শ্রীমদ্বাল্মীকীয রামাযণে যুদ্ধকাংডম্ ।
অথ ত্র্যাশীতিতমস্সর্গঃ ।
রাঘবশ্চাপিবিপুলংতংরাক্ষসবনৌকসাম্ ।
শ্রুত্বাসংগ্রামনির্ঘোষংজাংববংতমুবাচ হ ॥ 1 ॥
সৌম্যনূনংহনুমতাকৃতংকর্মসুদুষ্করম্ ।
শ্রূযতে চ যথাভীমস্সুমহাবাযুধস্বনঃ ॥ 2 ॥
তদ্গচ্ছকুরুসাহায্যংস্ববলেনাভিসম্বৃতঃ ।
ক্ষিপ্রমক্ষপতেতস্যকপিশ্রেষ্ঠস্যযুধ্যতঃ ॥ 3 ॥
ঋক্ষরাক্ষস্তথোক্তস্তুস্বেনানীকেনসম্বৃতঃ ।
আগচ্ছত্পশ্চিমদ্বারংহনূমান্যত্রবানরঃ ॥ 4 ॥
অথাযাংতংহনূমংতংদদর্শর্ক্ষপতিপথি ।
বানরৈঃকৃতসংগ্রামৈশ্শ্বসদ্ভিরভিসম্বৃতম্ ॥ 5 ॥
দৃষ্টাপথিহনূমাংশ্চতদৃক্ষবলমুদ্যতম্ ।
নীলমেঘনিভংভীমংসন্নিবার্যন্যবর্তত ॥ 6 ॥
স তেনসহসৈন্যেনসন্নিকর্ষংমহাযশাঃ ।
শীঘ্রমাগম্যরামাযদুঃখিতোবাক্যমব্রবীত্ ॥ 7 ॥
সমরেযুধ্যমানানামস্মাকংপ্রেক্ষতাংপুরঃ ।
জঘানরুদতীংসীতামিংদ্রজিদ্রাবণাত্মজঃ ॥ 8 ॥
উদ্ভ্রাংতচিত্তস্তাংদৃষ্টবাবিষণ্ণোঽহমরিংদমঃ ।
তদহংভবতোবৃতংবিজ্ঞাপযিতুমাগতঃ ॥ 9 ॥
তস্যতদ্বচনংশ্রুত্বারাঘবশ্শোকমূর্চিতঃ ।
নিপপাততদাভূমৌছিন্নমূলংইবদ্রুমঃ ॥ 10 ॥
তংভূমৌদেবসংকাশংপতিতংদৃশ্যরাঘবম্ ।
অভিপেতুস্সমুত্পত্যসর্বতঃকপিসত্তমাঃ ॥ 11 ॥
আসিংচন্ সলিলৈশ্চৈনংপদ্মোত্পলসুগংধিভিঃ ।
প্রদহংতমানাসাদ্যংসহসাগ্নিমিবোদ্যতম্ ॥ 12 ॥
তংলক্ষ্মণোঽথবাহুভ্যাংপরিষ্বজ্যসুদুঃখিতঃ ।
উবাচরামমস্বস্থংবাক্যংহেত্বর্থসম্যুতম্ ॥ 13 ॥
শুভেবর্ত্মনিতিষ্ঠংতংত্বামার্যবিজিতেংদ্রিযম্ ।
অনর্থেভ্যো ন শক্নোতিত্রাতুংধর্মোনিরর্থকঃ ॥ 14 ॥
ভূতানাংস্থাবারাণাং চ জংগমানাং চ দর্শনম্ ।
যথাস্তি ন তথাধর্মস্তেননাস্তীতিমেমতিঃ ॥ 15 ॥
যথৈবস্থাবরংব্যক্তংজংগমং ন তথাবিধম্ ।
নাযমর্থস্তথাযুক্তস্ত্বদ্বিধো ন বিপদ্যতে ॥ 16 ॥
যদ্যধর্মোভবেদ্ভূতোরাবণোনরকংব্রজেত্ ।
ভবাংশ্চধর্মসম্যুক্তোনৈবংব্যসনমাপ্নুযাত্ ॥ 17 ॥
তস্য চ ব্যসনাভাবাদ্ব্যসনংচাগতেত্বযি ।
ধর্মোভবত্যধর্মশ্চপরস্পরবিরোধিনৌ ॥ 18 ॥
ধর্মেণোপলভেদ্ধর্মমধর্মংচাপ্যধর্মতঃ ।
যদ্যধর্মেণযুজ্যেযুর্যেষ্বধর্মঃপ্রতিষ্ঠিতঃ ॥ 19 ॥
যদিধর্মেণবিযুজ্যেরন্নধর্মরুচযোজনাঃ ।
ধর্মেণচরতাংধর্মংচৈষাংধর্মফলংভবেত্ ॥ 20 ॥
যস্মাদর্থাবিবর্ধংতেযেষ্বধর্মঃপ্রতিষ্ঠিতঃ ।
ক্লিশ্যংতেধর্মশীলাশ্চতস্মাদেতৌনিরর্থকৌ ॥ 21 ॥
বধ্যংতেপাপকর্মাণোযদ্যধর্মেণরাঘব ।
বধকর্মহতোঽধর্মঃ স হতঃকিংবধিষ্যতি ॥ 22 ॥
অথবাবিহিতেনাযংহন্যতেহংতিবাপরম্ ।
