ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചനവതിതമസ്സര്ഗഃ ।
താനിതാനിസഹസ്രാണിസാരോഹാണാം ച വാജിനാമ് ।
രഥാനാംത്വഗ്നിവര്ണാനാംസധ്വജാനാംസഹസ്രശഃ ॥ 1 ॥
രാക്ഷസാനാംസഹസ്രാണിഗദാപരിഘയോധിനാമ് ।
കാംചനധ്വജചിത്രാണാംശൂരാണാംകാമരൂപിണാമ് ॥ 2 ॥
നിഹതാനിശരൈര്ദീസ്തീക്ഷ്ണൈസ്തപ്തകാംചനഭൂഷണൈഃ ।
രാവണേനപ്രയുക്താനിരാമേണാക്ലിഷ്ടകര്മണാ ॥ 3 ॥
ദൃഷ്ടവാശ്രുത്വാ ച സംഭ്രാംതാഹതശേഷാനിശാചരാഃ ।
രാക്ഷസീശ്ചസമാഗമ്യദീനാശ്ചിംതാപരിപ്ലുതാഃ ॥ 4 ॥
വിധവാഹതപുത്രാശ്ചക്രോശംത്യോഹതബാംദവാഃ ।
രാക്ഷസ്യഃസഹസംഗമ്യദുഃഖാര്താഃപര്യദേവയന് ॥ 5 ॥
കഥംശൂര്പണഖാവൃദ്ധാകരാലാനിര്ണതോദരീ ।
ആസസാദവനേരാമംകംദര്പമിവരൂപിണമ് ॥ 6 ॥
സുകുമാരംമഹാസത്ത്വംസർവഭൂതഹിതേരതമ് ।
തംദൃഷ്ടവാലോകനിംദ്യാസാഹീനരൂപാപ്രകാമിതാ ॥ 7 ॥
കഥംസർവഗുണൈര്ഹീനാഗുണവംതംമഹൌജസമ് ।
സുമുഖംദുര്മുഖീരാമംകാമയാമാസരാക്ഷസീ ॥ 8 ॥
ജനസ്യാസ്യാല്പഭാഗ്യത്വാദ്വലിനീശ്വേതമൂര്ധജാ ।
അകാര്യമപഹാസ്യം ച സർവലോകവിഗര്ഹിതമ് ॥ 9 ॥
രാക്ഷസാനാംവിനാശായദൂഷണസ്യഖരസ്യ ച ।
ചകാരാപ്രതിരൂപാസാരാഘവസ്യപ്രധര്ഷണമ് ॥ 10 ॥
തന്നിമിത്തമിദംവൈരംരാവണേനകൃതംമഹത് ।
വധായസീതാസാസീതാദശഗ്രീവേണരക്ഷസാ ॥ 11 ॥
ന ച സീതാംദശഗ്രീവഃപ്രാപ്നോതിജനകാത്മജാമ് ।
ബദ്ധംബലവതാവൈരമക്ഷയംരാഘവേണ ച ॥ 12 ॥
വൈദേഹീംപ്രാര്ഥയാനംതംവിരാധംപ്രേക്ഷയരാക്ഷസമ് ।
ഹതമേകേനരാമേണപര്യാപ്തംതന്നിദര്ശനമ് ॥ 13 ॥
ചതുര്ധശസഹസ്രാണിരക്ഷസാംഭീമകര്മണാമ് ।
നിഹതാനിജനസ്ഥാനേശരൈരഗ്നിശിഖോപമൈഃ ॥ 14 ॥
ഖരശ്ചനിഹതഃസംഖ്യേദൂഷണസ്ത്രിശിരാസ്തഥാ ।
ശരൈരാദിതസംകാശൈഃപര്യാപ്തംതന്നിദര്ശനമ് ॥ 15 ॥
ഹതോയോജനബാഹുശ്ചകബംദോരുദിരാശനഃ ।
ക്രോധാന്നാദംനദന് സോഽഥപര്യാപ്തംതന്നിദര്ശനമ് ॥ 16 ॥
ജഘാനബലിനംരാമസ്സഹസ്രനയനാത്മജമ് ।
വാലിനംമേരുസംകാശംപര്യാപ്തംതന്നിദര്ശനമ് ॥ 17 ॥
ഋഷ്യമൂകേവസംശ്ചൈവദീനോഭഗ്നമനോരഥഃ ।
സുഗ്രീവഃപ്രാപിതോരാജ്യംപര്യാപ്തംതന്നിദര്ശനമ് ॥ 18 ॥
ധര്മാര്ഥസഹിതംവാക്യംസർവേഷാംരക്ഷസാംഹിതമ് ।
യുക്തംവിഭീഷണേനോക്തംമോഹത്തസ്യ ന രോചതേ ॥ 19 ॥
വിഭീഷണവചഃകുര്യാദ്യദിസ്മധനദാനുജഃ ।
ശ്മശാനഭൂതാദുഃഖാര്താനേയംലംകാഭവിഷ്യതി ॥ 20 ॥
കുംഭകര്ണംഹതംശ്രുത്വാരാഘവേണമഹാബലമ് ।
