শ্রীমদ্বাল্মীকীয রামাযণে যুদ্ধকাংডম্ ।
অথ ত্রিচত্বারিংশস্সর্গঃ ।
যুধ্যতাংতুততস্তেষাংবানরাণাংমহাত্মনাম্ ।
রক্ষসাংসংবভূবাথবলকোপস্সুদারুণঃ ॥ 1 ॥
তেহযৈঃকাংচনাপীডৈর্ধ্বশ্চাগ্নিশিখোপমৈঃ ।
রথৈশ্চাদিত্যসংকাশৈঃকবচৈশ্চমনোরমৈঃ ॥ 2 ॥
নির্যযূরাক্ষসব্যাঘ্রানাদযংতোদিশোদশ ।
রাক্ষসাভীমকর্মাণোরাবণস্যজযৈষিণঃ ॥ 3 ॥
বানরাণামপিচমূর্বৃহতীজযমিচ্ছতাম্ ।
অভ্যধাবততাংসেনাংরক্ষসাংকামরূপিণম্ ॥ 4 ॥
এতস্মিন্নংতরেতেষামন্যোন্যমভিধাবতাম্ ।
রক্ষসাংবানরাণাংচদ্বংদ্বযুদ্ধমবর্তত ॥ 5 ॥
অংগদেংদ্রজিত্সার্ধংবালিপুত্রেণরাক্ষসঃ ।
আযুধ্যতমহাতেজাস্ত্্যংবকেণযথাঽংতকঃ ॥ 6 ॥
প্রজংঘেনচসংপাতির্নিত্যংদুর্মর্ষণোরণে ।
জংবুমালিনমারব্ধোহনুমানপিবানরঃ ॥ 7 ॥
সংগতস্তুমহাক্রোধোরাক্ষসোরাবণানুজঃ ।
সমরেতীক্ষ্ণবেগেনমিত্রঘ্নেনবিভীষণঃ ॥ 8 ॥
তপনেনগজস্সার্ধংরাক্ষসেনমহাবলঃ ।
নিকুংভেনমহাতেজানীলোঽপিসমযুধ্যত ॥ 9 ॥
বানরেংদ্রস্তুসুগ্রীবঃপ্রঘসেনসমাগতঃ ।
সংগতঃসমরেশ্রীমান্বিরূপাক্ষেণলক্ষ্মণঃ ॥ 10 ॥
অগ্নিকেতুশ্চসুদুর্ধর্ষোরশ্মিকেতুশ্চরাক্ষসঃ ।
সুপ্তঘ্নোযজ্ঞকোপশ্চরামেণসহসংগতাঃ ॥ 11 ॥
বজ্রমুষ্টিস্তুমৈংদেনদ্বিবিদেনাশনিপ্রভঃ ।
রাক্ষসাভ্যাংসুঘোরাভ্যাংকপিমুখ্যৌসমাগতৌ ॥ 12 ॥
বীরহ্ প্রতপনো ঘোরো রাক্ষসো রণ দুর্ধরঃ ।
সমরে তীক্ষ্ণ বেগেন নলেন সমযুধ্যত ॥ 13 ॥
ধর্মস্য পুত্রো বলবান্ সুষেণ;ইতি বিশরুতঃ ।
স বিদ্যুন্ মালিনা সার্ধং অযুধ্যত মহা কপিঃ ॥ 14 ॥
বানরাশ্চাপরেভীমারাক্ষসৈরপরৈস্সহ ।
দ্বংদ্বংসমীযুস্সহসাযুদ্ধাযবহুভিস্সহ ॥ 15 ॥
তত্রাসীত্সুমহদ্যুদ্ধংতুমুলংরোমহর্ষণম্ ।
রক্ষসাংবানরাণাংচবীরাণাংজযমিচ্ছতাম্ ॥ 16 ॥
হরিরাক্ষসদেহেভ্যঃপ্রভূতাঃকেশশাদ্বলাঃ ।
শরীরসংঘাটাবহাঃপ্রসুস্রুশ্শোণিতাপগাঃ ॥ 17 ॥
অজঘানেংদ্রজিত্ক্রুদ্ধোবজ্রেণেবশতক্রতুঃ ।
অংগদংগদযাবীরংশত্রুসৈন্যবিদারণম্ ॥ 18 ॥
তস্যকাংচনচিত্রাংগংরথংসাশ্বংসসারথিম্ ।
জঘানসমরেশ্রীমানংগদোবেগবান্কপিঃ ॥ 19 ॥
সংপাতিস্তুত্রিভির্ভাণৈঃপ্রজংঘেনসমাহতঃ ।
নিজঘানশ্বকর্ণেনপ্রজংঘংরণমূর্ধনি ॥ 20 ॥
জংবুমালীরথস্থস্তুরথশক্ত্যামহাবলঃ ।
বিবেদসমরেক্রুদ্ধোহনূমংতংস্তনাংতরে ॥ 21 ॥
তস্যতংরথমাস্থাযহনূমান্ মারুতাত্মজঃ ।
প্রমমাথতলেনাশুসহতেনৈবরক্ষসা ॥ 22 ॥
নদন্ প্রতপনোঘোরোনলংসোপ্যন্বধাবত ।
নলঃপ্রতপনস্যাশুপাতযামাসচক্ষুষী ॥ 23 ॥
ভিন্নগাত্রশ্শরৈস্তীক্ষ্ণৈঃক্ষিপ্রহস্তেনরক্ষসা ।
