ශ්රීමද්වාල්මීකීය රාමායණේ යුද්ධකාංඩම් ।
අථ ෂට්ෂෂ්ටිතමස්සර්ගඃ ।
ස ලංඝයිත්වාප්රාකාරංගිරිකූටෝපමෝමහාන් ।
නිර්යයෞනගරාත්තූර්ණංකුංභකර්ණෝමහාබලඃ ॥ 1 ॥
නනාද ච මහානාදංසමුද්රමභිනාදයන් ।
විජයන්නිවනිර්ඝාතන්විධමන්නිවපර්වතාන් ॥ 2 ॥
තමවධ්යංමඝවතායමේනවරුණේනවා ।
ප්රේක්ෂ්යභීමාක්ෂමායාංතංවානරාවිප්රදුද්රුවුඃ ॥ 3 ॥
තාංස්තුවිප්රද්රුතාන් දෘෂ්ටවාරාජපුත්රෝऽංගදෝऽබ්රවීත් ।
නලංනීලංගවාක්ෂං ච කුමුදං ච මහාබලම් ॥ 4 ॥
ආත්මානමත්රවිස්මෘත්යවීර්යාණ්යභිජනානි ච ।
ක්වගච්ඡතභයත්රස්තාඃප්රාකෘතාහරයෝයථා ॥ 5 ॥
සාධුසෞම්යා නිවර්තධ්වංකිප්රාණාන්පරිරක්ෂථ ।
නාලංයුද්ධායවෛරක්ෂෝමහතීයංබිභීෂකා ॥ 6 ॥
මහතීමුථතිතාමේනාංරාක්ෂසානාංබිභීෂිකාම් ।
වික්රමාද්විධමිෂ්යාමෝනිවර්තධ්වංප්ලවංගමාඃ ॥ 7 ॥
කෘච්ඡ්රේණතුසමාශ්වස්යසංගම්ය ච තතස්තතඃ ।
වෘක්ෂාද්රිහස්තාහරයස්සංප්රතස්ථූරණාජිරම් ॥ 8 ॥
තේනිවෘත්යතුසංකෘද්ධාඃකුංභකර්ණංවනෞකසඃ ।
නිර්ජඝ්නුඃපරමක්රුද්ධාස්සමදාඉවකුංජරාඃ ॥ 9 ॥
ප්රාංශුභිර්ගිරිශෘංගෛශ්චශිලාභිශ්චමහාබලඃ ।
පාදපෛඃපුෂ්පිතාග්රෛශ්චහන්යමානෝ න කංපතේ ॥ 10 ॥
තස්යගාත්රේෂුපතිතාභිද්යංතේශතශශ්ශිලාඃ ।
පාදපාඃපුෂ්පිතාග්රාශ්චභග්නාඃපේතුර්මහීතලේ ॥ 11 ॥
සෝऽපිසෛන්යානිසංක්රුද්ධෝවානරාණාංමහෞජසාම් ।
මමංථපරමායත්තෝවනාන්යග්නිරිවෝත්ථිතඃ ॥ 12 ॥
ලෝහිතාර්ද්රාස්තුබහවශ්ශේරතේවානරර්ෂභාඃ ।
නිරස්තාංපතිතාභූමෞතාම්රපුෂ්පාඉවද්රුමාඃ ॥ 13 ॥
ලංඝයංතඃප්රධාවංතෝවානරානාවලෝකයන් ।
කේචිත්සමුද්රේපතිතාඃකේචිද්ගගනමාස්ථිතාඃ ॥ 14 ॥
වධ්යමානාස්තුතේවීරාරාක්ෂසේන ච ලීලයා ।
සාගරංයේනතේතීර්ණාඃපථාතේනදුද්රුවුඃ ॥ 15 ॥
තේස්ථලානිතදානිම්නංවිවර්ණමානාභයාත් ।
ඍක්ෂාවෘක්ෂාන් සමාරූඪාඃකේචිත්පර්වතමාශ්රිතාඃ ॥ 16 ॥
මමජ්ජුරර්ණවේකේචිද්ගුහාඃකේචිත්සමාශ්රිතාඃ ।
නිපේතුඃකේචිදපරේකේචින්නෛවාවතස්ථිරේ ॥ 17 ॥
කේචිද්භූමෞනිපතිතාඃකේචිත්සුප්තාමෘතාඉව ।
