ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକାଧିକଶତତମସ୍ସର୍ଗଃ ।
ତସ୍ମିନ୍ପ୍ରତିହତେଽସ୍ତ୍ରେତୁରାଵଣୋରାକ୍ଷସାଧିପଃ ।
କ୍ରୋଧଂ ଚ ଦ୍ଵିଗୁଣଂଚକ୍ରେକ୍ରୋଧାଚ୍ଚାସ୍ତ୍ରମନଂତରମ୍ ॥ 1 ॥
ମୟେନଵିହିତଂରୌଦ୍ରମନ୍ୟଦସ୍ତ୍ରଂମହାଦ୍ୟୁତିଃ ।
ଉତ୍ସୃଷ୍ଟୁଂରାଵଣୋଭୀମଂରାଘଵାୟପ୍ରଚକ୍ରମେ ॥ 2 ॥
ତତଃଶୂଲାନିନିଶ୍ଚେରୁର୍ଗଦାଶ୍ଚମୁସଲାନି ଚ ।
କାର୍ମୁକାଦ୍ଦୀପ୍ୟମାନାନିଵଜ୍ରସାରାଣିସର୍ଵଶଃ ॥ 3 ॥
ମୁଦ୍ଗରାଃକୂଟପାଶାଶ୍ଚଦୀପ୍ତାଶ୍ଚାଶନୟସ୍ତଥା ।
ନିଷ୍ପେତୁର୍ଵିଵିଧାସ୍ତୀକ୍ଷ୍ଣାଵାତାଇଵୟୁଗକ୍ଷୟେ ॥ 4 ॥
ତଦସ୍ତ୍ରଂରାଘଵ୍ଶ୍ରୀମାନୁତ୍ତମାସ୍ତ୍ରଵିଦାଂଵରଃ ।
ଜଘାନପରମାସ୍ତ୍ରଣଗାଂଧର୍ଵେଣମହାଦ୍ୟୁତିଃ ॥ 5 ॥
ତସ୍ମିନ୍ପ୍ରତିହତେଽତୁରାଘଵେଣମହାତ୍ମନା ।
ରାଵଣଃକ୍ରୋଧାତାମ୍ରାକ୍ଷସ୍ସୌରମସ୍ତ୍ରମୁଦୈରୟତ୍ ॥ 6 ॥
ତତଶ୍ଚକ୍ରାଣିନିଷ୍ପେତୁର୍ଭାସ୍ଵରାଣିମହାଂତି ଚ ।
କାର୍ମୁକାଦ୍ଭୀମଵେଗସ୍ୟଦଶଗ୍ରୀଵସ୍ୟଧୀମତଃ ॥ 7 ॥
ତୈରାସୀଦ୍ଗଗନଂଦୀପ୍ତଂସଂତତଦ୍ଭିଃରିତସ୍ତତଃ ।
ପତଦ୍ଭିଶ୍ଚଦିଶୋଦୀପ୍ତାଶ୍ଚଂଦ୍ରସୂର୍ୟଗ୍ରହୈରିଵ ॥ 8 ॥
ତାନିଚିଚ୍ଛେଦବାଣୌଘୈଶ୍ଚକ୍ରାଣିତୁ ସ ରାଘଵଃ ।
ଆୟୁଧାନି ଚ ଚିତ୍ରାଣିରାଵଣସ୍ୟଚମୂମୁଖେ ॥ 9 ॥
ତଦସ୍ତ୍ରଂତୁହତଂଦୃଷ୍ଟଵାରାଵଣୋରାକ୍ଷସାଧିପଃ ।
ଵିଵ୍ୟାଥଦଶଭିର୍ବାଣୈରାମଂସର୍ଵେଷୁମର୍ମସୁ ॥ 10 ॥
ସ ଵିଦ୍ଧୋଦଶଭିର୍ବାଣୈର୍ମହାକାର୍ମୁକନିସ୍ସୃତୈଃ ।
ରାଵଣେନମହାତେଜା ନ ପ୍ରାକଂପତରାଘଵଃ ॥ 11 ॥
ତତୋଵିଵ୍ୟାଥଗାତ୍ରେଷୁସର୍ଵେଷୁସମିତିଂଜୟଃ ।
ରାଘଵସ୍ତୁସୁସଂକ୍ରୁଦ୍ଧୋରାଵଣଂବହୁଭିଶ୍ଶରୈଃ ॥ 12 ॥
ଏତସ୍ମିନ୍ନଂତରେକ୍ରୁଦ୍ଧୋରାଘଵସ୍ୟାନୁଜୋବଲୀ ।
ଲକ୍ଷ୍ମଣଃସାୟକାନ୍ସପ୍ତଜଗ୍ରାହପରଵୀରହା ॥ 13 ॥
ତୈଃ ସ୍ସାୟକୈର୍ମହାଵେଗୈରାଵଣସ୍ୟମହାଦ୍ୟୁତି ।
ଧ୍ଵଜଂମନୁଷ୍ୟଶୀର୍ଷଂତୁତସ୍ୟଚିଚ୍ଛେଦନୈକଧା ॥ 14 ॥
ସାରଦଥେଶ୍ଚାପିବାଣେନଶିରୋଜ୍ଵଲିତକୁଂଡଲମ୍ ।
ଜହାରଲକ୍ଷ୍ମଣଃଶ୍ରୀମାନ୍ନୈରୃତସ୍ୟମହାବଲଃ ॥ 15 ॥
ତସ୍ୟବାଣୈଶ୍ଚଚିଚ୍ଛେଦଧନୁର୍ଗଜକରୋପମମ୍ ।
ଲକ୍ଷ୍ମଣୋରାକ୍ଷସେଂଦ୍ରସ୍ୟପଂଚଭିର୍ନିଶିତୈସ୍ତଦା ॥ 16 ॥
ନୀଲମେଘନିଭାଂଶ୍ଚାସ୍ୟସଦଶ୍ଵାନ୍ ପର୍ଵତୋପମାନ୍ ।
ଜଘାନାପ୍ଲୁତ୍ୟଗଦୟାରାଵଣସ୍ୟଵିଭୀଷଣଃ ॥ 17 ॥
ହତାଶ୍ଵାତ୍ତ୍ତୁସ୍ଵୋଵେଗାଦଵପ୍ଲୁତ୍ୟମହାରଥାତ୍ ।
କୋପମାହାରତ୍ତୀଵ୍ରଂଭ୍ରାତରଂପ୍ରତିରାଵଣଃ ॥ 18 ॥
ତତଶ୍ଶକ୍ତିଂମହାଶକ୍ତିର୍ଦୀପ୍ତାର୍ଦୀପ୍ତାଶନୀମିଵ ।
ଵିଭୀଷଣସ୍ୟଚିକ୍ଷେପରାକ୍ଷସେଂଦ୍ରଃପ୍ରତାପଵାନ୍ ॥ 19 ॥
ଅପ୍ରାପ୍ତାମେଵତାଂବାଣୈସ୍ତ୍ରିଭିଶ୍ଚିଚ୍ଛେଦଲକ୍ଷ୍ମଣଃ ।
ଅଥୋଦତିଷ୍ଠତ୍ସନ୍ନାଦୋଵାନରାଣାଂମହାରଣେ ॥ 20 ॥
ସ ପପାତତ୍ରିଧାଛିନ୍ନାଶକ୍ତିଃକାଂଚନମାଲିନୀ ।
ସଵିସ୍ଫୁଲିଂଗାଜ୍ଵଲିତାମହୋଲ୍କେଵଦିଵଶ୍ଚ୍ୟୁତା ॥ 21 ॥
ତତଃସଂଭାଵିତତରାଂକାଲେନାପିଦୁରାସଦାମ୍ ।
ଜଗ୍ରାହଵିପୁଲାଂଶକ୍ତିଂଦୀପ୍ୟମାନାଂସ୍ଵତେଜସା ॥ 22 ॥
ସାଵେଗିତାବଲଵତାରାଵଣେନଦୁରାତ୍ମନା ।
ଜଜ୍ଵାଲସୁମହାତେଜାଦୀପ୍ତାଶନିସମପ୍ରଭା ॥ 23 ॥
ଏତସ୍ମିନ୍ନଂତରେଵୀରୋଲକ୍ଷ୍ମଣସ୍ତଂଵିଭୀଷଣମ୍ ।
ପ୍ରାଣସଂଶୟମାପନ୍ନଂତୂର୍ଣମଭ୍ୟଵପଦ୍ୟତ ॥ 24 ॥
ତଂଵିମୋକ୍ଷୟିତୁଂଵୀରଶ୍ଚାପମାୟମ୍ୟଲକ୍ଷ୍ମଣଃ ।
ରାଵଣଂଶକ୍ତିହସ୍ତଂଵୈଶରଵର୍ଷୈରଵାକିରତ୍ ॥ 25 ॥
କୀର୍ୟମାଣଶ୍ଶରୌଘେଣଵିସୃଷ୍ଟେନମହାତ୍ମନା ।
