শ্রীমদ্বাল্মীকীয রামাযণে অযোধ্যাকাংডম্ ।
অথ ষোডশস্সর্গঃ ।
তদংতঃপুরদ্বারং সমতীত্য জনাকুলম্ ।
প্রবিবিক্তাং ততঃ কক্ষ্যামাসসাদ পুরাণবিত্ ॥ 1 ॥
প্রাসকার্মুকবিভ্রদ্ভির্যুবভির্মৃষ্টকুংডলৈঃ ।
অপ্রমাদিভিরেকাগ্রৈ স্স্বনুরক্তৈরধিষ্ঠিতাম্ ॥ 2 ॥
তদংতঃপুরদ্বারং সমতীত্য জনাকুলম্ ।
প্রবিবিক্তাং ততঃ কক্ষ্যামাসসাদ পুরাণবিত্ ॥ 3 ॥
প্রাসকার্মুকবিভ্রদ্ভির্যুবভির্মৃষ্টকুংডলৈঃ ।
অপ্রমাদিভিরেকাগ্রৈ স্স্বনুরক্তৈরধিষ্ঠিতাম্ ॥ 4 ॥
তত্র কাষাযিণো বৃদ্ধান্ বেত্রপাণীন্ স্বলংকৃতান্ ।
দদর্শ বিষ্ঠিতান্ দ্বারি স্ত্র্যধ্যক্ষান্সুসমাহিতান্ ॥ 5 ॥
তে সমীক্ষ্য সমাযাংতং রামপ্রিযচিকীর্ষবঃ ।
সহসোত্পতিতাস্সর্বে স্বাসনেভ্যস্সসংভ্রমাঃ ॥ 6 ॥
তানুবাচ বিনীতাত্মা সূতপুত্রঃ প্রদক্ষিণঃ ।
ক্ষিপ্রমাখ্যাত রামায সুমংংত্রো দ্বারি তিষ্ঠতি ॥ 7 ॥
তে রামমুপসংগম্য ভর্তুঃ প্রিযচিকীর্ষবঃ ।
সহভার্যায রামায ক্ষিপ্রমেবাভিচক্ষিরে ॥ 8 ॥
প্রতিবেদিতমাজ্ঞায সূতমভ্যংতরং পিতুঃ ।
তত্রৈবানাযযামাস রাঘবপ্রিযকাম্যযা ॥ 9 ॥
তং বৈশ্রবণসংকাশমুপবিষ্টং স্বলংকৃতম্ ।
দদর্শ সূতঃ পর্য্যংকে সৌবর্ণে সোত্তরচ্ছদে ॥ 10 ॥
বরাহরুধিরাভেণ শুচিনা চ সুগংধিনা ।
অনুলিপ্তং পরার্ধ্যেন চংদনেন পরংতপম্ ॥ 11 ॥
স্থিতযা পার্শ্বতশ্চাপি বালব্যজনহস্তযা ।
উপেতং সীতযাভূযশ্চিত্রযা শশিনং যথা ॥ 12 ॥
তং তপংতমিবাদিত্যমুপপন্নং স্বতেজসা ।
ববংদে বরদং বংদী বিনযজ্ঞো বিনীতবত্ ॥ 13 ॥
প্রাংজলিস্সুমুখং দৃষ্ট্বা বিহারশযনাসনে ।
রাজপুত্রমুবাচেদং সুমংত্রো রাজসত্কৃতঃ ॥ 14 ॥
কৌশল্যাসুপ্রজা রাম পিতা ত্বাং দ্রষ্টুমিচ্ছতি ।
মহিষ্যা সহ কৈকেয্যা গম্যতাং তত্র মা চিরম্ ॥ 15 ॥
এবমুক্তস্তু সংহৃষ্টো নরসিংহো মহাদ্যুতিঃ ।
ততস্সম্মানযামাস সীতামিদমুবাচ হ ॥ 16 ॥
দেবি দেবশ্চ দেবী চ সমাগম্য মদংতরে ।
মংত্রযেতে ধৃবং কিংচিদভিষেচনসংহিতম্ ॥ 17 ॥
লক্ষযিত্বা হ্যভিপ্রাযং প্রিযকামা সুদক্ষিণা ।
সংচোদযতি রাজানং মদর্থমসিতেক্ষণা ॥ 18 ॥
সা প্রহৃষ্টা মহারাজং হিতকামানুবর্তিনী ।
জননী চার্থকামা মে কেকযাধিপতেস্সুতা ॥ 19 ॥
দিষ্ট্যা খলু মহারাজো মহিষ্যা প্রিযযা সহ ।
সুমংত্রং প্রাহিণোদ্দূতমর্থকামকরং মম ॥ 20 ॥
যাদৃশী পরিষত্তত্র তাদৃশো দূত আগতঃ ।
ধ্রুবমদ্যৈব মাং রাজা যৌবরাজ্যেঽভিষেক্ষ্যতি ॥ 21 ॥
হংত শীঘ্রমিতো গত্বা দ্রক্ষ্যামি চ মহীপতিম্ ।
সহ ত্বং পরিবারেণ সুখমাস্ব রমস্ব চ ॥ 22 ॥
পতিসম্মানিতা সীতা ভর্তারমসিতেক্ষণা ।
আদ্বারমনুবব্রাজ মংগলান্যভিদধ্যুষী ॥ 23 ॥
রাজ্যং দ্বিজাতিভির্জুষ্টং রাজসূযাভিষেচনম্ ।
কর্তুমর্হতি তে রাজা বাসবস্যেব লোককৃত্ ॥ 24 ॥
দীক্ষিতং ব্রতসংপন্নং বরাজিনধরং শুচিম্ ।
কুরংগশৃংগপাণিং চ পশ্যংতী ত্বাং ভজাম্যহম্ ॥ 25 ॥
পূর্বাং দিশং বজ্রধরো দক্ষিণাং পাতু তে যমঃ ।
বরুণঃ পশ্চিমামাশাং ধনেশস্তূত্তরাং দিশম্ ॥ 26 ॥
অথ সীতামনুজ্ঞাপ্য কৃতকৌতুকমংগলঃ ।
নিশ্চক্রাম সুমংত্রেণ সহ রামো নিবেশনাত্ ॥ 27 ॥
পর্বতাদিব নিষ্ক্রম্য সিংহো গিরিগুহাশযঃ ।
লক্ষ্মণং দ্বারিসোঽপশ্যত্প্রহ্বাংজলিপুটং স্থিতম্ ॥ 28 ॥
অথ মধ্যমকক্ষ্যাযাং সমাগচ্ছত্সুহৃজ্জনৈঃ ।
স সর্বানর্থিনো দৃষ্ট্বা সমেত্য প্রতিনংদ্য চ ॥ 29 ॥
ততঃ পাবকসংকাশমারুরোহ রথোত্তমম্ ।
বৈযাঘ্রং পুরুষব্যাঘ্রো রাজতং রাজনংদনঃ ॥ 30 ॥
মেঘনাদমসংবাধং মণিহেমবিভূষিতম্ ।
মুষ্ণংতমিব চক্ষূংষি প্রভযা সূর্যবর্চসম্ ॥ 31 ॥
করেণুশিশুকল্পৈশ্চ যুক্তং পরমবাজিভিঃ ।
হরিযুক্তং সহস্রাক্ষো রথমিংদ্র ইবাশুগম্ ॥ 32 ॥
প্রযযৌ তূর্ণমাস্থায রাঘবো জ্বলিতশ্শ্রিযা ।
স পর্জন্য ইবাকাশে স্বনবানভিনাদযন্ ॥ 33 ॥
নিকেতান্নির্যযৌ শ্রীমান্মহাভ্রাদিব চংদ্রমাঃ ।
ছত্রচামরপাণিস্তু লক্ষ্মণো রাঘবানুজঃ ॥ 34 ॥
জুগোপ ভ্রাতরং ভ্রাতা রথমাস্থায পৃষ্ঠতঃ ।
ততো হলহলাশব্দস্তুমুলস্সমজাযত ॥ 35 ॥
