ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚଦଶାଧିକଶତତମସ୍ସର୍ଗଃ ।
ତେରାଵଣଵଧଂଦୃଷ୍ଟଵାଦେଵଗଂଧର୍ଵଦାନଵାଃ ।
ଜଗ୍ମୁସ୍ସ୍ଵୈସ୍ଵୈର୍ଵିମାନୈସ୍ତେକଥୟଂତଶ୍ଶୁଭାଃକଥାଃ ॥ 1 ॥
ରାଵଣସ୍ୟଵଧଂଘୋରଂରାଘଵସ୍ୟପରାକ୍ରମମ୍ ।
ସୁୟୁଦ୍ଧଂଵାନରାଣାଂ ଚ ସୁଗ୍ରୀଵସ୍ୟ ଚ ମଂତ୍ରିତମ୍ ॥ 2 ॥
ଅନୁରାଗଂ ଚ ଵୀର୍ୟଂ ଚ ସୌମିତ୍ରେର୍ଲକ୍ଷ୍ମଣସ୍ୟ ଚ ।
ପତିଵ୍ରତାତ୍ଵଂସୀତାୟାହନୂମତିପରାକ୍ରମମ୍ ॥ 3 ॥
କଥୟଂତୋମହାଭାଗାଜଗ୍ମୁର୍ହଷ୍ଟାୟଥାଗତମ୍ ।
ରାଘଵସ୍ତୁରଥଂଦିଵ୍ୟମିଂଦ୍ରଦତ୍ତଂଶିଖିପ୍ରଭମ୍ ॥ 4 ॥
ଅନୁଜ୍ଞାୟମହାଭାଗୋର୍ମାତଲିଂପ୍ରତ୍ୟପୂଜୟତ୍ ।
ରାଘଵେଣାଭ୍ୟନୁଜ୍ଞାତୋମାତଲିଶ୍ଶକ୍ରସାରଥିଃ ॥ 5 ॥
ଦିଵ୍ୟଂତଂରଥମାସ୍ଥାୟଦିଵମେଵାରୂରୋହସହ ।
ତସ୍ମିଂସ୍ତୁଦିଵମାରୂଢେସୁସାରଥିସଂତମେ ॥ 6 ॥
ରାଘଵଃପରମପ୍ରୀତସ୍ସୁଗ୍ରୀଵଂପରିଷସ୍ଵଜେ ।
ପରିଷ୍ଵଜ୍ୟ ଚ ସୁଗ୍ରୀଵଂଲକ୍ଷ୍ମଣେନାଭିଵାଦିତଃ ॥ 7 ॥
ପୂଜ୍ୟମାନୋହରିଗଣୈରାଜଗାମବଲାଲୟମ୍ ।
ଅଥୋଵାଚ ସ କାକୁତ୍ସ୍ଥସ୍ସମୀପପରିଵର୍ତିନମ୍ ॥ 8 ॥
ସୌମିତ୍ରିଂସତ୍ତ୍ଵସଂପନ୍ନଂଲକ୍ଷ୍ମଣଂଶୁଭଲକ୍ଷଣମ୍ ।
ଭୀଷଣମିମଂସୌମ୍ୟ ଲଂକାୟାମଭିଷେଚୟ ॥ 9 ॥
ଅନୁରକ୍ତଂ ଚ ଭକ୍ତଂ ଚ ତଥାପୂର୍ଵୋପକାରିଣମ୍ ।
ଏଷମେପରମଃକାମୋୟଦିମଂରାଵଣାନୁଜମ୍ ॥ 10 ॥
ଲଂକାୟାଂସୌମ୍ୟ ପଶ୍ୟେମଭିଷିକ୍ତଂଵିଭୀଷଣମ୍ ।
ଏଵମୁକ୍ତସ୍ତୁସୌମିତ୍ରୀରାଘଵେଣମହାତ୍ମନା ॥ 11 ॥
ତଥେତ୍ୟୁକ୍ତ୍ଵାସୁସମ୍ହୃଷ୍ଟଃସୌଵର୍ଣଂଘଟମାଦଦେ ।
ତମ୍ଘଟଂଵାନରେଂଦ୍ରାଣାଂହସ୍ତେଦତ୍ତ୍ଵାମନୋଜଵାନ୍ ॥ 12 ॥
ଵ୍ୟାଦିଦେଶମହାସତ୍ତ୍ଵଃ ସମୁଦ୍ରସଲିଲଂତଦା ।
ଅତିଶୀଘ୍ରଂତତୋଗତ୍ଵାଵାନରାସ୍ତେମନୋଜଵାଃ ॥ 13 ॥
ଆଗତାସ୍ତୁଜଲଂଗୃହ୍ୟସମୁଦ୍ରାଦ୍ଵାନରୋତ୍ତମାଃ ।
ତତଃସ୍ତ୍ଵେକଂଘଟଂଗୃହ୍ୟସମ୍ସ୍ଥାପ୍ୟପରମାସନେ ॥ 14 ॥
ଘଟେନତେନସୌମିତ୍ରିରଭ୍ୟଷିଂଚଦ୍ଵିଭୀଷଣମ୍ ।
ଲଂକାୟାଂରକ୍ଷସାଂମଧ୍ୟେରାଜାନଂରାମଶାସନାତ୍ ॥ 15 ॥
ଵିଧିନାମଂତ୍ରଦୃଷ୍ଟେନସୁହୃଦ୍ଗଣସମାଵୃତଃ ।
ଅଭ୍ୟଷିଂଚଂସ୍ତଦାସର୍ଵେରାକ୍ଷସାଵାନରାସ୍ତଥା ॥ 16 ॥
ପ୍ରହର୍ଷମତୁଲଂଗତ୍ଵାତୁଷ୍ଟୁଵୂରାମମଵେ ହ ।
ତସ୍ୟାମାତ୍ୟାଜହୃଷିରେଭକ୍ତାୟେଚାସ୍ୟରାକ୍ଷସାଃ ॥ 17 ॥
ଦୃଷ୍ଟଵାଭିଷିକ୍ତଂଲଂକାୟାଂରାକ୍ଷସେଂଦ୍ରଂଵିଭୀଷଣମ୍ ।
ରାଘଵଃପରମାଂପ୍ରୀତିଂଜଗାମସହଲକ୍ଷ୍ମଣଃ ॥ 18 ॥
ସ ତଦ୍ରାଜ୍ୟଂମହତ୍ପ୍ରାପ୍ୟରାମଦତ୍ତଂଵିଭୀଷଣଃ ।
ପ୍ରକୃତୟସ୍ସାଂତ୍ଵୟିତ୍ଵା ଚ ତତୋରାମମୁପାଗମତ୍ ॥ 19 ॥
ଦଧ୍ୟକ୍ଷତାନ୍ମୋଦକାଂଶ୍ଚଲାଜାସ୍ସୁମନସସ୍ତଥା ।
ଆଜହ୍ରୁରଥସଂତୁଷ୍ଟାଃପୌରାସ୍ତସ୍ମୈନିଶାଚରାଃ ॥ 20 ॥
ସଃତାନ୍ ଗୃହୀତ୍ଵାଦୁର୍ଧର୍ଷୋରାଘଵାୟନ୍ୟଵେଦୟତ୍ ॥ 21 ॥
ମାଂଗଲ୍ୟଂମଂଗଲଂସର୍ଵଂଲକ୍ଷ୍ମଣାୟ ଚ ଵୀର୍ୟଵାନ୍ ।
କୃତକାର୍ୟଂସମୃଦ୍ଧାର୍ଥଂଦୃଷ୍ଟଵାରାମୋଵିଭୀଷଣମ୍ ॥ 22 ॥
ପ୍ରତିଜଗ୍ରାହତତ୍ସର୍ଵଂତସ୍ୟୈଵପ୍ରିୟକାମ୍ୟୟା ।
ତତଃଶୈଲୋପମଂଵୀରଂପ୍ରାଂଜଲିଂପ୍ରଣତଂସ୍ଥିତମ୍ ॥ 23 ॥
ଉଵାଚେଦଂଵଚୋରାମୋହନୂମଂତଂପ୍ଲଵଂଗମମ୍ ।
ଅନୁଜ୍ଞାପ୍ୟମହାରାଜମିମଂସୌମ୍ୟ ଵିଭୀଷଣମ୍ ॥ 24 ॥
ପ୍ରଵିଶ୍ୟନଗରୀଂଲଂକାଂକୌଶଲଂବ୍ରୂହିମୈଥିଲୀମ୍ ।
ଵୈଦେହ୍ୟୈମାଂକୁଶଲିନଂସୁଗ୍ରୀଵଂ ଚ ସଲକ୍ଷ୍ମଣମ୍ ॥ 25 ॥
ଆଚକ୍ଷ୍ଵଵଦତାଂଶ୍ରେଷ୍ଠରାଵଣଂ ଚ ହତଂରଣେ ।
ପ୍ରିୟମେତଦୁଦାହୃତ୍ୟଵୈଦେହ୍ୟାସ୍ତ୍ଵଂହରୀଶ୍ଵର ॥ 26 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚଦଶାଧିକଶତତମସ୍ସର୍ଗଃ ॥
