śrīmadvālmīkīya rāmāyaṇē yuddhakāṇḍam ।
atha ṣaṭṣaṣṭitamassargaḥ ।
sa laṅghayitvāprākāraṅgirikūṭōpamōmahān ।
niryayaunagarāttūrṇaṅkumbhakarṇōmahābalaḥ ॥ 1 ॥
nanāda cha mahānādaṃsamudramabhinādayan ।
vijayannivanirghātanvidhamannivaparvatān ॥ 2 ॥
tamavadhyammaghavatāyamēnavaruṇēnavā ।
prēkṣyabhīmākṣamāyāntaṃvānarāvipradudruvuḥ ॥ 3 ॥
tāṃstuvipradrutān dṛṣṭavārājaputrō'ṅgadō'bravīt ।
nalannīlaṅgavākṣaṃ cha kumudaṃ cha mahābalam ॥ 4 ॥
ātmānamatravismṛtyavīryāṇyabhijanāni cha ।
kvagachChatabhayatrastāḥprākṛtāharayōyathā ॥ 5 ॥
sādhusaumyā nivartadhvaṅkiprāṇānparirakṣatha ।
nālaṃyuddhāyavairakṣōmahatīyambibhīṣakā ॥ 6 ॥
mahatīmuthatitāmēnāṃrākṣasānāmbibhīṣikām ।
vikramādvidhamiṣyāmōnivartadhvamplavaṅgamāḥ ॥ 7 ॥
kṛchChrēṇatusamāśvasyasaṅgamya cha tatastataḥ ।
vṛkṣādrihastāharayassampratasthūraṇājiram ॥ 8 ॥
tēnivṛtyatusaṅkṛddhāḥkumbhakarṇaṃvanaukasaḥ ।
nirjaghnuḥparamakruddhāssamadāivakuñjarāḥ ॥ 9 ॥
prāṃśubhirgiriśṛṅgaiśchaśilābhiśchamahābalaḥ ।
pādapaiḥpuṣpitāgraiśchahanyamānō na kampatē ॥ 10 ॥
tasyagātrēṣupatitābhidyantēśataśaśśilāḥ ।
pādapāḥpuṣpitāgrāśchabhagnāḥpēturmahītalē ॥ 11 ॥
sō'pisainyānisaṅkruddhōvānarāṇāmmahaujasām ।
mamanthaparamāyattōvanānyagnirivōtthitaḥ ॥ 12 ॥
lōhitārdrāstubahavaśśēratēvānararṣabhāḥ ।
nirastāmpatitābhūmautāmrapuṣpāivadrumāḥ ॥ 13 ॥
laṅghayantaḥpradhāvantōvānarānāvalōkayan ।
kēchitsamudrēpatitāḥkēchidgaganamāsthitāḥ ॥ 14 ॥
vadhyamānāstutēvīrārākṣasēna cha līlayā ।
sāgaraṃyēnatētīrṇāḥpathātēnadudruvuḥ ॥ 15 ॥
tēsthalānitadānimnaṃvivarṇamānābhayāt ।
ṛkṣāvṛkṣān samārūḍhāḥkēchitparvatamāśritāḥ ॥ 16 ॥
mamajjurarṇavēkēchidguhāḥkēchitsamāśritāḥ ।
nipētuḥkēchidaparēkēchinnaivāvatasthirē ॥ 17 ॥
kēchidbhūmaunipatitāḥkēchitsuptāmṛtāiva ।
tānsamīkṣyāṅgadōbhagnānvānarānidamabravīt ॥ 18 ॥
avatiṣṭhatayudhyāmōnivartadhvamplavaṅgamāḥ ।
bhagnānāṃvō na paśyāmiparigamyamahīmimām ॥ 19 ॥
sthānaṃsarvēnivartadhvaṅkimprāṇān parirakṣatha ।
nirāyudhānāndravatāmasaṅgagatipauruṣāḥ ॥ 20 ॥
dārāhyupahasiṣyanti sa vaighātastujīvatām ।
kulēṣujātāssarvēsmavistīrṇēṣumahatsu cha ॥ 21 ॥
kvagachChatabhayatrastāḥharayaḥprākṛtāyathā ।
anāryāḥkhaluyadbhītāstyaktvāvīryampradhāvata ॥ 22 ॥
vikatthanānivōyāni tadāvaijanasaṃsadi ।
tānivaḥkvanuyātānisōdagrāṇima hitāni cha ॥ 23 ॥
bhīrupravādāśśrūyantēyastujīvatidhikkṛtaḥ ।
mārgassatpuruṣairjaṣṭaḥsēvyatāntyajyatāmbhayam ॥ 24 ॥
śayāmahē'nihatāḥpṛthivyāmalpajīvitāḥ ।
duṣprāpambrahmalōkaṃvāprāpnuyāmōyudhisūditā ॥ 25 ॥
samprāpnuyāmaḥkīrtiṃvānihatvāśatrumāhavē ।
jīvitaṃvīralōkasyamōkṣyāmōvasuvānarāḥ ॥ 26 ॥
na kumbhakarṇaḥkākutsthandṛṣṭavājīvan gamiṣyati ।
dīpyamānamivāsādyapataṅgōjvalanaṃyathā ॥ 27 ॥
lāyanēnachōddhiṣṭāḥprāṇān rakṣāmahēvayam ।
ēkēnabahavōbhagnāyaśōnāśaṅgamiṣyati ॥ 28 ॥
ēvambruvāṇantaṃśūramaṅgadaṅkanakāṅgadam ।
dravamāṇāstatōvākyamūchuḥśūruvigarhitam ॥ 29 ॥
kṛtannaḥkadanaṅghōraṅkumbhakarṇēnarakṣasā ।
na sthānakālōgachChāmōdayitañjīvitaṃhinaḥ ॥ 30 ॥
ētāvaduktvāvachanaṃsarvētēbhējirēdiśaḥ ।
bhīmambhīmākṣamāyāntandṛṣṭavāvānarayūthapāḥ ॥ 31 ॥
dravamāṇastutēvīrāaṅgadēnavalīmukhāḥ ।
sāntvaiśchaihanumānaiśchatatassarvēnivartitāḥ ॥ 32 ॥
praharṣamupanītāśchavāliputrēṇadhīmatā ।
ājñāpratīkṣāstasthuśchasarvēvānarayūthapāḥ ॥ 33 ॥
ṛṣabhaśarabhamaindadhūmranīlāḥkumudasuṣēṇagavākṣarambhatārāḥ ।
dvividapanasavāyuputramukhyāstvaritatarābhimukhaṃraṇam ॥ 34 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣaṭṣaṣṭitamassargaḥ ॥