ନ ପ୍ରହର୍ତୁଂମନଶ୍ଚକ୍ରେଵିମୁଖୀକୃତଵିକ୍ରମଃ ॥ 26 ॥
ମୋକ୍ଷିତଂଭ୍ରାତରଂଦୃଷ୍ଟଵାଲକ୍ଷ୍ମଣେନ ସ ରାଵଣଃ ।
ଲକ୍ଷ୍ମଣାଭିମୁଖସ୍ତିଷ୍ଠନ୍ନିଦଂଵଚନମବ୍ରଵୀତ୍ ॥ 27 ॥
ମୋକ୍ଷିତସ୍ତେବଲଶ୍ଲାଘିନ୍ୟସ୍ମାଦେଵଂଵିଭୀଷଣଃ ।
ଵିମୁଚ୍ୟରାକ୍ଷସଂଶକ୍ତିସ୍ତ୍ଵୟୀୟଂଵିନିପାତ୍ୟତେ ॥ 28 ॥
ଏଷାତେହୃଦୟଂଭିତ୍ତ୍ଵାଶକ୍ତିର୍ଲୋହିତଲକ୍ଷଣା ।
ମଦ୍ଭାହୁପରିଘୋତ୍ସୃଷ୍ଟାପ୍ରାଣାନାଦାୟୟାସ୍ୟତି ॥ 29 ॥
ଇତ୍ୟେଵମୁକ୍ତାତାଂଶକ୍ତିମଷ୍ଟଘଂଟାଂମହାସ୍ଵନାମ୍ ।
ମୟେନମାୟାଵିହିତାମମୋଘଂଶତ୍ରୁଘାତିନୀମ୍ ॥ 30 ॥
ଲକ୍ଷ୍ମଣାୟସମୁଦ୍ଧିଶ୍ୟଜ୍ଵଲଂତୀମିଵତେଜସା ।
ରାଵଣଃପରମକ୍ରୁଦ୍ଧଶ୍ଚିକ୍ଷେପ ଚ ନନାଦ ଚ ॥ 31 ॥
ସାକ୍ଷିପ୍ତାଭୀମଵେଗେନଵଜ୍ରାଶନିସମସ୍ଵନା ।
ଶକ୍ତିରଭ୍ୟପତଦ୍ଵେଗାଲ୍ଲକ୍ଷ୍ମଣଂରଣମୂର୍ଧନି ॥ 32 ॥
ତାମନୁଵ୍ୟାହରଚ୍ଛକ୍ତିମାପତଂତୀଂ ସ ରାଘଵଃ ।
ସ୍ଵସ୍ତ୍ୟସ୍ତୁଲକ୍ଷ୍ମଣଆୟେତିମୋଘାଭଵହତୋଦ୍ୟମା ॥ 33 ॥
ରାଵଣେନରଣେଶକ୍ତିଃକ୍ରୁଦ୍ଧେନାଶୀଵିଷୋପମାଃ ।
ମୁକ୍ତାଶୂରସ୍ୟଭୀତସ୍ୟଲକ୍ଷ୍ମଣସ୍ୟମମଜ୍ଜସା ॥ 34 ॥
ନ୍ୟପତତ୍ସାମହାଵେଗାଲକ୍ଷ୍ମଣସ୍ୟମହୋରସି ।
ଜିହ୍ଵେଵୋରଗରାଜସ୍ୟଦୀପ୍ୟମାନାମହାଦ୍ୟୁତିଃ ॥ 35 ॥
ତତୋରାଵଣଵେଗେନସୁଦୂରମଵଗାଢୟା ।
ଶକ୍ତ୍ୟାଵିଭିନ୍ନହୃଦୟଃପପାତଭୁଵିଲକ୍ଷ୍ମଣଃ ॥ 36 ॥
ତଦଵସ୍ଥଂସମୀପସ୍ଥୋଲକ୍ଷ୍ମଣଂପ୍ରେକ୍ଷ୍ୟରାଘଵଃ ।
ଭ୍ରାତୃସ୍ନେହାନ୍ମହାତେଜାଵିଷଣ୍ଣହୃଦୟୋଽଭଵତ୍ ॥ 37 ॥
କାଲାତ୍ୟୟେନ ଦୋଷଃ ସ୍ୟାଦ୍ଵୈକ୍ଲବ୍ୟଂ ଚ ମହଦ୍ଭଵେତ୍ ।
ଇତି ସଂଚିଂତ୍ୟ ହନୁମାନ୍ଗତ୍ଵା କ୍ଷିପ୍ରଂ ମହାବଲଃ ॥ 38 ॥
ନ ଵିଷାଦସ୍ୟକାଲୋଽୟମିତିସଂଚିଂତ୍ୟରାଘଵଃ ।
ଚକ୍ରେସୁତୁମୁଲଂୟୁଦ୍ଧଂରାଵଣସ୍ୟଵଧେଧୃତଃ ॥ 39 ॥
ସର୍ଵୟତ୍ନେନମହତାଲକ୍ଷ୍ମଣଂପରିଵୀକ୍ଷ୍ୟ ଚ ।
ସଦଦର୍ଶତତୋରାମଃଶକ୍ତ୍ୟାଭିନ୍ନଂମହାହଵେ ॥ 40 ॥
ଲକ୍ଷ୍ମଣଂରୁଧିରାଦିଗ୍ଧଂସପନ୍ନଗମିଵାଚଲମ୍ ।
ତାମପିପ୍ରହିତାଂଶକ୍ତିଂରାଵଣେନବଲୀୟସା ॥ 41 ॥
ୟତ୍ନତସ୍ତେହରିଶ୍ରେଷ୍ଠା ନ ଶେକୁରଵମର୍ଦିତୁମ୍ ।
ଅର୍ଦିତାଶ୍ଚୈଵବାଣୌଘୈସ୍ତେକ୍ଷିପ୍ରହସ୍ତେନରକ୍ଷସା ॥ 42 ॥
ସୌମିତ୍ରିଂସାଵିନିର୍ଭିଦ୍ୟପ୍ରଵିଷ୍ଟାଧରଣୀତଲମ୍ ।
ତାଂକରାଭ୍ୟାଂପରାମୃଶ୍ୟରାମଃଶକ୍ତିଂଭୟାଵହାମ୍ ॥ 43 ॥
ବଭଂଜସମରେକ୍ରୁଦ୍ଧୋବଲଵାନ୍ଵିଚକର୍ଷ ଚ ।
ତସ୍ୟନିଷ୍କର୍ଷତଃଶକ୍ତିଂରାଵଣେନବଲୀୟସା ॥ 44 ॥
ଶରାଃସର୍ଵେଷୁଗାତ୍ରେଷୁପାତିତାମର୍ମଭେଦିନଃ ।
ଅଚିଂତୟିତ୍ଵାତାନ୍ବାଣାନ୍ସମାଲଶିଷ୍ୟ ଚ ଲକ୍ଷ୍ମଣମ୍ ॥ 45 ॥
ଅବ୍ରଵୀଚ୍ଚହନୂମଂତଂସୁଗ୍ରୀଵଂ ଚ ମହାକପିମ୍ ।
କ୍ଷ୍ମଣଂପରିଵାର୍ୟୈଵତିଷ୍ଠଧ୍ଵଂଵାନରୋତ୍ତମାଃ ॥ 46 ॥
ପରାକ୍ରମସ୍ୟକାଲୋଽୟଂସଂପ୍ରାପ୍ତୋମେଚିରେପ୍ସିତଃ ।
ପାପାତ୍ମାୟଂଦଶଗ୍ରୀଵୋଵଧ୍ୟତାଂପାପନିଶ୍ଚୟଃ ॥ 47 ॥
କାଂକ୍ଷିତସ୍ସ୍ତୋକକସ୍ୟେଵଘର୍ମାଂତେମେଘଦର୍ଶନମ୍ ।
ଅସ୍ମିନ୍ ମୁହୂର୍ତେନଚିରାତ୍ସତ୍ୟଂପ୍ରତିଶୃଣୋମିଵଃ ॥ 48 ॥
ଅରାଵଣମରାମଂଵାଜଗଦ୍ଧ୍ରକ୍ଷ୍ୟଥଵାନରାଃ ।
ରାଜ୍ୟନାଶଂଵନେଵାସଂଦଂଡକେପରିଧାଵନମ୍ ॥ 49 ॥
ଵୈଦେହ୍ୟାଶ୍ଚପରାମର୍ଶଂରକ୍ଷୋଭିଶ୍ଚସମାଗମମ୍ ।
ପ୍ରାପ୍ତଂଦୁଃଖଂମହଦ୍ଘୋରଂକ୍ଲେଶଶ୍ଚନିରୟୋପମଃ ॥ 50 ॥
ଅଦ୍ୟସର୍ଵମହଂତ୍ୟକ୍ଷ୍ୟେନିହତ୍ଵାରାଵଣଂରଣେ ।
ୟଦର୍ଥଂଵାନରଂସୈନ୍ୟଂସମାନୀତମିଦଂମୟା ॥ 51 ॥
ସୁଗ୍ରୀଵଶ୍ଚକୃତୋରାଜ୍ୟେନିହତ୍ଵାଵାଲିନଂରଣେ ।
