ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚନଵତିତମସ୍ସର୍ଗଃ ।
ତାନିତାନିସହସ୍ରାଣିସାରୋହାଣାଂ ଚ ଵାଜିନାମ୍ ।
ରଥାନାଂତ୍ଵଗ୍ନିଵର୍ଣାନାଂସଧ୍ଵଜାନାଂସହସ୍ରଶଃ ॥ 1 ॥
ରାକ୍ଷସାନାଂସହସ୍ରାଣିଗଦାପରିଘୟୋଧିନାମ୍ ।
କାଂଚନଧ୍ଵଜଚିତ୍ରାଣାଂଶୂରାଣାଂକାମରୂପିଣାମ୍ ॥ 2 ॥
ନିହତାନିଶରୈର୍ଦୀସ୍ତୀକ୍ଷ୍ଣୈସ୍ତପ୍ତକାଂଚନଭୂଷଣୈଃ ।
ରାଵଣେନପ୍ରୟୁକ୍ତାନିରାମେଣାକ୍ଲିଷ୍ଟକର୍ମଣା ॥ 3 ॥
ଦୃଷ୍ଟଵାଶ୍ରୁତ୍ଵା ଚ ସଂଭ୍ରାଂତାହତଶେଷାନିଶାଚରାଃ ।
ରାକ୍ଷସୀଶ୍ଚସମାଗମ୍ୟଦୀନାଶ୍ଚିଂତାପରିପ୍ଲୁତାଃ ॥ 4 ॥
ଵିଧଵାହତପୁତ୍ରାଶ୍ଚକ୍ରୋଶଂତ୍ୟୋହତବାଂଦଵାଃ ।
ରାକ୍ଷସ୍ୟଃସହସଂଗମ୍ୟଦୁଃଖାର୍ତାଃପର୍ୟଦେଵୟନ୍ ॥ 5 ॥
କଥଂଶୂର୍ପଣଖାଵୃଦ୍ଧାକରାଲାନିର୍ଣତୋଦରୀ ।
ଆସସାଦଵନେରାମଂକଂଦର୍ପମିଵରୂପିଣମ୍ ॥ 6 ॥
ସୁକୁମାରଂମହାସତ୍ତ୍ଵଂସର୍ଵଭୂତହିତେରତମ୍ ।
ତଂଦୃଷ୍ଟଵାଲୋକନିଂଦ୍ୟାସାହୀନରୂପାପ୍ରକାମିତା ॥ 7 ॥
କଥଂସର୍ଵଗୁଣୈର୍ହୀନାଗୁଣଵଂତଂମହୌଜସମ୍ ।
ସୁମୁଖଂଦୁର୍ମୁଖୀରାମଂକାମୟାମାସରାକ୍ଷସୀ ॥ 8 ॥
ଜନସ୍ୟାସ୍ୟାଲ୍ପଭାଗ୍ୟତ୍ଵାଦ୍ଵଲିନୀଶ୍ଵେତମୂର୍ଧଜା ।
ଅକାର୍ୟମପହାସ୍ୟଂ ଚ ସର୍ଵଲୋକଵିଗର୍ହିତମ୍ ॥ 9 ॥
ରାକ୍ଷସାନାଂଵିନାଶାୟଦୂଷଣସ୍ୟଖରସ୍ୟ ଚ ।
ଚକାରାପ୍ରତିରୂପାସାରାଘଵସ୍ୟପ୍ରଧର୍ଷଣମ୍ ॥ 10 ॥
ତନ୍ନିମିତ୍ତମିଦଂଵୈରଂରାଵଣେନକୃତଂମହତ୍ ।
ଵଧାୟସୀତାସାସୀତାଦଶଗ୍ରୀଵେଣରକ୍ଷସା ॥ 11 ॥
ନ ଚ ସୀତାଂଦଶଗ୍ରୀଵଃପ୍ରାପ୍ନୋତିଜନକାତ୍ମଜାମ୍ ।
ବଦ୍ଧଂବଲଵତାଵୈରମକ୍ଷୟଂରାଘଵେଣ ଚ ॥ 12 ॥
ଵୈଦେହୀଂପ୍ରାର୍ଥୟାନଂତଂଵିରାଧଂପ୍ରେକ୍ଷୟରାକ୍ଷସମ୍ ।
ହତମେକେନରାମେଣପର୍ୟାପ୍ତଂତନ୍ନିଦର୍ଶନମ୍ ॥ 13 ॥
ଚତୁର୍ଧଶସହସ୍ରାଣିରକ୍ଷସାଂଭୀମକର୍ମଣାମ୍ ।
