śrīmadvālmīkīya rāmāyaṇē yuddhakāṇḍam ।
atha pañchanavatitamassargaḥ ।
tānitānisahasrāṇisārōhāṇāṃ cha vājinām ।
rathānāntvagnivarṇānāṃsadhvajānāṃsahasraśaḥ ॥ 1 ॥
rākṣasānāṃsahasrāṇigadāparighayōdhinām ।
kāñchanadhvajachitrāṇāṃśūrāṇāṅkāmarūpiṇām ॥ 2 ॥
nihatāniśarairdīstīkṣṇaistaptakāñchanabhūṣaṇaiḥ ।
rāvaṇēnaprayuktānirāmēṇākliṣṭakarmaṇā ॥ 3 ॥
dṛṣṭavāśrutvā cha sambhrāntāhataśēṣāniśācharāḥ ।
rākṣasīśchasamāgamyadīnāśchintāpariplutāḥ ॥ 4 ॥
vidhavāhataputrāśchakrōśantyōhatabāndavāḥ ।
rākṣasyaḥsahasaṅgamyaduḥkhārtāḥparyadēvayan ॥ 5 ॥
kathaṃśūrpaṇakhāvṛddhākarālānirṇatōdarī ।
āsasādavanērāmaṅkandarpamivarūpiṇam ॥ 6 ॥
sukumārammahāsattvaṃsarvabhūtahitēratam ।
tandṛṣṭavālōkanindyāsāhīnarūpāprakāmitā ॥ 7 ॥
kathaṃsarvaguṇairhīnāguṇavantammahaujasam ।
sumukhandurmukhīrāmaṅkāmayāmāsarākṣasī ॥ 8 ॥
janasyāsyālpabhāgyatvādvalinīśvētamūrdhajā ।
akāryamapahāsyaṃ cha sarvalōkavigarhitam ॥ 9 ॥
rākṣasānāṃvināśāyadūṣaṇasyakharasya cha ।
chakārāpratirūpāsārāghavasyapradharṣaṇam ॥ 10 ॥
tannimittamidaṃvairaṃrāvaṇēnakṛtammahat ।
vadhāyasītāsāsītādaśagrīvēṇarakṣasā ॥ 11 ॥
na cha sītāndaśagrīvaḥprāpnōtijanakātmajām ।
baddhambalavatāvairamakṣayaṃrāghavēṇa cha ॥ 12 ॥
vaidēhīmprārthayānantaṃvirādhamprēkṣayarākṣasam ।
hatamēkēnarāmēṇaparyāptantannidarśanam ॥ 13 ॥
chaturdhaśasahasrāṇirakṣasāmbhīmakarmaṇām ।
nihatānijanasthānēśarairagniśikhōpamaiḥ ॥ 14 ॥
kharaśchanihataḥsaṅkhyēdūṣaṇastriśirāstathā ।
śarairāditasaṅkāśaiḥparyāptantannidarśanam ॥ 15 ॥
hatōyōjanabāhuśchakabandōrudirāśanaḥ ।
krōdhānnādannadan sō'thaparyāptantannidarśanam ॥ 16 ॥
jaghānabalinaṃrāmassahasranayanātmajam ।
vālinammērusaṅkāśamparyāptantannidarśanam ॥ 17 ॥
ṛṣyamūkēvasaṃśchaivadīnōbhagnamanōrathaḥ ।
sugrīvaḥprāpitōrājyamparyāptantannidarśanam ॥ 18 ॥
dharmārthasahitaṃvākyaṃsarvēṣāṃrakṣasāṃhitam ।
yuktaṃvibhīṣaṇēnōktammōhattasya na rōchatē ॥ 19 ॥
vibhīṣaṇavachaḥkuryādyadismadhanadānujaḥ ।
śmaśānabhūtāduḥkhārtānēyaṃlaṅkābhaviṣyati ॥ 20 ॥
kumbhakarṇaṃhataṃśrutvārāghavēṇamahābalam ।
