শ্রীমদ্বাল্মীকীয রামাযণে যুদ্ধকাংডম্ ।
অথ ষড্বিংশত্যধিকশততমস্সর্গঃ ।
অনুজ্ঞাতংতুরামেণতদ্বিমানমনুত্তমম্ ।
হংসযুক্তংমহানাদমুত্পপাতবিহাযসম্ ॥ 1 ॥
পাতযিত্বাততশ্চক্ষুস্সর্বতোরঘুনংদনঃ ।
অব্রবীন্মৈথিলীংসীতাংরামশ্শশিনিভাননাম্ ॥ 2 ॥
কৈলাসশিখরাকারেত্রিকূটশিখরেস্থিতাম্ ।
লংকামীক্ষস্ববৈদেহীনির্মিতাংবিশ্বকর্মণা ॥ 3 ॥
এতদাযোধনংপশ্যমাংসশোণিতকর্দমম্ ।
হরীণাংরাক্ষসানাং চ সীতে বিশসনংমহত্ ॥ 4 ॥
অত্রদত্তবরশ্শেতেপ্রমাথীরাক্ষসেশ্বরঃ ।
তবহেতোর্বিশালাক্ষীনিহতোরাবণোমযা ॥ 5 ॥
কুংভকর্ণোঽঽত্রনিহতঃপ্রহস্তশ্চনিশাচরঃ ।
ধূম্রাক্ষশ্চাত্রনিহতোবানরেণহনূমতা ॥ 6 ॥
বিদ্যুন্মালীহতশ্চাত্রসুষেণেনমহাত্মনা ।
লক্ষ্মণেনেংদ্রাজিচ্চাত্ররাবণির্নিহিতোরণে ॥ 7 ॥
অংগদেনাত্রনিহতোবিকটোনামরাক্ষসঃ ।
বিরূপাক্ষশ্চদুর্ধর্ষোমহাপার্শ্বমহোদরৌ ॥ 8 ॥
অকংপনশ্চনিহতোবলিনোঽঽন্যে চ রাক্ষসাঃ ।
ত্রিশিরাশ্চাতিকাযশ্চদেবাংতকনরাংতকৌ ॥ 9 ॥
যুদ্ধোন্মত্তশ্চমত্তশ্চরাক্ষসপ্রবরাবুভৌ ।
নিকুংভশ্চৈবকুংভশ্চকুংভকর্ণাত্মজৌবলী ॥ 10 ॥
বজ্রদংষ্ট্রশ্চদংষ্ট্রশ্চবহবোরাক্ষসাহতাঃ ।
মকরাক্ষশ্চদুর্ধর্ষোমযাযুধিনিপাতিতঃ ॥ 11 ॥
অকংপনশ্চনিহতঃশোণিতাক্ষশ্চবীর্যবান্ ।
যূপাক্ষশ্চপ্রজংঘশ্চনিহতৌতুমহাহবে ॥ 12 ॥
বিদ্যুজ্জিহ্বোঽঽত্রনিহতোরাক্ষসোভীমদর্শনঃ ।
যজ্ঞশত্রুশ্চনিহতঃসুপ্তঘ্নশ্চমহাবলঃ ॥ 13 ॥
সূর্যশত্রুশ্চনিহতোব্রহ্মশত্রুস্তথাপরঃ ।
অত্রমংদোদরীনামভার্যাতংপর্যদেবযত্ ॥ 14 ॥
সপত্নীনাংসহস্রেণসাগ্রেণপরিবারিতা ।
তত্তুদৃশ্যতেতীর্থংসমুদ্রস্যবরাননে ॥ 15 ॥
যত্রসাগরমুত্তীর্যতাংরাত্রিমুষিতাবযম্ ।
এষসেতুর্মযাবদ্ধস্সাগরেসলিলার্ণবে ॥ 16 ॥
তবহেতোর্বিশালাক্ষিনলসেতুঃসুদুষ্করঃ ।
পশ্যসাগরমক্ষোভ্যংবৈদেহিবরুণালযম্ ॥ 17 ॥
অপারমভিগর্জংতংশংখশুক্তিসমাকুলম্ ।
হিরণ্যনাভংশৈলেংদ্রংকাংচনংপশ্যমৈথিলি ॥ 18 ॥
বিশ্রমার্থংহনুমতোভিত্ত্বাসাগরমুত্থিতম্ ।
এততত্কুক্ষৌসমুদ্রস্যস্কংধাবারনিবেশনম্ ॥ 19 ॥
অত্রপূর্বংমহাদেবঃপ্রসাদমকরোত্প্রভুঃ ।