বিধিরালিপ্যতেতেন ন স পাপেনকর্মণা ॥ 23 ॥
অদৃষ্টপ্রতিকারেণত্বব্যক্তেনাসতাসতা ।
কথংশক্যংপরংপ্রাপ্তুংধর্মেণারিবিকর্ষণ ॥ 24 ॥
যদিসত্স্যাত্সতাংমুখ্যনাসত্স্যত্তবকিংচন ।
ত্বযাযদীদৃশংপ্রাপ্তংতস্মাত্সন্নোপপদ্যতে ॥ 25 ॥
বলস্য যদি চেদ্ধর্মো গুণভূতঃ পরাক্রমে ।
ধর্মমুত্সৃজ্য বর্তস্ব যথা ধর্মে তথা বলে ॥ 26 ॥
বলস্যযদিচেদ্ধর্মোগুণভূতঃপরাক্রমে ।
ধর্মমুত্সৃজ্যবর্তস্বযথাধর্মেতথাবলে ॥ 27 ॥
অথচেত্সত্যবচনংধর্মঃ কিলপরংতপ ।
অনৃতস্ত্বয্যকরুণঃকিং ন বদ্ধস্ত্বযাপিতা ॥ 28 ॥
অধর্মসংশ্রিতো ধর্মো বিনাশযতি রাঘব ।
সর্বমেতদ্যথাকামং কাকুত্স্থ কুরুতে নরঃ ॥ 29 ॥
অধর্মসংশ্রিতোধর্মোবিনাশযতিরাঘব ।
সর্বমেতদ্যথাকামংকাকুত্স্থকুরুতেনরঃ ॥ 30 ॥
মমচেদংমতংতাতধরোঽযমিতিরাঘব ।
ধর্মমূলংত্বযাছিন্নংরাজ্যমুত্সৃজতাতদা ॥ 31 ॥
অর্থেভ্যোহিপ্রবৃদ্ধেভ্যঃসম্বৃত্তেভ্যস্ততস্ততঃ ।
ক্রিযাঃসর্বাঃপ্রবর্তংতেপর্বতেভ্যঃইবাপগাঃ ॥ 32 ॥
অর্থেনহিবিমুক্তস্যপুরুষস্যাল্পচেতসঃ ।
বিচ্ছিদ্যংতেক্রিযাস্সর্বাগ্রীষ্মেকুসরিতোযথা ॥ 33 ॥
সোঽযমর্থংপরিত্যজ্যসুখকামঃসুখৈধিতঃ ।
পাপমারভতেকর্তুংতদাদোষঃপ্রবর্ততে ॥ 34 ॥
যস্যার্থাস্তস্যমিত্রাণিযস্যার্থাস্যস্যবাংধবাঃ ।
যস্যার্থাস্সপুমান্লোকেযস্যার্থাঃ স চ পংডিতঃ ॥ 35 ॥
যস্যার্থাস্স চ বিক্রাংতোযস্যার্থাস্স চ বুদ্ধিমান্ ।
যস্যার্থাস্সমহাভাগোযস্যার্থাস্সমহাগুণঃ ॥ 36 ॥
অর্থস্যৈতেপরিত্যাগেদোষাঃপ্রব্যাহৃতামযা ।
রাজ্যমুত্সৃজতাবীরযেনবুদ্ধিস্ত্বযাকৃতা ॥ 37 ॥
যস্যার্থাঃধর্মকামার্থাস্তস্যসর্বংপ্রদক্ষিণম্ ।
অধনেনার্থকামেননার্থশ্শক্যোবিচিন্বতা ॥ 38 ॥
হর্ষঃকামশ্চদর্পশ্চধর্মঃক্রোধশ্শমোদমঃ ।
অর্থাদেতানিসর্বাণিপ্রবর্তংতেনরাধিপ ॥ 39 ॥
যেষাংনশ্যত্যযংলোকশ্চরতাংধর্মচারিণাম্ ।
তেঽর্থাস্ত্বযি ন দৃশ্যংতেদুর্দিনেষুযথাগ্রহাঃ ॥ 40 ॥
ত্বযিপ্রব্রজিতেবীরগুরোশ্চবচনেস্থিতে ।
রক্ষসাপহৃতাভার্যাপ্রাণৈঃপ্রিযতরাতব ॥ 41 ॥
তদদ্যবিপুলংবীরদুঃখমিংদ্রজিতাকৃতম্ ।
কর্মণাব্যপনেষ্যামিতস্মাদুত্তিষ্ঠরাঘব ॥ 42 ॥
উত্থিষ্ঠনরশার্দূলদীর্ঘবাহোধৃতব্রত ।
কিমাত্মানংমহাত্মানংমাত্মানং ন বুধ্যসে ॥ 43 ॥
অযমনঘতবোদিতঃপ্রিযার্থংজনকসুতানিধনংনিরীক্ষ্যরুষ্টঃ ।
সরথগজহযাংসরাক্ষসেংদ্রাংভৃশমিষুভির্বিনিপাতযামিলংকাম্ ॥ 44 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ত্র্যাশীতিতমস্সর্গঃ ॥
