শ্রীমদ্বাল্মীকীয রামাযণে যুদ্ধকাংডম্ ।
অথ একাধিকশততমস্সর্গঃ ।
তস্মিন্প্রতিহতেঽস্ত্রেতুরাবণোরাক্ষসাধিপঃ ।
ক্রোধং চ দ্বিগুণংচক্রেক্রোধাচ্চাস্ত্রমনংতরম্ ॥ 1 ॥
মযেনবিহিতংরৌদ্রমন্যদস্ত্রংমহাদ্যুতিঃ ।
উত্সৃষ্টুংরাবণোভীমংরাঘবাযপ্রচক্রমে ॥ 2 ॥
ততঃশূলানিনিশ্চেরুর্গদাশ্চমুসলানি চ ।
কার্মুকাদ্দীপ্যমানানিবজ্রসারাণিসর্বশঃ ॥ 3 ॥
মুদ্গরাঃকূটপাশাশ্চদীপ্তাশ্চাশনযস্তথা ।
নিষ্পেতুর্বিবিধাস্তীক্ষ্ণাবাতাইবযুগক্ষযে ॥ 4 ॥
তদস্ত্রংরাঘব্শ্রীমানুত্তমাস্ত্রবিদাংবরঃ ।
জঘানপরমাস্ত্রণগাংধর্বেণমহাদ্যুতিঃ ॥ 5 ॥
তস্মিন্প্রতিহতেঽতুরাঘবেণমহাত্মনা ।
রাবণঃক্রোধাতাম্রাক্ষস্সৌরমস্ত্রমুদৈরযত্ ॥ 6 ॥
ততশ্চক্রাণিনিষ্পেতুর্ভাস্বরাণিমহাংতি চ ।
কার্মুকাদ্ভীমবেগস্যদশগ্রীবস্যধীমতঃ ॥ 7 ॥
তৈরাসীদ্গগনংদীপ্তংসংততদ্ভিঃরিতস্ততঃ ।
পতদ্ভিশ্চদিশোদীপ্তাশ্চংদ্রসূর্যগ্রহৈরিব ॥ 8 ॥
তানিচিচ্ছেদবাণৌঘৈশ্চক্রাণিতু স রাঘবঃ ।
আযুধানি চ চিত্রাণিরাবণস্যচমূমুখে ॥ 9 ॥
তদস্ত্রংতুহতংদৃষ্টবারাবণোরাক্ষসাধিপঃ ।
বিব্যাথদশভির্বাণৈরামংসর্বেষুমর্মসু ॥ 10 ॥
স বিদ্ধোদশভির্বাণৈর্মহাকার্মুকনিস্সৃতৈঃ ।
রাবণেনমহাতেজা ন প্রাকংপতরাঘবঃ ॥ 11 ॥
ততোবিব্যাথগাত্রেষুসর্বেষুসমিতিংজযঃ ।
রাঘবস্তুসুসংক্রুদ্ধোরাবণংবহুভিশ্শরৈঃ ॥ 12 ॥
এতস্মিন্নংতরেক্রুদ্ধোরাঘবস্যানুজোবলী ।
লক্ষ্মণঃসাযকান্সপ্তজগ্রাহপরবীরহা ॥ 13 ॥
তৈঃ স্সাযকৈর্মহাবেগৈরাবণস্যমহাদ্যুতি ।
ধ্বজংমনুষ্যশীর্ষংতুতস্যচিচ্ছেদনৈকধা ॥ 14 ॥
সারদথেশ্চাপিবাণেনশিরোজ্বলিতকুংডলম্ ।
জহারলক্ষ্মণঃশ্রীমান্নৈরৃতস্যমহাবলঃ ॥ 15 ॥
তস্যবাণৈশ্চচিচ্ছেদধনুর্গজকরোপমম্ ।
লক্ষ্মণোরাক্ষসেংদ্রস্যপংচভির্নিশিতৈস্তদা ॥ 16 ॥
নীলমেঘনিভাংশ্চাস্যসদশ্বান্ পর্বতোপমান্ ।
জঘানাপ্লুত্যগদযারাবণস্যবিভীষণঃ ॥ 17 ॥
হতাশ্বাত্ত্তুস্বোবেগাদবপ্লুত্যমহারথাত্ ।
কোপমাহারত্তীব্রংভ্রাতরংপ্রতিরাবণঃ ॥ 18 ॥
ততশ্শক্তিংমহাশক্তির্দীপ্তার্দীপ্তাশনীমিব ।
বিভীষণস্যচিক্ষেপরাক্ষসেংদ্রঃপ্রতাপবান্ ॥ 19 ॥
অপ্রাপ্তামেবতাংবাণৈস্ত্রিভিশ্চিচ্ছেদলক্ষ্মণঃ ।
অথোদতিষ্ঠত্সন্নাদোবানরাণাংমহারণে ॥ 20 ॥
স পপাতত্রিধাছিন্নাশক্তিঃকাংচনমালিনী ।
সবিস্ফুলিংগাজ্বলিতামহোল্কেবদিবশ্চ্যুতা ॥ 21 ॥
ততঃসংভাবিততরাংকালেনাপিদুরাসদাম্ ।
জগ্রাহবিপুলাংশক্তিংদীপ্যমানাংস্বতেজসা ॥ 22 ॥
সাবেগিতাবলবতারাবণেনদুরাত্মনা ।
জজ্বালসুমহাতেজাদীপ্তাশনিসমপ্রভা ॥ 23 ॥
এতস্মিন্নংতরেবীরোলক্ষ্মণস্তংবিভীষণম্ ।
প্রাণসংশযমাপন্নংতূর্ণমভ্যবপদ্যত ॥ 24 ॥
তংবিমোক্ষযিতুংবীরশ্চাপমাযম্যলক্ষ্মণঃ ।
রাবণংশক্তিহস্তংবৈশরবর্ষৈরবাকিরত্ ॥ 25 ॥
কীর্যমাণশ্শরৌঘেণবিসৃষ্টেনমহাত্মনা ।
ন প্রহর্তুংমনশ্চক্রেবিমুখীকৃতবিক্রমঃ ॥ 26 ॥
মোক্ষিতংভ্রাতরংদৃষ্টবালক্ষ্মণেন স রাবণঃ ।
লক্ষ্মণাভিমুখস্তিষ্ঠন্নিদংবচনমব্রবীত্ ॥ 27 ॥
মোক্ষিতস্তেবলশ্লাঘিন্যস্মাদেবংবিভীষণঃ ।
বিমুচ্যরাক্ষসংশক্তিস্ত্বযীযংবিনিপাত্যতে ॥ 28 ॥
এষাতেহৃদযংভিত্ত্বাশক্তির্লোহিতলক্ষণা ।
মদ্ভাহুপরিঘোত্সৃষ্টাপ্রাণানাদাযযাস্যতি ॥ 29 ॥
ইত্যেবমুক্তাতাংশক্তিমষ্টঘংটাংমহাস্বনাম্ ।
মযেনমাযাবিহিতামমোঘংশত্রুঘাতিনীম্ ॥ 30 ॥
লক্ষ্মণাযসমুদ্ধিশ্যজ্বলংতীমিবতেজসা ।
রাবণঃপরমক্রুদ্ধশ্চিক্ষেপ চ ননাদ চ ॥ 31 ॥
সাক্ষিপ্তাভীমবেগেনবজ্রাশনিসমস্বনা ।
শক্তিরভ্যপতদ্বেগাল্লক্ষ্মণংরণমূর্ধনি ॥ 32 ॥
তামনুব্যাহরচ্ছক্তিমাপতংতীং স রাঘবঃ ।
স্বস্ত্যস্তুলক্ষ্মণআযেতিমোঘাভবহতোদ্যমা ॥ 33 ॥
রাবণেনরণেশক্তিঃক্রুদ্ধেনাশীবিষোপমাঃ ।
মুক্তাশূরস্যভীতস্যলক্ষ্মণস্যমমজ্জসা ॥ 34 ॥
ন্যপতত্সামহাবেগালক্ষ্মণস্যমহোরসি ।
জিহ্বেবোরগরাজস্যদীপ্যমানামহাদ্যুতিঃ ॥ 35 ॥
ততোরাবণবেগেনসুদূরমবগাঢযা ।
শক্ত্যাবিভিন্নহৃদযঃপপাতভুবিলক্ষ্মণঃ ॥ 36 ॥
তদবস্থংসমীপস্থোলক্ষ্মণংপ্রেক্ষ্যরাঘবঃ ।
ভ্রাতৃস্নেহান্মহাতেজাবিষণ্ণহৃদযোঽভবত্ ॥ 37 ॥
কালাত্যযেন দোষঃ স্যাদ্বৈক্লব্যং চ মহদ্ভবেত্ ।
ইতি সংচিংত্য হনুমান্গত্বা ক্ষিপ্রং মহাবলঃ ॥ 38 ॥
ন বিষাদস্যকালোঽযমিতিসংচিংত্যরাঘবঃ ।
চক্রেসুতুমুলংযুদ্ধংরাবণস্যবধেধৃতঃ ॥ 39 ॥
সর্বযত্নেনমহতালক্ষ্মণংপরিবীক্ষ্য চ ।
সদদর্শততোরামঃশক্ত্যাভিন্নংমহাহবে ॥ 40 ॥
লক্ষ্মণংরুধিরাদিগ্ধংসপন্নগমিবাচলম্ ।
তামপিপ্রহিতাংশক্তিংরাবণেনবলীযসা ॥ 41 ॥
যত্নতস্তেহরিশ্রেষ্ঠা ন শেকুরবমর্দিতুম্ ।
অর্দিতাশ্চৈববাণৌঘৈস্তেক্ষিপ্রহস্তেনরক্ষসা ॥ 42 ॥
সৌমিত্রিংসাবিনির্ভিদ্যপ্রবিষ্টাধরণীতলম্ ।
