શ્રીમદ્વાલ્મીકીય રામાયણે યુદ્ધકાંડમ્ ।
અથ નવાધિકશતતમસ્સર્ગઃ ।
તતઃપ્રવૃત્તંસુક્રૂરંરામરાવણયોસ્તદા ।
સુમહદદ્વૈરથંયુદ્ધંસર્વલોકભયાવહમ્ ॥ 1 ॥
તતોરાક્ષસસૈન્યં ચ હરીણાં ચ મહદ્બલમ્ ।
પ્રગૃહીતપ્રહરણંનિશ્ચેષ્ટંસમવર્તત ॥ 2 ॥
સંપ્રયુદ્ધેતુતૌદૃષ્ટવાબલવન્નરરાક્ષસૌ ।
વ્યાક્ષિપ્તહદૃયાસ્સર્વેપરંવિસ્મયમાગતાઃ ॥ 3 ॥
નાપ્રહરણૈર્વ્યગ્રૈર્ભુજૈર્વિસ્મિતબુદ્ધયઃ ।
તસ્થુઃપ્રેક્ષય ચ સર્વેતેનાભિજગ્મુઃપરસ્પરમ્ ॥ 4 ॥
રક્ષસાંરાવણંચાપિવાનરાણાં ચ રાઘવમ્ ।
પશ્યતાંવિસ્મિતાક્ષાણાંસૈન્યંચિત્રમિવાબભૌ ॥ 5 ॥
તૌતુતત્રનિમિત્તાનિદૃષ્ટવારાઘવરાવણૌ ।
કૃતબુદ્ધીસ્થિરામર્ષૌયુયુધાતેહ્યભીતવત્ ॥ 6 ॥
જેતવ્યમિતિકાકુત્સ્થોમર્તવ્યમિતિરાવણઃ ।
ધૃતૌસ્વવીર્યસર્વસ્વંયુદ્ધેઽદર્શયતાંતદા ॥ 7 ॥
તતઃક્રોધાદ્ધશગ્રીવશ્શરાન્સંધાયવીર્યવાન્ ।
મુમોચધ્વજમુદ્ધિસ્યરાઘવસ્યરથેસ્થિતમ્ ॥ 8 ॥
તેશરાસ્તમનાસાદ્યપુરંદરરથધ્વજમ્ ।
રથશક્તિંપરામૃશ્યનિપેતુર્ધરણીતલે ॥ 9 ॥
તતોરામોઽપિસંક્રુદ્ધશ્ચપમાકૃષ્યવીર્યવાન્ ।
કૃતપ્રતિકૃતંકર્તુંમનસસ્સંપ્રચક્રમે ॥ 10 ॥
રાવણધ્વજમુદ્દિસ્યમુમોચનિશિતંશરમ્ ।
મહાસર્પમિવાસહ્યંજ્વલંતંસ્વેનતેજસા ॥ 11 ॥
રામશ્ચિક્ષેપતેજસ્વીકેતુમુદ્ધિશ્યસાયકમ્ ।
જગામ સ મહીંછિત્ત્વાદશગ્રીવધ્વજંશરઃ ॥ 12 ॥
સ નિકૃત્તોઽપતદ્ભૂમૌરાવણસ્યંદનધ્વજઃ ।
ધ્વજસ્યોન્મથનંદૃષ્ટવારાવણસ્સમહાબલઃ ॥ 13 ॥
સંપ્રદીપ્તોઽભવત્ક્રોધાદમર્ષાત્પ્રહસન્નિવ ।
સ રોષવશમાપન્નશ્શરવર્ષંવવર્ષ હ ॥ 14 ॥
રામસ્યતુરગાંદીપ્તૈઃ શરૈર્વિવ્યાથરાવણઃ ।
તેદિવ્યાહરયસ્તત્રનાસ્ખલન્નાપિબભ્રમુઃ ॥ 15 ॥
બભૂવુઃસ્વસ્થહૃદયાઃપદ્મનાલૈરિવાહતાઃ ।
તેષામસંભ્રમંદૃષ્ટવાવાજિનાંરાવણસ્તદા ॥ 16 ॥
ભૂયએવસુસંક્રુદ્ધશ્શરવર્ષંમુમોચ હ ।
ગદાશ્ચપરિઘાંશ્ચૈવચક્રાણિમુસલાનિ ચ ॥ 17 ॥
ગિરિશૃંગાણિવૃક્ષાંશ્ચતથાશૂલપરશ્વધાન્ ।
માયાવિહિતમેતત્તુશસ્ત્રવર્ષમપાતયત્ ॥ 18 ॥
સહસ્રશસ્તદાબાણાનશ્રાંતહૃદયોદ્યમઃ ।
તુમુલંત્રાસજનનંભીમંભીમપ્રતિસ્વનમ્ ॥ 19 ॥
તદ્વર્ષમભવદ્યુદ્ધેનૈકશસ્ત્રમયંમહત્ ।
રાઘવરથંસમંતાદ્વાનરેબલે ॥ 20 ॥
સાયકૈરંતરિક્ષં ચ ચકારસુનિરંતરમ્ ।
મુમોચ હ દશગ્રીવોનિઃસંગેનાંતરાત્મના ॥ 21 ॥
વ્યાયચ્છમાનંતંદૃષ્ટવાસત્વરમરાવણંરણે ।
પ્રહસન્નિવકાકુત્સ્થસંદધેનિશિતાન્શરાન્ ॥ 22 ॥
સ મુમો ચ તતોબાણાન્શતશોઽથસહસ્રશઃ ।
તાન્ દૃષ્ટવારાવણશ્ચક્રેસ્વશરૈઃખંનિરંતરમ્ ॥ 23 ॥
તતસ્થાભ્યાંપ્રમુક્તેનશરવર્ષેણભાસ્વતા ।
શરબદ્ધમિવાભાતિદ્વિતીયંભાસ્વદંભરમ્ ॥ 24 ॥
નાનિમિત્તોઽભવદ્ભાણોનાનિર્ભેત્તા ન નિષ્ફલઃ ।
અન્યોન્યમભિસમ્હત્યનિપેતુર્ધરણીતલે ॥ 25 ॥
તથાવિસૃજતોર્ભાણાન્ રામરાવણયોર્મૃથે ।
પ્રાયુધ્યેતામવિચ્છિન્નમસ્યંતૌસવ્યદક્ષિણમ્ ॥ 26 ॥
ચક્રતુશ્ચશરૈર્ઘોરૈર્નિરુચ્છવાસમિવાંબરમ્ ।
રાવણસ્યહયાન્રામોહયાન્રામસ્યરાવણઃ ॥ 27 ॥
જઘ્નતુસ્તૌતદાન્યોન્યંકૃતાનુકૃતકારિણૌ ।
એવંતુતૌસુસંક્રુદ્ધૌચક્રતુર્યુદ્ધમુત્તમમ્ ॥ 28 ॥
મુહૂર્તમભવદ્યુદ્ધંતુમુલંરોમહર્ષણમ્ ।
પ્રયુધ્યમાનૌસમરેમહાબલૌ શિતૈઃશરૈરાવણલક્ષ્મણાગ્રજૌ ।
ધ્વજાવપાતેન સ રાક્ષસાધિપો ભૃશંપ્રચુક્રોધતદારઘૂત્તમે ॥ 29 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે નવાધિકશતતમસ્સર્ગઃ ॥
