śrīmadvālmīkīya rāmāyaṇē yuddhakāṇḍam ।
atha pañchadaśādhikaśatatamassargaḥ ।
tērāvaṇavadhandṛṣṭavādēvagandharvadānavāḥ ।
jagmussvaisvairvimānaistēkathayantaśśubhāḥkathāḥ ॥ 1 ॥
rāvaṇasyavadhaṅghōraṃrāghavasyaparākramam ।
suyuddhaṃvānarāṇāṃ cha sugrīvasya cha mantritam ॥ 2 ॥
anurāgaṃ cha vīryaṃ cha saumitrērlakṣmaṇasya cha ।
pativratātvaṃsītāyāhanūmatiparākramam ॥ 3 ॥
kathayantōmahābhāgājagmurhaṣṭāyathāgatam ।
rāghavasturathandivyamindradattaṃśikhiprabham ॥ 4 ॥
anujñāyamahābhāgōrmātalimpratyapūjayat ।
rāghavēṇābhyanujñātōmātaliśśakrasārathiḥ ॥ 5 ॥
divyantaṃrathamāsthāyadivamēvārūrōhasaha ।
tasmiṃstudivamārūḍhēsusārathisantamē ॥ 6 ॥
rāghavaḥparamaprītassugrīvampariṣasvajē ।
pariṣvajya cha sugrīvaṃlakṣmaṇēnābhivāditaḥ ॥ 7 ॥
pūjyamānōharigaṇairājagāmabalālayam ।
athōvācha sa kākutsthassamīpaparivartinam ॥ 8 ॥
saumitriṃsattvasampannaṃlakṣmaṇaṃśubhalakṣaṇam ।
bhīṣaṇamimaṃsaumya laṅkāyāmabhiṣēchaya ॥ 9 ॥
anuraktaṃ cha bhaktaṃ cha tathāpūrvōpakāriṇam ।
ēṣamēparamaḥkāmōyadimaṃrāvaṇānujam ॥ 10 ॥
laṅkāyāṃsaumya paśyēmabhiṣiktaṃvibhīṣaṇam ।
ēvamuktastusaumitrīrāghavēṇamahātmanā ॥ 11 ॥
tathētyuktvāsusamhṛṣṭaḥsauvarṇaṅghaṭamādadē ।
tamghaṭaṃvānarēndrāṇāṃhastēdattvāmanōjavān ॥ 12 ॥
vyādidēśamahāsattvaḥ samudrasalilantadā ।
atiśīghrantatōgatvāvānarāstēmanōjavāḥ ॥ 13 ॥
āgatāstujalaṅgṛhyasamudrādvānarōttamāḥ ।
tataḥstvēkaṅghaṭaṅgṛhyasamsthāpyaparamāsanē ॥ 14 ॥
ghaṭēnatēnasaumitrirabhyaṣiñchadvibhīṣaṇam ।
laṅkāyāṃrakṣasāmmadhyērājānaṃrāmaśāsanāt ॥ 15 ॥
vidhināmantradṛṣṭēnasuhṛdgaṇasamāvṛtaḥ ।
abhyaṣiñchaṃstadāsarvērākṣasāvānarāstathā ॥ 16 ॥
praharṣamatulaṅgatvātuṣṭuvūrāmamavē ha ।
tasyāmātyājahṛṣirēbhaktāyēchāsyarākṣasāḥ ॥ 17 ॥
dṛṣṭavābhiṣiktaṃlaṅkāyāṃrākṣasēndraṃvibhīṣaṇam ।
rāghavaḥparamāmprītiñjagāmasahalakṣmaṇaḥ ॥ 18 ॥
sa tadrājyammahatprāpyarāmadattaṃvibhīṣaṇaḥ ।
prakṛtayassāntvayitvā cha tatōrāmamupāgamat ॥ 19 ॥
dadhyakṣatānmōdakāṃśchalājāssumanasastathā ।
ājahrurathasantuṣṭāḥpaurāstasmainiśācharāḥ ॥ 20 ॥
saḥtān gṛhītvādurdharṣōrāghavāyanyavēdayat ॥ 21 ॥
māṅgalyammaṅgalaṃsarvaṃlakṣmaṇāya cha vīryavān ।
kṛtakāryaṃsamṛddhārthandṛṣṭavārāmōvibhīṣaṇam ॥ 22 ॥
pratijagrāhatatsarvantasyaivapriyakāmyayā ।
tataḥśailōpamaṃvīramprāñjalimpraṇataṃsthitam ॥ 23 ॥
uvāchēdaṃvachōrāmōhanūmantamplavaṅgamam ।
anujñāpyamahārājamimaṃsaumya vibhīṣaṇam ॥ 24 ॥
praviśyanagarīṃlaṅkāṅkauśalambrūhimaithilīm ।
vaidēhyaimāṅkuśalinaṃsugrīvaṃ cha salakṣmaṇam ॥ 25 ॥
āchakṣvavadatāṃśrēṣṭharāvaṇaṃ cha hataṃraṇē ।
priyamētadudāhṛtyavaidēhyāstvaṃharīśvara ॥ 26 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchadaśādhikaśatatamassargaḥ ॥
