শ্রীমদ্বাল্মীকীয রামাযণে বালকাংডম্ ।
অথ পংচমস্সর্গঃ ।
. সর্বা পূর্বমিযং যেষামাসীত্কৃত্স্না বসুংধরা ।
প্রজাপতিমুপাদায নৃপাণাং জযশালিনাম্ ॥ 1 ॥
যেষাং স সগরো নাম সাগরো যেন খানিতঃ ।
ষষ্টিঃ পুত্রসহস্রাণি যং যাংতং পর্যবারযন্ ॥ 2 ॥
ইক্ষ্বাকূণামিদং তেষাং রাজ্ঞাং বংশে মহাত্মনাম্ ।
মহদুত্পন্নমাখ্যানং রামাযণমিতি শ্রুতম্ ॥ 3 ॥
তদিদং বর্তযিষ্যামি সর্বং নিখিলমাদিতঃ ।
ধর্মকামার্থসহিতং শ্রোতব্যমনসূযযা ॥ 4 ॥
কোসলো নাম মুদিতস্স্ফীতো জনপদো মহান্ ।
নিবিষ্টস্সরযূতীরে প্রভূতধনধান্যবান্ ॥ 5 ॥
অযোধ্যা নাম নগরী তত্রাসীল্লোকবিশ্রুতা ।
মনুনা মানবেংদ্রেণ যা পুরী নির্মিতা স্বযম্ ॥ 6 ॥
আযতা দশ চ দ্বে চ যোজনানি মহাপুরী ।
শ্রীমতী ত্রীণি বিস্তীর্ণা সুবিভক্তমহাপথা ॥ 7 ॥
রাজমার্গেণ মহতা সুবিভক্তেন শোভিতা ।
মুক্তপুষ্পাবকীর্ণেন জলসিক্তেন নিত্যশঃ ॥ 8 ॥
তাং তু রাজা দশরথো মহারাষ্ট্রবিবর্ধনঃ ।
পুরীমাবাসযামাস দিবং দেবপতির্যথা ॥ 9 ॥
কবাটতোরণবতীং সুবিভক্তাংতরাপণাম্ ।
সর্বযংত্রাযুধবতীমুপেতাং সর্বশিল্পিভিঃ ॥ 10 ॥
সূতমাগধসংবাধাং শ্রীমতীমতুলপ্রভাম্ ।
উচ্চাট্টালধ্বজবতীং শতঘ্নীশতসংকুলাম্ ॥ 11 ॥
বধূনাটকসংঘৈশ্চ সংযুক্তাং সর্বতঃ পুরীম্ ।
উদ্যানাম্রবণোপেতাং মহতীং সালমেখলাম্ ॥ 12 ॥
দুর্গগংভীরপরিঘাং দুর্গামন্যৈর্দুরাসদাম্ ।
বাজিবারণসংপূর্ণাং গোভিরুষ্ট্রৈঃ খরৈস্তথা ॥ 13 ॥
সামংতরাজসংঘৈশ্চ বলিকর্মভিরাবৃতাম্ ।
নানাদেশনিবাসৈশ্চ বণিগ্ভিরুপশোভিতাম্ ॥ 14 ॥
প্রাসাদৈ রত্নবিকৃতৈঃ পর্বতৈরুপশোভিতাম্ ।
কূটাগারৈশ্চ সংপূর্ণামিংদ্রস্যেবামরাবতীম্ ॥ 15 ॥
চিত্রামষ্টাপদাকারাং নরনারীগণৈর্যুতাম্ ।
সর্বরত্নসমাকীর্ণাং বিমানগৃহশোভিতাম্ ॥ 16 ॥
গৃহগাঢামবিচ্ছিদ্রাং সমভূমৌ নিবেশিতাম্ ।
শালিতংডুলসংপূর্ণামিক্ষুকাংডরসোদকাম্ ॥ 17 ॥
দুংদুভীভির্মৃদংগৈশ্চ বীণাভিঃ পণবৈস্তথা ।
নাদিতাং ভৃশমত্যর্থং পৃথিব্যাং তামনুত্তমাম্ ॥ 18 ॥
বিমানমিব সিদ্ধানাং তপসাধিগতং দিবি ।
সুনিবেশিতবেশ্মাংতাং নরোত্তমসমাবৃতাম্ ॥ 19 ॥
যে চ বাণৈর্ন বিধ্যংতি বিবিক্তমপরাপরম্ ।
শব্দবেধ্যং চ বিততং লঘুহস্তা বিশারদাঃ ॥ 20 ॥
সিংহব্যাঘ্রবরাহাণাং মত্তানাং নর্দতাং বনে ।
হংতারো নিশিতৈশ্শস্ত্রৈর্বলাদ্বাহুবলৈরপি ॥ 21 ॥
তাদৃশানাং সহস্রৈস্তামভিপূর্ণাং মহারথৈঃ ।
পুরীমাবাসযামাস রাজা দশরথস্তদা ॥ 22 ॥
যে চ বাণৈর্ন বিধ্যংতি বিবিক্তমপরাপরম্ ।
শব্দবেধ্যং চ বিততং লঘুহস্তা বিশারদাঃ ॥ 23 ॥
সিংহব্যাঘ্রবরাহাণাং মত্তানাং নর্দতাং বনে ।
হংতারো নিশিতৈশ্শস্ত্রৈর্বলাদ্বাহুবলৈরপি ॥ 24 ॥
তাদৃশানাং সহস্রৈস্তামভিপূর্ণাং মহারথৈঃ ।
পুরীমাবাসযামাস রাজা দশরথস্তদা ॥ 25 ॥
তামগ্নিমদ্ভির্গুণবদ্ভিরাবৃতাং দ্বিজোত্তমৈর্বেদষডংগপারগৈঃ ।
সহস্রদৈস্সত্যরতৈর্মহাত্মভি র্মহর্ষিকল্পৈ ঋষিভিশ্চ কেবলৈঃ ॥ 26 ॥
ইত্যার্ষে শ্রীমদ্রামাযণে বাল্মীকীয আদিকাব্যে বালকাংডে পংচমস্সর্গঃ ॥
