ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചദശാധികശതതമസ്സര്ഗഃ ।
തേരാവണവധംദൃഷ്ടവാദേവഗംധർവദാനവാഃ ।
ജഗ്മുസ്സ്വൈസ്വൈർവിമാനൈസ്തേകഥയംതശ്ശുഭാഃകഥാഃ ॥ 1 ॥
രാവണസ്യവധംഘോരംരാഘവസ്യപരാക്രമമ് ।
സുയുദ്ധംവാനരാണാം ച സുഗ്രീവസ്യ ച മംത്രിതമ് ॥ 2 ॥
അനുരാഗം ച വീര്യം ച സൌമിത്രേര്ലക്ഷ്മണസ്യ ച ।
പതിവ്രതാത്വംസീതായാഹനൂമതിപരാക്രമമ് ॥ 3 ॥
കഥയംതോമഹാഭാഗാജഗ്മുര്ഹഷ്ടായഥാഗതമ് ।
രാഘവസ്തുരഥംദിവ്യമിംദ്രദത്തംശിഖിപ്രഭമ് ॥ 4 ॥
അനുജ്ഞായമഹാഭാഗോര്മാതലിംപ്രത്യപൂജയത് ।
രാഘവേണാഭ്യനുജ്ഞാതോമാതലിശ്ശക്രസാരഥിഃ ॥ 5 ॥
ദിവ്യംതംരഥമാസ്ഥായദിവമേവാരൂരോഹസഹ ।
തസ്മിംസ്തുദിവമാരൂഢേസുസാരഥിസംതമേ ॥ 6 ॥
രാഘവഃപരമപ്രീതസ്സുഗ്രീവംപരിഷസ്വജേ ।
പരിഷ്വജ്യ ച സുഗ്രീവംലക്ഷ്മണേനാഭിവാദിതഃ ॥ 7 ॥
പൂജ്യമാനോഹരിഗണൈരാജഗാമബലാലയമ് ।
അഥോവാച സ കാകുത്സ്ഥസ്സമീപപരിവര്തിനമ് ॥ 8 ॥
സൌമിത്രിംസത്ത്വസംപന്നംലക്ഷ്മണംശുഭലക്ഷണമ് ।
ഭീഷണമിമംസൌമ്യ ലംകായാമഭിഷേചയ ॥ 9 ॥
അനുരക്തം ച ഭക്തം ച തഥാപൂർവോപകാരിണമ് ।
ഏഷമേപരമഃകാമോയദിമംരാവണാനുജമ് ॥ 10 ॥
ലംകായാംസൌമ്യ പശ്യേമഭിഷിക്തംവിഭീഷണമ് ।
ഏവമുക്തസ്തുസൌമിത്രീരാഘവേണമഹാത്മനാ ॥ 11 ॥
തഥേത്യുക്ത്വാസുസമ്ഹൃഷ്ടഃസൌവര്ണംഘടമാദദേ ।
തമ്ഘടംവാനരേംദ്രാണാംഹസ്തേദത്ത്വാമനോജവാന് ॥ 12 ॥
വ്യാദിദേശമഹാസത്ത്വഃ സമുദ്രസലിലംതദാ ।
അതിശീഘ്രംതതോഗത്വാവാനരാസ്തേമനോജവാഃ ॥ 13 ॥
ആഗതാസ്തുജലംഗൃഹ്യസമുദ്രാദ്വാനരോത്തമാഃ ।
തതഃസ്ത്വേകംഘടംഗൃഹ്യസമ്സ്ഥാപ്യപരമാസനേ ॥ 14 ॥
ഘടേനതേനസൌമിത്രിരഭ്യഷിംചദ്വിഭീഷണമ് ।
ലംകായാംരക്ഷസാംമധ്യേരാജാനംരാമശാസനാത് ॥ 15 ॥
വിധിനാമംത്രദൃഷ്ടേനസുഹൃദ്ഗണസമാവൃതഃ ।
അഭ്യഷിംചംസ്തദാസർവേരാക്ഷസാവാനരാസ്തഥാ ॥ 16 ॥
പ്രഹര്ഷമതുലംഗത്വാതുഷ്ടുവൂരാമമവേ ഹ ।
തസ്യാമാത്യാജഹൃഷിരേഭക്തായേചാസ്യരാക്ഷസാഃ ॥ 17 ॥
ദൃഷ്ടവാഭിഷിക്തംലംകായാംരാക്ഷസേംദ്രംവിഭീഷണമ് ।
രാഘവഃപരമാംപ്രീതിംജഗാമസഹലക്ഷ്മണഃ ॥ 18 ॥
സ തദ്രാജ്യംമഹത്പ്രാപ്യരാമദത്തംവിഭീഷണഃ ।
പ്രകൃതയസ്സാംത്വയിത്വാ ച തതോരാമമുപാഗമത് ॥ 19 ॥
ദധ്യക്ഷതാന്മോദകാംശ്ചലാജാസ്സുമനസസ്തഥാ ।
ആജഹ്രുരഥസംതുഷ്ടാഃപൌരാസ്തസ്മൈനിശാചരാഃ ॥ 20 ॥
സഃതാന് ഗൃഹീത്വാദുര്ധര്ഷോരാഘവായന്യവേദയത് ॥ 21 ॥
മാംഗല്യംമംഗലംസർവംലക്ഷ്മണായ ച വീര്യവാന് ।
കൃതകാര്യംസമൃദ്ധാര്ഥംദൃഷ്ടവാരാമോവിഭീഷണമ് ॥ 22 ॥
പ്രതിജഗ്രാഹതത്സർവംതസ്യൈവപ്രിയകാമ്യയാ ।
തതഃശൈലോപമംവീരംപ്രാംജലിംപ്രണതംസ്ഥിതമ് ॥ 23 ॥
ഉവാചേദംവചോരാമോഹനൂമംതംപ്ലവംഗമമ് ।
അനുജ്ഞാപ്യമഹാരാജമിമംസൌമ്യ വിഭീഷണമ് ॥ 24 ॥
പ്രവിശ്യനഗരീംലംകാംകൌശലംബ്രൂഹിമൈഥിലീമ് ।
വൈദേഹ്യൈമാംകുശലിനംസുഗ്രീവം ച സലക്ഷ്മണമ് ॥ 25 ॥
ആചക്ഷ്വവദതാംശ്രേഷ്ഠരാവണം ച ഹതംരണേ ।
പ്രിയമേതദുദാഹൃത്യവൈദേഹ്യാസ്ത്വംഹരീശ്വര ॥ 26 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചദശാധികശതതമസ്സര്ഗഃ ॥