তস্য নিষ্ক্রমমাণস্য জনৌঘস্য সমংততঃ ।
ততো হযবরা মুখ্যা নাগাশ্চ গিরিসন্নিভাঃ ॥ 36 ॥
অনুজগ্মুস্তদা রামং শতশোঽথ সহস্রশঃ ।
অগ্রতশ্চাস্য সন্নদ্ধাশ্চংদনাগরুভূষিতাঃ ॥ 37 ॥
খড্গচাপধরাশ্শূরা জগ্মুরাশংসবো জনাঃ ।
ততো বাদিত্রশব্দাশ্চ স্তুতিশব্দাশ্চ বংদিনাম্ ॥ 38 ॥
সিংহনাদাশ্চ শূরাণাং তদা শুশ্রুবিরে পথি ।
হর্ম্যবাতাযনস্থাভির্ভূষিতাভিস্সমংততঃ ॥ 39 ॥
কীর্যমাণ স্সুপুষ্পৌঘৈর্যযৌ স্ত্রীভিররিংদমঃ ।
রামং সর্বানবদ্যাংগ্যো রামপিপ্রীষযা ততঃ ॥ 40 ॥
বচোভিরগ্য্রৈর্হর্ম্যস্থা ক্ষিতিস্থাশ্চ ববংদিরে ।
নূনং নংদতি তে মাতা কৌশল্যামাতৃনংদন ॥ 41 ॥
পশ্যংতী সিদ্ধযাত্রং ত্বাং পিত্র্যং রাজ্যমবস্থিতম্ ।
সর্বসীমংতিনীভ্যশ্চ সীতাং সীমংতিনী বরাম্ ॥ 42 ॥
অমন্যংত হি তা নার্যো রামস্য হৃদযপ্রিযাম্ ।
তযা সুচরিতং দেব্যা পুরা নূনং মহত্তপঃ ॥ 43 ॥
রোহিণীব শশাংকেন রামসংযোগমাপ যা ।
ইতি প্রাসাদশৃংগেষু প্রমদাভির্নরোত্তমঃ ॥ 44 ॥
শুশ্রাব রাজমার্গস্থঃ প্রিযা বাচ উদাহৃতাঃ ।
আত্মসংপূজনৈ শৃণ্বন্ যযৌ রামৌ মহাপথম্ ॥ 45 ॥
স রাঘবস্তত্র কথাপ্রপংচান্ শুশ্রাব লোকস্য সমাগতস্য ।
আত্মাধিকারা বিবিধাশ্চ বাচঃ প্রহৃষ্টরূপস্য পুরো জনস্য ॥ 46 ॥
এষ শ্রিযং গচ্ছতি রাঘবোঽদ্য রাজপ্রসাদাদ্বিপুলাং গমিষ্যন্ ।
এতে বযং সর্ব সমৃদ্ধকামা যেষামযং নো ভবিতা প্রশাস্তা ॥ 47 ॥
লাভো জনস্যাস্য যদেষ সর্বং প্রপত্স্যতে রাষ্ট্রমিদং চিরায ।
ন হ্যপ্রিযং কিংচন জাতু কশ্চি ত্পশ্যেন্ন দুঃখং মনুজাধিপেঽস্মিন্ ॥ 48 ॥
স ঘোষবদ্ভিশ্চ মতংগাজৈর্যযৈঃ পুরস্সরৈ স্স্বস্তিকসূতমাগধৈঃ ।
মহীযমানঃ প্রবরৈশ্চ বাদকৈ রভিষ্টুতো বৈশ্রবণো যথা যযৌ ॥ 49 ॥
করেণুমাতংংগরথাশ্বসংকুলং মহাজনৌঘ পরিপূর্ণচত্বরম্ ।
প্রভূতরত্নং বহুপণ্যসংচযং দদর্শ রামো রুচিরং মহাপথম্ ॥ 50 ॥
ইত্যার্ষে শ্রীমদ্রামাযণে বাল্মীকীয আদিকাব্যে অযোধ্যাকাংডে ষোডশস্সর্গঃ ॥
