શ્રીમદ્વાલ્મીકીય રામાયણે યુદ્ધકાંડમ્ ।
અથ પંચદશાધિકશતતમસ્સર્ગઃ ।
તેરાવણવધંદૃષ્ટવાદેવગંધર્વદાનવાઃ ।
જગ્મુસ્સ્વૈસ્વૈર્વિમાનૈસ્તેકથયંતશ્શુભાઃકથાઃ ॥ 1 ॥
રાવણસ્યવધંઘોરંરાઘવસ્યપરાક્રમમ્ ।
સુયુદ્ધંવાનરાણાં ચ સુગ્રીવસ્ય ચ મંત્રિતમ્ ॥ 2 ॥
અનુરાગં ચ વીર્યં ચ સૌમિત્રેર્લક્ષ્મણસ્ય ચ ।
પતિવ્રતાત્વંસીતાયાહનૂમતિપરાક્રમમ્ ॥ 3 ॥
કથયંતોમહાભાગાજગ્મુર્હષ્ટાયથાગતમ્ ।
રાઘવસ્તુરથંદિવ્યમિંદ્રદત્તંશિખિપ્રભમ્ ॥ 4 ॥
અનુજ્ઞાયમહાભાગોર્માતલિંપ્રત્યપૂજયત્ ।
રાઘવેણાભ્યનુજ્ઞાતોમાતલિશ્શક્રસારથિઃ ॥ 5 ॥
દિવ્યંતંરથમાસ્થાયદિવમેવારૂરોહસહ ।
તસ્મિંસ્તુદિવમારૂઢેસુસારથિસંતમે ॥ 6 ॥
રાઘવઃપરમપ્રીતસ્સુગ્રીવંપરિષસ્વજે ।
પરિષ્વજ્ય ચ સુગ્રીવંલક્ષ્મણેનાભિવાદિતઃ ॥ 7 ॥
પૂજ્યમાનોહરિગણૈરાજગામબલાલયમ્ ।
અથોવાચ સ કાકુત્સ્થસ્સમીપપરિવર્તિનમ્ ॥ 8 ॥
સૌમિત્રિંસત્ત્વસંપન્નંલક્ષ્મણંશુભલક્ષણમ્ ।
ભીષણમિમંસૌમ્ય લંકાયામભિષેચય ॥ 9 ॥
અનુરક્તં ચ ભક્તં ચ તથાપૂર્વોપકારિણમ્ ।
એષમેપરમઃકામોયદિમંરાવણાનુજમ્ ॥ 10 ॥
લંકાયાંસૌમ્ય પશ્યેમભિષિક્તંવિભીષણમ્ ।
એવમુક્તસ્તુસૌમિત્રીરાઘવેણમહાત્મના ॥ 11 ॥
તથેત્યુક્ત્વાસુસમ્હૃષ્ટઃસૌવર્ણંઘટમાદદે ।
તમ્ઘટંવાનરેંદ્રાણાંહસ્તેદત્ત્વામનોજવાન્ ॥ 12 ॥
વ્યાદિદેશમહાસત્ત્વઃ સમુદ્રસલિલંતદા ।
અતિશીઘ્રંતતોગત્વાવાનરાસ્તેમનોજવાઃ ॥ 13 ॥
આગતાસ્તુજલંગૃહ્યસમુદ્રાદ્વાનરોત્તમાઃ ।
તતઃસ્ત્વેકંઘટંગૃહ્યસમ્સ્થાપ્યપરમાસને ॥ 14 ॥
ઘટેનતેનસૌમિત્રિરભ્યષિંચદ્વિભીષણમ્ ।
લંકાયાંરક્ષસાંમધ્યેરાજાનંરામશાસનાત્ ॥ 15 ॥
વિધિનામંત્રદૃષ્ટેનસુહૃદ્ગણસમાવૃતઃ ।
અભ્યષિંચંસ્તદાસર્વેરાક્ષસાવાનરાસ્તથા ॥ 16 ॥
પ્રહર્ષમતુલંગત્વાતુષ્ટુવૂરામમવે હ ।
તસ્યામાત્યાજહૃષિરેભક્તાયેચાસ્યરાક્ષસાઃ ॥ 17 ॥
દૃષ્ટવાભિષિક્તંલંકાયાંરાક્ષસેંદ્રંવિભીષણમ્ ।
રાઘવઃપરમાંપ્રીતિંજગામસહલક્ષ્મણઃ ॥ 18 ॥
સ તદ્રાજ્યંમહત્પ્રાપ્યરામદત્તંવિભીષણઃ ।
પ્રકૃતયસ્સાંત્વયિત્વા ચ તતોરામમુપાગમત્ ॥ 19 ॥
દધ્યક્ષતાન્મોદકાંશ્ચલાજાસ્સુમનસસ્તથા ।
આજહ્રુરથસંતુષ્ટાઃપૌરાસ્તસ્મૈનિશાચરાઃ ॥ 20 ॥
સઃતાન્ ગૃહીત્વાદુર્ધર્ષોરાઘવાયન્યવેદયત્ ॥ 21 ॥
માંગલ્યંમંગલંસર્વંલક્ષ્મણાય ચ વીર્યવાન્ ।
કૃતકાર્યંસમૃદ્ધાર્થંદૃષ્ટવારામોવિભીષણમ્ ॥ 22 ॥
પ્રતિજગ્રાહતત્સર્વંતસ્યૈવપ્રિયકામ્યયા ।
તતઃશૈલોપમંવીરંપ્રાંજલિંપ્રણતંસ્થિતમ્ ॥ 23 ॥
ઉવાચેદંવચોરામોહનૂમંતંપ્લવંગમમ્ ।
અનુજ્ઞાપ્યમહારાજમિમંસૌમ્ય વિભીષણમ્ ॥ 24 ॥
પ્રવિશ્યનગરીંલંકાંકૌશલંબ્રૂહિમૈથિલીમ્ ।
વૈદેહ્યૈમાંકુશલિનંસુગ્રીવં ચ સલક્ષ્મણમ્ ॥ 25 ॥
આચક્ષ્વવદતાંશ્રેષ્ઠરાવણં ચ હતંરણે ।
પ્રિયમેતદુદાહૃત્યવૈદેહ્યાસ્ત્વંહરીશ્વર ॥ 26 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે પંચદશાધિકશતતમસ્સર્ગઃ ॥
