श्रीमद्वाल्मीकीय रामायणे युद्धकांडम् ।
अथ पंचदशाधिकशततमस्सर्गः ।
तेरावणवधंदृष्टवादेवगंधर्वदानवाः ।
जग्मुस्स्वैस्वैर्विमानैस्तेकथयंतश्शुभाःकथाः ॥ 1 ॥
रावणस्यवधंघोरंराघवस्यपराक्रमम् ।
सुयुद्धंवानराणां च सुग्रीवस्य च मंत्रितम् ॥ 2 ॥
अनुरागं च वीर्यं च सौमित्रेर्लक्ष्मणस्य च ।
पतिव्रतात्वंसीतायाहनूमतिपराक्रमम् ॥ 3 ॥
कथयंतोमहाभागाजग्मुर्हष्टायथागतम् ।
राघवस्तुरथंदिव्यमिंद्रदत्तंशिखिप्रभम् ॥ 4 ॥
अनुज्ञायमहाभागोर्मातलिंप्रत्यपूजयत् ।
राघवेणाभ्यनुज्ञातोमातलिश्शक्रसारथिः ॥ 5 ॥
दिव्यंतंरथमास्थायदिवमेवारूरोहसह ।
तस्मिंस्तुदिवमारूढेसुसारथिसंतमे ॥ 6 ॥
राघवःपरमप्रीतस्सुग्रीवंपरिषस्वजे ।
परिष्वज्य च सुग्रीवंलक्ष्मणेनाभिवादितः ॥ 7 ॥
पूज्यमानोहरिगणैराजगामबलालयम् ।
अथोवाच स काकुत्स्थस्समीपपरिवर्तिनम् ॥ 8 ॥
सौमित्रिंसत्त्वसंपन्नंलक्ष्मणंशुभलक्षणम् ।
भीषणमिमंसौम्य लंकायामभिषेचय ॥ 9 ॥
अनुरक्तं च भक्तं च तथापूर्वोपकारिणम् ।
एषमेपरमःकामोयदिमंरावणानुजम् ॥ 10 ॥
लंकायांसौम्य पश्येमभिषिक्तंविभीषणम् ।
एवमुक्तस्तुसौमित्रीराघवेणमहात्मना ॥ 11 ॥
तथेत्युक्त्वासुसम्हृष्टःसौवर्णंघटमाददे ।
तम्घटंवानरेंद्राणांहस्तेदत्त्वामनोजवान् ॥ 12 ॥
व्यादिदेशमहासत्त्वः समुद्रसलिलंतदा ।
अतिशीघ्रंततोगत्वावानरास्तेमनोजवाः ॥ 13 ॥
आगतास्तुजलंगृह्यसमुद्राद्वानरोत्तमाः ।
ततःस्त्वेकंघटंगृह्यसम्स्थाप्यपरमासने ॥ 14 ॥
घटेनतेनसौमित्रिरभ्यषिंचद्विभीषणम् ।
लंकायांरक्षसांमध्येराजानंरामशासनात् ॥ 15 ॥
विधिनामंत्रदृष्टेनसुहृद्गणसमावृतः ।
अभ्यषिंचंस्तदासर्वेराक्षसावानरास्तथा ॥ 16 ॥
प्रहर्षमतुलंगत्वातुष्टुवूराममवे ह ।
तस्यामात्याजहृषिरेभक्तायेचास्यराक्षसाः ॥ 17 ॥
दृष्टवाभिषिक्तंलंकायांराक्षसेंद्रंविभीषणम् ।
राघवःपरमांप्रीतिंजगामसहलक्ष्मणः ॥ 18 ॥
स तद्राज्यंमहत्प्राप्यरामदत्तंविभीषणः ।
प्रकृतयस्सांत्वयित्वा च ततोराममुपागमत् ॥ 19 ॥
दध्यक्षतान्मोदकांश्चलाजास्सुमनसस्तथा ।
आजह्रुरथसंतुष्टाःपौरास्तस्मैनिशाचराः ॥ 20 ॥
सःतान् गृहीत्वादुर्धर्षोराघवायन्यवेदयत् ॥ 21 ॥
मांगल्यंमंगलंसर्वंलक्ष्मणाय च वीर्यवान् ।
कृतकार्यंसमृद्धार्थंदृष्टवारामोविभीषणम् ॥ 22 ॥
प्रतिजग्राहतत्सर्वंतस्यैवप्रियकाम्यया ।
ततःशैलोपमंवीरंप्रांजलिंप्रणतंस्थितम् ॥ 23 ॥
उवाचेदंवचोरामोहनूमंतंप्लवंगमम् ।
अनुज्ञाप्यमहाराजमिमंसौम्य विभीषणम् ॥ 24 ॥
प्रविश्यनगरींलंकांकौशलंब्रूहिमैथिलीम् ।
वैदेह्यैमांकुशलिनंसुग्रीवं च सलक्ष्मणम् ॥ 25 ॥
आचक्ष्ववदतांश्रेष्ठरावणं च हतंरणे ।
प्रियमेतदुदाहृत्यवैदेह्यास्त्वंहरीश्वर ॥ 26 ॥
इत्यार्षे श्रीमद्रामायणे वाल्मीकीय आदिकाव्ये युद्धकांडे पंचदशाधिकशततमस्सर्गः ॥
