শ্রীমদ্বাল্মীকীয রামাযণে অযোধ্যাকাংডম্ ।
অথ সপ্তদশাধিকশততমস্সর্গঃ ।
রাঘব স্ত্বথ যাতেষু তপস্বিষু বিচিংতযন্ ।
ন তত্রারোচযদ্বাসং কারণৈর্বহুভিস্তদা ॥ 1 ॥
ইহ মে ভরতো দৃষ্টো মাতরশ্চ সনাগরাঃ ।
সা চ মে স্মৃতিরন্বেতি তান্নিত্যমনুশোচতঃ ॥ 2 ॥
স্কংধাবারনিবেশেন তেন তস্য মহাত্মনঃ ।
হযহস্তিকরীষৈশ্চ উপমর্দঃ কৃতো ভৃশম্ ॥ 3 ॥
তস্মাদন্যত্র গচ্ছাম ইতি সংচিংত্য রাঘবঃ ।
প্রাতিষ্ঠত স বৈদেহ্যা লক্ষ্মণেন চ সংগতঃ ॥ 4 ॥
সোঽত্রেরাশ্রমমাসাদ্য তং ববংদে মহাযশাঃ ।
তং চাপি ভগবানত্রিঃ পুত্রবত্প্রত্যপদ্যত ॥ 5 ॥
স্বযমাতিথ্যমাদিশ্য সর্বমন্যত্সুসত্কৃতম্ ।
সৌমিত্রিং চ মহাভাগাং সীতাং চ সমসাংত্বযত্ ॥ 6 ॥
পত্নীং চ সমনুপ্রাপ্তাং বৃদ্ধামামংত্র্য সত্কৃতাম্ ।
সাংত্বযামাস ধর্মজ্ঞঃ সর্বভূতহিতে রতঃ ॥ 7 ॥
আনসূযাং মহাভাগাং তাপসীং ধর্মচারিণীং প্রতিগৃহ্ণীষ্ব বৈদেহীমব্রবীদৃষিসত্তমঃ ।
রামায চাঽচচক্ষে তাং তাপসীং ধর্মচারিণীম্ ॥ 8 ॥
দশ বর্ষাণ্যনাবৃষ্ট্যা দগ্ধে লোকে নিরংতরম্ ॥ 9 ॥
যযা মূলফলে সৃষ্টে জাহ্নবী চ প্রবর্তিতা ।
উগ্রেণ তপসা যুক্তা নিযমৈশ্চাপ্যলংকৃতা ॥ 10 ॥
দশ বর্ষ সহাস্রাণি তযা তপ্তং মহত্তপঃ ।
অনসূযা ব্রতৈ স্স্নাতা প্রত্যূহাশ্চ নিবর্তিতাঃ ॥ 11 ॥
দেবকার্যনিমিত্তং চ যযা সংত্বরমাণযা ।
দশরাত্রং কৃতা রাত্রি স্সেযং মাতেব তেঽনঘ ॥ 12 ॥
দশ বর্ষাণ্যনাবৃষ্ট্যা দগ্ধে লোকে নিরংতরম্ ॥ 13 ॥
যযা মূলফলে সৃষ্টে জাহ্নবী চ প্রবর্তিতা ।
উগ্রেণ তপসা যুক্তা নিযমৈশ্চাপ্যলংকৃতা ॥ 14 ॥
দশ বর্ষসহাস্রাণি যযা তপ্তং মহত্ তপঃ ।
অনসূযা ব্রতৈ স্স্নাতা প্রত্যূহাশ্চ নিবর্তিতাঃ ॥ 15 ॥
দেবকার্যনিমিত্তং চ যযা সংত্বরমাণযা ।
দশরাত্রং কৃতা রাত্রি স্সেযং মাতেব তেঽনঘ ॥ 16 ॥
দশ বর্ষাণ্যনাবৃষ্ট্যা দগ্ধে লোকে নিরংতরম্ ॥ 17 ॥
যযা মূলফলে সৃষ্টে জাহ্নবী চ প্রবর্তিতা ।
উগ্রেণ তপসা যুক্তা নিযমৈশ্চাপ্যলংকৃতা ॥ 18 ॥
দশ বর্ষ সহাস্রাণি তযা তপ্তং মহত্তপঃ ।
অনসূযা ব্রতৈ স্স্নাতা প্রত্যূহাশ্চ নিবর্তিতাঃ ॥ 19 ॥
দেবকার্যনিমিত্তং চ যযা সংত্বরমাণযা ।
দশরাত্রং কৃতা রাত্রি স্সেযং মাতেব তেঽনঘ ॥ 20 ॥
