శ్రీమద్వాల్మీకీయ రామాయణే యుద్ధకాండమ్ ।
అథ నవాధికశతతమస్సర్గః ।
తతఃప్రవృత్తంసుక్రూరంరామరావణయోస్తదా ।
సుమహదద్వైరథంయుద్ధంసర్వలోకభయావహమ్ ॥ 1 ॥
తతోరాక్షససైన్యం చ హరీణాం చ మహద్బలమ్ ।
ప్రగృహీతప్రహరణంనిశ్చేష్టంసమవర్తత ॥ 2 ॥
సంప్రయుద్ధేతుతౌదృష్టవాబలవన్నరరాక్షసౌ ।
వ్యాక్షిప్తహదృయాస్సర్వేపరంవిస్మయమాగతాః ॥ 3 ॥
నాప్రహరణైర్వ్యగ్రైర్భుజైర్విస్మితబుద్ధయః ।
తస్థుఃప్రేక్షయ చ సర్వేతేనాభిజగ్ముఃపరస్పరమ్ ॥ 4 ॥
రక్షసాంరావణంచాపివానరాణాం చ రాఘవమ్ ।
పశ్యతాంవిస్మితాక్షాణాంసైన్యంచిత్రమివాబభౌ ॥ 5 ॥
తౌతుతత్రనిమిత్తానిదృష్టవారాఘవరావణౌ ।
కృతబుద్ధీస్థిరామర్షౌయుయుధాతేహ్యభీతవత్ ॥ 6 ॥
జేతవ్యమితికాకుత్స్థోమర్తవ్యమితిరావణః ।
ధృతౌస్వవీర్యసర్వస్వంయుద్ధేఽదర్శయతాంతదా ॥ 7 ॥
తతఃక్రోధాద్ధశగ్రీవశ్శరాన్సంధాయవీర్యవాన్ ।
ముమోచధ్వజముద్ధిస్యరాఘవస్యరథేస్థితమ్ ॥ 8 ॥
తేశరాస్తమనాసాద్యపురందరరథధ్వజమ్ ।
రథశక్తింపరామృశ్యనిపేతుర్ధరణీతలే ॥ 9 ॥
తతోరామోఽపిసంక్రుద్ధశ్చపమాకృష్యవీర్యవాన్ ।
కృతప్రతికృతంకర్తుంమనసస్సంప్రచక్రమే ॥ 10 ॥
రావణధ్వజముద్దిస్యముమోచనిశితంశరమ్ ।
మహాసర్పమివాసహ్యంజ్వలంతంస్వేనతేజసా ॥ 11 ॥
రామశ్చిక్షేపతేజస్వీకేతుముద్ధిశ్యసాయకమ్ ।
జగామ స మహీంఛిత్త్వాదశగ్రీవధ్వజంశరః ॥ 12 ॥
స నికృత్తోఽపతద్భూమౌరావణస్యందనధ్వజః ।
ధ్వజస్యోన్మథనందృష్టవారావణస్సమహాబలః ॥ 13 ॥
సంప్రదీప్తోఽభవత్క్రోధాదమర్షాత్ప్రహసన్నివ ।
స రోషవశమాపన్నశ్శరవర్షంవవర్ష హ ॥ 14 ॥
రామస్యతురగాందీప్తైః శరైర్వివ్యాథరావణః ।
తేదివ్యాహరయస్తత్రనాస్ఖలన్నాపిబభ్రముః ॥ 15 ॥
బభూవుఃస్వస్థహృదయాఃపద్మనాలైరివాహతాః ।
తేషామసంభ్రమందృష్టవావాజినాంరావణస్తదా ॥ 16 ॥
భూయఏవసుసంక్రుద్ధశ్శరవర్షంముమోచ హ ।
గదాశ్చపరిఘాంశ్చైవచక్రాణిముసలాని చ ॥ 17 ॥
గిరిశృంగాణివృక్షాంశ్చతథాశూలపరశ్వధాన్ ।
మాయావిహితమేతత్తుశస్త్రవర్షమపాతయత్ ॥ 18 ॥
సహస్రశస్తదాబాణానశ్రాంతహృదయోద్యమః ।
తుములంత్రాసజననంభీమంభీమప్రతిస్వనమ్ ॥ 19 ॥
తద్వర్షమభవద్యుద్ధేనైకశస్త్రమయంమహత్ ।
రాఘవరథంసమంతాద్వానరేబలే ॥ 20 ॥
సాయకైరంతరిక్షం చ చకారసునిరంతరమ్ ।
ముమోచ హ దశగ్రీవోనిఃసంగేనాంతరాత్మనా ॥ 21 ॥
వ్యాయచ్ఛమానంతందృష్టవాసత్వరమరావణంరణే ।
ప్రహసన్నివకాకుత్స్థసందధేనిశితాన్శరాన్ ॥ 22 ॥
స ముమో చ తతోబాణాన్శతశోఽథసహస్రశః ।
తాన్ దృష్టవారావణశ్చక్రేస్వశరైఃఖంనిరంతరమ్ ॥ 23 ॥
తతస్థాభ్యాంప్రముక్తేనశరవర్షేణభాస్వతా ।
శరబద్ధమివాభాతిద్వితీయంభాస్వదంభరమ్ ॥ 24 ॥
నానిమిత్తోఽభవద్భాణోనానిర్భేత్తా న నిష్ఫలః ।
అన్యోన్యమభిసమ్హత్యనిపేతుర్ధరణీతలే ॥ 25 ॥
తథావిసృజతోర్భాణాన్ రామరావణయోర్మృథే ।
ప్రాయుధ్యేతామవిచ్ఛిన్నమస్యంతౌసవ్యదక్షిణమ్ ॥ 26 ॥
చక్రతుశ్చశరైర్ఘోరైర్నిరుచ్ఛవాసమివాంబరమ్ ।
రావణస్యహయాన్రామోహయాన్రామస్యరావణః ॥ 27 ॥
జఘ్నతుస్తౌతదాన్యోన్యంకృతానుకృతకారిణౌ ।
ఏవంతుతౌసుసంక్రుద్ధౌచక్రతుర్యుద్ధముత్తమమ్ ॥ 28 ॥
ముహూర్తమభవద్యుద్ధంతుములంరోమహర్షణమ్ ।
ప్రయుధ్యమానౌసమరేమహాబలౌ శితైఃశరైరావణలక్ష్మణాగ్రజౌ ।
ధ్వజావపాతేన స రాక్షసాధిపో భృశంప్రచుక్రోధతదారఘూత్తమే ॥ 29 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే నవాధికశతతమస్సర్గః ॥
