শ্রীমদ্বাল্মীকীয রামাযণে যুদ্ধকাংডম্ ।
অথ পংচসপ্ততিতমস্সর্গঃ ।
ততোঽব্রবীন্মহাতেজাস্সুগ্রীবোবানরাধিপঃ ।
অর্থ্যংবিজ্ঞাপযংশ্চাপিহনূমংতমিদংবচঃ ॥ 1 ॥
যতোহতঃকুংভকর্ণঃকুমারাশ্চনিষূদিতাঃ ।
নেদানীমুপনির্হারংরাবণোদাতুমর্হতি ॥ 2 ॥
যেযেমহাবলাস্সংতিলঘবশ্চপ্লবংগমাঃ ।
লংকামভ্যুতংত্যাশুগৃহ্যোল্কাঃপ্লবগর্ষভাঃ ॥ 3 ॥
হরযোহরিসংকাশাঃপ্রদগ্ধুংরাবণালযম্ ।
তোস্তংগতআদিত্যেরৌদ্রেতস্মিন্নিশামুখে ॥ 4 ॥
লংকামভিমুখাস্সোল্কাজগ্মুস্তেপ্লবগর্ষভাঃ ।
উল্কাহস্সৈর্হরিগণৈস্সর্বতস্সমভিদ্রুতাঃ ॥ 5 ॥
আরক্ষস্থাবিরূপাক্ষাস্সহসাবিপ্রদদ্রুবুঃ ।
গোপুরাট্টপ্রতোলীষুচর্যাসুবিবিধাসু চ ॥ 6 ॥
প্রাসাদেষু চ সম্হৃষ্টাস্সসৃজুস্তেহুতাশনম্ ।
তেষাংগৃহসহস্রাণিদদাহহুতভুক্তদা ॥ 7 ॥
প্রাসাদাঃপর্বতাকারাঃপতংতিধরণীতলে ।
অগুরুর্দহ্যতেতত্রবরং চ হরিচংদনম্ ॥ 8 ॥
মৌক্তিকামণযস্স্নিগ্ধাবজ্রংচাপিপ্রবালকম্ ।
ক্ষৌমং চ দহ্যতেতত্রকৌশেযংচাপিশোভনম্ ॥ 9 ॥
আবিকংবিবিধংচৌর্ণংকাংচনংভাংডমাযুধম্ ।
নানাবিকৃতসংস্থানংবাজিভাংডপরিচ্ছদৌ ॥ 10 ॥
গজগ্রৈবেযকক্ষ্যাশ্চরথভাংডাশ্চসম্স্কৃতাঃ ।
নুত্রাণি চ যোধানাংহস্ত্যশ্বানাং ব চর্ম চ ॥ 11 ॥
খডগাধনূংষিজ্বাবাণাস্তোমরাংকুশশক্তযঃ ।
রোমজংবালজংচর্মব্যাঘ্রজংচংডজংবহু ॥ 12 ॥
মুক্তামণিবিচিত্রাংশ্চপ্রাসাদাংশ্চসমংততঃ ।
বিবিধানস্ত্রসংযোগানগ্নির্দহতিতত্রবৈ ॥ 13 ॥
নানাবিধান্গৃহচ্ছংদাংধদাহহুতভুক্তদা ।
আবাসান্রাক্ষসানাং চ সর্বেষাংগৃহগর্থিনাম্ ॥ 14 ॥
হেমচিত্রতনুত্রাণস্রগ্দামাংভরধারিণাম্ ।
শীধুপানচলাক্ষাণাংমদ্বিহ্বলগামিনাম্ ॥ 15 ॥
কাংতালংবিতবস্ত্রাণাংশত্রুসংজাতমন্যুনাম্ ।
গদাশূলাসিহস্তানাংখাদতাংপিবতামপি ॥ 16 ॥
শযনেষুমহার্হেষুপ্রসুপ্তানাংপ্রিযৈস্সহ ।
ত্রস্তানাংগচ্ছতাংতূর্ণংপুত্রানাদাযসর্বতঃ ॥ 17 ॥
তেষাংশতসহস্রাণিতদালংকানিবাসিনাম্ ।
