শ্রীমদ্বাল্মীকীয রামাযণে অযোধ্যাকাংডম্ ।
অথ পংচত্রিংশস্সর্গঃ ।
ততো নির্ধূয সহসা শিরো নিশ্শ্বস্য চাসকৃত্ ।
পাণৌ পাণিং বিনিষ্পিষ্য দংতান্ কটকটাপ্য চ ॥ 1 ॥
লোচনে কোপসংরক্তে বর্ণং পূর্বোচিতং জহত্ ।
কোপাভিভূতস্সহসা সংতাপমশুভং গতঃ ॥ 2 ॥
মনঃ সমীক্ষমাণশ্চ সূতো দশরথস্য সঃ ।
কংপযন্নিব কৈকেয্যা হৃদযং বাক্ছরৈশ্শিতৈঃ ॥ 3 ॥
বাক্যবজ্রৈরনুপমৈর্নির্ভিংদন্নিব চাশুভৈঃ ।
কৈকেয্যা স্সর্বমর্মাণি সুমংত্রঃ প্রত্যভাষত ॥ 4 ॥
ততো নির্ধূয সহসা শিরো নিশ্শ্বস্য চাসকৃত্ ।
পাণৌ পাণিং বিনিষ্পিষ্য দংতান্ কটকটাপ্য চ ॥ 5 ॥
লোচনে কোপসংরক্তে বর্ণং পূর্বোচিতং জহত্ ।
কোপাভিভূতস্সহসা সংতাপমশুভং গতঃ ॥ 6 ॥
মনঃ সমীক্ষমাণশ্চ সূতো দশরথস্য সঃ ।
কংপযন্নিব কৈকেয্যা হৃদযং বাক্ছরৈশ্শিতৈঃ ॥ 7 ॥
বাক্যবজ্রৈরনুপমৈর্নির্ভিংদন্নিব চাশুভৈঃ ।
কৈকেয্যা স্সর্বমর্মাণি সুমংত্রঃ প্রত্যভাষত ॥ 8 ॥
যস্যাস্তব পতিস্ত্যক্তো রাজা দশরথঃ স্বযম্ ।
ভর্তা সর্বস্য জগতঃ স্থাবরস্য চরস্য চ ॥ 9 ॥
ন হ্যকার্যতমং কিংচিত্তব দেবীহ বিদ্যতে ।
পতিঘ্নীং ত্বামহং মন্যে কুলঘ্নীমপি চাংততঃ ॥ 10 ॥
যন্মহেংদ্রমিবাজয্যং দুষ্প্রকংপ্যমিবাচলম্ ।
মহোদধিমিবাক্ষোভ্যং সংতাপযসি কর্মভিঃ ॥ 11 ॥
মাবমংস্থা দশরথং ভর্তারং বরদং পতিম্ ।
ভর্তুরিচ্ছা হি নারীণাং পুত্রকোট্যা বিশিষ্যতে ॥ 12 ॥
যথাবযো হি রাজ্যানি প্রাপ্নুবংতি নৃপক্ষযে ।
ইক্ষ্বাকুকুলনাথেঽস্মিং স্তল্লোপযিতুমিচ্ছসি ॥ 13 ॥
রাজা ভবতু তে পুত্রো ভরতশ্শাস্তু মেদিনীম্ ।
বযং তত্র গমিষ্যামো রামো যত্র গমিষ্যতি ॥ 14 ॥
ন হি তে বিষযে কশ্চিদ্ র্ব্রাহ্মণো বস্তুমর্হতি ।
তাদৃশং ত্বমমর্যাদমদ্য কর্ম চিকীর্ষসি ॥ 15 ॥
নূনং সর্বে গমিষ্যামো মার্গং রামনিষেবিতম্ ।
ত্যক্তাযা বাংধবৈঃ সর্বৈর্ব্রাহ্মণৈঃ সাধুভিঃ সদা ॥ 16 ॥
কা প্রীতী রাজ্যলাভেন তব দেবি ভবিষ্যতি ।
তাদৃশং ত্বমমর্যাদং কর্ম কর্তুং চিকীর্ষসি ॥ 17 ॥
আশ্চর্যমিব পশ্যামি যস্যাস্তে বৃত্তমীদৃশম্ ।
আচরংত্যা ন বিবৃতা সদ্যো ভবতি মেদিনী ॥ 18 ॥
মহাব্রহ্মর্ষিসৃষ্টাঃ বা জ্বলংতো ভীমদর্শনাঃ ।
ধিগ্বাগ্দংডা ন হিংসংতি রামপ্রব্রাজনে স্থিতাম্ ॥ 19 ॥
আম্রং ছিত্বা কুঠারেণ নিংবং পরিচরেত্তু যঃ ।
যশ্চৈনং পযসা সিংচেন্নৈবাস্য মধুরো ভবেত্ ॥ 20 ॥
অভিজাত্যং হি তে মন্যে যথা মাতুস্তথৈব চ ।
