শ্রীমদ্বাল্মীকীয রামাযণে যুদ্ধকাংডম্ ।
অথ ষোডশাধিকশততমস্সর্গঃ ।
ইতিপ্রতিসমাদিষ্টোহনূমান্মারুতাত্মজঃ ।
প্রবিবেশপুরীংলংকাংপূজ্যমানোনিশাচরৈঃ ॥ 1 ॥
প্রবিশ্য চপুরীংলংকাংপূজ্যমানোনিশাচারৈঃ ।
ততস্তেনাভ্যুনুজ্ঞাতোহনুমান্বৃক্ষবাটিকাম্ ॥ 2 ॥
প্রবিশংতীব গাত্রাণি স্বান্যেব জনকাত্মজা ।
বাক্ষল্যৈস্তৈঃ সশল্যেব ভৃশমশ্রূণ্যবর্তযত্ ॥ 3 ॥
বৃক্ষমূলেনিরানংদাংরাক্ষসীভিঃপরীবৃতাম্ ।
নিভৃতঃপ্রণতঃপ্রহ্বস্সোঽভিগম্যাভিবাদ্য চ ॥ 4 ॥
দৃষ্টবাসমাগতংদেবীহনূমংতংমহাবলম্ ।
তূষ্ণীমাস্ততদাদৃষ্টবাস্মৃত্বাসৃষ্টাভবত্তদা ॥ 5 ॥
সৌম্যংতস্যামুখংদৃষ্টবাহনুমান্প্লবগোত্তমঃ ।
রামস্যবচনংসর্বমাখ্যাতুমুপচক্রমে ॥ 6 ॥
বৈদেহী কুশলীরামস্সহসুগ্রীবলক্ষ্মণঃ ।
বভীষণসহাযশ্চহরীণাংসহিতোবলৈঃ ॥ 7 ॥
কুশলংচাহসিদ্ধার্থোহতশত্রুরিমত্রজিত্ ।
বিভীষণসহাযেনরামেণহরিভিস্সহ ॥ 8 ॥
নিহতোরাবণোদেবিলক্ষ্মণেন চ বীর্যবান্ ।
প্রিযমাখ্যামিতেদেবিভূযশ্চত্বাংসভাজযে ॥ 9 ॥
তবপ্রভাবাদ্ধর্মজেমহান্ রামেণসংযুগে ।
লব্ধোঽযংবিজযস্সীতেস্বস্থাভবগতজ্বরা ॥ 10 ॥
রাবণশ্চহতশ্শত্রুর্লংকচৈববশীকৃতা ।
মযাহ্যলবংদিদ্রেণধৃতেনতবনির্জযে ॥ 11 ॥
প্রতিজ্ঞৈষাবিনিস্তীর্ণাবদ্ধ্বাসেতুংমহোদধৌ ।
সংভ্রমশ্চ ন কর্তব্যোবর্তংত্যারাবণালযে ॥ 12 ॥
বিভীষণবিধেযংহিলংকৈশ্বর্যমিদংকৃতম্ ।
তদাশ্বসিহিবিস্রব্ধংস্বগৃহেপরিবর্তসে ॥ 13 ॥
অযংচাভ্যেতিসম্হৃষ্টস্ত্বদ্ধর্শনসমুত্সুকঃ ।
এবমুক্তাসমুত্পত্যসীতাশশিনিভাননা ॥ 14 ॥
প্রহর্ষেণাবরুদ্ধাসাব্যাহর্তুং ন শশাক হ ।
ততোঽব্রবীদ্ধরিবরঃসীতামপ্রতিজল্পতীম্ ॥ 15 ॥
কিংত্বংচিংতযসেদেবিকিং চ মাংনাভিভাষসে ।
এবমুক্তাহনুমতাসীতাধর্মপথেস্থিতা ॥ 16 ॥
অব্রবীত্পরমপ্রীতাবাষ্পগদ্গদযাগিরা ।
প্রিযমেতদুপশ্রুত্যভর্তুর্বিজযসংশ্রযম্ ॥ 17 ॥
প্রহর্ষবশমাপন্নানির্বাক্যাস্মিক্ষণাংতরম্ ।
ন হিপশ্যামিসদৃশংচিংতযংতীপ্লবংগমা ॥ 18 ॥
মপ্রতিযাব্যানকস্যেহদাতুংপ্রত্যভিনংদনম্ ।
