ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ନଵାଧିକଶତତମସ୍ସର୍ଗଃ ।
ତତଃପ୍ରଵୃତ୍ତଂସୁକ୍ରୂରଂରାମରାଵଣୟୋସ୍ତଦା ।
ସୁମହଦଦ୍ଵୈରଥଂୟୁଦ୍ଧଂସର୍ଵଲୋକଭୟାଵହମ୍ ॥ 1 ॥
ତତୋରାକ୍ଷସସୈନ୍ୟଂ ଚ ହରୀଣାଂ ଚ ମହଦ୍ବଲମ୍ ।
ପ୍ରଗୃହୀତପ୍ରହରଣଂନିଶ୍ଚେଷ୍ଟଂସମଵର୍ତତ ॥ 2 ॥
ସଂପ୍ରୟୁଦ୍ଧେତୁତୌଦୃଷ୍ଟଵାବଲଵନ୍ନରରାକ୍ଷସୌ ।
ଵ୍ୟାକ୍ଷିପ୍ତହଦୃୟାସ୍ସର୍ଵେପରଂଵିସ୍ମୟମାଗତାଃ ॥ 3 ॥
ନାପ୍ରହରଣୈର୍ଵ୍ୟଗ୍ରୈର୍ଭୁଜୈର୍ଵିସ୍ମିତବୁଦ୍ଧୟଃ ।
ତସ୍ଥୁଃପ୍ରେକ୍ଷୟ ଚ ସର୍ଵେତେନାଭିଜଗ୍ମୁଃପରସ୍ପରମ୍ ॥ 4 ॥
ରକ୍ଷସାଂରାଵଣଂଚାପିଵାନରାଣାଂ ଚ ରାଘଵମ୍ ।
ପଶ୍ୟତାଂଵିସ୍ମିତାକ୍ଷାଣାଂସୈନ୍ୟଂଚିତ୍ରମିଵାବଭୌ ॥ 5 ॥
ତୌତୁତତ୍ରନିମିତ୍ତାନିଦୃଷ୍ଟଵାରାଘଵରାଵଣୌ ।
କୃତବୁଦ୍ଧୀସ୍ଥିରାମର୍ଷୌୟୁୟୁଧାତେହ୍ୟଭୀତଵତ୍ ॥ 6 ॥
ଜେତଵ୍ୟମିତିକାକୁତ୍ସ୍ଥୋମର୍ତଵ୍ୟମିତିରାଵଣଃ ।
ଧୃତୌସ୍ଵଵୀର୍ୟସର୍ଵସ୍ଵଂୟୁଦ୍ଧେଽଦର୍ଶୟତାଂତଦା ॥ 7 ॥
ତତଃକ୍ରୋଧାଦ୍ଧଶଗ୍ରୀଵଶ୍ଶରାନ୍ସଂଧାୟଵୀର୍ୟଵାନ୍ ।
ମୁମୋଚଧ୍ଵଜମୁଦ୍ଧିସ୍ୟରାଘଵସ୍ୟରଥେସ୍ଥିତମ୍ ॥ 8 ॥
ତେଶରାସ୍ତମନାସାଦ୍ୟପୁରଂଦରରଥଧ୍ଵଜମ୍ ।
ରଥଶକ୍ତିଂପରାମୃଶ୍ୟନିପେତୁର୍ଧରଣୀତଲେ ॥ 9 ॥
ତତୋରାମୋଽପିସଂକ୍ରୁଦ୍ଧଶ୍ଚପମାକୃଷ୍ୟଵୀର୍ୟଵାନ୍ ।
କୃତପ୍ରତିକୃତଂକର୍ତୁଂମନସସ୍ସଂପ୍ରଚକ୍ରମେ ॥ 10 ॥
ରାଵଣଧ୍ଵଜମୁଦ୍ଦିସ୍ୟମୁମୋଚନିଶିତଂଶରମ୍ ।
ମହାସର୍ପମିଵାସହ୍ୟଂଜ୍ଵଲଂତଂସ୍ଵେନତେଜସା ॥ 11 ॥
ରାମଶ୍ଚିକ୍ଷେପତେଜସ୍ଵୀକେତୁମୁଦ୍ଧିଶ୍ୟସାୟକମ୍ ।
ଜଗାମ ସ ମହୀଂଛିତ୍ତ୍ଵାଦଶଗ୍ରୀଵଧ୍ଵଜଂଶରଃ ॥ 12 ॥
ସ ନିକୃତ୍ତୋଽପତଦ୍ଭୂମୌରାଵଣସ୍ୟଂଦନଧ୍ଵଜଃ ।
ଧ୍ଵଜସ୍ୟୋନ୍ମଥନଂଦୃଷ୍ଟଵାରାଵଣସ୍ସମହାବଲଃ ॥ 13 ॥
ସଂପ୍ରଦୀପ୍ତୋଽଭଵତ୍କ୍ରୋଧାଦମର୍ଷାତ୍ପ୍ରହସନ୍ନିଵ ।
ସ ରୋଷଵଶମାପନ୍ନଶ୍ଶରଵର୍ଷଂଵଵର୍ଷ ହ ॥ 14 ॥
ରାମସ୍ୟତୁରଗାଂଦୀପ୍ତୈଃ ଶରୈର୍ଵିଵ୍ୟାଥରାଵଣଃ ।
ତେଦିଵ୍ୟାହରୟସ୍ତତ୍ରନାସ୍ଖଲନ୍ନାପିବଭ୍ରମୁଃ ॥ 15 ॥
ବଭୂଵୁଃସ୍ଵସ୍ଥହୃଦୟାଃପଦ୍ମନାଲୈରିଵାହତାଃ ।
ତେଷାମସଂଭ୍ରମଂଦୃଷ୍ଟଵାଵାଜିନାଂରାଵଣସ୍ତଦା ॥ 16 ॥
ଭୂୟଏଵସୁସଂକ୍ରୁଦ୍ଧଶ୍ଶରଵର୍ଷଂମୁମୋଚ ହ ।
ଗଦାଶ୍ଚପରିଘାଂଶ୍ଚୈଵଚକ୍ରାଣିମୁସଲାନି ଚ ॥ 17 ॥
ଗିରିଶୃଂଗାଣିଵୃକ୍ଷାଂଶ୍ଚତଥାଶୂଲପରଶ୍ଵଧାନ୍ ।
ମାୟାଵିହିତମେତତ୍ତୁଶସ୍ତ୍ରଵର୍ଷମପାତୟତ୍ ॥ 18 ॥
ସହସ୍ରଶସ୍ତଦାବାଣାନଶ୍ରାଂତହୃଦୟୋଦ୍ୟମଃ ।
ତୁମୁଲଂତ୍ରାସଜନନଂଭୀମଂଭୀମପ୍ରତିସ୍ଵନମ୍ ॥ 19 ॥
ତଦ୍ଵର୍ଷମଭଵଦ୍ୟୁଦ୍ଧେନୈକଶସ୍ତ୍ରମୟଂମହତ୍ ।
ରାଘଵରଥଂସମଂତାଦ୍ଵାନରେବଲେ ॥ 20 ॥
ସାୟକୈରଂତରିକ୍ଷଂ ଚ ଚକାରସୁନିରଂତରମ୍ ।
ମୁମୋଚ ହ ଦଶଗ୍ରୀଵୋନିଃସଂଗେନାଂତରାତ୍ମନା ॥ 21 ॥
ଵ୍ୟାୟଚ୍ଛମାନଂତଂଦୃଷ୍ଟଵାସତ୍ଵରମରାଵଣଂରଣେ ।
ପ୍ରହସନ୍ନିଵକାକୁତ୍ସ୍ଥସଂଦଧେନିଶିତାନ୍ଶରାନ୍ ॥ 22 ॥
ସ ମୁମୋ ଚ ତତୋବାଣାନ୍ଶତଶୋଽଥସହସ୍ରଶଃ ।
ତାନ୍ ଦୃଷ୍ଟଵାରାଵଣଶ୍ଚକ୍ରେସ୍ଵଶରୈଃଖଂନିରଂତରମ୍ ॥ 23 ॥
ତତସ୍ଥାଭ୍ୟାଂପ୍ରମୁକ୍ତେନଶରଵର୍ଷେଣଭାସ୍ଵତା ।
ଶରବଦ୍ଧମିଵାଭାତିଦ୍ଵିତୀୟଂଭାସ୍ଵଦଂଭରମ୍ ॥ 24 ॥
ନାନିମିତ୍ତୋଽଭଵଦ୍ଭାଣୋନାନିର୍ଭେତ୍ତା ନ ନିଷ୍ଫଲଃ ।
ଅନ୍ୟୋନ୍ୟମଭିସମ୍ହତ୍ୟନିପେତୁର୍ଧରଣୀତଲେ ॥ 25 ॥
ତଥାଵିସୃଜତୋର୍ଭାଣାନ୍ ରାମରାଵଣୟୋର୍ମୃଥେ ।
ପ୍ରାୟୁଧ୍ୟେତାମଵିଚ୍ଛିନ୍ନମସ୍ୟଂତୌସଵ୍ୟଦକ୍ଷିଣମ୍ ॥ 26 ॥
ଚକ୍ରତୁଶ୍ଚଶରୈର୍ଘୋରୈର୍ନିରୁଚ୍ଛଵାସମିଵାଂବରମ୍ ।
ରାଵଣସ୍ୟହୟାନ୍ରାମୋହୟାନ୍ରାମସ୍ୟରାଵଣଃ ॥ 27 ॥
ଜଘ୍ନତୁସ୍ତୌତଦାନ୍ୟୋନ୍ୟଂକୃତାନୁକୃତକାରିଣୌ ।
ଏଵଂତୁତୌସୁସଂକ୍ରୁଦ୍ଧୌଚକ୍ରତୁର୍ୟୁଦ୍ଧମୁତ୍ତମମ୍ ॥ 28 ॥
ମୁହୂର୍ତମଭଵଦ୍ୟୁଦ୍ଧଂତୁମୁଲଂରୋମହର୍ଷଣମ୍ ।
ପ୍ରୟୁଧ୍ୟମାନୌସମରେମହାବଲୌ ଶିତୈଃଶରୈରାଵଣଲକ୍ଷ୍ମଣାଗ୍ରଜୌ ।
ଧ୍ଵଜାଵପାତେନ ସ ରାକ୍ଷସାଧିପୋ ଭୃଶଂପ୍ରଚୁକ୍ରୋଧତଦାରଘୂତ୍ତମେ ॥ 29 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ନଵାଧିକଶତତମସ୍ସର୍ଗଃ ॥
