শ্রীমদ্বাল্মীকীয রামাযণে যুদ্ধকাংডম্ ।
অথ একোনবিংশস্সর্গঃ ।
রাঘবেণাভযেদত্তেসন্নতোরাবণানুজঃ ।
বিভীষণোমহাপ্রাজ্ঞোভূমিংসমবলোকযন্ ॥ 1 ॥
খাত্পপাতাবনীংহৃষ্টোভক্তেরনুচরৈস্সহ ।
সতরামস্যপরমাত্মানিপপাতবিভীষণঃ ॥ 2 ॥
পাদযোশ্শরণান্বেষীচতুর্ভিস্সহরাক্ষসৈঃ ।
অব্রবীচ্চতদাবাক্যংরামংপ্রতিবিভীষণঃ ॥ 3 ॥
ধর্মযুক্তংচযুক্তংচসাংপ্রতংসংপ্রহর্ষণম্ ।
অনুজোরাবণস্যাহংতেনচাপ্যবমানিতঃ ।
ভবংতংসর্বভূতানাংশরণ্যংশরণাগতঃ ॥ 4 ॥
পরিত্যক্তামযালংকমিত্রাণিচধনানিচ ।
ভবদ্গতংহিমেরাজ্যংজীবিতংচসুখানিচ ॥ 5 ॥
তথ্যতদ্বচনংশ্রুত্বারামোবচনমব্রবীত্ ॥ 6 ॥
বচসাসাংত্বযিত্বৈনংলোচনাভ্যাংপিবন্নিব ।
আখ্যাহিমমতত্ত্বেনরাক্ষসানাংবলাবলম্ ॥ 7 ॥
এবমুক্তংতদারক্ষোরামেণাক্লিষ্টকর্মণা ।
রাবণস্যবলংসর্বমাখ্যাতুমুপচক্রমে ॥ 8 ॥
অবধ্যস্সর্বভূতানাংগংধর্বোরগরক্ষসাম্ ।
রাজপুত্রদশগ্রীবোবরদানাত্স্বযংভুবঃ ॥ 9 ॥
রাবণানংতরোভ্রাতামমজ্যেষ্ঠশ্চবীর্যবান্ ।
কুংভকর্ণোমহাতেজাশ্শক্রপ্রতিবলোযুধি ॥ 10 ॥
রামসেনাপতিস্তস্যপ্রহাস্তোযদিবাশ্রুতঃ ।
কৈলাসেযেনসংগ্রামেমণিভদ্রঃপরাজিতঃ ॥ 11 ॥
বদ্দগোধাংগুলিত্রশ্চ অবধ্যকবচো যুধি ।
ধনুরাদায যস্তিষ্ঠন্নদৃশ্যো ভবতীংদ্রজিত্ ॥ 12 ॥
সংগ্রামসমযব্যূহেতর্পযিত্বাহুতাশনম্ ।
অংতর্ধানগতশ্শত্রূনিংদ্রজিদ্ হংতিরাঘবঃ ॥ 13 ॥
মহোদরমহাপার্শ্বৌরাক্ষসশ্চাপ্যকংপনঃ ।
অনীকস্থাস্তুতস্যৈতেলোকপালসমাযুধি ॥ 14 ॥
দশকোটিসহস্রাণিরক্ষসাংকামরূপিণাম্ ।
মাংসশোণিতভক্ষ্যাণাংলংকাপুরনিবাসিনাম্ ॥ 15 ॥
সতৈস্তুসহিতোরাজালোকপালানযোধযত্ ।
সহদেবৈস্তুতেভগ্নারাবণেনমহাত্মনা ॥ 16 ॥
বিভীষণবচঃ শ্রুত্বারামোদৃঢপরাক্রমঃ ।
অন্বীক্ষ্যমনসাসর্বমিদংবচনমব্রবীত্ ॥ 17 ॥
যানিকর্মাপদানানিরাবণস্যবিভীষণঃ ।
অখ্যাতানিচতত্ত্বেনহ্যবগচ্ছামিতান্যহম্ ॥ 18 ॥
অহংহত্বাদশগ্রীবংসপ্রহস্তংসবাংধবম্ ।
রাজানংত্বাংকরিষ্যামিসত্যমেতদ্ব্রবীমিতে ॥ 19 ॥
রসাতলং বা প্রবিশেত্পাতালং বাপি রাবণঃ ।
পিতামহসকাশং বা ন মে জীবন্বিমোক্ষ্যতে ॥ 20 ॥
অহত্বারাবণংসঙ্ খ্যেসপুত্রজনবাংধবম্ ।
অযোধ্যাংনপ্রবেক্ষ্যামিত্রিভিস্তৈর্ভ্রাতৃভিশ্শপে ॥ 21 ॥