নহিপশ্যামিততসৌম্যপৃথিব্যামপিবানর ॥ 19 ॥
সদৃশংযত্প্রিযাখ্যানেতবদত্ত্বাভবেত্সুখম্ ।
হিরণ্যংবাসুবর্ণংবারত্নানিবিবিধানিচ ॥ 20 ॥
রাজ্যংবাত্রিষুলোকেষুনৈতদর্হতিভাষিতম্ ।
এবমুক্তস্তুবৈদেহ্যাপ্রত্যুবাচপ্লবংগমঃ ॥ 21 ॥
প্রগৃহীতাংজলির্হর্ষাসতীতাযাঃপ্রমুখেস্থিতঃ ।
ভর্তুঃপ্রিযহিতেযুক্তেভর্তুর্বিজযকাংক্ষিণঃ ॥ 22 ॥
স্নিগ্ধমেবংবিধংবাক্যংত্বমেবার্হস্যনিংদিতে ।
তবৈতদ্বচনংসৌম্যেসারবত্ স্নিগ্ধমেব চ ॥ 23 ॥
রত্নৌঘাদ্বিবিধাচ্চাপিদেবরাজ্যাদ্বিশিষ্যতে ।
অর্থতশ্চমযাপ্রাপ্তাদেবরজ্যাদযোগুণাঃ ॥ 24 ॥
হতশত্রুংবিজযিনংরামংপশ্যামিসুস্থিতম্ ।
তস্যতদ্বচনংশ্রুত্বামৈথিলীজনকাত্মজা ॥ 25 ॥
ততঃশুভতরংবাক্যমুবাচপবনাত্মজম্ ।
অতিলক্ষণসংপন্নংমাধুর্যগুণভূষিতম্ ॥ 26 ॥
বুদ্ধ্যাহ্যষ্টাংগযাযুক্তংত্বমেবার্হসিভাষিতুম্ ।
শ্লাঘনীযোঽনিলস্যত্বংসুতঃপরমধার্মিকঃ ॥ 27 ॥
বলংশৌর্যংশ্রুতংসত্ত্বংবিক্রমোদাক্ষ্যমুত্তমম্ ।
তেজঃক্ষমাধৃতিস্স্থৈর্যংবিনীতত্বং ন সংশযঃ ॥ 28 ॥
এতেচান্যে চ বহবোগুণাস্ত্বয্যেবশোভনাঃ ।
অথোবাচপুনস্সীতামসংভ্রাংতোবিনীতবত্ ॥ 29 ॥
প্রগৃহীতাংচলির্হর্ষাত্সীতাযাঃপ্রমুখেস্থিতঃ ।
ইমাস্তুখলুরাক্ষস্যোযদিত্বমনুমন্যসে ॥ 30 ॥
হংতুমিচ্ছামিতাস্সর্বাযাভিস্ত্বংতর্জিতাপুরা ।
ক্লিশ্যংতীং পতিদেবাংত্বামশোকবনিকাংগতাম্ ॥ 31 ॥
ঘোররূপসমাচারাঃক্রূরাঃক্রূরতরেক্ষণাঃ ।
ইহশ্রুতামযাদেবি রাক্ষস্যোবিকৃতাননাঃ ॥ 32 ॥
অসকৃত্পরুষৈর্বাক্যৈর্বদ্নত্যোরাবণাজ্ঞযা ।
বিকৃতাবিকৃতাকারাঃক্রূরাঃক্রূরকচেক্ষণাঃ ॥ 33 ॥
ইচ্ছামিবিবিধৈরাঘতৈর্হংতুমেতাস্সুদারুণাঃ ।
রাক্ষস্যোদারুণকথাবরমেতত্প্রযচ্ছমে ॥ 34 ॥
মুষ্টিভিঃপর্ষিণঘাতৈশ্চবিশালৈশ্চৈববাহুভিঃ ।
জংঘাজানুপ্রহারৈশ্চদংতানাংচৈবপীডনৈঃ ॥ 35 ॥
ভক্ষণৈঃকর্ণনাসানাংকেশানাংলুংচনৈস্তথা ।
ভৃশংশুষ্কমুখৈশ্চৈবদারণৈর্লংঘনৈর্হতৈঃ ॥ 36 ॥
বিভিন্নশংকুগ্রীবাংশপার্শ্বকৈশ্চকলেবরৈঃ ।
