মনোজবং মারুততুল্যবেগং
জিতেংদ্রিযং বুদ্ধিমতাং বরিষ্ঠম্ ।
বাতাত্মজং বানরযূথমুখ্যং
শ্রীরামদূতং শিরসা নমামি ॥
অংজনানংদনং বীরং জানকীশোকনাশনম্ ।
কপীশমক্ষহংতারং বংদে লংকাভযংকরম্ ॥
গোষ্পদীকৃতবারাশিং মশকীকৃতরাক্ষসম্ ।
রামাযণমহামালারত্নং বংদেঽনিলাত্মজম্ ॥
যত্র যত্র রঘুনাথকীর্তনং তত্র তত্র কৃতমস্তকাংজলিম্ ।
বাষ্পবারিপরিপূর্ণলোচনং মারুতিং নমত রাক্ষসাংতকম্ ॥
বংদে বানর-নারসিংহ-খগরাট্-ক্রোডাশ্ববক্ত্রাংচিতং
নানালংকরণং ত্রিপংচনযনং দেদীপ্যমানং রুচাম্ ।
হস্তাভৈরসিখেটপুস্তকসুধাভাংডং কুশাদ্রীন্ হলং
খট্বাংগং ফণিবৃক্ষধৃদ্দশভুজং সর্বারিগর্বাপহম্ ॥
সর্বারিষ্টনিবারকং শুভকরং পিংগাক্ষমক্ষাপহং
সীতান্বেষণতত্পরং কপিবরং কোটীংদুসূর্যপ্রভম্ ।
লংকাদ্বীপভযংকরং সকলদং সুগ্রীবসম্মানিতং
দেবেংদ্রাদি সমক্তদেববিনুতং কাকুত্থদূতং ভজে ॥
বুদ্ধির্বলং যশো ধৈর্যং নির্ভযত্বমরোগতা ।
অজাড্যং বাক্পটুত্বং চ হনুমচ্ছরণাদ্ভবেত্ ॥
নমোঽস্তুরামায সলক্ষ্মণায দেব্যৈ চ তস্যৈ জনকাত্মজাযৈ ।
নমোঽস্তু রুদ্রেংদ্রযমানিলেভ্যো নমোঽস্তু চংদ্রার্কমরুদ্গণেভ্যঃ ॥
জযত্যতিবলো রামো লক্ষ্মণশ্চ মহাবলঃ ।
রাজা জযতি সুগ্রীবো রাঘবেণাভিপালিতঃ ॥
দাসোঽহং কোসলেংদ্রস্য রামস্যাক্লিষ্টকর্মণঃ ।
হনুমান্ শত্রুসৈন্যানাং নিহংতা মারুতাত্মজঃ ॥
ন রাবণসহস্রং মে যুদ্ধে প্রতিবলং ভবেত্ ।
শিলাভিস্তু প্রহরতঃ পাদপৈশ্চ সহস্রশঃ ॥
অর্দযিত্বা পুরীং লংকাং অভিবাদ্য চ মৈথিলীম্ ।
সমৃদ্ধার্থো গমিষ্যামি মিষতাং সর্বরক্ষসাম্ ॥
ধর্মাত্মা সত্যসংধশ্চ রামো দাশরথির্যদি ।
পৌরুষে চাপ্রতিদ্বংদ্বঃ শরৈনং জহি রাবণিম্ ॥
সকৃদেব প্রপন্নায তবাস্মীতি চ যাচতে ।
অভযং সর্বভূতেভ্যঃ দদাম্যেতদ্ব্রতং মম ॥
ইতি সুংদরকাংড প্রার্থনা শ্লোকাঃ সমাপ্তা ।
