śrīmadvālmīkīya rāmāyaṇē yuddhakāṇḍam ।
atha ēkādhikaśatatamassargaḥ ।
tasminpratihatē'strēturāvaṇōrākṣasādhipaḥ ।
krōdhaṃ cha dviguṇañchakrēkrōdhāchchāstramanantaram ॥ 1 ॥
mayēnavihitaṃraudramanyadastrammahādyutiḥ ।
utsṛṣṭuṃrāvaṇōbhīmaṃrāghavāyaprachakramē ॥ 2 ॥
tataḥśūlāniniśchērurgadāśchamusalāni cha ।
kārmukāddīpyamānānivajrasārāṇisarvaśaḥ ॥ 3 ॥
mudgarāḥkūṭapāśāśchadīptāśchāśanayastathā ।
niṣpēturvividhāstīkṣṇāvātāivayugakṣayē ॥ 4 ॥
tadastraṃrāghavśrīmānuttamāstravidāṃvaraḥ ।
jaghānaparamāstraṇagāndharvēṇamahādyutiḥ ॥ 5 ॥
tasminpratihatē'turāghavēṇamahātmanā ।
rāvaṇaḥkrōdhātāmrākṣassauramastramudairayat ॥ 6 ॥
tataśchakrāṇiniṣpēturbhāsvarāṇimahānti cha ।
kārmukādbhīmavēgasyadaśagrīvasyadhīmataḥ ॥ 7 ॥
tairāsīdgaganandīptaṃsantatadbhiḥritastataḥ ।
patadbhiśchadiśōdīptāśchandrasūryagrahairiva ॥ 8 ॥
tānichichChēdabāṇaughaiśchakrāṇitu sa rāghavaḥ ।
āyudhāni cha chitrāṇirāvaṇasyachamūmukhē ॥ 9 ॥
tadastrantuhatandṛṣṭavārāvaṇōrākṣasādhipaḥ ।
vivyāthadaśabhirbāṇairāmaṃsarvēṣumarmasu ॥ 10 ॥
sa viddhōdaśabhirbāṇairmahākārmukanissṛtaiḥ ।
rāvaṇēnamahātējā na prākampatarāghavaḥ ॥ 11 ॥
tatōvivyāthagātrēṣusarvēṣusamitiñjayaḥ ।
rāghavastususaṅkruddhōrāvaṇambahubhiśśaraiḥ ॥ 12 ॥
ētasminnantarēkruddhōrāghavasyānujōbalī ।
lakṣmaṇaḥsāyakānsaptajagrāhaparavīrahā ॥ 13 ॥
taiḥ ssāyakairmahāvēgairāvaṇasyamahādyuti ।
dhvajammanuṣyaśīrṣantutasyachichChēdanaikadhā ॥ 14 ॥
sāradathēśchāpibāṇēnaśirōjvalitakuṇḍalam ।
jahāralakṣmaṇaḥśrīmānnairṛtasyamahābalaḥ ॥ 15 ॥
tasyabāṇaiśchachichChēdadhanurgajakarōpamam ।
lakṣmaṇōrākṣasēndrasyapañchabhirniśitaistadā ॥ 16 ॥
nīlamēghanibhāṃśchāsyasadaśvān parvatōpamān ।
jaghānāplutyagadayārāvaṇasyavibhīṣaṇaḥ ॥ 17 ॥
hatāśvātttusvōvēgādavaplutyamahārathāt ।
kōpamāhārattīvrambhrātarampratirāvaṇaḥ ॥ 18 ॥
tataśśaktimmahāśaktirdīptārdīptāśanīmiva ।
vibhīṣaṇasyachikṣēparākṣasēndraḥpratāpavān ॥ 19 ॥
aprāptāmēvatāmbāṇaistribhiśchichChēdalakṣmaṇaḥ ।
athōdatiṣṭhatsannādōvānarāṇāmmahāraṇē ॥ 20 ॥
sa papātatridhāChinnāśaktiḥkāñchanamālinī ।
savisphuliṅgājvalitāmahōlkēvadivaśchyutā ॥ 21 ॥
