শ্রীমদ্বাল্মীকীয রামাযণে যুদ্ধকাংডম্ ।
অথ দ্বাত্রিংশস্সর্গঃ ।
সাসীতাতচ্ছিরোদৃষ্টবাতচ্চকার্মুকমুত্তমম্ ।
সুগ্রীবপ্রতিসংপর্গমাখ্যাতংচহনূমতা ॥ 1 ॥
নযনেমুখবর্ণংচভর্তুস্তত্সদৃশংমুখম্ ।
কেশান্ কেশাংতদেশংচতংচচূডামণিংশুভম্ ॥ 2 ॥
এতৈস্সর্বেরভিজ্ঞানৈরভিজ্ঞাযসুদুঃখিতা ।
নিজগর্হেচকৈকেযীংক্রোশংতীকুররীযথা ॥ 3 ॥
সকামাভবকৈকেযীহতোঽযংকুলনংদনঃ ।
কুলমুত্সাদিতংসর্বংত্বযাকলহশীলযা ॥ 4 ॥
আর্যেণকিংতেকৈকেযী কৃতংরামেণবিপ্রিযম্ ।
যন্মযাচীরবসনস্ত্বযাপ্রস্থাপিতোবনম্ ॥ 5 ॥
এবং উক্ত্বা তু বৈদেহী বেপমানা তপস্বিনী ।
জগাম জগতীং বালা চিন্না তু কদলী যথা ॥ 6 ॥
সামুহূর্তাত্সমাশ্বাস্যপ্রতিলভ্যচচেতনাম্ ।
তচ্ছিরস্সমুপাঘ্রাযবিললাসাযতেক্ষণা ॥ 7 ॥
হাহতাঽস্মিমহাবাহো বীরব্রতমনুব্রত ।
ইমাংতেপশ্চিমাবস্থাংগতাঽস্মিবিধবাকৃতা ॥ 8 ॥
প্রথমংমরণংনার্যাভর্তুর্বৈগুণ্যমুচ্যতে ।
সুবৃত্তঃ স্সাধুবৃত্তাযাস্সম্বৃত্তস্ত্বংমমাগ্রতঃ ॥ 9 ॥
দুঃখাদ্দুঃখংপ্রপন্নাযামগ্নাযাশ্শোকসাগরে ।
যোহিমামুদ্যতনিস্ত্রাতুংসোঽপিত্বংবিনিপাতিতঃ ॥ 10 ॥
সাশ্বশ্রূর্মমকৌসল্যাত্বযাপুত্রেণরাঘবঃ ।
বত্সেনেবযথাধেনুর্বিবত্সাবত্সলাকৃতা ॥ 11 ॥
আদ্দিষ্টংদীর্ঘমাযুস্তেযৈরচিংত্যপরাক্রম ।
অনৃতংবচনংতেষামল্পাযুরপিরাঘব ॥ 12 ॥
অথবানশ্যতিপ্রজ্ঞাপ্রাজ্ঞস্যাপিসতস্তব ।
পচত্যেনংযথাকালোভূতানাংপ্রভবোঽহ্যযম্ ॥ 13 ॥
অদৃষ্টংমৃত্যুমাপন্নঃকস্মাত্ত্বংনযশাস্ত্রবিত্ ।
ব্যসনানামুপাযজ্ঞঃকুশলোহ্যসিবর্জনে ॥ 14 ॥
তথা ত্বং সংপরিষ্বজ্য রৌদ্রযা অতিনৃশংসযা ।
কাল রাত্র্যা মযা আচ্চিদ্য হৃতঃ কমল লোচন ॥ 15 ॥
উপশেষেমহাবাহোঃ মাংবিহাযতপস্বিনীম্ ।
প্রিযামিবসমালশিষ্যপৃথিবীংপুরুষর্ষভ ॥ 16 ॥
অর্চিতংসততংযত্তদ্গংধমাল্যৈর্মযাতব ।
ইদংতেমপ্রতিযংবীরধনুঃকাংচানভূষণম্ ॥ 17 ॥
পিত্রাদশরথেনত্বংশ্বশুরেণমমানঘঃ ।
সর্বৈশ্চপিতৃভিস্সার্থংনূনংস্বর্গেসমাগতঃ ॥ 18 ॥
দিবিনক্ষত্রভূতস্ত্বংমহাত্কর্মকৃতপ্রিযম্ ।
পুণ্যংরাজর্ষিবংশংত্বমাত্মনস্সমুপেক্ষসে ॥ 19 ॥
কিংমাংনপ্রেক্ষসেরাজন্ কিংমাংনপ্রতিভাষসে ।
বালাংবাল্যেনসংপ্রাপ্তাংভার্যাংমাংসহচারিণীম্ ॥ 20 ॥
সংশ্রুতংগৃহ্ণতাপাণিংচরিষ্যামীতিযত্ত্বযা ।
স্মরতন্মমকাকুত্স্থনযমামপিদুঃখিতাম্ ॥ 21 ॥
কস্মান্মামপহাযত্বংগতোগতিমতাংবর ।
অস্মাল্লোকাদমুংলোকংত্যক্ত্বামামপিদুঃখিতাম্ ॥ 22 ॥