শ্রুত্বাতুবচনংতস্যরামস্যাক্লিষ্টকর্মণঃ ।
শিরসাবংদ্যধর্মাত্মাবক্তুমেবোপচক্রমে ॥ 22 ॥
রাক্ষসানাংবধেসাহ্যংলংকাযাশ্চপ্রধর্ষণে ।
করিষ্যামিযথাপ্রাণংপ্রবেক্ষ্যামিচবাহিনীম্ ॥ 23 ॥
ইতিব্রুবাণাংরামস্তুপরিষ্বজ্যবিভীষণম্ ।
অব্রবীল্লক্ষ্মণংপ্রীতস্সমুদ্রাজ্জলমানয ॥ 24 ॥
তেনচেমংমহাপ্রাজ্ঞমভিষিংচবিভীষণম্ ।
রাজানংরক্ষসাংক্ষিপ্রংপ্রসন্নেমযিমানদ ॥ 25 ॥
এবমুক্তস্তুসৌমিত্রিরভ্যষিংচদ্বিভীষণম্ ।
মধ্যেবানরমুখ্যানাংরাজানংরামশাসনাত্ ॥ 26 ॥
তংপ্রসাদংতুরামস্যদৃষ্টবাসদ্যঃপ্লবংগমাঃ ।
প্রচুক্রুশুর্মহাত্মানংসাধুসাধ্বিতিচাব্রুবন্ ॥ 27 ॥
অথাব্রবীদ্ হনূমাংশ্চসুগ্রীবশ্চবিভীষণম্ ।
কথংসাগরমক্ষোভ্যংতরামবরুণালযম্ ॥ 28 ॥
সৈন্যৈঃপরিবৃতাস্সর্বেবানরাণাংমহৌজসাম্ ।
উপাযংনাধিগচ্ছামোযথানদনদীপতিম্ ।
তরামতরসাসর্বেসসৈন্যাবরুণালযম্ ॥ 29 ॥
এবমুক্তস্তুধর্মজ্ঞঃপ্রত্যুবাচবিভীষণঃ ।
সমুদ্রংরাঘবোরাজাশরণংগংতুমর্হতি ॥ 30 ॥
খানিতস্সগরেণাযমপ্রমেযোমহোদধিঃ ।
কর্তুমর্হতিরামস্যজ্ঞাতেঃ কার্যংমহামতিঃ ॥ 31 ॥
এবংবিভীষণেনোক্তোরাক্ষসেনবিপশ্চিতা ।
অজগামাথসুগ্রীবোযত্ররামস্সলক্ষ্মণঃ ॥ 32 ॥
ততশ্চাখ্যাতুমারেভেবিভীষণবচশ্শুভম্ ।
সুগ্রীবোবিপুলগ্রীবোস্সাগরস্যোপবেশনম্ ॥ 33 ॥
প্রকৃত্যাধর্মশীলস্যরাঘবস্যাপ্যরোচত ॥ 34 ॥
বিভীষণস্যমংত্রোঽযংমমলক্ষ্মণ রোচতে ।
সুগ্রীবঃপংডিতোনিত্যংভবান্মংত্রবিচক্ষণঃ ॥ 35 ॥
উভাভ্যাংসংপ্রধার্যার্থংরোচতেযত্তদুচ্যতাম্ ।
এবমুক্তৌততোবীরাবুভৌসুগ্রীবলক্ষ্মণৌ ।
সমুদাচারসংযুক্তমিদংবচনমূচতুঃ ॥ 36 ॥
কিমর্থনৌনরব্যাঘ্রঃ নরোচিষ্যতিরাঘবঃ ।
বিভীষণেনযচ্চোক্তমস্মিন্ কালেসুখাবহম্ ॥ 37 ॥
অবধ্বাসাগরেসেতুংঘোরেঽস্মিন্বরুণালযে ।
লংকানাসাদিতুংশক্যাসেংদ্রৈরপিসুরাসুরৈঃ ॥ 38 ॥
বিভীষণস্যশূরস্যযথার্থংক্রিযতাংবচঃ ॥ 39 ॥
অলংকালাত্যযংকৃত্বাসাগরোঽযংনিযুজ্যতাম্ ।
যথাসৈন্যেনগচ্ছামপুরীংরাবণপালিতাম্ ॥ 40 ॥
এবমুক্তঃকুশাস্তীর্নোতীরেনদনদীপতেঃ ।
সংবিবেশতদারামোবেদ্যামিবহুতাশনঃ ॥ 41 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একোনবিংশস্সর্গঃ ॥