ନିହତାନିଜନସ୍ଥାନେଶରୈରଗ୍ନିଶିଖୋପମୈଃ ॥ 14 ॥
ଖରଶ୍ଚନିହତଃସଂଖ୍ୟେଦୂଷଣସ୍ତ୍ରିଶିରାସ୍ତଥା ।
ଶରୈରାଦିତସଂକାଶୈଃପର୍ୟାପ୍ତଂତନ୍ନିଦର୍ଶନମ୍ ॥ 15 ॥
ହତୋୟୋଜନବାହୁଶ୍ଚକବଂଦୋରୁଦିରାଶନଃ ।
କ୍ରୋଧାନ୍ନାଦଂନଦନ୍ ସୋଽଥପର୍ୟାପ୍ତଂତନ୍ନିଦର୍ଶନମ୍ ॥ 16 ॥
ଜଘାନବଲିନଂରାମସ୍ସହସ୍ରନୟନାତ୍ମଜମ୍ ।
ଵାଲିନଂମେରୁସଂକାଶଂପର୍ୟାପ୍ତଂତନ୍ନିଦର୍ଶନମ୍ ॥ 17 ॥
ଋଷ୍ୟମୂକେଵସଂଶ୍ଚୈଵଦୀନୋଭଗ୍ନମନୋରଥଃ ।
ସୁଗ୍ରୀଵଃପ୍ରାପିତୋରାଜ୍ୟଂପର୍ୟାପ୍ତଂତନ୍ନିଦର୍ଶନମ୍ ॥ 18 ॥
ଧର୍ମାର୍ଥସହିତଂଵାକ୍ୟଂସର୍ଵେଷାଂରକ୍ଷସାଂହିତମ୍ ।
ୟୁକ୍ତଂଵିଭୀଷଣେନୋକ୍ତଂମୋହତ୍ତସ୍ୟ ନ ରୋଚତେ ॥ 19 ॥
ଵିଭୀଷଣଵଚଃକୁର୍ୟାଦ୍ୟଦିସ୍ମଧନଦାନୁଜଃ ।
ଶ୍ମଶାନଭୂତାଦୁଃଖାର୍ତାନେୟଂଲଂକାଭଵିଷ୍ୟତି ॥ 20 ॥
କୁଂଭକର୍ଣଂହତଂଶ୍ରୁତ୍ଵାରାଘଵେଣମହାବଲମ୍ ।
ଅତିକାୟଂ ଚ ଦୁର୍ମର୍ଷଂଲକ୍ଷ୍ମଣେନହତଂତଦା ॥ 21 ॥
ପ୍ରିୟଂଚେଂଦ୍ରଜିତଂପୁତ୍ରଂରାଵଣୋନାଵବୁଧ୍ୟତେ ।
ମମପୁତ୍ରୋମମଭ୍ରାତାମମଭର୍ତାରଣେହତଃ ॥ 22 ॥
ଇତ୍ୟେଷଶ୍ରୂୟତେଶବ୍ଦୋରାକ୍ଷସୀନାଂକୁଲେକୁଲେ ।
ରଥଶ୍ଚାଶ୍ଵାଶ୍ଚନାଗାଶ୍ଚହତାଃଶତସହସ୍ରଶଃ ॥ 23 ॥
ରଣେରାମେଣଶୂରେଣହତାଶ୍ଚାପିପଦାତୟଃ ।
ରୁଦ୍ରୋଵାୟଦିଵାଵିଷ୍ଣୁର୍ମହେଂଦ୍ରୋଵାଶତକ୍ରତୁଃ ॥ 24 ॥
ହଂତିନୋରାମରୂପେଣୟଦିଵାସ୍ଵୟମଂତକଃ ।
ହତପ୍ରଵୀରାରାମେଣନିରାଶାଜୀଵିତେଵୟମ୍ ॥ 25 ॥
ଅପଶ୍ୟ୍ନତ୍ୟୋଭୟସ୍ୟାଂତମନାଥାଵିଲପାମହେ ।
ରାମହସ୍ତାଦ୍ଧଶଗ୍ରୀଵଶ୍ଶୂରୋଦତ୍ତମହାଵରଃ ॥ 26 ॥
ଇଦଂଭୟଂମହାଘୋରଂସମୁତ୍ପନ୍ନଂ ନ ବୁଧ୍ୟତେ ।
ତଂ ନ ଦେଵା ନ ଗଂଧର୍ଵା ନ ପିଶାଚା ନ ରାକ୍ଷସାଃ ॥ 27 ॥
ଉପସୃଷ୍ଟଂପରିତ୍ରାତୁଂଶକ୍ତାରାମେଣସମ୍ୟୁଗେ ।
ତ୍ପତାଶ୍ଚାପିଦୃଶ୍ୟଂତେରାଵଣସ୍ୟରଣେରଣେ ॥ 28 ॥