tataḥsambhāvitatarāṅkālēnāpidurāsadām ।
jagrāhavipulāṃśaktindīpyamānāṃsvatējasā ॥ 22 ॥
sāvēgitābalavatārāvaṇēnadurātmanā ।
jajvālasumahātējādīptāśanisamaprabhā ॥ 23 ॥
ētasminnantarēvīrōlakṣmaṇastaṃvibhīṣaṇam ।
prāṇasaṃśayamāpannantūrṇamabhyavapadyata ॥ 24 ॥
taṃvimōkṣayituṃvīraśchāpamāyamyalakṣmaṇaḥ ।
rāvaṇaṃśaktihastaṃvaiśaravarṣairavākirat ॥ 25 ॥
kīryamāṇaśśaraughēṇavisṛṣṭēnamahātmanā ।
na prahartummanaśchakrēvimukhīkṛtavikramaḥ ॥ 26 ॥
mōkṣitambhrātarandṛṣṭavālakṣmaṇēna sa rāvaṇaḥ ।
lakṣmaṇābhimukhastiṣṭhannidaṃvachanamabravīt ॥ 27 ॥
mōkṣitastēbalaślāghinyasmādēvaṃvibhīṣaṇaḥ ।
vimuchyarākṣasaṃśaktistvayīyaṃvinipātyatē ॥ 28 ॥
ēṣātēhṛdayambhittvāśaktirlōhitalakṣaṇā ।
madbhāhuparighōtsṛṣṭāprāṇānādāyayāsyati ॥ 29 ॥
ityēvamuktātāṃśaktimaṣṭaghaṇṭāmmahāsvanām ।
mayēnamāyāvihitāmamōghaṃśatrughātinīm ॥ 30 ॥
lakṣmaṇāyasamuddhiśyajvalantīmivatējasā ।
rāvaṇaḥparamakruddhaśchikṣēpa cha nanāda cha ॥ 31 ॥
sākṣiptābhīmavēgēnavajrāśanisamasvanā ।
śaktirabhyapatadvēgāllakṣmaṇaṃraṇamūrdhani ॥ 32 ॥
tāmanuvyāharachChaktimāpatantīṃ sa rāghavaḥ ।
svastyastulakṣmaṇaāyētimōghābhavahatōdyamā ॥ 33 ॥
rāvaṇēnaraṇēśaktiḥkruddhēnāśīviṣōpamāḥ ।
muktāśūrasyabhītasyalakṣmaṇasyamamajjasā ॥ 34 ॥
nyapatatsāmahāvēgālakṣmaṇasyamahōrasi ।
jihvēvōragarājasyadīpyamānāmahādyutiḥ ॥ 35 ॥
tatōrāvaṇavēgēnasudūramavagāḍhayā ।
śaktyāvibhinnahṛdayaḥpapātabhuvilakṣmaṇaḥ ॥ 36 ॥
tadavasthaṃsamīpasthōlakṣmaṇamprēkṣyarāghavaḥ ।
bhrātṛsnēhānmahātējāviṣaṇṇahṛdayō'bhavat ॥ 37 ॥
kālātyayēna dōṣaḥ syādvaiklabyaṃ cha mahadbhavēt ।
iti sañchintya hanumāngatvā kṣipraṃ mahābalaḥ ॥ 38 ॥
na viṣādasyakālō'yamitisañchintyarāghavaḥ ।
chakrēsutumulaṃyuddhaṃrāvaṇasyavadhēdhṛtaḥ ॥ 39 ॥
sarvayatnēnamahatālakṣmaṇamparivīkṣya cha ।
sadadarśatatōrāmaḥśaktyābhinnammahāhavē ॥ 40 ॥
lakṣmaṇaṃrudhirādigdhaṃsapannagamivāchalam ।
tāmapiprahitāṃśaktiṃrāvaṇēnabalīyasā ॥ 41 ॥
yatnatastēhariśrēṣṭhā na śēkuravamarditum ।
arditāśchaivabāṇaughaistēkṣiprahastēnarakṣasā ॥ 42 ॥
saumitriṃsāvinirbhidyapraviṣṭādharaṇītalam ।
tāṅkarābhyāmparāmṛśyarāmaḥśaktimbhayāvahām ॥ 43 ॥
babhañjasamarēkruddhōbalavānvichakarṣa cha ।
tasyaniṣkarṣataḥśaktiṃrāvaṇēnabalīyasā ॥ 44 ॥
śarāḥsarvēṣugātrēṣupātitāmarmabhēdinaḥ ।
achintayitvātānbāṇānsamālaśiṣya cha lakṣmaṇam ॥ 45 ॥
abravīchchahanūmantaṃsugrīvaṃ cha mahākapim ।
kṣmaṇamparivāryaivatiṣṭhadhvaṃvānarōttamāḥ ॥ 46 ॥
parākramasyakālō'yaṃsamprāptōmēchirēpsitaḥ ।
pāpātmāyandaśagrīvōvadhyatāmpāpaniśchayaḥ ॥ 47 ॥
kāṅkṣitasstōkakasyēvagharmāntēmēghadarśanam ।
asmin muhūrtēnachirātsatyampratiśṛṇōmivaḥ ॥ 48 ॥
arāvaṇamarāmaṃvājagaddhrakṣyathavānarāḥ ।
rājyanāśaṃvanēvāsandaṇḍakēparidhāvanam ॥ 49 ॥
vaidēhyāśchaparāmarśaṃrakṣōbhiśchasamāgamam ।
prāptanduḥkhammahadghōraṅklēśaśchanirayōpamaḥ ॥ 50 ॥
adyasarvamahantyakṣyēnihatvārāvaṇaṃraṇē ।
yadarthaṃvānaraṃsainyaṃsamānītamidammayā ॥ 51 ॥
sugrīvaśchakṛtōrājyēnihatvāvālinaṃraṇē ।
yadarthaṃ sagaraḥkrāntaḥsētuḥrābdhaśchasāgarē ।
sō'yamadyaraṇēpāpaśchakṣurviṣamāgataḥ ॥ 52 ॥
chakṣurviṣayamāgatyanāyañjīvitumarhati ॥ 53 ॥
dṛṣṭindṛṣṭiviṣasyēvasarpasyamamarāvaṇaḥ ।
yathāvāvainatēyasyadṛṣṭimprāptōbhujaṅgamaḥ ॥ 54 ॥
svasthāpaśyatadurdharṣāyuddhaṃvānarapuṅgavāḥ ।
asīnāḥparvatāgrēṣumamēdaṃrāvaṇasya cha ॥ 55 ॥
adyarāmasyarāmatvampaśyantumamasaṃyugē ।
trayōlōkāssagandharvāssadēvāssarṣichāraṇāḥ ॥ 56 ॥
adyakarmakariṣyāmiyallōkāḥsacharācharāḥ ।
sadēvāḥkathayiṣyantiyāvadbhūmirdhariṣyati ॥ 57 ॥
samāgamyasadālōkēyathāyuddhampravartitam ।
ēvamuktvāśitairbāṇaistaptakāñchanabhūṣaṇaiḥ ॥ 58 ॥
ājaghānaraṇērāmōdaśagrīvaṃsamāhitaḥ ।
athapradīptairnārāchairmusalaiśchāpirāvaṇaḥ ॥ 59 ॥
abhyavarṣattadārāmandhārābhirivatōyadaḥ ।
rāmarāvaṇamuktānāmanyōnyamabhinighnatām ॥ 60 ॥
śarāṇāṃ cha śarāṇāṃ cha babhūvatumulaḥsvanaḥ ।
tēbhinnāśchavikīrṇāścharāmarāvaṇayōḥśarāḥ ॥ 61 ॥
antarikṣātpradīptāgrānipēturdharaṇītalē ।
tayōrjyātalanirghōṣārāmarāvaṇayōrmahān ॥ 62 ॥
trāsanaḥsarvabhūtānāmbabhūvādbhutadarśanaḥ ।
sakīryamāṇaśśarajālavṛṣṭibhirmahātmanādīptadhanuṣmatārditaḥ ।
bhayātpradudrāvasamētyarāvaṇōyathāvilēnābhihatōbalāhakaḥ ॥ 63 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkādhikaśatatamassargaḥ ॥
