శ్రీమద్వాల్మీకీయ రామాయణే యుద్ధకాండమ్ ।
అథ పంచదశాధికశతతమస్సర్గః ।
తేరావణవధందృష్టవాదేవగంధర్వదానవాః ।
జగ్ముస్స్వైస్వైర్విమానైస్తేకథయంతశ్శుభాఃకథాః ॥ 1 ॥
రావణస్యవధంఘోరంరాఘవస్యపరాక్రమమ్ ।
సుయుద్ధంవానరాణాం చ సుగ్రీవస్య చ మంత్రితమ్ ॥ 2 ॥
అనురాగం చ వీర్యం చ సౌమిత్రేర్లక్ష్మణస్య చ ।
పతివ్రతాత్వంసీతాయాహనూమతిపరాక్రమమ్ ॥ 3 ॥
కథయంతోమహాభాగాజగ్ముర్హష్టాయథాగతమ్ ।
రాఘవస్తురథందివ్యమింద్రదత్తంశిఖిప్రభమ్ ॥ 4 ॥
అనుజ్ఞాయమహాభాగోర్మాతలింప్రత్యపూజయత్ ।
రాఘవేణాభ్యనుజ్ఞాతోమాతలిశ్శక్రసారథిః ॥ 5 ॥
దివ్యంతంరథమాస్థాయదివమేవారూరోహసహ ।
తస్మింస్తుదివమారూఢేసుసారథిసంతమే ॥ 6 ॥
రాఘవఃపరమప్రీతస్సుగ్రీవంపరిషస్వజే ।
పరిష్వజ్య చ సుగ్రీవంలక్ష్మణేనాభివాదితః ॥ 7 ॥
పూజ్యమానోహరిగణైరాజగామబలాలయమ్ ।
అథోవాచ స కాకుత్స్థస్సమీపపరివర్తినమ్ ॥ 8 ॥
సౌమిత్రింసత్త్వసంపన్నంలక్ష్మణంశుభలక్షణమ్ ।
భీషణమిమంసౌమ్య లంకాయామభిషేచయ ॥ 9 ॥
అనురక్తం చ భక్తం చ తథాపూర్వోపకారిణమ్ ।
ఏషమేపరమఃకామోయదిమంరావణానుజమ్ ॥ 10 ॥
లంకాయాంసౌమ్య పశ్యేమభిషిక్తంవిభీషణమ్ ।
ఏవముక్తస్తుసౌమిత్రీరాఘవేణమహాత్మనా ॥ 11 ॥
తథేత్యుక్త్వాసుసమ్హృష్టఃసౌవర్ణంఘటమాదదే ।
తమ్ఘటంవానరేంద్రాణాంహస్తేదత్త్వామనోజవాన్ ॥ 12 ॥
వ్యాదిదేశమహాసత్త్వః సముద్రసలిలంతదా ।
అతిశీఘ్రంతతోగత్వావానరాస్తేమనోజవాః ॥ 13 ॥
ఆగతాస్తుజలంగృహ్యసముద్రాద్వానరోత్తమాః ।
తతఃస్త్వేకంఘటంగృహ్యసమ్స్థాప్యపరమాసనే ॥ 14 ॥
ఘటేనతేనసౌమిత్రిరభ్యషించద్విభీషణమ్ ।
లంకాయాంరక్షసాంమధ్యేరాజానంరామశాసనాత్ ॥ 15 ॥
విధినామంత్రదృష్టేనసుహృద్గణసమావృతః ।
అభ్యషించంస్తదాసర్వేరాక్షసావానరాస్తథా ॥ 16 ॥
ప్రహర్షమతులంగత్వాతుష్టువూరామమవే హ ।
తస్యామాత్యాజహృషిరేభక్తాయేచాస్యరాక్షసాః ॥ 17 ॥
దృష్టవాభిషిక్తంలంకాయాంరాక్షసేంద్రంవిభీషణమ్ ।
రాఘవఃపరమాంప్రీతింజగామసహలక్ష్మణః ॥ 18 ॥
స తద్రాజ్యంమహత్ప్రాప్యరామదత్తంవిభీషణః ।
ప్రకృతయస్సాంత్వయిత్వా చ తతోరామముపాగమత్ ॥ 19 ॥
దధ్యక్షతాన్మోదకాంశ్చలాజాస్సుమనసస్తథా ।
ఆజహ్రురథసంతుష్టాఃపౌరాస్తస్మైనిశాచరాః ॥ 20 ॥
సఃతాన్ గృహీత్వాదుర్ధర్షోరాఘవాయన్యవేదయత్ ॥ 21 ॥
మాంగల్యంమంగలంసర్వంలక్ష్మణాయ చ వీర్యవాన్ ।
కృతకార్యంసమృద్ధార్థందృష్టవారామోవిభీషణమ్ ॥ 22 ॥
ప్రతిజగ్రాహతత్సర్వంతస్యైవప్రియకామ్యయా ।
తతఃశైలోపమంవీరంప్రాంజలింప్రణతంస్థితమ్ ॥ 23 ॥
ఉవాచేదంవచోరామోహనూమంతంప్లవంగమమ్ ।
అనుజ్ఞాప్యమహారాజమిమంసౌమ్య విభీషణమ్ ॥ 24 ॥
ప్రవిశ్యనగరీంలంకాంకౌశలంబ్రూహిమైథిలీమ్ ।
వైదేహ్యైమాంకుశలినంసుగ్రీవం చ సలక్ష్మణమ్ ॥ 25 ॥
ఆచక్ష్వవదతాంశ్రేష్ఠరావణం చ హతంరణే ।
ప్రియమేతదుదాహృత్యవైదేహ్యాస్త్వంహరీశ్వర ॥ 26 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే పంచదశాధికశతతమస్సర్గః ॥