କଥୟଂତିହିରାମେଣରାଵଣସ୍ୟନିବର୍ହଣମ୍ ।
ପିତାମହେନପ୍ରୀତେନଦେଵଦାନଵରାକ୍ଷସୈଃ ॥ 29 ॥
ରାଵଣସ୍ୟାଭୟଂଦତ୍ତଂମନୁଷ୍ୟେଭ୍ୟୋ ନ ୟାଚିତମ୍ ।
ତଦିଦଂମାନୁଷଂମନ୍ୟେପ୍ରାପ୍ତଂନିଃସଂଶୟଂଭୟମ୍ ॥ 30 ॥
ଜୀଵିତାଂତକଂଘୋରଂରକ୍ଷସାଂରାଵଣସ୍ୟ ଚ ।
ପୀଡ୍ୟମାନାସ୍ତୁବଲିନାଵରଦାନେନରକ୍ଷସା ॥ 31 ॥
ଦୀପ୍ସ୍ସୈସ୍ତପୋଭିର୍ଵିବୁଧାଃପିତାମହମପୂଜୟନ୍ ।
ଦେଵତାନାଂହିତାର୍ଥାୟମହାତ୍ମାଵୈପିତାମହଃ ॥ 32 ॥
ଉଵାଚଦେଵତାଃସର୍ଵାଇଦଂତୁଷ୍ଟୋମହଦ୍ଵଚଃ ।
ଅଦ୍ୟପ୍ରଭୃତିଲୋକାଂସ୍ତ୍ରୀନ୍ ସର୍ଵେଦାନଵରାକ୍ଷସାଃ ॥ 33 ॥
ଭୟେନପ୍ରାଵୃତାନିତ୍ୟଂଵିଚରିଷ୍ୟଂତିଶାଶ୍ଵତମ୍ ।
ଦୈଵତୈସ୍ତୁସମାଗମ୍ୟସର୍ଵୈଶ୍ଚେଂଦ୍ରପୁରୋଗମୈଃ ॥ 34 ॥
ଵୃଷଧ୍ଵଜସ୍ତ୍ରିପୁରହାମହାଦେଵଃପ୍ରସାଦିତଃ ।
ପ୍ରସନ୍ନସ୍ତୁମହାଦେଵୋଦେଵାନେତଦ୍ଵଚୋଽବ୍ରଵୀତ୍ ॥ 35 ॥
ଉତ୍ପତ୍ସ୍ୟତିହିତାର୍ଥଂଵୋନାରୀରକ୍ଷଃକ୍ଷୟାଵହା ।
ଏଷାଦେଵୈଃପ୍ରୟୁକ୍ତାତୁକ୍ଷୁଦ୍ୟଥାଦାନଵାନ୍ ପୁରା ॥ 36 ॥
ଭକ୍ଷୟିଷ୍ୟତିନଃସୀତାରାକ୍ଷସଘ୍ନୀସରାଵଣାନ୍ ।
ରାଵଣସ୍ୟାପନୀତେନଦୁର୍ଵିନୀତସ୍ୟଦୁର୍ମତେଃ ॥ 37 ॥
ଅୟଂନିଷ୍ଟାନକୋଘୋରଂଶୋକେନସମଭିପ୍ଲୁତଃ ।
ତଂନ ପଶ୍ୟାମହେଲୋକେୟୋନଃଶରଣଦୋଭଵେତ୍ ॥ 38 ॥
ରାଘଵେଣୋପସୃଷ୍ଟାନାଂ କାଲେନେଵ ୟୁଗକ୍ଷୟେ ।
ନାସ୍ତିନଃଶରଣଂକଶ୍ଚିଦ୍ଭୟେମହତିତିଷ୍ଠତାମ୍ ॥ 39 ॥
ଦାଵାଗ୍ନିଵେଷ୍ଟିତାନାଂହିକରେଣୂନାଂୟଥାଵନେ ।
ପ୍ରାପ୍ତକାଲଂକୃତଂତେନପୌଲସ୍ତ୍ୟେନମହାତ୍ମନା ॥ 40 ॥
ୟତଏଵଂଭୟଂଦୃଷ୍ଟଂତମେଵଶରଣଂଗତଃ ।
ଇତୀଵସର୍ଵାରଜନୀଚରସ୍ତ୍ରିୟଃପରସ୍ପରଂସଂପରିରଭ୍ୟବାହୁଭିଃ ।
ଵିଷେଦୁରାର୍ତାତିଭୟାଭିପୀଡିତାଵିନେଦୁରୁଚ୍ଚୈଶ୍ଚତଦାସୁଦାରୁଣମ୍ ॥ 41 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚନଵତିତମସ୍ସର୍ଗଃ ॥