তাংকরাভ্যাংপরামৃশ্যরামঃশক্তিংভযাবহাম্ ॥ 43 ॥
বভংজসমরেক্রুদ্ধোবলবান্বিচকর্ষ চ ।
তস্যনিষ্কর্ষতঃশক্তিংরাবণেনবলীযসা ॥ 44 ॥
শরাঃসর্বেষুগাত্রেষুপাতিতামর্মভেদিনঃ ।
অচিংতযিত্বাতান্বাণান্সমালশিষ্য চ লক্ষ্মণম্ ॥ 45 ॥
অব্রবীচ্চহনূমংতংসুগ্রীবং চ মহাকপিম্ ।
ক্ষ্মণংপরিবার্যৈবতিষ্ঠধ্বংবানরোত্তমাঃ ॥ 46 ॥
পরাক্রমস্যকালোঽযংসংপ্রাপ্তোমেচিরেপ্সিতঃ ।
পাপাত্মাযংদশগ্রীবোবধ্যতাংপাপনিশ্চযঃ ॥ 47 ॥
কাংক্ষিতস্স্তোককস্যেবঘর্মাংতেমেঘদর্শনম্ ।
অস্মিন্ মুহূর্তেনচিরাত্সত্যংপ্রতিশৃণোমিবঃ ॥ 48 ॥
অরাবণমরামংবাজগদ্ধ্রক্ষ্যথবানরাঃ ।
রাজ্যনাশংবনেবাসংদংডকেপরিধাবনম্ ॥ 49 ॥
বৈদেহ্যাশ্চপরামর্শংরক্ষোভিশ্চসমাগমম্ ।
প্রাপ্তংদুঃখংমহদ্ঘোরংক্লেশশ্চনিরযোপমঃ ॥ 50 ॥
অদ্যসর্বমহংত্যক্ষ্যেনিহত্বারাবণংরণে ।
যদর্থংবানরংসৈন্যংসমানীতমিদংমযা ॥ 51 ॥
সুগ্রীবশ্চকৃতোরাজ্যেনিহত্বাবালিনংরণে ।
যদর্থং সগরঃক্রাংতঃসেতুঃরাব্ধশ্চসাগরে ।
সোঽযমদ্যরণেপাপশ্চক্ষুর্বিষমাগতঃ ॥ 52 ॥
চক্ষুর্বিষযমাগত্যনাযংজীবিতুমর্হতি ॥ 53 ॥
দৃষ্টিংদৃষ্টিবিষস্যেবসর্পস্যমমরাবণঃ ।
যথাবাবৈনতেযস্যদৃষ্টিংপ্রাপ্তোভুজংগমঃ ॥ 54 ॥
স্বস্থাপশ্যতদুর্ধর্ষাযুদ্ধংবানরপুংগবাঃ ।
অসীনাঃপর্বতাগ্রেষুমমেদংরাবণস্য চ ॥ 55 ॥
অদ্যরামস্যরামত্বংপশ্যংতুমমসংযুগে ।
ত্রযোলোকাস্সগংধর্বাস্সদেবাস্সর্ষিচারণাঃ ॥ 56 ॥
অদ্যকর্মকরিষ্যামিযল্লোকাঃসচরাচরাঃ ।
সদেবাঃকথযিষ্যংতিযাবদ্ভূমির্ধরিষ্যতি ॥ 57 ॥
সমাগম্যসদালোকেযথাযুদ্ধংপ্রবর্তিতম্ ।
এবমুক্ত্বাশিতৈর্বাণৈস্তপ্তকাংচনভূষণৈঃ ॥ 58 ॥
আজঘানরণেরামোদশগ্রীবংসমাহিতঃ ।
অথপ্রদীপ্তৈর্নারাচৈর্মুসলৈশ্চাপিরাবণঃ ॥ 59 ॥
অভ্যবর্ষত্তদারামংধারাভিরিবতোযদঃ ।
রামরাবণমুক্তানামন্যোন্যমভিনিঘ্নতাম্ ॥ 60 ॥
শরাণাং চ শরাণাং চ বভূবতুমুলঃস্বনঃ ।
তেভিন্নাশ্চবিকীর্ণাশ্চরামরাবণযোঃশরাঃ ॥ 61 ॥
অংতরিক্ষাত্প্রদীপ্তাগ্রানিপেতুর্ধরণীতলে ।
তযোর্জ্যাতলনির্ঘোষারামরাবণযোর্মহান্ ॥ 62 ॥
ত্রাসনঃসর্বভূতানাংবভূবাদ্ভুতদর্শনঃ ।
সকীর্যমাণশ্শরজালবৃষ্টিভির্মহাত্মনাদীপ্তধনুষ্মতার্দিতঃ ।
ভযাত্প্রদুদ্রাবসমেত্যরাবণোযথাবিলেনাভিহতোবলাহকঃ ॥ 63 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একাধিকশততমস্সর্গঃ ॥