තාන්සමීක්ෂ්යාංගදෝභග්නාන්වානරානිදමබ්රවීත් ॥ 18 ॥
අවතිෂ්ඨතයුධ්යාමෝනිවර්තධ්වංප්ලවංගමාඃ ।
භග්නානාංවෝ න පශ්යාමිපරිගම්යමහීමිමාම් ॥ 19 ॥
ස්ථානංසර්වේනිවර්තධ්වංකිංප්රාණාන් පරිරක්ෂථ ।
නිරායුධානාංද්රවතාමසංගගතිපෞරුෂාඃ ॥ 20 ॥
දාරාහ්යුපහසිෂ්යංති ස වෛඝාතස්තුජීවතාම් ।
කුලේෂුජාතාස්සර්වේස්මවිස්තීර්ණේෂුමහත්සු ච ॥ 21 ॥
ක්වගච්ඡතභයත්රස්තාඃහරයඃප්රාකෘතායථා ।
අනාර්යාඃඛලුයද්භීතාස්ත්යක්ත්වාවීර්යංප්රධාවත ॥ 22 ॥
විකත්ථනානිවෝයානි තදාවෛජනසංසදි ।
තානිවඃක්වනුයාතානිසෝදග්රාණිම හිතානි ච ॥ 23 ॥
භීරුප්රවාදාශ්ශ්රූයංතේයස්තුජීවතිධික්කෘතඃ ।
මාර්ගස්සත්පුරුෂෛර්ජෂ්ටඃසේව්යතාංත්යජ්යතාංභයම් ॥ 24 ॥
ශයාමහේऽනිහතාඃපෘථිව්යාමල්පජීවිතාඃ ।
දුෂ්ප්රාපංබ්රහ්මලෝකංවාප්රාප්නුයාමෝයුධිසූදිතා ॥ 25 ॥
සංප්රාප්නුයාමඃකීර්තිංවානිහත්වාශත්රුමාහවේ ।
ජීවිතංවීරලෝකස්යමෝක්ෂ්යාමෝවසුවානරාඃ ॥ 26 ॥
න කුංභකර්ණඃකාකුත්ස්ථංදෘෂ්ටවාජීවන් ගමිෂ්යති ।
දීප්යමානමිවාසාද්යපතංගෝජ්වලනංයථා ॥ 27 ॥
ලායනේනචෝද්ධිෂ්ටාඃප්රාණාන් රක්ෂාමහේවයම් ।
ඒකේනබහවෝභග්නායශෝනාශංගමිෂ්යති ॥ 28 ॥
ඒවංබ්රුවාණංතංශූරමංගදංකනකාංගදම් ।
ද්රවමාණාස්තතෝවාක්යමූචුඃශූරුවිගර්හිතම් ॥ 29 ॥
කෘතංනඃකදනංඝෝරංකුංභකර්ණේනරක්ෂසා ।
න ස්ථානකාලෝගච්ඡාමෝදයිතංජීවිතංහිනඃ ॥ 30 ॥
ඒතාවදුක්ත්වාවචනංසර්වේතේභේජිරේදිශඃ ।
භීමංභීමාක්ෂමායාංතංදෘෂ්ටවාවානරයූථපාඃ ॥ 31 ॥
ද්රවමාණස්තුතේවීරාඅංගදේනවලීමුඛාඃ ।
සාංත්වෛශ්චෛහනුමානෛශ්චතතස්සර්වේනිවර්තිතාඃ ॥ 32 ॥
ප්රහර්ෂමුපනීතාශ්චවාලිපුත්රේණධීමතා ।
ආජ්ඤාප්රතීක්ෂාස්තස්ථුශ්චසර්වේවානරයූථපාඃ ॥ 33 ॥
ඍෂභශරභමෛංදධූම්රනීලාඃකුමුදසුෂේණගවාක්ෂරංභතාරාඃ ।
ද්විවිදපනසවායුපුත්රමුඛ්යාස්ත්වරිතතරාභිමුඛංරණම් ॥ 34 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂට්ෂෂ්ටිතමස්සර්ගඃ ॥