atikāyaṃ cha durmarṣaṃlakṣmaṇēnahatantadā ॥ 21 ॥
priyañchēndrajitamputraṃrāvaṇōnāvabudhyatē ।
mamaputrōmamabhrātāmamabhartāraṇēhataḥ ॥ 22 ॥
ityēṣaśrūyatēśabdōrākṣasīnāṅkulēkulē ।
rathaśchāśvāśchanāgāśchahatāḥśatasahasraśaḥ ॥ 23 ॥
raṇērāmēṇaśūrēṇahatāśchāpipadātayaḥ ।
rudrōvāyadivāviṣṇurmahēndrōvāśatakratuḥ ॥ 24 ॥
hantinōrāmarūpēṇayadivāsvayamantakaḥ ।
hatapravīrārāmēṇanirāśājīvitēvayam ॥ 25 ॥
apaśynatyōbhayasyāntamanāthāvilapāmahē ।
rāmahastāddhaśagrīvaśśūrōdattamahāvaraḥ ॥ 26 ॥
idambhayammahāghōraṃsamutpannaṃ na budhyatē ।
taṃ na dēvā na gandharvā na piśāchā na rākṣasāḥ ॥ 27 ॥
upasṛṣṭamparitrātuṃśaktārāmēṇasamyugē ।
tpatāśchāpidṛśyantērāvaṇasyaraṇēraṇē ॥ 28 ॥
kathayantihirāmēṇarāvaṇasyanibarhaṇam ।
pitāmahēnaprītēnadēvadānavarākṣasaiḥ ॥ 29 ॥
rāvaṇasyābhayandattammanuṣyēbhyō na yāchitam ।
tadidammānuṣammanyēprāptanniḥsaṃśayambhayam ॥ 30 ॥
jīvitāntakaṅghōraṃrakṣasāṃrāvaṇasya cha ।
pīḍyamānāstubalināvaradānēnarakṣasā ॥ 31 ॥
dīpssaistapōbhirvibudhāḥpitāmahamapūjayan ।
dēvatānāṃhitārthāyamahātmāvaipitāmahaḥ ॥ 32 ॥
uvāchadēvatāḥsarvāidantuṣṭōmahadvachaḥ ।
adyaprabhṛtilōkāṃstrīn sarvēdānavarākṣasāḥ ॥ 33 ॥
bhayēnaprāvṛtānityaṃvichariṣyantiśāśvatam ।
daivataistusamāgamyasarvaiśchēndrapurōgamaiḥ ॥ 34 ॥
vṛṣadhvajastripurahāmahādēvaḥprasāditaḥ ।
prasannastumahādēvōdēvānētadvachō'bravīt ॥ 35 ॥
utpatsyatihitārthaṃvōnārīrakṣaḥkṣayāvahā ।
ēṣādēvaiḥprayuktātukṣudyathādānavān purā ॥ 36 ॥
bhakṣayiṣyatinaḥsītārākṣasaghnīsarāvaṇān ।
rāvaṇasyāpanītēnadurvinītasyadurmatēḥ ॥ 37 ॥
ayanniṣṭānakōghōraṃśōkēnasamabhiplutaḥ ।
tanna paśyāmahēlōkēyōnaḥśaraṇadōbhavēt ॥ 38 ॥
rāghavēṇōpasṛṣṭānāṃ kālēnēva yugakṣayē ।
nāstinaḥśaraṇaṅkaśchidbhayēmahatitiṣṭhatām ॥ 39 ॥
dāvāgnivēṣṭitānāṃhikarēṇūnāṃyathāvanē ।
prāptakālaṅkṛtantēnapaulastyēnamahātmanā ॥ 40 ॥
yataēvambhayandṛṣṭantamēvaśaraṇaṅgataḥ ।
itīvasarvārajanīcharastriyaḥparasparaṃsamparirabhyabāhubhiḥ ।
viṣēdurārtātibhayābhipīḍitāvinēduruchchaiśchatadāsudāruṇam ॥ 41 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchanavatitamassargaḥ ॥
