শ্রীমদ্বাল্মীকীয রামাযণে যুদ্ধকাংডম্ ।
অথ সপ্তদশস্সর্গঃ ।
ইত্যুক্ত্বাপরুষংবাক্যংরাবণংরাবণানুজঃ ।
আজগামমুহূর্তেনযত্ররামস্সলক্ষ্মণঃ ॥ 1 ॥
তংমেরুশিখরাকারংদীপ্তামিবশতহ্রদাম্ ।
গগনস্থংমহীস্থাস্তেদদৃশুসর্ববানরাঃ ॥ 2 ॥
তে চাপ্যনুচরাস্তস্য চত্বারো ভীমবিক্রমাঃ ।
তেঽপি বর্মাযুধোপেতা ভূষণোত্তমভূষিতাঃ ॥ 3 ॥
স চ মেঘাচলপ্রখ্যো বজ্রাযুধসমপ্রভঃ ।
বরাযুধধরো বীরো দিব্যাভরণভূষিতঃ ॥ 4 ॥
তমাত্মপংচমংদৃষ্টবাসুগ্রীবোবাহিনীপতিঃ ।
বানরৈস্সহদুর্ধর্ষচিংতযামাসবুদ্ধিমান্ ॥ 5 ॥
চিংতযিত্বামুহূর্তংতুবানরাংস্তানুবাচহ ।
হনুমত্প্রমুখান্সর্বানিদংবচনমুত্তমম্ ॥ 6 ॥
এষসর্বাযুধোপেতশ্চতুর্ভিস্সহরাক্ষসৈঃ ।
রাক্ষসোঽভ্যেতিপশ্যধ্বমস্মান্হংতুংনসংশযঃ ॥ 7 ॥
সুগ্রীবস্য বচঃ শ্রুত্বা সর্বে তে বানর উত্তমাঃ ।
সালান্ উদ্যম্য শৈলামঃ চ ইদং বচনং অব্রুবন্ ॥ 8 ॥
শীঘ্রংব্যাদিশনোরাজন্বধাযৈষাংদুরাত্মনাম্ ।
নিপতংতুহতাশ্চৈতেধরণ্যামল্পতেজসঃ ॥ 9 ॥
তেষাসংভাষমাণানামন্যোন্যংসবিভীষণঃ ।
উত্তরংতীরমাসাদ্যখস্থএবব্যতিষ্ঠত ॥ 10 ॥
উবাচমহাপ্রাজ্ঞস্স্বরেণমহতামহান্ ।
সুগ্রীবংতাংশ্চসংপ্রেক্ষ্যসর্বান্বানরযূথপান্ ॥ 11 ॥
রাবণো নাম দুর্বৃত্তো রাক্ষসো রাক্ষস ঈশ্বরঃ ।
তস্য অহং অনুজো ভ্রাতা বিভীষণ ইতি শ্রুতঃ ॥ 12 ॥
তেনসীতাজনস্থানাদ্ধৃতাহত্বাজটাযুষম্ ।
রুদ্দাচবিবশাদীনারাক্ষসীভিস্সুরক্ষিতা ॥ 13 ॥
তমহংহেতুভির্বাক্যৈর্বিবিধৈশ্চন্যদর্শযম্ ।
সাধুনির্যাত্যতাংসীতারামাযেতিপুনঃপুনঃ ॥ 14 ॥
স চ ন প্রতিজগ্রাহ রাবণঃ কাল চোদিতঃ ।
উচ্যমানো হিতং বাক্যং বিপরীত ইব ঔষধম্ ॥ 15 ॥
সোঽহংপরুষিতস্তেনদাসবচ্চাবমানিতঃ ।
ত্যক্ত্বাপুত্রাংশ্চদারাংশ্চরাঘবংশরণংগতঃ ॥ 16 ॥
সর্বলোকশরণ্যাযরাঘবাযমহাত্মনে ।
নিবেদযতমাংক্ষিপ্রংবিভীষণমুপস্থিতম্ ॥ 17 ॥