ୟଦର୍ଥଂ ସଗରଃକ୍ରାଂତଃସେତୁଃରାବ୍ଧଶ୍ଚସାଗରେ ।
ସୋଽୟମଦ୍ୟରଣେପାପଶ୍ଚକ୍ଷୁର୍ଵିଷମାଗତଃ ॥ 52 ॥
ଚକ୍ଷୁର୍ଵିଷୟମାଗତ୍ୟନାୟଂଜୀଵିତୁମର୍ହତି ॥ 53 ॥
ଦୃଷ୍ଟିଂଦୃଷ୍ଟିଵିଷସ୍ୟେଵସର୍ପସ୍ୟମମରାଵଣଃ ।
ୟଥାଵାଵୈନତେୟସ୍ୟଦୃଷ୍ଟିଂପ୍ରାପ୍ତୋଭୁଜଂଗମଃ ॥ 54 ॥
ସ୍ଵସ୍ଥାପଶ୍ୟତଦୁର୍ଧର୍ଷାୟୁଦ୍ଧଂଵାନରପୁଂଗଵାଃ ।
ଅସୀନାଃପର୍ଵତାଗ୍ରେଷୁମମେଦଂରାଵଣସ୍ୟ ଚ ॥ 55 ॥
ଅଦ୍ୟରାମସ୍ୟରାମତ୍ଵଂପଶ୍ୟଂତୁମମସଂୟୁଗେ ।
ତ୍ରୟୋଲୋକାସ୍ସଗଂଧର୍ଵାସ୍ସଦେଵାସ୍ସର୍ଷିଚାରଣାଃ ॥ 56 ॥
ଅଦ୍ୟକର୍ମକରିଷ୍ୟାମିୟଲ୍ଲୋକାଃସଚରାଚରାଃ ।
ସଦେଵାଃକଥୟିଷ୍ୟଂତିୟାଵଦ୍ଭୂମିର୍ଧରିଷ୍ୟତି ॥ 57 ॥
ସମାଗମ୍ୟସଦାଲୋକେୟଥାୟୁଦ୍ଧଂପ୍ରଵର୍ତିତମ୍ ।
ଏଵମୁକ୍ତ୍ଵାଶିତୈର୍ବାଣୈସ୍ତପ୍ତକାଂଚନଭୂଷଣୈଃ ॥ 58 ॥
ଆଜଘାନରଣେରାମୋଦଶଗ୍ରୀଵଂସମାହିତଃ ।
ଅଥପ୍ରଦୀପ୍ତୈର୍ନାରାଚୈର୍ମୁସଲୈଶ୍ଚାପିରାଵଣଃ ॥ 59 ॥
ଅଭ୍ୟଵର୍ଷତ୍ତଦାରାମଂଧାରାଭିରିଵତୋୟଦଃ ।
ରାମରାଵଣମୁକ୍ତାନାମନ୍ୟୋନ୍ୟମଭିନିଘ୍ନତାମ୍ ॥ 60 ॥
ଶରାଣାଂ ଚ ଶରାଣାଂ ଚ ବଭୂଵତୁମୁଲଃସ୍ଵନଃ ।
ତେଭିନ୍ନାଶ୍ଚଵିକୀର୍ଣାଶ୍ଚରାମରାଵଣୟୋଃଶରାଃ ॥ 61 ॥
ଅଂତରିକ୍ଷାତ୍ପ୍ରଦୀପ୍ତାଗ୍ରାନିପେତୁର୍ଧରଣୀତଲେ ।
ତୟୋର୍ଜ୍ୟାତଲନିର୍ଘୋଷାରାମରାଵଣୟୋର୍ମହାନ୍ ॥ 62 ॥
ତ୍ରାସନଃସର୍ଵଭୂତାନାଂବଭୂଵାଦ୍ଭୁତଦର୍ଶନଃ ।
ସକୀର୍ୟମାଣଶ୍ଶରଜାଲଵୃଷ୍ଟିଭିର୍ମହାତ୍ମନାଦୀପ୍ତଧନୁଷ୍ମତାର୍ଦିତଃ ।
ଭୟାତ୍ପ୍ରଦୁଦ୍ରାଵସମେତ୍ୟରାଵଣୋୟଥାଵିଲେନାଭିହତୋବଲାହକଃ ॥ 63 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକାଧିକଶତତମସ୍ସର୍ଗଃ ॥