অদহত্পাবকস্তত্রজজ্বাল চ পুনঃপুনঃ ॥ 18 ॥
সারবংতিমহার্হাণিগংভীরগুণবংতি চ ।
হেমচংদ্রার্ধচংদ্রাণিচংদ্রশালোনতানি চ ॥ 19 ॥
তত্রচিত্রগবাক্ষাণিসাধিষ্ঠানানিসর্বশঃ ।
মণিবিদ্রুমচিত্রাণিস্পৃশংতীবদিবাকরম্ ॥ 20 ॥
ক্রৌংচবর্হিববীণানাংভূষণানাং চ নিস্স্বনৈঃ ।
নাদিতান্যচলাভানিবেশ্মান্যগ্নির্দদাহ স ॥ 21 ॥
জ্বলনেনপরীতানিতোরণানিচকাশিরে ।
বিদ্যুদ্ভিরিবনদ্ধানিমেঘজালানিঘর্মগে ॥ 22 ॥
জ্বলনেনপরীতানিনিপেতুর্ভবনান্বথ ।
বজ্রিবজ্রহতানীবশিখরাণিমহাগিরেঃ ॥ 23 ॥
বিমানেষুপ্রসুস্তাশ্চদহ্যমানাবরাংগনাঃ ।
ত্যক্তাভরণসর্বাংগাহাহেত্যুচ্চৈর্বিচুক্রুশুঃ ॥ 24 ॥
তত্রচাগ্নিপরীতানিনিপেতুর্ভবনান্যপি ।
বজ্রিবজ্রহতানীবশিখরাণিমহাগিরেঃ ॥ 25 ॥
তানিনির্দহ্যমানানিদূরতঃপ্রচকাশিরে ।
হিমবচ্ছিখরাণীবদীপ্তৌষদিবনানিচ ॥ 26 ॥
হর্ম্যাগ্রৈর্দহ্যমানৈশ্চজ্বালাপ্রজ্বলিতৈরপি ।
রাত্রৌসাদৃশ্যতেলংকাপুষ্পিতৈরিবকিংশুকৈঃ ॥ 27 ॥
হস্ত্যধ্যক্ষৈর্গজৈর্মুকৈর্মুকৈশ্চ তুরগৈরপি ।
বভূব লংকা লোকাংতে ভ্রাংতগ্রাহ ইবার্ণবঃ ॥ 28 ॥
অশ্বংমুক্তংগজোদৃষ্টবাক্বচিদ্ভীতোঽপসর্পতি ।
ভীতোভীতংগজংদৃষ্টবাক্বচিদশ্বোনিবর্ততে ॥ 29 ॥
লংকাযাং দহ্যমানাযাং শুশুভে চ মহোদধিঃ ।
চাযাসংসক্তসলিলো লোহিতোদ ইবার্ণবঃ ॥ 30 ॥
সাবভূবমুহূর্তেনহরিভির্দীপিতাপুরী ।
লোকস্যাস্যক্ষ্যেঘোরেপ্রদীপ্তেববসুংদরা ॥ 31 ॥
নারীজনস্যধূমেনব্যাপ্তস্যোচ্চৈর্বিনেদুষঃ ।
স্বনোজ্বলনতপ্তস্যশুশ্রুবেশতযোজনম্ ॥ 32 ॥
প্রদগ্ধকাযানপরান্ রাক্ষসান্নির্গতান্ বহিঃ ।
সহসাভ্যুত্পতংতিস্মহরযোঽথযুযুত্সবঃ ॥ 33 ॥
উদ্ঘুষ্টংবানরাণাং চ রাক্ষসানাং চ নিস্স্বনঃ ।
দিশোদশসমুদ্রং চ পৃথিবীংচান্বনাদযত্ ॥ 34 ॥
বিশল্যৌতুমহাত্মানৌতাবুভৌরামলক্ষ্মণৌ ।
অসংভ্রাংতৌজগৃহতুস্তদোভৌধনুষীবরে ॥ 35 ॥
ততোবিস্ফারযানস্যরামস্যধনুরুত্তমম্ ।
বভূবতুমুলশ্শব্দোরাক্ষসানাংভযাবহঃ ॥ 36 ॥
অশোভততদারামোধনুর্বিষ্ফারযন্ মহত্ ।
ভগবানিবসংকৃদ্ধোভবোবেদমযংধনুঃ ॥ 37 ॥
উদ্ঘুষ্টংবানরাণাং চ রাক্ষসানাং চ নিস্স্বনম্ ।
জ্যাশব্দস্তাবুভৌশব্দাবতিরামস্যশুশ্রুবে ॥ 38 ॥
বানরোদ্ঘুষ্টঘোষশ্চরাক্ষসানাং চ নিস্স্বনঃ ।
জ্যাশব্দশ্চাপিরামস্যত্রযংব্যাপ্যদিশোদশ ॥ 39 ॥
তস্যকার্মুকমুক্সৈশ্চশরৈস্তত্পুরগোপুরম্ ।
কৈলাসশৃংগপ্রতিমংবিশীর্ণমপতদ্ভুবি ॥ 40 ॥
ততোরামশরান্ দৃষ্টবাবিমানেষুগৃহেষু চ ।
সন্নাহোরাক্ষসেংদ্রাণাংতুমুলস্সমপদ্যত ॥ 41 ॥
তেষাংসন্নহ্যমানানাংসিংহনাদং চ কুর্বতাম্ ।
শর্বরীরাক্ষসেংদ্রাণাংরৌদ্রীবসমপদ্যত ॥ 42 ॥
আদিষ্টাবানরেংদ্রাস্তেসুগ্রীবেণমহাত্মনা ।
আসন্নদ্বারমাসাদ্যযুধ্যধ্বংপ্লবগর্ষভাঃ ॥ 43 ॥
যশ্চবোবিতথংকুর্বাত্তত্রতত্রব্যবস্থিতঃ ।
স হংতব্যোহিসংফ্লুত্যরাজশাসনদূষকঃ ॥ 44 ॥
তেষুবানরমুখেষুদীপ্তোল্কোজ্জ্বলপাণিষু ।
স্থিতেষুদ্বারমাসাদ্যরাবণংমন্যুরাবিশত্ ॥ 45 ॥
তস্যজৃংভিতবিক্ষেপাদ্ব্যামিশ্রাবৈদিশোদশ ।
রূপবানিবরুদ্রস্যমন্যুর্গাত্রেষ্বদৃশ্যত ॥ 46 ॥
স নিকুংভং চ কুংভং চ কুংভকর্ণাত্মজাবুভৌ ।
প্রেষযামাসসংকৃদ্ধোরাক্ষসসৈর্বহুভিস্সহ ॥ 47 ॥
যূপাক্ষশ্শোণিতাক্ষশ্চপ্রজংঘঃকংপনস্তথা ।
নির্যযুঃকৌংভকর্ণিভ্যাংসহরাবণশাসনাত্ ॥ 48 ॥
শশাসচৈবতান্ সর্বান্রাক্ষসান্ সুমহাবলান্ ।
রাক্ষসাগচ্ছতাদ্যৈবসিংহনাদং চ নাদযন্ ॥ 49 ॥
ততস্তুচোদিতাস্তেনরাক্ষসাজ্বলিতাযুধাঃ ।
লংকাযানির্যযুর্বীরাঃপ্রণদংতঃপুনঃপুনঃ ॥ 50 ॥
রক্ষসাংভূষণস্থাভির্ভাভিস্স্বাভিশ্চসর্বশঃ ।
চক্রুস্তেসপ্রভংব্যোমহরযশ্চাগ্নিভিস্সহ ॥ 51 ॥
তত্রতারাধিপস্যাভাতারাণাং চ তথৈব চ ।
তযোরাভরণাসা চ বলযোর্দ্যামভাসযন্ ॥ 52 ॥
চংদ্রাভাভূষণাভা চ গৃহাণাংসাগরঃপুনঃ ।
হরিরাক্ষসসৈন্যানিভ্রাজযামাসসর্বতঃ ॥ 53 ॥
তত্রচোর্ধ্বংপ্রদীপ্তানাংগৃহাণাংসাগরঃপুনঃ ।
ভাভিস্সংসক্তসলিলশ্চলোর্মিশ্শুশুভেঽধিকম্ ॥ 54 ॥
পতাকাধ্বজসংসক্তমুত্তমাসিপরশ্বধম্ ।
ভীমাশ্বরথমাতংগংনানাপততিসমাকুলম্ ॥ 55 ॥
দীপ্তশূলগদাখডগপ্রাসতোমরকার্মুকম্ ।
তদ্রাক্ষসবলংঘোরভীমংবিক্রমপৌরুষম্ ॥ 56 ॥
দদৃশেজ্বলিতপ্রাসংকিংকিণীশতনাদিতম্ ।
হেমজালাচিতভুজংব্যাবেষ্টিতপরশ্বথম্ ॥ 57 ॥
ব্যাঘূর্ণিতমহাশস্ত্রংবাণসংসক্তকার্মুকম্ ।
গংধমাল্যমধূত্সেকসম্মোদিতমহানিলম্ ॥ 58 ॥
ঘোরংশূরজনাকীর্ণংমহাংবুদরনিস্স্বনম্ ।
তদ্দৃষ্টবাবলমাযাতংরাক্ষসানাংসুদারুণম্ ॥ 59 ॥
সংচচালপ্লবংগানাংবলমুচ্চৈর্ননাদ চ ।
জবেনাফ্লুত্য চ পুনস্তদ্বলংরক্ষসাংমহত্ ॥ 60 ॥
অভ্যযাত্প্রত্যরিবলংপতংগাইবপাবকম্ ।
তেষাংভুজপরামর্শব্যামৃষ্টপরিঘাশনি ॥ 61 ॥
রাক্ষসানাংবলংশ্রেষ্ঠংভূযস্তরমশোভত ।
তত্রোন্মত্তাইবোত্পেতুর্হরযোঽথযুযুত্সবঃ ॥ 62 ॥
তরুশৈলৈরভিঘ্নংতোমুষ্টিভিশ্চনিশাচরান্ ।
তথৈবাপততাংতেষাংকপীনামসিভিশশিতৈঃ ॥ 63 ॥
শিরাংসিসহসাজহ্রূরাক্ষসাভীমদর্শনা ।
দশনৈর্হতকর্ণাশ্চমুষ্টিনিষ্কীর্ণমস্তকাঃ ॥ 64 ॥
শিলাপ্রহারভগ্নাংগাবিচেরুস্তত্ররাক্ষসাঃ ।
তথৈবাপ্যপরেতেষাংকপীনামভিলক্ষিতা ॥ 65 ॥
প্রবীরানভিতোজঘ্নুর্ঘোররূপানিশাচরাঃ ।
ঘ্নংতমন্যংজঘানান্যঃপাতযংতমপাতযত্ ॥ 66 ॥
গর্হমাণংজগর্হেঽন্যোদশংতমপরোঽদশত্ ।
দেহীত্যন্যোদদাত্যন্যোদদামীত্যপরঃপুনঃ ॥ 67 ॥
কিংক্লেশযসিতিষ্ঠেতিতত্রান্যোন্যংবভাষিরে ।
বিপ্রলংভিতবস্ত্রং চ বিমুক্তকবচাযুধম্ ॥ 68 ॥
সমুদ্যতমহাপ্রাসংযষ্টিশূলাসিসংকুলম্ ।
প্রাবর্ততমহারৌদ্রংযুদ্ধংবানররক্ষসাম্ ॥ 69 ॥
বানরাংদশসপ্তেতিরাক্ষসাজঘ্নুরাহবে ।
রাক্ষসাংদশসপ্তেতিবানরাশ্চাভ্যপাতযন্ ॥ 70 ॥
বিস্রস্তকেশবসনংবিধ্বস্তকবচধ্বজম্ ।
বলংরাক্ষসমালংব্যবানরাঃপর্যবারযন্ ॥ 71 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচসপ্ততিতমস্সর্গঃ ॥
