শ্রীমদ্বাল্মীকীয রামাযণে যুদ্ধকাংডম্ ।
অথ একাদশস্সর্গঃ ।
সবভূবকৃশোরাজামৈথিলীকামমোহিতঃ ।
অসন্মানাচ্চসুহৃদাংপাপংপাপেনকর্মণা ॥ 1 ॥
অতীতসমযেকালেতস্মিন্বৈযুধিরাবণঃ ।
অমাত্যৈশ্চসুহৃদ্ভিশ্চপ্রাপ্তকালমমন্যত ॥ 2 ॥
সহেমজালবিততংমণিবিদ্রুমভূষিতম্ ।
উপগম্যবিনীতাশ্বমারুরোহমহারথম্ ॥ 3 ॥
তমাস্থাযরথশ্রেষ্ঠংমহামেঘসমস্বনম্ ।
প্রযযৌরক্ষসাংশ্রেষ্ঠোদশগ্রীবস্সভাংপ্রতি ॥ 4 ॥
অসিচর্মধরাযোধাস্সর্বাযুধধরাস্ততঃ ।
রাক্ষসারাক্ষসেংদ্রস্যপুরস্তাত্সংপ্রতস্থিরে ॥ 5 ॥
নানাবিকৃতবেষাশ্চনানাভূষণভূষিতাঃ ।
পার্শ্বতস্পৃষ্ঠতশ্চৈনংপরিবার্যযযুস্ততঃ ॥ 6 ॥
রথৈশ্চাতিরথাশ্শীঘ্রংমত্তৈশ্চবরবারণৈঃ ।
অনূত্পেতুর্দশগ্রীবমাক্রীডদ্ভিশ্চবাজিভিঃ ॥ 7 ॥
গদাপরিঘহস্তাশ্চশক্তিতোমরপাণযঃ ।
পরশ্বথধরাশ্চান্যেতথাঽন্যেশূলপাণযঃ ॥ 8 ॥
ততস্তূর্যসহস্রাণাংসংজজ্ঞেনিস্স্বনোমহান্ ।
তুমুলশ্শংখশব্দশ্চসভাংগচ্ছতিরাবণে ॥ 9 ॥
সনেমিঘোষেণমহান্সহসাঽভিনিনাদযন্ ।
রাজমার্গংশ্রিযাজুষ্টংপ্রতিপেদেমহারথঃ ॥ 10 ॥
বিমলংচাতপত্রাণাংপ্রগৃহীতমশোভত ।
পাংডুরংরাক্ষসেংদ্রস্যপূর্ণস্তারাধিপোযথা ॥ 11 ॥
হেমমংজরিগর্ভেচশুদ্ধস্ফটিকবিগ্রহে ।
চামরব্যজনেতস্যরেজতুস্সব্যদক্ষিণে ॥ 12 ॥
তেকৃতাংজলযস্সর্বেরথস্থংপৃথিবীস্থিতাঃ ।
রাক্ষসারাক্ষসশ্রেষ্ঠংশিরোভিস্তংববংদিরে ॥ 13 ॥
রাক্ষসৈস্ত্সূযমানস্সংজযাশীর্ভিররিংদমঃ ।
আসসাদমহাতেজাস্সভাংবিরচিতাংতদা ॥ 14 ॥
সুবর্ণরজতাস্তীর্ণাংবিশুদ্ধস্ফটিকাংতরাম্ ।
বিরাজমানোবপুষারুক্মপট্টোত্তরচ্ছদাম্ ॥ 15 ॥
তাংপিশাচশতৈঃ ষঙ্ভিরভিগুপ্তাংসদাপ্রভাম্ ।
প্রবিবেশমহাতেজাস্সুকৃতাংবিশ্বকর্মণা ॥ 16 ॥
তস্যাংসবৈডূর্যমযংপ্রিযকাজিনসম্বৃতম্ ।
মহত্সোপাশ্রযংভেজেরাবণঃপরমাসনম্ ॥ 17 ॥
ততঃ শশাসেশ্বরবদ্দূতান্লঘুপরাক্রমান্ ।
সমানযতমেক্ষিপ্রমিহৈতান্রাক্ষসানিতি ।
কৃত্যমস্তিমহজ্জানেকর্তব্যমিতিশত্রুভিঃ ॥ 18 ॥
রাক্ষসাস্তদ্বচশ্শ্রুত্বালংকাযাংপরিচক্রমুঃ ॥ 19 ॥
অনুগেহমবস্থাযবিহারশযনেষুচ ।
উদ্যানেষুচরক্ষাংসিচোদযংতোহ্যভীতবত্ ॥ 20 ॥
তেরথান্ রুচিরানেকেদৃপ্তানেকেপৃথগ্ঘযান্ ।
নাগানেকেঽধিরুরুহুর্জগ্মুশ্চৈকেপদাতযঃ ॥ 21 ॥
সাপুরীপরমাকীর্ণারথকুংজরবাজিভিঃ ।
সংপতদ্ভির্বিরুরুচেগরুত্মদ্ভিরিবাংবরম্ ॥ 22 ॥
তেবাহনাব্যবস্থাপ্যযানানিবিবিধানিচ ।
সভাংপদ্ভিঃপ্রবিবিশুস্সিংহাগিরিগুহামিব ॥ 23 ॥
রাজ্ঞঃপাদৌগৃহীত্বাতুরাজ্ঞাতেপ্রতিপূজিতাঃ ।
পীঠেষ্বন্যেবৃসীষ্বন্যেভূমৌকেচিদুপাবিশন্ ॥ 24 ॥
তেসমেত্যসভাযাংবৈরাক্ষসারাজশাসনাত্ ।
যথার্হমুপতস্থুস্তেরাবণংরাক্ষসাধিপম্ ॥ 25 ॥
মংত্রিণশ্চযথামুখ্যানিশ্চযার্থেষুপংডিতাঃ ।
অমাত্যাশ্চগুণোপেতাস্সর্বজ্ঞাবুদ্ধিদর্শনাঃ ॥ 26 ॥
সমীযুস্তত্রশতশশূরাশ্চবহবস্তদা ।
সভাযাংহেমবর্ণাযাংসর্বার্থস্যসুখাযবৈ ॥ 27 ॥
ততোমহাত্মাবিপুলংসুযুগ্যংরথম্বরংহেমবিচিত্রিতাংগম্ ।
শুভংসমাস্থাযযযৌযশস্বীবিভীষণস্সংসদমগ্রজস্য ॥ 28 ॥
সপূর্বজাযাবরজশ্শশংসনামাথপশ্চাশ্চরণৌববংদে ।
শুকঃপ্রহস্তশ্চতথৈবতেভ্যোদদৌযথার্হংপৃথগাসনানি ॥ 29 ॥
সুবর্ণনানামণিভূষণানাংসুবাসসাংসংসদিরাক্ষসানাম্ ।
তেষাংপরার্ঘ্যাগুরুচংদনানাংস্রজাশ্চগংধাঃপ্রববুস্সমংতাত্ ॥ 30 ॥
নচুক্রুশুর্নানৃতমাহকশ্চিত্সভাপদোনাপিজজল্পুরুচ্চৈঃ ।
সংসিদ্ধার্থাস্সর্বএবোগ্রবীর্যাভর্তুস্সর্বেদদৃশুশ্চাননংতে ॥ 31 ॥
সরাবণশ্শস্ত্রভৃতাংমনস্বিনাংমহাবলানাংসমিতৌমনস্বী ।
তস্যাংসভাযাংপ্রভযাচকাশেমধ্যেবসূনামিববজ্রহস্তেঃ ॥ 32 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একাদশস্সর্গঃ ॥
