ശ്രീമദ്വാല്മീകീയ രാമായണേ യുദ്ധകാംഡമ് ।
അഥ നവാധികശതതമസ്സര്ഗഃ ।
തതഃപ്രവൃത്തംസുക്രൂരംരാമരാവണയോസ്തദാ ।
സുമഹദദ്വൈരഥംയുദ്ധംസർവലോകഭയാവഹമ് ॥ 1 ॥
തതോരാക്ഷസസൈന്യം ച ഹരീണാം ച മഹദ്ബലമ് ।
പ്രഗൃഹീതപ്രഹരണംനിശ്ചേഷ്ടംസമവര്തത ॥ 2 ॥
സംപ്രയുദ്ധേതുതൌദൃഷ്ടവാബലവന്നരരാക്ഷസൌ ।
വ്യാക്ഷിപ്തഹദൃയാസ്സർവേപരംവിസ്മയമാഗതാഃ ॥ 3 ॥
നാപ്രഹരണൈർവ്യഗ്രൈര്ഭുജൈർവിസ്മിതബുദ്ധയഃ ।
തസ്ഥുഃപ്രേക്ഷയ ച സർവേതേനാഭിജഗ്മുഃപരസ്പരമ് ॥ 4 ॥
രക്ഷസാംരാവണംചാപിവാനരാണാം ച രാഘവമ് ।
പശ്യതാംവിസ്മിതാക്ഷാണാംസൈന്യംചിത്രമിവാബഭൌ ॥ 5 ॥
തൌതുതത്രനിമിത്താനിദൃഷ്ടവാരാഘവരാവണൌ ।
കൃതബുദ്ധീസ്ഥിരാമര്ഷൌയുയുധാതേഹ്യഭീതവത് ॥ 6 ॥
ജേതവ്യമിതികാകുത്സ്ഥോമര്തവ്യമിതിരാവണഃ ।
ധൃതൌസ്വവീര്യസർവസ്വംയുദ്ധേഽദര്ശയതാംതദാ ॥ 7 ॥
തതഃക്രോധാദ്ധശഗ്രീവശ്ശരാന്സംധായവീര്യവാന് ।
മുമോചധ്വജമുദ്ധിസ്യരാഘവസ്യരഥേസ്ഥിതമ് ॥ 8 ॥
തേശരാസ്തമനാസാദ്യപുരംദരരഥധ്വജമ് ।
രഥശക്തിംപരാമൃശ്യനിപേതുര്ധരണീതലേ ॥ 9 ॥
തതോരാമോഽപിസംക്രുദ്ധശ്ചപമാകൃഷ്യവീര്യവാന് ।
കൃതപ്രതികൃതംകര്തുംമനസസ്സംപ്രചക്രമേ ॥ 10 ॥
രാവണധ്വജമുദ്ദിസ്യമുമോചനിശിതംശരമ് ।
മഹാസര്പമിവാസഹ്യംജ്വലംതംസ്വേനതേജസാ ॥ 11 ॥
രാമശ്ചിക്ഷേപതേജസ്വീകേതുമുദ്ധിശ്യസായകമ് ।
ജഗാമ സ മഹീംഛിത്ത്വാദശഗ്രീവധ്വജംശരഃ ॥ 12 ॥
സ നികൃത്തോഽപതദ്ഭൂമൌരാവണസ്യംദനധ്വജഃ ।
ധ്വജസ്യോന്മഥനംദൃഷ്ടവാരാവണസ്സമഹാബലഃ ॥ 13 ॥
സംപ്രദീപ്തോഽഭവത്ക്രോധാദമര്ഷാത്പ്രഹസന്നിവ ।
സ രോഷവശമാപന്നശ്ശരവര്ഷംവവര്ഷ ഹ ॥ 14 ॥
രാമസ്യതുരഗാംദീപ്തൈഃ ശരൈർവിവ്യാഥരാവണഃ ।
തേദിവ്യാഹരയസ്തത്രനാസ്ഖലന്നാപിബഭ്രമുഃ ॥ 15 ॥
ബഭൂവുഃസ്വസ്ഥഹൃദയാഃപദ്മനാലൈരിവാഹതാഃ ।
തേഷാമസംഭ്രമംദൃഷ്ടവാവാജിനാംരാവണസ്തദാ ॥ 16 ॥
ഭൂയഏവസുസംക്രുദ്ധശ്ശരവര്ഷംമുമോച ഹ ।
ഗദാശ്ചപരിഘാംശ്ചൈവചക്രാണിമുസലാനി ച ॥ 17 ॥
ഗിരിശൃംഗാണിവൃക്ഷാംശ്ചതഥാശൂലപരശ്വധാന് ।
മായാവിഹിതമേതത്തുശസ്ത്രവര്ഷമപാതയത് ॥ 18 ॥
സഹസ്രശസ്തദാബാണാനശ്രാംതഹൃദയോദ്യമഃ ।
തുമുലംത്രാസജനനംഭീമംഭീമപ്രതിസ്വനമ് ॥ 19 ॥
തദ്വര്ഷമഭവദ്യുദ്ധേനൈകശസ്ത്രമയംമഹത് ।
രാഘവരഥംസമംതാദ്വാനരേബലേ ॥ 20 ॥
സായകൈരംതരിക്ഷം ച ചകാരസുനിരംതരമ് ।
മുമോച ഹ ദശഗ്രീവോനിഃസംഗേനാംതരാത്മനാ ॥ 21 ॥
വ്യായച്ഛമാനംതംദൃഷ്ടവാസത്വരമരാവണംരണേ ।
പ്രഹസന്നിവകാകുത്സ്ഥസംദധേനിശിതാന്ശരാന് ॥ 22 ॥
സ മുമോ ച തതോബാണാന്ശതശോഽഥസഹസ്രശഃ ।
താന് ദൃഷ്ടവാരാവണശ്ചക്രേസ്വശരൈഃഖംനിരംതരമ് ॥ 23 ॥
തതസ്ഥാഭ്യാംപ്രമുക്തേനശരവര്ഷേണഭാസ്വതാ ।
ശരബദ്ധമിവാഭാതിദ്വിതീയംഭാസ്വദംഭരമ് ॥ 24 ॥
നാനിമിത്തോഽഭവദ്ഭാണോനാനിര്ഭേത്താ ന നിഷ്ഫലഃ ।
അന്യോന്യമഭിസമ്ഹത്യനിപേതുര്ധരണീതലേ ॥ 25 ॥
തഥാവിസൃജതോര്ഭാണാന് രാമരാവണയോര്മൃഥേ ।
പ്രായുധ്യേതാമവിച്ഛിന്നമസ്യംതൌസവ്യദക്ഷിണമ് ॥ 26 ॥
ചക്രതുശ്ചശരൈര്ഘോരൈര്നിരുച്ഛവാസമിവാംബരമ് ।
രാവണസ്യഹയാന്രാമോഹയാന്രാമസ്യരാവണഃ ॥ 27 ॥
ജഘ്നതുസ്തൌതദാന്യോന്യംകൃതാനുകൃതകാരിണൌ ।
ഏവംതുതൌസുസംക്രുദ്ധൌചക്രതുര്യുദ്ധമുത്തമമ് ॥ 28 ॥
മുഹൂര്തമഭവദ്യുദ്ധംതുമുലംരോമഹര്ഷണമ് ।
പ്രയുധ്യമാനൌസമരേമഹാബലൌ ശിതൈഃശരൈരാവണലക്ഷ്മണാഗ്രജൌ ।
ധ്വജാവപാതേന സ രാക്ഷസാധിപോ ഭൃശംപ്രചുക്രോധതദാരഘൂത്തമേ ॥ 29 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ നവാധികശതതമസ്സര്ഗഃ ॥