কল্যাণৈরুচিতংযত্তত্পরিষ্বক্তংমযৈবতু ।
ক্রব্যাদৈস্তচ্ছরীরংতেমানংবিপরিকৃষ্যতে ॥ 23 ॥
অগ্নিষ্টোমাদিভির্যজ্ঞৈরিষ্টবানাপ্তদক্ষিণৈঃ ।
অগ্নিহোত্রেণসংস্কারংকেনত্বংনতুলপ্স্যসে ॥ 24 ॥
প্রব্রজ্যামুপপন্নানাংত্রযাণামেকমাগতম্ ।
পরিপ্রক্ষ্যতিকৌসল্যালক্ষ্মণংশোকলালসা ॥ 25 ॥
সতস্যাঃপরিপৃচ্ছংত্যাবধংমিত্রবলস্যতে ।
তবচাখ্যাস্যতেনূনংনিশাযাংরাক্ষসৈর্বধম্ ॥ 26 ॥
সাত্বাংসুপ্তংহতংশ্রুত্বামাংচরক্ষোগৃহংগতাম্ ।
হৃদযেনবিদীর্ণেননভবিষ্যতিরাঘব ॥ 27 ॥
মমহেতোরনার্যাযাহ্যনর্হঃপার্থিবাত্মঃ ।
রামস্সাগরমুততীর্যসত্ত্ববান্ গোষ্পদেহতঃ ॥ 28 ॥
অহংদাশরথেনোঢামোহাত্স্বকুলপাংসনী ।
আর্যপুত্রস্যরামস্যভার্যামৃত্যুরজাযত ॥ 29 ॥
নূনমন্যাংমযাজাতিংবারিতংদানমুত্তমম্ ।
যাহমদ্যেহশোচামিভার্যাসর্বতিথেরপি ॥ 30 ॥
সাধুপাতযমাংক্ষিপ্রংরামস্যোপরিরাবণ ।
সমানযপতিংপংত্যাকুরুকল্যাণমুত্তমম্ ॥ 31 ॥
শিরসামেশিরশ্চাস্যকাযংকাযেনযোজয ।
রাবণানুগমিষ্যামিগতিংভর্তুর্মহাত্মনঃ ॥ 32 ॥
ইতিসদুঃখসংতপ্তাবিললাপাযতেক্ষণা ।
ভর্তুশ্শিরোধনুস্তত্রসমীক্ষ্যচপুনঃপুনঃ ॥ 33 ॥
এবংলালপ্যমানাযাংসীতাযাংতত্ররাক্ষসঃ ।
অভিচক্রামভর্তারমনীকস্থঃকৃতাংজলিঃ ॥ 34 ॥
বিজযস্বার্যপুত্রেতিসোঽভিবাদ্যপ্রসাদ্যচ ।
ন্যবেদযদনুপ্রাপ্তংপ্রহস্তংবাহিনীপতিম্ ॥ 35 ॥
অমাত্যৈস্সহিতস্সর্বৈঃপ্রহস্তস্সমুপস্থিতঃ ।
তেনদর্শনকামেনবযংপ্রস্থাপিতাঃপ্রভো ॥ 36 ॥
নূনমস্তিমহারাজ রাজভাবাত্ক্ষমান্বিতম্ ।
কিংচিদাত্যযিকংকার্যংতেষাংত্বংদর্শনংকুরু ॥ 37 ॥
এতচ্ছ্রুত্বাদশগ্রীবোরাক্ষসপ্রতিবেদিতম্ ।
অশোকন্বিকাংত্যক্ত্বামংত্রিণাংদর্শনংযযৌ ॥ 38 ॥
সতুসর্বংসমর্থ্যৈবমংত্রিভিঃকৃত্যমাত্মনঃ ।
সভাংপ্রবিশ্যবিদধেবিদিত্বারামবিক্রমম্ ॥ 39 ॥
অংতর্থানংতুতচ্ছীর্ষংতচ্চকার্মুকমুত্তমম্ ।
জগামরাবণস্যৈবনির্যাণসমনংতরম্ ॥ 40 ॥
রাক্ষসেংদ্রস্তুতৈস্সার্ধংমংত্রিভির্ভীমবিক্রমৈঃ ।
সমর্থযামাসতদারামকার্যবিনিশ্চযম্ ॥ 41 ॥
অবিদূরস্থিতান্সর্বান্বলাধ্যক্ষাহনিতৈষিণঃ ।
অব্রবীত্কালসদৃশোরাবণোরাক্ষসাধিপঃ ॥ 42 ॥
শীঘ্রংভেরীনিনাদেনস্ফুটংকোণাহতেনমে ।
সমানযধ্বংসৈন্যানিবক্তব্যংচনকারণম্ ॥ 43 ॥
ততস্তথেতিপ্রতিগৃহ্যতদ্বচোবলাধিপাস্তেমহদাত্মনোবলম্ ।
সমানযংশ্চৈবসমাগমংচতেন্যবেদযন্ভর্তরিযুদ্ধকাংক্ষিণি ॥ 44 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে দ্বাত্রিংশস্সর্গঃ ॥