এতত্তুদৃশ্যতেতীর্থংসাগরস্যমহাত্মনঃ ॥ 20 ॥
দূষণং চাগ্রতো হত্বা ত্রিশিরাস্তদনংতম্ ।
ততস্তেনার্দিতা বালা রাবণং সমুপাগতা ॥ 21 ॥
অত্ররাক্ষসরাজোঽঽযমাজগামবিভীষণঃ ।
এষাসাদৃশ্যতেসীতেকিষ্কিংধাচিত্রকাননা ॥ 22 ॥
সুগ্রীবস্যপুরীরম্যাযত্রবালীমযাহতঃ ।
অথদৃষ্টবাপুরীংসীতাকিষ্কিংধাংবালিপালিতাম্ ॥ 23 ॥
অব্রবীত্পশ্রিতংবাক্যংরামংপ্রণতসাধ্বসা ।
সুগ্রীবপ্রিযভার্যাভিস্তারাপ্রমুখতোনৃপ ॥ 24 ॥
অন্যেষাংবানরেংদ্রাণাংস্ত্রীভিঃপরিবৃতাহ্যহম্ ।
গংতুমিচ্ছেসহাযোধ্যাংরাজধানীংত্বযাসহ ॥ 25 ॥
এবমুক্তোঽঽথবৈদেহ্যারাঘবঃপ্রত্যুবাচতাম্ ।
এবমস্ত্বিতিকিষ্কিংধাংপ্রাপ্যসংস্থাপ্যরাঘবঃ ॥ 26 ॥
বিমানংপ্রেক্ষ্যসুগ্রীবংবাক্যমেতদুবাচ হ ।
ব্রূহিবানরশূর্দূল সর্বান্বানরপুংগবান্ ॥ 27 ॥
সীতাং গৃহীত্বা গচ্ছংতং বানরাঃ পর্বতোপমাঃ ।
দদৃশুর্বিস্মিতাস্তত্র রাবণং রাক্ষসাধিপম্ ॥ 28 ॥
অভিত্বরস্বসুগ্রীব গচ্ছামঃপ্লবগাধিপ ।
এবমুক্তস্তুসুগ্রীবোরামেণামিততেজসা ॥ 29 ॥
বানরাধিপতিশ্রীমাংস্স্সৈশ্চসর্বৈস্সমাবৃতঃ ।
প্রবিশ্যাংতঃপুরংশীঘ্রংতারামুবদীক্ষ্যসোঽঽব্রবীত্ ॥ 30 ॥
প্রিযে ত্বংসহনারাভির্বানরাণাংমহাত্মনাম্ ।
রাঘবেণাভ্যনুজ্ঞাতামৈথিলীপ্রিযকাম্যযা ॥ 31 ॥
ত্বরত্বমভিগচ্ছামোগৃহ্যবানরযোষিতঃ ।
অযোধ্যাংদর্শযিষ্যামঃসর্বাদশরথস্ত্রিযঃ ॥ 32 ॥
সুগ্রীবস্য ব চঃশ্রুত্বাতারাসর্বাংগশোভনা ।
আহূযচাব্রবীত্সর্বাবানরাণাংতুযোষিতঃ ॥ 33 ॥
সুগ্রীবেণাভ্যনুজ্ঞাতাগংতুংসর্বৈশ্চবানরৈঃ ।
মমচাপিপ্রিযংকার্যমযোধ্যাদর্বনেন চ ॥ 34 ॥
প্রবেশংচৈবরামস্যপৌরজানপদৈস্সহ ।
বিভূতিংচৈবসর্বাসাংস্ত্রীণাংদশরথস্য চ ॥ 35 ॥
তারযাচাভ্যনুজ্ঞাতাস্সর্বাবানরযোষিতঃ ।
নেপথ্যবিধিপূর্বংতুকৃত্বাচাপিপ্রদক্ষিণম্ ॥ 36 ॥
অধ্যারোহন্বিমানংতত্সীতাদর্শনকাংক্ষযা ।
তাভিঃসহোত্থিতংশীঘ্রংবিমানংপ্রেক্ষ্যরাঘবঃ ॥ 37 ॥
ঋষ্যমূকসমীপেতুবৈদেহীংপুনরব্রবীত্ ।
দৃশ্যতেঽঽসৌমহান্সীতে সবিদ্যুদিবতোযদঃ ॥ 38 ॥
ঋষ্যমূকোগিরিবরঃকাংচনৈর্ধাতুভির্বৃতঃ ।
ত্রাহংবানরেংদ্রেণসুগ্রীবেণসমাগতঃ ॥ 39 ॥
সমযশ্চকৃতঃসীতেবধার্থংবালিনোমযা ।
এষাসাদৃশ্যতেপংপানলিনীচিত্রকাননা ॥ 40 ॥
ত্বযাবিহীনোযত্রাহংবিললাপসুদুঃখিতঃ ।
অস্যাস্তীরেমযাদৃষ্টাশবরীধর্মচারিণী ॥ 41 ॥
অত্রযোজনবাহুশ্চকবংধোনিহতোমযা ।
দৃশ্যতেঽঽসৌজনস্থানেশ্রীমান্সীতে বনস্পতিঃ ॥ 42 ॥
জটাযুশ্চমহাতেজাস্তবহেতোর্বিলাসিনি ।
রাবণেনহতোযত্রপক্ষিণাংপ্রবরোবলী ॥ 43 ॥
খরশ্চনিহতোযত্রদূষণশ্চনিপাতিতঃ ।
ত্রিশিরাশ্চমহাবীর্যোমযাবাণৈরজিহ্মগৈঃ ॥ 44 ॥
এতত্তদাশ্রমমদমস্মাকংবরবর্ণিনি ।
পর্ণশালাতথাচিত্রাদৃশ্যতেশুভদর্শনে ॥ 45 ॥
যত্রত্বংরাক্ষসেংদ্রেণরাবণেনহৃতাবলাত্ ।
এষাগোদাবরীরম্যাপ্রসন্নসলিলাশুভা ॥ 46 ॥
অগস্ত্যস্যাশ্রমশ্চৈব দৃশ্যতে কদলীবৃতঃ ।
দীপ্তশৈবাশ্রমোহ্যেষসুতীক্ষণস্যমহাত্মনঃ ॥ 47 ॥
বৈদেহিদৃশ্যতেচৈবশরভংগাশ্রমোমহান্ ।
উপযাতঃসহস্রাক্ষোযত্রশক্রঃপুরংদরঃ ॥ 48 ॥
এতেহিতাপসাবাসাদৃশ্যংতেতনুমধ্যমে ।
অত্রিঃকুলপতির্যত্রসূর্যবৈশ্বানরোপমঃ ॥ 49 ॥
অস্মিন্ দেশেমহাকাযোবিরাধোনিহতোমযা ।
অত্রসীতে ত্বযাদৃষ্টবাতাপসীধর্মচারিণী ॥ 50 ॥
অসৌসুতনুশৈলেংদ্রত্রকূটঃপ্রকাশতে ।
অত্রমাংকৈকযীপুত্রপ্রসাদযিতুমাগতঃ ॥ 51 ॥
এষাসাযমুনারম্যাদৃশ্যতেচিত্রকাননা ।
ভরদ্বাজাশ্রমঃশ্রীমাংদৃশ্যতেচৈষমৈথিলি ॥ 52 ॥
ইযং চ দৃশ্যতেগংগাপুণ্যাত্রিপথগানদী ।
নানাদ্বিজগণাকীর্ণাসংপ্রপুষ্পিতকাননা ॥ 53 ॥
শৃংগিবেরপুরংচৈতদ্গুহোযত্রসখামম ।
এষাসাদৃশ্যতেসীতেসরযূর্যূপমালিনী ॥ 54 ॥
নানাতরুশতাকীর্ণাসংপ্রপুষ্পিতকাননা ।
এষাসাদৃশ্যতেসীতেরাজধানীপিতুর্মম ॥ 55 ॥
অযোধ্যাংকুরুবৈদেহিপ্রণামংপুনরাগতা ।
ততস্তেবানরাস্সর্বেরাক্ষসাস্সবিভীষণাঃ ॥ 56 ॥
উত্পত্যোত্পত্যসম্হৃষ্টাস্তাংপুরীংদদৃশুস্তদা ।
ততস্তুতাংপাংডুরহর্ম্যমালিনীংবিশালকক্ষ্যাংগজবাজিভির্বৃতাম্ ।
পুরীমপশ্যন্প্লবগাস্সরাক্ষসাঃপুরীংমহেংদ্রস্যযথামরাবতীম্ ॥ 57 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ষড্বিংশত্যধিকশততমস্সর্গঃ ॥