তামিমাং সর্বভূতানাং নমস্কার্যাং যশস্বিনীং অভিগচ্ছতু বৈদেহী বৃদ্ধামক্রোধনাং সদা ।
অনসূযেতি যা লোকে কর্মভিঃ খ্যাতিমাগতা ॥ 21 ॥
এবং ব্রুবাণং তমৃষিং তথেত্যুক্ত্বা স রাঘবঃ ।
সীতামুবাচ ধর্মজ্ঞামিদং বচনমুত্তমম্ ॥ 22 ॥
রাজপুত্রি শ্রুতমিদং মুনেরস্য সমীরিতম্ ।
শ্রেযোঽর্থমাত্মনশ্শীঘ্রমভিগচ্ছ তপস্বিনীম্ ॥ 23 ॥
সীতা ত্বেতদ বচঃ শ্রুত্বা রাঘবস্য হিতৈষিণঃ ।
তামত্রিপংতীং ধর্মজ্ঞামভিচক্রাম মৈথিলী ॥ 24 ॥
শিথিলাং বলিতাং বৃদ্ধাং জরাপাংডুরমূর্ধজাম্ ।
সততং বেপমানাংগীং প্রবাতে কদলীং যথা ॥ 25 ॥
তাং তু সীতা মহাভাগামনসূযাং পতিব্রতাম্ ।
অভ্যবাদযদব্যগ্রা স্বং নাম সমুদাহরত্ ॥ 26 ॥
শিথিলাং বলিতাং বৃদ্ধাং জরাপাংডুরমূর্ধজাম্ ।
সততং বেপমানাংগীং প্রবাতে কদলীং যথা ॥ 27 ॥
তাং তু সীতা মহাভাগামনসূযাং পতিব্রতাম্ ।
অভ্যবাদযদব্যগ্রা স্বংনাম সমুদাহরত্ ॥ 28 ॥
অভিবাদ্য চ বৈদেহী তাপসীং তামনিংদিতাম্ ।
বদ্ধাংজলিপুটা হৃষ্টা পর্যপৃচ্ছদনামযম্ ॥ 29 ॥
ততস্সীতাং মহাভাগাং দৃষ্ট্বা তাং ধর্মচারিণীম্ ।
সাংত্বযংত্যব্রবীদ্ধৃষ্টা দিষ্ট্যা ধর্মমবেক্ষসে ॥ 30 ॥
ত্যক্ত্বা জ্ঞাতিজনং সীতে মানমৃদ্ধং চ ভামিনি ।
অবরুদ্ধং বনে রামং দিষ্ট্যা ত্বমনুগচ্ছসি ॥ 31 ॥
নগরস্থো বনস্থো বা পাপো বা যদি বা শুভঃ ।
যাসাং স্ত্রীণাং প্রিযো ভর্তা তাসাং লোকা মহোদযাঃ ॥ 32 ॥
দুশ্শীলঃ কামবৃত্তো বা ধনৈর্বা পরিবর্জিতঃ ।
স্ত্রীণামার্যস্বভাবানাং পরমং দৈবতং পতিঃ ॥ 33 ॥
নাতো বিশিষ্টং পশ্যামি বাংধবং বিমৃশংত্যহম্ ।
সর্বত্র যোগ্যং বৈদেহি তপঃ কৃতমিবাব্যযম্ ॥ 34 ॥
ন ত্বেবমবগচ্ছংতি গুণদোষমসত্ত্স্রিযঃ ।
কামবক্তব্যহৃদযা ভর্তৃনাথাশ্চরংতি যাঃ ॥ 35 ॥
প্রাপ্নুবংত্য যশশ্চৈব ধর্মভ্রংশং চ মৈথিলি ।
অকার্যবশমাপন্নাঃ স্ত্রিযো যাঃ খলু তদ্বিধাঃ ॥ 36 ॥
ত্বদ্বিধাস্তু গুণৈর্যুক্তা দৃষ্ট লোক পরাবরাঃ ।
স্ত্রিয স্স্বর্গে চরিষ্যংতি যথা ধর্মকৃতস্তথা ॥ 37 ॥
তদেবমেনং ত্বমনুব্রতা সতী পতিব্রতানাং সমযানুবর্তিনী ।
ভব স্বভর্তু স্সহধর্মচারিণী যশশ্চ ধর্মং চ তত স্সমাপ্স্যসি ॥ 38 ॥
ইত্যার্ষে শ্রীমদ্রামাযণে বাল্মীকীয আদিকাব্যে অযোধ্যাকাংডে সপ্তদশাধিকশততমস্সর্গঃ ॥