গ্রসংতমিবসৈন্যানিপ্রঘসংবানরাধিপঃ ॥ 24 ॥
সুগ্রীবস্সপ্তপর্ণেননির্ভিভেদজঘানচ ।
অগ্নিকেতুশ্চদুর্ধর্ষোরশ্মিকেতুশ্চরাক্ষসঃ ॥ 25 ॥
সুপ্তঘ্নোযজ্ঞকোপশ্চরামংনির্ভিভিদুশ্শরৈঃ ।
তেষাংচতুর্ণাংরামস্তুশিরাংসিনিশিতৈশ্শরৈঃ ।
ক্রুদ্ধশ্চতুর্ভিশ্চিচ্ছেদঘোরৈরগ্নিশিখোপমৈঃ ॥ 26 ॥
বজ্র মুষ্টিস্ তু মৈংদেন মুষ্টিনা নিহতো রণে ।
পপাত সরথহ্ সাশবহ্ পুরাট্ট ইব ভূ তলে ॥ 27 ॥
নিকুংবস্তুরণেনীলংনীলাংজনচযপ্রভম্ ।
নির্বিভেদশরৈস্তীক্ষ্ণৈঃকরৈর্মেঘমিবাংশুমান্ ॥ 28 ॥
পুনশ্শরশতেনাথক্ষিপ্রহস্তোনিশাচরঃ ।
বিভেদসমরেনীলংনিকুংভঃপ্রজহাসচ ॥ 29 ॥
তস্যৈবরথচক্রেণনীলোবিষ্ণুরিবাহবে ।
শিরশ্চিচ্ছেদসমরেনিকুংভস্যচসারথেঃ ॥ 30 ॥
বজ্রাশনিসমস্পর্শোদ্বিবিদোঽপ্যশনিপ্রভম্ ।
জঘানগিরিশৃংগেণমিষতাংসর্বরক্ষসাম্ ॥ 31 ॥
দ্বিদিধংবানরেংদ্রংতুনগযোধিনমাহবে ।
শরৈরশনিসংকাশৈস্সবিব্যাধাশনিপ্রভঃ ॥ 32 ॥
সশরৈরভিবিদ্ধাংগোদ্বিবিদঃক্রোধমূর্ছিতঃ ।
সালেনসরথংসাশ্বংনিজঘানাশনিপ্রভম্ ॥ 33 ॥
বিদ্যুন্মালীরথস্থস্তুশরৈঃকাংচনভূষণৈঃ ।
সুষেণংতাডযামাসননাদচমুহুর্মুহুঃ ॥ 34 ॥
তংরথস্থমথোদৃষ্টবাসুষেণোবানরোত্তমঃ ।
গিরিশৃংগেণমহতারথমাশুন্যপাতযত্ ॥ 35 ॥
লাঘবেনতুসংযুক্তোবিদ্যুন্মালীনিশাচরঃ ।
অপক্রম্যরথাত্তূর্ণংগদাপাণিঃক্ষিতৌস্থিতঃ ॥ 36 ॥
ততঃক্রোধসমাবিষ্টঃসুষেণোহরিপুংগবঃ ।
শিলাংসুমহতীংগৃহ্যনিশাচরমভিদ্রবত্ ॥ 37 ॥
তমাপতংতংগদযাবিদ্যুন্মালীনিশাচরঃ ।
বক্ষস্যভিজঘানাশুসুষেণংহরিপুংগবঃ ॥ 38 ॥
গদাপ্রহারংতংঘোরমচ্নিত্যপ্লবগোত্তমঃ ।
তাংশিলাংপাতযামাসতস্যোরসিমহামৃধে ॥ 39 ॥
শিলাপ্রহারভিহতোবিদ্যুন্মালীনিশাচরঃ ।
নিষ্পিষ্টহৃদযোভূমৌগতাসুর্নিপপাতহ ॥ 40 ॥
এবংতৈর্বানরৈশ্শূরৈশ্শূরাস্তেরজনীচরাঃ ।
দ্বংদ্বেবিমৃদিতাস্তত্রদৈত্যাইবদিবৌকসৈঃ ॥ 41 ॥
ভগ্নৈখডগৈর্গদাভিশ্চশক্তিতোমরপট্টসৈঃ ।
অপবিদ্ধৈশ্চাভিন্নৈশ্চরথৈস্সাংগ্রামিকৈর্হযৈঃ ॥ 42 ॥
নিহতৈঃকুংজরৈর্মত্স্সৈস্তথাবানররাক্ষসৈঃ ।
চক্রাক্ষযুগদংডৈশ্চভগ্নৈর্ধরণিসংশ্রিতৈঃ ॥ 43 ॥
বভূবাযোধনংঘোরংগোমাযুগণসেবিতম্ ।
কবংধানিসমুত্পেতুর্দিক্ষুবানররক্ষসাম্ ॥ 44 ॥
বিমর্দেতুমুলেতস্মিংদেবাসুররণোপমে ।
বিদার্যমাণাহরিপুংগবৈস্তদানিশাচরাশ্শোণিতদিগ্ধগাত্রাঃ ।
পুনঃসুযুদ্ধংতরসাসমাস্থিতাদিবাকরস্যাস্তমযাভিকাংক্ষিণঃ ॥ 45 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ত্রিচত্বারিংশস্সর্গঃ ॥