এতত্তুবচনংশ্রুত্বাসুগ্রীবোলঘুবিক্রমঃ ।
লক্ষ্মণস্যাগ্রতোরামংসম্রব্ধমিদমব্রবীত্ ॥ 18 ॥
প্রবিষ্টঃ শত্রু সৈন্যং হি প্রাপ্তঃ শত্রুরতর্কিতঃ ।
নিহন্যাদনংতরং লব্ধ্বা উলূকো বাযসানিব ॥ 19 ॥
মংত্রেব্যূহেনযেচারেযুক্তোভবিতুমর্হসি ।
বানরাণাংচভদ্রংতেপরেষাংচপরংতপ ॥ 20 ॥
অংতর্ধানগতাহ্যেতেরাক্ষসাঃকামরূপিণঃ ।
শূরাশ্চনিকৃতিজ্ঞাশ্চতেষাংজাতুনবিশ্বসেত্ ॥ 21 ॥
প্রণিধীরাক্ষসেংদ্রস্যরাবণস্যভবেদযম্ ।
অনুপ্রবিশ্যসোঽস্মাসুভেদংকুর্যান্নসংশযঃ ॥ 22 ॥
অথবাস্বযমেবৈষছিদ্রমাসাদ্যবুদ্ধিমান্ ।
অনুপ্রবিশ্যবিশ্বস্তেকদাচিত্প্রহরেদপি ॥ 23 ॥
মিত্রাটবীবলংচৈবমৌলভৃত্যবলংতথা ।
সর্বমেতদ্বলংগ্রাহ্যংবর্জযিত্বাদ্বিষদ্বলম্ ॥ 24 ॥
প্রকৃত্যারাক্ষসেংদ্রস্যভ্রাতাঽমিত্রস্যতেপ্রভোঃ ।
আগতশ্চরিপোস্সাক্ষাত্কথমস্মিন্হিবিশ্বসেত্ ॥ 25 ॥
রাবণেনপ্রণিহিতংতমবেহিবিভীষণম্ ।
তস্যাহংনিগ্রহংমন্যেক্ষমংক্ষমবতাংবর ॥ 26 ॥
রাক্ষসোজিহ্মযাবুদ্ধ্যাসংদিষ্টোঽযমুপাগতঃ ।
প্রহর্তুংমাযযাচ্ছন্নোবিশ্বস্তেত্বযিরাঘব ॥ 27 ॥
প্রবিষ্টশ্শত্রুসৈন্যংহিপ্রাপ্তশ্শত্রুরতর্কিতঃ ।
নিহন্যাদংতরংলব্ধ্বাউলূকবাযসানিব ॥ 28 ॥
বধ্যতামেষতীব্রেণদংডেনসচিবৈস্সহ ।
রাবণস্যনৃশংসস্যভ্রাতাহ্যেষবিভীষণঃ ॥ 29 ॥
এবমুক্ত্বাতুতংরামংসম্রব্ধোবাহিনীপতিঃ ।
বাক্যজ্ঞোবাক্যকুশলংততোমৌনমুপাগমত্ ॥ 30 ॥
সুগ্রীবস্যতুতদ্বাক্যংশ্রুত্বারামোমহাযশাঃ ।
সমীপস্থানুবাচেদংহনুমত্প্রমুখান্হরীন্ ॥ 31 ॥
যদুক্তংকপিরাজেনরাবণাবরজংপ্রতি ।
বাক্যংহেতুমদত্যর্থংচভবদ্ভিরপিতচ্ছ্রুতম্ ॥ 32 ॥
সুহৃদামর্থকৃচ্ছেষুযুক্তংবুদ্ধিমতাসদা ।
সমর্থেনোপনির্দেষ্টুংশাশ্বতীংভূতিমিচ্ছতা ॥ 33 ॥
ইত্যেবংপরিপৃষ্টাস্তেস্বংস্বংমতমতংদ্রিতাঃ ।
সোপচারংতদারামমূচুর্হিতচিকীর্ষবঃ ॥ 34 ॥
