শ্রীমদ্বাল্মীকীয রামাযণে যুদ্ধকাংডম্ ।
অথ পংচনবতিতমস্সর্গঃ ।
তানিতানিসহস্রাণিসারোহাণাং চ বাজিনাম্ ।
রথানাংত্বগ্নিবর্ণানাংসধ্বজানাংসহস্রশঃ ॥ 1 ॥
রাক্ষসানাংসহস্রাণিগদাপরিঘযোধিনাম্ ।
কাংচনধ্বজচিত্রাণাংশূরাণাংকামরূপিণাম্ ॥ 2 ॥
নিহতানিশরৈর্দীস্তীক্ষ্ণৈস্তপ্তকাংচনভূষণৈঃ ।
রাবণেনপ্রযুক্তানিরামেণাক্লিষ্টকর্মণা ॥ 3 ॥
দৃষ্টবাশ্রুত্বা চ সংভ্রাংতাহতশেষানিশাচরাঃ ।
রাক্ষসীশ্চসমাগম্যদীনাশ্চিংতাপরিপ্লুতাঃ ॥ 4 ॥
বিধবাহতপুত্রাশ্চক্রোশংত্যোহতবাংদবাঃ ।
রাক্ষস্যঃসহসংগম্যদুঃখার্তাঃপর্যদেবযন্ ॥ 5 ॥
কথংশূর্পণখাবৃদ্ধাকরালানির্ণতোদরী ।
আসসাদবনেরামংকংদর্পমিবরূপিণম্ ॥ 6 ॥
সুকুমারংমহাসত্ত্বংসর্বভূতহিতেরতম্ ।
তংদৃষ্টবালোকনিংদ্যাসাহীনরূপাপ্রকামিতা ॥ 7 ॥
কথংসর্বগুণৈর্হীনাগুণবংতংমহৌজসম্ ।
সুমুখংদুর্মুখীরামংকামযামাসরাক্ষসী ॥ 8 ॥
জনস্যাস্যাল্পভাগ্যত্বাদ্বলিনীশ্বেতমূর্ধজা ।
অকার্যমপহাস্যং চ সর্বলোকবিগর্হিতম্ ॥ 9 ॥
রাক্ষসানাংবিনাশাযদূষণস্যখরস্য চ ।
চকারাপ্রতিরূপাসারাঘবস্যপ্রধর্ষণম্ ॥ 10 ॥
তন্নিমিত্তমিদংবৈরংরাবণেনকৃতংমহত্ ।
বধাযসীতাসাসীতাদশগ্রীবেণরক্ষসা ॥ 11 ॥
ন চ সীতাংদশগ্রীবঃপ্রাপ্নোতিজনকাত্মজাম্ ।
বদ্ধংবলবতাবৈরমক্ষযংরাঘবেণ চ ॥ 12 ॥
বৈদেহীংপ্রার্থযানংতংবিরাধংপ্রেক্ষযরাক্ষসম্ ।
হতমেকেনরামেণপর্যাপ্তংতন্নিদর্শনম্ ॥ 13 ॥
চতুর্ধশসহস্রাণিরক্ষসাংভীমকর্মণাম্ ।
নিহতানিজনস্থানেশরৈরগ্নিশিখোপমৈঃ ॥ 14 ॥
খরশ্চনিহতঃসংখ্যেদূষণস্ত্রিশিরাস্তথা ।
শরৈরাদিতসংকাশৈঃপর্যাপ্তংতন্নিদর্শনম্ ॥ 15 ॥
হতোযোজনবাহুশ্চকবংদোরুদিরাশনঃ ।
ক্রোধান্নাদংনদন্ সোঽথপর্যাপ্তংতন্নিদর্শনম্ ॥ 16 ॥
জঘানবলিনংরামস্সহস্রনযনাত্মজম্ ।
বালিনংমেরুসংকাশংপর্যাপ্তংতন্নিদর্শনম্ ॥ 17 ॥
ঋষ্যমূকেবসংশ্চৈবদীনোভগ্নমনোরথঃ ।
সুগ্রীবঃপ্রাপিতোরাজ্যংপর্যাপ্তংতন্নিদর্শনম্ ॥ 18 ॥
ধর্মার্থসহিতংবাক্যংসর্বেষাংরক্ষসাংহিতম্ ।
যুক্তংবিভীষণেনোক্তংমোহত্তস্য ন রোচতে ॥ 19 ॥
বিভীষণবচঃকুর্যাদ্যদিস্মধনদানুজঃ ।
শ্মশানভূতাদুঃখার্তানেযংলংকাভবিষ্যতি ॥ 20 ॥
কুংভকর্ণংহতংশ্রুত্বারাঘবেণমহাবলম্ ।
অতিকাযং চ দুর্মর্ষংলক্ষ্মণেনহতংতদা ॥ 21 ॥