അതികായം ച ദുര്മര്ഷംലക്ഷ്മണേനഹതംതദാ ॥ 21 ॥
പ്രിയംചേംദ്രജിതംപുത്രംരാവണോനാവബുധ്യതേ ।
മമപുത്രോമമഭ്രാതാമമഭര്താരണേഹതഃ ॥ 22 ॥
ഇത്യേഷശ്രൂയതേശബ്ദോരാക്ഷസീനാംകുലേകുലേ ।
രഥശ്ചാശ്വാശ്ചനാഗാശ്ചഹതാഃശതസഹസ്രശഃ ॥ 23 ॥
രണേരാമേണശൂരേണഹതാശ്ചാപിപദാതയഃ ।
രുദ്രോവായദിവാവിഷ്ണുര്മഹേംദ്രോവാശതക്രതുഃ ॥ 24 ॥
ഹംതിനോരാമരൂപേണയദിവാസ്വയമംതകഃ ।
ഹതപ്രവീരാരാമേണനിരാശാജീവിതേവയമ് ॥ 25 ॥
അപശ്യ്നത്യോഭയസ്യാംതമനാഥാവിലപാമഹേ ।
രാമഹസ്താദ്ധശഗ്രീവശ്ശൂരോദത്തമഹാവരഃ ॥ 26 ॥
ഇദംഭയംമഹാഘോരംസമുത്പന്നം ന ബുധ്യതേ ।
തം ന ദേവാ ന ഗംധർവാ ന പിശാചാ ന രാക്ഷസാഃ ॥ 27 ॥
ഉപസൃഷ്ടംപരിത്രാതുംശക്താരാമേണസമ്യുഗേ ।
ത്പതാശ്ചാപിദൃശ്യംതേരാവണസ്യരണേരണേ ॥ 28 ॥
കഥയംതിഹിരാമേണരാവണസ്യനിബര്ഹണമ് ।
പിതാമഹേനപ്രീതേനദേവദാനവരാക്ഷസൈഃ ॥ 29 ॥
രാവണസ്യാഭയംദത്തംമനുഷ്യേഭ്യോ ന യാചിതമ് ।
തദിദംമാനുഷംമന്യേപ്രാപ്തംനിഃസംശയംഭയമ് ॥ 30 ॥
ജീവിതാംതകംഘോരംരക്ഷസാംരാവണസ്യ ച ।
പീഡ്യമാനാസ്തുബലിനാവരദാനേനരക്ഷസാ ॥ 31 ॥
ദീപ്സ്സൈസ്തപോഭിർവിബുധാഃപിതാമഹമപൂജയന് ।
ദേവതാനാംഹിതാര്ഥായമഹാത്മാവൈപിതാമഹഃ ॥ 32 ॥
ഉവാചദേവതാഃസർവാഇദംതുഷ്ടോമഹദ്വചഃ ।
അദ്യപ്രഭൃതിലോകാംസ്ത്രീന് സർവേദാനവരാക്ഷസാഃ ॥ 33 ॥
ഭയേനപ്രാവൃതാനിത്യംവിചരിഷ്യംതിശാശ്വതമ് ।
ദൈവതൈസ്തുസമാഗമ്യസർവൈശ്ചേംദ്രപുരോഗമൈഃ ॥ 34 ॥
വൃഷധ്വജസ്ത്രിപുരഹാമഹാദേവഃപ്രസാദിതഃ ।
പ്രസന്നസ്തുമഹാദേവോദേവാനേതദ്വചോഽബ്രവീത് ॥ 35 ॥
ഉത്പത്സ്യതിഹിതാര്ഥംവോനാരീരക്ഷഃക്ഷയാവഹാ ।
ഏഷാദേവൈഃപ്രയുക്താതുക്ഷുദ്യഥാദാനവാന് പുരാ ॥ 36 ॥
ഭക്ഷയിഷ്യതിനഃസീതാരാക്ഷസഘ്നീസരാവണാന് ।
രാവണസ്യാപനീതേനദുർവിനീതസ്യദുര്മതേഃ ॥ 37 ॥
അയംനിഷ്ടാനകോഘോരംശോകേനസമഭിപ്ലുതഃ ।
തംന പശ്യാമഹേലോകേയോനഃശരണദോഭവേത് ॥ 38 ॥
രാഘവേണോപസൃഷ്ടാനാം കാലേനേവ യുഗക്ഷയേ ।
നാസ്തിനഃശരണംകശ്ചിദ്ഭയേമഹതിതിഷ്ഠതാമ് ॥ 39 ॥
ദാവാഗ്നിവേഷ്ടിതാനാംഹികരേണൂനാംയഥാവനേ ।
പ്രാപ്തകാലംകൃതംതേനപൌലസ്ത്യേനമഹാത്മനാ ॥ 40 ॥
യതഏവംഭയംദൃഷ്ടംതമേവശരണംഗതഃ ।
ഇതീവസർവാരജനീചരസ്ത്രിയഃപരസ്പരംസംപരിരഭ്യബാഹുഭിഃ ।
വിഷേദുരാര്താതിഭയാഭിപീഡിതാവിനേദുരുച്ചൈശ്ചതദാസുദാരുണമ് ॥ 41 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചനവതിതമസ്സര്ഗഃ ॥