অজ্ঞাতংনাস্তিতেকিংচিত্ত্রিষুলোকেষুরাঘবঃ ।
আত্মানংসূচযন্রামঃ পৃচ্ছস্যস্মান্ সুহৃত্তযা ॥ 35 ॥
ত্বংহিসত্যব্রতশ্শূরোধার্মিকোদৃঢবিক্রমঃ ।
পরীক্ষ্যকারীস্মৃতিমান্নিসৃষ্টাত্মাসুহৃত্সুচ ॥ 36 ॥
তস্মাদেকৈকশস্তাবদ্ব্রুবংতুসচিবাস্তব ।
হেতুতোমতিসংপন্নাস্সমর্থাশ্চপুনঃ পুনঃ ॥ 37 ॥
ইত্যুক্তেরাঘবাযাঽথমতিমানংগদোঽগ্রতঃ ।
বিভীষণপরীক্ষার্থমুবাচবচনংহরিঃ ॥ 38 ॥
শত্রোস্সকাশাত্সংপ্রাপ্তস্সর্বথাশঙ্ ক্যএবহি ।
বিশ্বাসযোগ্যস্সহসানকর্তব্যোবিভীষণঃ ॥ 39 ॥
ছাদযিত্বাঽত্মভাবংহিচরংতিশঠবুদ্ধযঃ ।
প্রহরংতিচরংধ্রেষুসোঽনর্থস্সুমহান্ভবেত্ ॥ 40 ॥
অর্থানর্থৌবিনিশ্চিত্যব্যবসাযংভজেতহ ।
গুণতস্সংগ্রহংকুর্যাদ্দোষতস্তুবিসর্জযেত্ ॥ 41 ॥
যদিদোষোমহাংস্তস্মিংস্ত্যজ্বতামবিশংকিতম্ ।
গুণান্বাপিবহূন্ জ্ঞাত্বাসংগ্রহঃক্রিযতাংনৃপ ॥ 42 ॥
শরভস্ত্বথনিশ্চিত্যসার্থংবচনমব্রবীত্ ।
ক্ষিপ্রমস্মিন্নরব্যাঘ্র চারঃপ্রতিবিধীযতাম্ ॥ 43 ॥
প্রণিধাযহিচারেণযথাবত্সূক্ষ্মবুদ্ধিনা ।
পরীক্ষ্যচততঃকার্যোযথান্যাযংপরিগ্রহঃ ॥ 44 ॥
জাংববাংস্ত্বথসংপ্রেক্ষ্যশাস্ত্রবুধ্যাবিচক্ষণঃ ।
বাক্যংবিজ্ঞাপযামাসগুণবদ্দোষবর্জিতম্ ॥ 45 ॥
বদ্ধবৈরাচ্চপাপাচ্চরাক্ষেসেংদ্রাদ্বিভীষণঃ ।
অদেশকালেসংপ্রাপ্তস্সর্বথাশঙ্ ক্যতামযম্ ॥ 46 ॥
ততোমৈংদস্তুসংপ্রেক্ষ্যনযাপনযকোবিদঃ ।
বাক্যংবচনসংপন্নোবভাষেহেতুমত্তরম্ ॥ 47 ॥
বজনংনামতস্যৈষরাবণস্যবিভীষণঃ ।
পৃচ্ছযতাংমধুরেণাযংশনৈর্নরপতীশ্বর ॥ 48 ॥
ভাবমস্যতুবিজ্ঞাযতত্ত্বতস্ত্বংকরিষ্যসি ।
যদিদুষ্টোনদুষ্টোবাবুদ্ধিপূর্বংনরর্ষভ ॥ 49 ॥
অথসংস্কারসংপন্নোহনুমান্ সচিবোত্তমঃ ।
উবাচবচনংশ্লক্ষ্ণমর্থবন্মধুরংলঘু ॥ 50 ॥
নভবংতংমতিশ্রেষ্ঠংসমর্থংবদতাংবরম্ ।
অতিশাযযিতুংশক্তোবৃহস্পতিরপিব্রুবন্ ॥ 51 ॥
নবাদান্নপিসংঘর্ষান্নাধিক্যান্নচকামতঃ ।