প্রিযংচেংদ্রজিতংপুত্রংরাবণোনাববুধ্যতে ।
মমপুত্রোমমভ্রাতামমভর্তারণেহতঃ ॥ 22 ॥
ইত্যেষশ্রূযতেশব্দোরাক্ষসীনাংকুলেকুলে ।
রথশ্চাশ্বাশ্চনাগাশ্চহতাঃশতসহস্রশঃ ॥ 23 ॥
রণেরামেণশূরেণহতাশ্চাপিপদাতযঃ ।
রুদ্রোবাযদিবাবিষ্ণুর্মহেংদ্রোবাশতক্রতুঃ ॥ 24 ॥
হংতিনোরামরূপেণযদিবাস্বযমংতকঃ ।
হতপ্রবীরারামেণনিরাশাজীবিতেবযম্ ॥ 25 ॥
অপশ্য্নত্যোভযস্যাংতমনাথাবিলপামহে ।
রামহস্তাদ্ধশগ্রীবশ্শূরোদত্তমহাবরঃ ॥ 26 ॥
ইদংভযংমহাঘোরংসমুত্পন্নং ন বুধ্যতে ।
তং ন দেবা ন গংধর্বা ন পিশাচা ন রাক্ষসাঃ ॥ 27 ॥
উপসৃষ্টংপরিত্রাতুংশক্তারামেণসম্যুগে ।
ত্পতাশ্চাপিদৃশ্যংতেরাবণস্যরণেরণে ॥ 28 ॥
কথযংতিহিরামেণরাবণস্যনিবর্হণম্ ।
পিতামহেনপ্রীতেনদেবদানবরাক্ষসৈঃ ॥ 29 ॥
রাবণস্যাভযংদত্তংমনুষ্যেভ্যো ন যাচিতম্ ।
তদিদংমানুষংমন্যেপ্রাপ্তংনিঃসংশযংভযম্ ॥ 30 ॥
জীবিতাংতকংঘোরংরক্ষসাংরাবণস্য চ ।
পীড্যমানাস্তুবলিনাবরদানেনরক্ষসা ॥ 31 ॥
দীপ্স্সৈস্তপোভির্বিবুধাঃপিতামহমপূজযন্ ।
দেবতানাংহিতার্থাযমহাত্মাবৈপিতামহঃ ॥ 32 ॥
উবাচদেবতাঃসর্বাইদংতুষ্টোমহদ্বচঃ ।
অদ্যপ্রভৃতিলোকাংস্ত্রীন্ সর্বেদানবরাক্ষসাঃ ॥ 33 ॥
ভযেনপ্রাবৃতানিত্যংবিচরিষ্যংতিশাশ্বতম্ ।
দৈবতৈস্তুসমাগম্যসর্বৈশ্চেংদ্রপুরোগমৈঃ ॥ 34 ॥
বৃষধ্বজস্ত্রিপুরহামহাদেবঃপ্রসাদিতঃ ।
প্রসন্নস্তুমহাদেবোদেবানেতদ্বচোঽব্রবীত্ ॥ 35 ॥
উত্পত্স্যতিহিতার্থংবোনারীরক্ষঃক্ষযাবহা ।
এষাদেবৈঃপ্রযুক্তাতুক্ষুদ্যথাদানবান্ পুরা ॥ 36 ॥
ভক্ষযিষ্যতিনঃসীতারাক্ষসঘ্নীসরাবণান্ ।
রাবণস্যাপনীতেনদুর্বিনীতস্যদুর্মতেঃ ॥ 37 ॥
অযংনিষ্টানকোঘোরংশোকেনসমভিপ্লুতঃ ।
তংন পশ্যামহেলোকেযোনঃশরণদোভবেত্ ॥ 38 ॥
রাঘবেণোপসৃষ্টানাং কালেনেব যুগক্ষযে ।
নাস্তিনঃশরণংকশ্চিদ্ভযেমহতিতিষ্ঠতাম্ ॥ 39 ॥
দাবাগ্নিবেষ্টিতানাংহিকরেণূনাংযথাবনে ।
প্রাপ্তকালংকৃতংতেনপৌলস্ত্যেনমহাত্মনা ॥ 40 ॥
যতএবংভযংদৃষ্টংতমেবশরণংগতঃ ।
ইতীবসর্বারজনীচরস্ত্রিযঃপরস্পরংসংপরিরভ্যবাহুভিঃ ।
বিষেদুরার্তাতিভযাভিপীডিতাবিনেদুরুচ্চৈশ্চতদাসুদারুণম্ ॥ 41 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচনবতিতমস্সর্গঃ ॥
