শ্রীমদ্বাল্মীকীয রামাযণে অযোধ্যাকাংডম্ ।
অথ চতুর্নবতিতমস্সর্গঃ ।
দীর্ঘকালোষিত স্তস্মিন্গিরৌ গিরিবনপ্রিযঃ ।
বৈদেহ্যাঃ প্রিযমাকাংক্ষন্স্বং চ চিত্তং বিলোভযন্ ॥ 1 ॥
অথ দাশরথিশ্চিত্রং চিত্রকূটমদর্শযত্ ।
ভার্যামমরসংকাশ শ্শচীমিব পুরংদরঃ ॥ 2 ॥
দীর্ঘকালোষিত স্তস্মিন্গিরৌ গিরিবনপ্রিযঃ ।
বৈদেহ্যাঃ প্রিযমাকাংক্ষন্স্বং চ চিত্তং বিলোভযন্ ॥ 3 ॥
অথ দাশরথিশ্চিত্রং চিত্রকূটমদর্শযত্ ।
ভার্যামমরসংকাশ শ্শচীমিব পুরংদরঃ ॥ 4 ॥
ন রাজ্যাদ্ভ্রংশনং ভদ্রে ন সুহৃদ্ভির্বিনাভবঃ ।
মনো মে বাধতে দৃষ্ট্বা রমণীযমিমং গিরিম্ ॥ 5 ॥
পশ্যেমমচলং ভদ্রে নানাদ্বিজগণাযুতম্ ।
শিখরৈঃ খমিবোদ্বিদ্ধৈর্ধাতুমদ্ভির্বিভূষিতম্ ॥ 6 ॥
কেচিদ্রজতসংকাশাঃ কেচিত্ক্ষতজসংনিভাঃ ।
পীতমাংজিষ্টবর্ণাশ্চ কেচিন্মণিবরপ্রভাঃ ॥ 7 ॥
পুষ্যার্ককেতকাভাশ্চ কেচিজ্জ্যোতীরসপ্রভাঃ ।
বিরাজংতেঽচলেংদ্রস্য দেশা ধাতুবিভূষিতাঃ ॥ 8 ॥
নানামৃগগণদ্বীপিতরর্ক্ষ্বৃক্ষগণৈর্বুতঃ ।
অদুষ্টৈর্ভাত্যযং শৈলো বহুপক্ষিসমাযুতঃ ॥ 9 ॥
আম্রজংব্বসনৈর্লোধ্রৈঃ প্রিযালৈঃ পনসৈর্ধবৈঃ ।
অংকোলৈর্ভব্যতিনিশৈর্বিল্বতিংদুক বেণুভিঃ ॥ 10 ॥
কাশ্মর্যরিষ্টবরুণৈর্মধূকৈস্তিলকৈস্তথা ।
বদর্যামলকৈর্নীপৈর্বেত্রধন্বনবীজকৈঃ ॥ 11 ॥
পুষ্পবদ্ভিঃ ফলোপেতৈশ্ছাযাবদ্ভির্মনোরমৈঃ ।
এবমাদিভিরাকীর্ণঃ শ্রিযং পুষ্যত্যযং গিরিঃ ॥ 12 ॥
শৈলপ্রস্থেষু রম্যেষু পশ্যেমান্ রোমহর্ষণান্ ।
কিন্নরান্ দ্বংদ্বশো ভদ্রে রমমাণান্মনস্বিনঃ ॥ 13 ॥
শাখাবসক্তান্ খড্গাংশ্চ প্রবরাণ্যংবরাণি চ ।
পশ্য বিদ্যাধরস্ত্রীণাং ক্রীডোদ্ধেশান্মনোরমান্ ॥ 14 ॥
জলপ্রপাতৈরুদ্ভেদৈর্নিষ্যংদৈশ্চ ক্বচিত্ক্বচিত্ ।
স্রবদ্ভির্ভাত্যযং শৈল স্স্রবন্মদ ইব দ্বিপঃ ॥ 15 ॥
গুহাসমীরণো গংধান্নানাপুষ্পভবান্বহন্ ।
ঘ্রাণতর্পণমভ্যেত্য কং নরং ন প্রহর্ষযেত্ ॥ 16 ॥
যদীহ শরদোঽনেকাস্ত্বযা সার্ধমনিংদিতে ।
লক্ষ্মণেন চ বত্স্যামি ন মাং শোকঃ প্রধক্ষ্যতি ॥ 17 ॥
বহুপুষ্পফলে রম্যে নানাদ্বিজগণাযুতে ।
বিচিত্রশিখরে হ্যস্মিন্রতবানস্মি ভামিনি ॥ 18 ॥
অনেন বনবাসেন মযা প্রাপ্তং ফলদ্বযম্ ।
পিতুশ্চানৃণতা ধর্মে ভরতস্য প্রিযং তথা ॥ 19 ॥
বৈদেহি রমসে কচ্চিচ্চিত্রকূটে মযা সহ ।
পশ্যংতী বিবিধান্ভাবান্মনোবাক্কাযসম্মতান্ ॥ 20 ॥
ইদমেবামৃতং প্রাহূ রাজ্ঞি রাজর্ষযঃ পরে ।
বনবাসং ভবার্থায প্রেত্য মে প্রপিতামহাঃ ॥ 21 ॥
শিলা শ্শৈলস্য শোভংতে বিশালা শ্শতশোঽভিতঃ ।
বহুলা বহুলৈর্বর্ণৈর্নীলপীতসিতারুণৈঃ ॥ 22 ॥
নিশিভাংত্যচলেংদ্রস্য হুতাশনশিখা ইব ।
ওষধ্যঃ স্বপ্রভালক্ষ্ম্যা ভ্রাজমানা স্সহস্রশঃ ॥ 23 ॥
কেচিত্ ক্ষযনিভা দেশাঃ কেচিদুদ্যানসন্নিভাঃ ।
কেচিদেকশিলা ভাংতি পর্বতস্যাস্য ভামিনি ॥ 24 ॥
ভিত্ত্বেব বসুধাং ভাতি চিত্রকূটস্সমুত্থিতঃ ।
চিত্রকূটস্য কূটোঽসৌ দৃশ্যতে সর্বত শ্শুভঃ ॥ 25 ॥
কুষ্ঠস্থগরপুন্নাগ ভূর্জপত্রোত্তরচ্ছদান্ ।
কামিনাং স্বাস্তরান্পশ্য কুশেশযদলাযুতান্ ॥ 26 ॥
মৃদিতাশ্চাপবিদ্ধাশ্চ দৃশ্যংতে কমলস্রজঃ ।
কামিভির্বনিতে পশ্য ফলানি বিবিধানি চ ॥ 27 ॥
বস্বৌকসারাং নলিনীমত্যেতীবোত্তরান্কুরূন্ ।
পর্বতশ্চিত্রকূটোঽসৌ বহুমূলফলোদকঃ ॥ 28 ॥
ইমং তু কালং বনিতে বিজহ্রিবাংস্ত্বযা চ সীতে সহ লক্ষ্মণেন চ ।
রতিং প্রপত্স্যে কুলধর্মবর্ধনীং সতাং পথি স্বৈর্নিযমৈঃ পরৈঃ স্থিতঃ ॥ 29 ॥
ইত্যার্ষে শ্রীমদ্রামাযণে বাল্মীকীয আদিকাব্যে অযোধ্যাকাংডে চতুর্নবতিতমস্সর্গঃ ॥