ন হি নিংবাত্স্রবেত্ ক্ষৈদ্রং লোকে নিগদিতং বচঃ ॥ 21 ॥
তব মাতুরসদ্গ্রাহং বিদ্মঃ পূর্বং যথাশ্রুতম্ ।
পিতুস্তে বরদঃ কশ্চিদ্দদৌ বরমনুত্তমম্ ॥ 22 ॥
সর্বভূতরুতং তস্মাত্সংজজ্ঞে বসুধাধিপঃ ।
তেন তির্যগ্গতানাং চ ভূতানাং বিদিতং বচঃ ॥ 23 ॥
ততো জৃংভস্য শযনে বিরুতাদ্ভূরিবর্চসঃ ।
পিতুস্তে বিদিতো ভাব স্স তত্র বহুধাঽহসত্ ॥ 24 ॥
তত্র তে জননী ক্রুদ্ধা মৃত্যুপাশমভীপ্সতী ।
হাসং তে নৃপতে সৌম্য জিজ্ঞাসামীতি চাব্রবীত্ ॥ 25 ॥
নৃপশ্চোবাচ তাং দেবীং দেবি শংসামি তে যদি ।
ততো মে মরণং সদ্যো ভবিষ্যতি ন সংশযঃ ॥ 26 ॥
মাতা তে পিতরং দেবি ততঃ কেকযমব্রবীত্ ।
শংস মে জীব বা মা বা ন মামপহসিষ্যসি ॥ 27 ॥
প্রিযযা চ তথোক্ত স্সন্ কেকযঃ পৃথিবীপতিঃ ।
তস্মৈ তং বরদাযার্থং কথযামাস তত্ত্বতঃ ॥ 28 ॥
ততঃ স্স বরদঃ সাধুরাজানং প্রত্যভাষত ।
ম্রিযতাং ধ্বংসতাং বেযং মা কৃথাস্ত্বং মহীপতে ॥ 29 ॥
স তচ্ছ্রুত্বা বচস্তস্য প্রসন্নমনসো নৃপঃ ।
মাতরং তে নিরস্যাশু বিজহার কুবেরবত্ ॥ 30 ॥
তথা ত্বমপি রাজানং দুর্জনাচরিতে পথি ।
অসদ্গ্রাহমিমং মোহাত্কুরুষে পাপদর্শিনি ॥ 31 ॥
সত্যশ্চাদ্য প্রবাদোঽযং লৌকিকঃ প্রতিভাতি মা ।
পিতৃন্ সমনুজাযংতে নরা মাতরমংগনাঃ ॥ 32 ॥
নৈবং ভব গৃহাণেদং যদাহ বসুধাধিপঃ ।
ভর্তুরিচ্ছামুপাস্বেহ জনস্যাস্য গতির্ভব ॥ 33 ॥
মা ত্বং প্রোত্সাহিতা পাপৈর্দেবরাজসমপ্রভম্ ।
ভর্তারং লোকভর্তারমসদ্ধর্মমুপাদধাঃ ॥ 34 ॥
ন হি মিথ্যা প্রতিজ্ঞাতং করিষ্যতি তবানঘঃ ।
শ্রীমাংদশরথো রাজা দেবি রাজীবলোচনঃ ॥ 35 ॥
জ্যেষ্ঠো বদান্যঃ কর্মণ্যঃ স্বধর্মপরিরক্ষিতা ।
রক্ষিতা জীবলোকস্য বলী রামোঽভিষিচ্যতাম্ ॥ 36 ॥
পরিবাদো হি তে দেবি মহাল্লোকে চরিষ্যতি ।
যদি রামো বনং যাতি বিহায পিতরং নৃপম্ ॥ 37 ॥
স রাজ্যং রাঘবঃ পাতু ভব ত্বং বিগতজ্বরা ।
ন হি তে রাঘবাদন্যঃ ক্ষমঃ পুরবরে বসেত্ ॥ 38 ॥
রামে হি যৌবরাজ্যস্থে রাজা দশরথো বনম্ ।
প্রবেক্ষ্যতি মহেষ্বাসঃ পূর্ববৃত্তমনুস্মরন্ ॥ 39 ॥
ইতি সাংত্বৈশ্চ তীক্ষ্ণৈশ্চ কৈকেযীং রাজসংসদি ।
সুমংত্রঃ ক্ষোভযামাস ভূয এব কৃতাজ্জলিঃ ॥ 40 ॥
নৈব সা ক্ষুভ্যতে দেবী ন চ স্ম পরিদূযতে ।
ন চাস্যা মুখবর্ণস্য বিক্রিযা লক্ষ্যতে তদা ॥ 41 ॥
ইত্যার্ষে শ্রীমদ্রামাযণে বাল্মীকীয আদিকাব্যে অযোধ্যাকাংডে পংচত্রিংশস্সর্গঃ ॥