নিপাত্যহংতুমিচ্ছামিতববিপ্রিযকারিণীঃ ॥ 37 ॥
এবংপ্রহারৈর্বহুভিঃসংপ্প্রহার্যযশস্বিনি ।
ঘাতযেতীব্ররূপাভির্যাভিস্ত্বংতর্জিতাপুরা ॥ 38 ॥
ইত্যুক্তাসাহনুমতাকৃপণাদীনবত্সলা ।
হনূমংতমুবাচেদংচিংতযিত্বাবিমৃশ্য চ ॥ 39 ॥
রাজসংশ্রযবশ্যানাংকুর্বতীনাংপরাজ্ঞযা ।
বিধেযানাং চ দাসীনাংকঃকুপ্যদ্বানরোত্তম ॥ 40 ॥
ভাগ্যবৈষম্যদোষেণপুরস্তাদ্ধুষ্কৃতেন চ ।
মযৈতত্প্রাপ্যসর্বংস্বকৃতংহ্যুপভুজ্যতে ॥ 41 ॥
মৈবংবদমহাবাহো দৈবেহ্যেষাপরাগতিঃ ।
প্রাপ্তব্যংতুদশাযোগান্মযৈতদিতিনিশ্চিতম্ ॥ 42 ॥
দাসীনাংরাবণস্যাহংমর্ষযামীহদুর্বলা ।
আজ্ঞপ্তারাক্ষসেনেহরাক্ষস্যস্তর্জযংতিমাম্ ॥ 43 ॥
হতেতস্মিন্নকুর্বংতিতর্জনংমারুতাত্মজ ।
অযংব্যাঘ্রসমীপেতুপুরাণোধর্মসংহিতঃ ॥ 44 ॥
ঋক্ষেণগীতঃশ্লোকোঽস্তিতংনিবোধপ্লবংগম ।
ন পরঃ পাপমাদত্তেপরেষাংপাপকর্মণাম্ ॥ 45 ॥
সমযোরক্ষিতব্যস্তুসপ্তশ্চারিত্রভূষণাঃ ।
পাপানাংবাশুভানাংবাবধার্হাণাংপ্লবংগম ॥ 46 ॥
কার্যংকরুণ্যমার্যেণ ন কশ্চিন্নাপরাধ্যতি ।
লোকহিংসাবিহারাণাংরক্ষসাংকামরূপিণাম্ ॥ 47 ॥
কুর্বতামপিপাপানিনৈবকার্যমশোভনম্ ।
এবমুক্তস্তুহনুমান্ সীতযাবাক্যকোবিদঃ ॥ 48 ॥
প্রত্যুবাচততস্সীতাংরামপত্নীযশশ্বিনীম্ ।
যুক্তারামস্যভবতীধর্মপত্নীযশশ্বিনী ॥ 49 ॥
প্রতিসংদিশমাংদেবি গমিষ্যেযত্ররাঘবঃ ।
এবমুক্তাহনুমতাবৈদেহিজনকাত্মজা ॥ 50 ॥
সাব্রবীদ্ধ্রষ্টুমিচ্ছামিভর্তারংবানরোত্তম ।
তস্যাস্তদ্বচনংশ্রুত্বাহনুমান্পবনাত্মজঃ ॥ 51 ॥
হর্ষযন্মৈথিলীংবাক্যমুবাচেদংমহামতিঃ ।
পূর্ণচংদ্রাননংরামংদ্রক্ষ্যস্যার্যেসলক্ষ্মণম্ ॥ 52 ॥
স্থিরমিত্রংহতামিত্রংশচীবত্রিদশেশ্বরম্ ।
তামেবমুক্ত্বারাজংতীংসীতাংসাক্ষাদিবশ্রিযম্ ॥ 53 ॥
আজগামমহাবেগোহনূমান্যত্ররাঘবঃ ।
সপদিহরিবরস্ততোহনূমান্ প্রতিবচনংজনকেশ্বরাত্মজাযাঃ ।
কথিতমকথযদ্যথাক্রমেণত্রিদশবরপ্রতিমাযরাঘবায ॥ 54 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ষোডশাধিকশততমস্সর্গঃ ॥
