেকর্মকিমর্থমিহরাক্ষস ॥ 28 ॥
কুরুতত্কর্মযেনাহংশ্রদ্ধধ্যাংতবকত্থনম্ ।
অনুক্ত্বাপরুষংবাক্যংকিংচিদপ্যনবক্ষিপন্ ॥ 29 ॥
অবিকত্থন্বধিষ্যামিত্বাংপশ্যপুরুষাধম ।
ইত্যুক্ত্বাপংচনারাচানাকর্ণাপূরিতান্ শিতান্ ॥ 30 ॥
নিজঘানমহাবেগাল্লক্ষ্মণোরাক্ষসোরসি ।
সুপত্রবাজিতাবাণাজ্বলিতাইবপন্নগাঃ ॥ 31 ॥
নৈরৃতোরস্যভাসংতসবিতূরশ্মযোযথা ।
সঃশরৈরাহতস্তেনসরোষোরাবণাত্মজঃ ॥ 32 ॥
সুপ্রযুক্তৈস্ত্রিভির্ভাণৈঃপ্রতিবিব্যাধলক্ষ্মণম্ ।
সঃবভূবমহাভীমোনররাক্ষসসিংহযোঃ ॥ 33 ॥
বিমর্দস্তুমুলোযুদ্ধেপরস্পরজযৈষিণোঃ ।
উভৌহিবলসংপন্নাবুভৌবিক্রমশালিনৌ ॥ 34 ॥
উভৌপরমদুর্জ্ঞেযাবতুল্যবলতেজসৌ ।
যুযুধাতেতদাবীরৌগ্রহাবিবনভোগতৌ ॥ 35 ॥
বলবৃত্রাবিবাভীতৌযুধিতৌদুষ্প্রধর্ষণৌ ।
যুযুধাতেমহাত্মানৌতদাকেসরিণাবিব ॥ 36 ॥
বহূনবসৃজংতৌহিমার্গণৌঘানবস্থিতৌ ।
নররাক্ষসসিম্হোতৌপ্রহৃষ্টাবভ্যযুধ্যতাম্ ॥ 37 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে অষ্টাশীতিতমস্সর্গঃ ॥