বক্ষ্যামিবচনংরাজন্যথার্থংরামগৌরবাত্ ॥ 52 ॥
অর্থানর্থনিমিত্তংহিযদুক্তংসচিবৈস্তব ।
তত্রদোষংপ্রপশ্যামিক্রিযানহ্যুপপদ্যতে ॥ 53 ॥
ঋতেনিযোগাত্সামর্থ্যমববোদ্ধুংনশক্যতে ।
সহসাবিনিযোগোহিদোষবান্প্রতিভাতিমে ॥ 54 ॥
চারপ্রণিহিতংযুক্তংযদুক্তংসচিবৈস্তব ।
অর্থস্যাসংভবাত্তত্রকারণংনোপযুজ্যতে ॥ 55 ॥
অদেশ কালে সংপ্রাপ্ত ইতি অযং যদ্ বিভীষণঃ ।
বিবক্ষা চ অত্র মে অস্তি ইযং তাং নিবোধ যথা মতি ॥ 56 ॥
সএষদেশঃ কালশ্চভবতীতিযথাতথা ।
পুরুষাত্পুরুষংপ্রাপ্যতথাদোষগুণাবপি ॥ 57 ॥
ত্ম্যংরাবণেদৃষ্টবাবিক্রমংচতথাত্বযি ।
যুক্তমাগমনংহ্যত্রসদৃশংতস্যবুদ্ধিতঃ ॥ 58 ॥
অজ্ঞাতরূপৈঃপুরুষৈস্সরাজন্পৃচ্ছ্ যতামিতি ।
যদুক্তমত্রমেপ্রেক্ষাকাচিদস্তিসমীক্ষিতা ॥ 59 ॥
পৃচ্ছযমানোবিশংকেতসহসাবুদ্ধিমান্বচঃ ।
তত্রমিত্রংপ্রদুষ্যেতমিথ্যাপৃষ্টংসুখাগতম্ ॥ 60 ॥
অশক্যস্সহসারাজন্ভাবোবোদ্ধুংপরস্যবৈ ।
অংতস্স্বভাবৈর্গীতৈস্তৈর্নৈপুণ্যংপশ্যতাংভৃশম্ ॥ 61 ॥
নত্বস্যব্রুবতোজাতুলক্ষ্যতেদুষ্টভাবতা ।
প্রসন্নংবদনংচাপিতস্মান্মেনাস্তিসংশযঃ ॥ 62 ॥
অশংকিতমতিস্স্বস্থোনশঠঃপরিসর্পতি ।
নচাস্যদুষ্টাবাক্চাপিতস্মান্নাস্তীহসংশযঃ ॥ 63 ॥
আকারশ্চাদ্যমানোঽপিনশক্যোবিনিগূহিতম্ ।
বলাদ্ধিবিবৃণোত্যেবভাবমংতর্গতংনৃণাম্ ॥ 64 ॥
দেশকালোপপন্নংচকার্যংকার্যবিদাংবরঃ ।
স্বফলংকুরুতেক্ষিপ্রংপ্রযোগেণাভিসংহিতম্ ॥ 65 ॥
উদ্যোগংতবসংপ্রেক্ষ্যমিথ্যাবৃত্তংচরাবণম্ ।
বালিনংচহতংশ্রুত্বাসুগ্রীবংচাভিষেচিতম্ ॥ 66 ॥
রাজ্যংপ্রার্থযমানশ্চবুদ্ধিপূর্বমিহাগতঃ ।
এতাবত্তুপুরস্কৃত্যযুজ্যতেতস্যসংগ্রহঃ ॥ 67 ॥
যথাশক্তিমযোক্তংতুরাক্ষসস্যার্জবংপ্রতি ।
প্রমাণংত্বংতুশেষস্যশৃত্বাবুদ্ধিমতাংবরঃ ॥ 68 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে সপ্তদশস্সর্গঃ ॥
